[R u k i a c h a n]

السلام عليكم ورحمة الله وبركاته...

كيفكم ياأعضاء .. ان شاء الله بخير..

كيف المطرسة وياكم << بررررااا..

اليوم وانا اطالع المجلة شفت قصة شعر خطيرة مرة .. قلت لأمي(الله يحفضها)

باروح اقص مثل هذه القصة..

بما ان شعري طويل وابي اقص قصة تبين طوله .. الموهم امي قالت لي وبكل برود :

((لين حجت البقرة على قرونها ))!!!

حاولت فيها ترجيتها لكن مافيه اي اشارة تدل على انها راضية ..

قلت يابنت الحلال وسعي صدرك الشكوى على الله ..

بس اللي قهرني في الموضوع كلمة ((لين حجت البقرة على قرونها ))!!

الكلمة هذه وين مارحت وجيت اطلب اسمع هذه العبارة ..

كلمة تعجيزية تخليك تتحطم وتيأس تعيد الطلب ..

مثلا الولد يبي شريط بلاستيشن يقول ابوه (( لين حجت البقرة على قرونها ))

والبنت تقول لأمها ابي عروسة فتقول الأم((لين حجت البقرة على قرونها ))

والطالب او الطالبة يقول للمدرس/ة ابي حصة فراغ فيقول ((لين حجت البقرة على قرونها))

يعني ماراح يتحقق شئ إلا إذا حججنا هالبقرة !!

الظاهر اني بأحجج هالبقرة على قروناها !!

وبحجج معها محرمها الثور عشان مايقولون ان الحجة باطلة..

واول ماأحججها راح تنحل مشاكل كثيرة ..

مثل الولد يقدر يشتري شريط بلاستيشين ..

والبنت تقدر تروح تجيب عروسة ..

والطالب /ة يقدر ياخذ حصة فراغ ..

وناس كثار بتنحل مشاكلهم ^^ << يعيني على التخطيط!!

بس كل واحد مسؤول عن بقرته ..

يحججها وخليها تعتمر وبعدها يبشر بالخير^^

وعشان اسهلكم بأفتح في الرياض فرع لتحجيج البقر والثيران..

اللي يبي يحجج بقرته والثور يقول لي عشان اعطيكم الوصف..
هذه فكرة طقت في راسي عشان نلاقي دواء لهذه الكلمة ^^

أخيرا..

اعذروني إذا الموضوع ضايق احدكم .. وان شاء الله وسعت صدوركم ..

اتمنى لكم كل الخيرو التوفيق .. وان شاء الله تتحقق كل رغباتكم


في امان الله..

الموضوع الأصلي : !!>><< لين حجت البقرة على قرونها >><<!! || الكاتب : R u k i a c h a n || المصدر : منتديات أنيدرا