و الله فكرة الموضوع مررره خطيره انا يومي الرمضاني كا الاتي نقوم من الساعة 3 العصر انا و امي و اختي نبدأ نسوي السمبوسك او البف و بعدين ماما تسوي الشوربة الله يخليها يارب ولا زم تصير رجة عشان المقاضي او المويه تخلص في داك العصر محد من اخواني يرضي يخرج من البيت او حتى يقوم من النوم الله يهديهم و بعدها على الساعة 6 المغرب نسوي السفره و بابا يسوي العصير لانو هو من اختصاصو يعني يزبطه و عشان بابا الله يخليه يارب يدخن فيصير مرررره معصب و متوتر في رمضان فلما يشرفنا في المطبخ كأنك حطيتي حطب في النار و اوقات بابا تجيلو هبقات يكون مررره مروق و يدخل المطبخ بس عشان يخربط في الطبخ يحب يسوي كدى و ماما دينها و دين الي يلعب في طبخها او يسوي فيه شي و عاد بابا مايقصر يحط لكل شي فلفل اسود او كمون هادا الي يعرفو هههههههه وقتها انا اخرج من المطبخ و اسوي نفسي بسوي السفره الي اصلاً خلاص سويناها المهم اخرج من هادا الوضع المشحون و بعدها نقعد نتفرج على المسلسلات و زي كدى وبعدها يجي دور الموعين و نقعد انا و اختي نتضارب مين عليها موعين الفطور اليوم و تصير ماما تصيح علينا و تحكينا عليها هي و اختها انهم كانو قلوبهم على بعض و مايتضاربو عشان موعين مشاء الله عليهم و على الساعة 2 و نص نتسحر و تقعد العيله كلها و نتكلم و نتناقش هادا احسن وقت عندي لما كلنا نكون مجتمعين و في النهايه بعد ما يأذن نقعد انا و اختي على النت الى الساعة 9 او نقرأ قران الله يهدينا يارب بس هادا كل شي سوري على الاطالة بس ما اعرف اختصر و شكراً منجد على الموضوع مررررره حلو و ممتع
صور أنمي : Inu x Boku SS ^^ je suis malade copic markers ??? سؤال مهم الي يعرف يفيدني ^^ رسمتي ببرنامج الرسام لاول مرة في النت ^^