[رامـآ]

الفصل الخامس ~

: أوكي بيبي أنا اتأخرت و الوقت مر بسرعه
فيصل : و يهون عليكي تتركيني لحالي ؟
منار : ههههههههه عندك صاحبك هذاك مدري ايش اسمه أظن يزن و ما شاء الله بنات الجامعه ايش كثرهم
فيصل بخوف : يعني انتي اكتشفتي انه هذا كله ما كان حب ؟
منار : ههههههههههه و المطلوب سيد فيصل ؟
فيصل : اقعدي معاي
منار : فيصل آسفه انا ما أدري ان كان حب أو لا و إلى الآن ما تأكدت ممكن شكلك يكون بس عاجبني لا أكثر و لا أقل زيي زي باقي بنات الجامعه
فيصل : بس أنا تأكدت
منار : و الإجابة ؟
فيصل وقف قدامها : إني أحبك و مقدر أستغني عنك ثانيه وحده
منار : آيآم سوري , مقدر أقول لك شيء انا مو متأكده منه و لا أقدر على يوم زياده أكذب فيه على نفسي عشان أتأكد من حب ممكن ما يكون موجود
فيصل : و إذا كان موجود
منار : الله يرحمه
فيصل : يعني بترمين حبي لك ؟ بتبيعينه برخيص ؟
منار : فيصل بليز لا تفهمني غلط بهذي الطريقه بس على ما أظن بما إني الى الآن ما عرفت ان كان حب أو لا مع كل اللي صار فأنا أظن انه مو حب و ما يحتاج اني أزرع هذا الحب بالغصب
فيصل : و اللي يقول لك انك بتسوين
منار : إكسيوزمي ؟ أزرع حبي لك بالغصب ليه ؟
فيصل : موني لا تتركيني
منار : فيصل خلاص اللي بيننا إنتهى
فيصل : لا ما إنتهى و بتشوفين
منار : ايش بتسوي ؟
فيصل : ما قالوا لك على معلومة زايده عني ؟
منار : لا إيش هيا ؟
فيصل : اني لا بغيت شيء آخذه غصب طيب
منار خافت بس ما بينت : يعني ايش بتسوي مثلاً
فيصل : منار أنا أقول لك أحبك و أبغاك , تراني مستعد أدمرك بس المهم نهايتك تكون معاي
منار : سوري فيصل صدقني لو حسيت بذرة من الحب كان ما سبتك لكن كله كان مجرد اعجاب خارجي طبيعي
فيصل : لا تعتبرينه تهديد أبداً , بس يا منار الأفضل انك ما تتركيني عشان لا أدمرك
منار و هيا رايحه من عنده : سوري فيصل , يمديك تعيش حياتك مع غيري
راحت و خلت فيصل في مكانه منهاار يطالع في الفراغ و يا ويله اللي يقرب عشان لا يطلع حرته كلها فيه
~~~~~~~~~~~~~~~~~~~~~~~~~~
و هوا جاي يمشي جنبها : هاي ~
غلا إستغربت بس ردت : هلو
رامي : اليوم كله ما شفتك وينك ؟
غلا وقفت : لا يا شيييييييخ ؟
رامي : هههههههه شوية شوية خذي لك ريلاكس لا تعصبين بس
غلا : إسأل نفسك صار لي ساعه إلا ربع معاك دحين هذي جزاتي
رامي : أمزح غلاوي لا تزعلين
غلا : لا مافي بقعد زعلانه لبكره
رامي : ليتني ما تكلمت عشان لا تتغلين زياده
غلا : هههههههههههههههههههههه
رامي : المهم ردي عليا اليوم أوكي ؟
غلا : أوكي , باي
~~~~~~~~~~~~~~~~~~~~~~~~~~~~~
: لقيييييييييييييييييتهاااااااا
ريان : قول و اللي يرحم أمك ايش ؟
فهد : لا تتزوجها
قاموا العيال كلهم فوقه و فهد تشحط محد قال له يستهبل في وضع صعب زي كذا
ريان : أحسن تستاهل
تركي : بالله دحين هذي مزحه انت و وجهك
فهد : ما خليتوني أكمل كلامي
كمال : أحسن ! عساك ما كملته قول آمين
صقر : تفضل قول إيش عندك خلصنا
فهد : دحين رزان ذي مو تحبك و كذا
ريان : اعطيني النهاية يا الدلخ
فهد : بما انها وحده تدلع نفسها و تتميلح كثير على قولك عندك , اطلب انها تخرج معاك مره وحده بس في فتره الخطوبه
صقر : ان ما إختصرت بفقعك بذي الجزمه
فهد : سوي انك تخبي عنها شيء و خايف انها تعرفه و طبعاً تبين لها و سوي فيها أي حركه المهم في النهاية تكتشف انك تكلم وحده
تركي : ها ريان إيش رايك ؟
ريان : مدري
كمال : بالنسبه ليا أقول ليش لا خلينا نجرب ممكن البنت لا عرفت انك تكلم وحده غيرها ترفضك
ريان : تهقون ؟
فهد : أهقى و نص
صقر : أوكي احنا بنرتب لك الأوضاع حسب اليوم اللي بتروح فيه و انت روح و استريح
كمال : حسستوه رايح حرب
تركي : كمال يالدلخ ترا هذي أكبر من الحرب , الحرب يعيش أو يموت بدون آلآم , أما الزواج من مصخره زي رزان هذي إنتحار بالبطيئ
كمال بغباء : أهااااا
فهد : برافو صراحه على الشرح المفصل
صقر : يبغالهم أجهزة ترد النشاط المهم يا شباب اتفقنا ؟
فهد × كمال × تركي × ريان : اتفقنا
~~~~~~~~~~~~~~~~~~~~~~~~~~~~~~~
: انا غبيه ! انا ليش سويت كذا انا غبيه غبيه غبيه
حلا : بسم الله عليك منار لا تسوين في نفسك كذا قولي لنا ايش صار
منار و هيا تبكي من يوم ما جات من عند فيصل : انا غبيه تعرفون ايش يعني غبيه ! انا ليش سويت كذا فيه و فيني ليش ليش ليش ؟
غلا : منار هدي قولي لنا ايش صار
سجى : منار الناس تطالعنا هدي و لمن تحسين نفسك أحسن قولي لنا ممكن نساعدك
منار و البكا يزيد كل دقيقه : أنا أنهيت حياااتي أنهيتها و انا لسا صغيره أنهيتها ! فيصل سامحني سامحني
حلا : موني حياتي هدي البكا ما يفيد
منار و يزيد بكاها و الجامعه كلها تسمع الا فيصل اللي ما تحرك من مكانه يحاول يستوعب انه منار سابته و انه بيسوي اللي في راسه بس يخاف تكرهه أكثر و أكثر
سجى صارت تبكي مع منار : موني حبيبتي خلاااص و ربي قطعتي قلبي
غلا و حلا تدمع عيونهم و مو عارفين ايش يسوون
منار قامت مع البنات يودونها تغسل وجهها و هيا تتحلطم و تسب في نفسها
مرو البنات من عند قروب ريان و ريان أول ما شاف حلا زاد همه كيف يرضاها لنفسه يخرج مع وحده غير حلا اللي أخذت قلبه
حلا ما إنتبهت أبداً لريان كل همها كان انه منار تقوم من صدمتها حتى لو كانت ما تبغى تقول ايش صار لها في هَـ اليوم
~~~~~~~~~~~~~~~~~~~~~~~~~~~~~~~~~~~
: لا يكون ...
فيصل : انا قلت بدمرها يعني بدمرها
يزن : انت تحب و لا تحقد
فيصل : أنا أعشق
يزن : و أحد يسوي في معشوقته اللي انت تبغى تسويه ؟
فيصل : ابغى ما يكون لها أحد غيري
يزن : الحمد لله و الشكر
فيصل : يعني ؟ بتساعدني و لا لا ؟
يزن : ترا اللي تطلبه صعب و اللي تبغى تسويه فيها بإنك .... استغفر الله العظيم
فيصل : إختصر بتساعدني ؟
يزن : يعني أكيد اللي في بالي خطأ
فيصل : ايوا خطأ
يزن : أجل ليش تبغاني أوديها .........
فيصل : انت ايش كثر ملقوف
يزن : يعني يبغالك قروب من الطراز الأول تحسباً لأي موقف
فيصل : القروب السابع صح ؟
يزن : أمممم يب هما مختصين بذي الحالات
" يزن من أغنياء الدولة و له عدة مجموعات يشرف عليها تحسباً لأي أمر يريده "
~~~~~~~~~~~~~~~~~~~~~~~~~~~

1- ليش منار تبكي رغم انه كان قرارها ؟
2- هل بتنجح خطة فهد لريان و رزان ؟
3- ايش بيسوي فيصل عشان ترجع له منار ؟
4- ايش رح يصير بين رامي و غلا ؟

أشوفكم في الفصل السادس