[Sun Princess]

السلام عليكم ورحمه الله وبركاته





حابه اطرح عليكم موضوع << واول مره يمكن اكون كاتبتو كلو بنفسي كككك

بما انو الجميع هنا محبين انيمي وكدا واكيد كلنا ممكن نكون تابعنا او ممكن نكون حاليا نتابع نفس الانيميات

عشان نتعرف على انيميات حلوه وننصح بعض بيها وناخذ اراء بعض



الانيمي ليست / Anime List



في ناس عاملين صفحات في النت يحطو فيها الانيميات اللي يتابعوها

يعني اتمنى من كل عضو يجي يرد يقولنا الانيمي ليست تبعو

وممكن تكون اكتر من مشاركه لو نسي يحط انيمي تابعو في الليست وكدا الموضوع مفتوح

الانيميات حتكون مقسمه على دا الاساس



1 - انيميات تابعتها Completed

2 - انيميات اتابعها حاليا Ongoing

3 - انيميات انوي متابعتها في المستقبل To watch in the future

4 - انيميات كنت اتابعها وتركتها Dropped



وتجو اعزائي الاعضاء تملو وتكتبو الانيميات اللي تابعتوها او حتتابعوها وكدا تحت كل قسم

والسبب انو تكون عارف وتفتكر اش الانيميات اللي تابعتها ( حلو للناس اللي زيي ممكن انسى احيانا اش تابعت ككك ) وغير كدا زي ماقلت عشان ممكن عضو نفسو يتابع انيمي معين يلاقي عضو تاني تابعو يسألو عنو

لانو كتير ناس يحملو انيميات ويتعبو في تحميلها ويلاقوها مو حلوه

وكمان عشان نتعرف اكتر على الاعضاء وعلى اللانيميات اللي تابعها ونشوف ونتبادل الخبرات

واذا عندكم اي استفسار او في شي مو فاهمينو في الموضوع ياريت تقولولي لانو يمكن شرحي مو واضح كككككك



اتمنى اخيرا تكون فكرتي البسيطه عجبتكم

واتمنى يكون موضوعي البسيط نال رضاكم

تحياتي اعزائي وبانتظار تفاعلكم

الموضوع الأصلي : §¤~¤ My Anime List ¤~¤§ || الكاتب : Sun Princess || المصدر : منتديات أنيدرا