السلام عليكم ورحمه الله 3>
ماعرف ايش حقول او من فين حبدأ،، دوبني دي اليومين طحت على روايتك بالصدفه مااشاءالله له الاسلوب سحرني لأبعد شيء ممكن تتصورينه، طريقه تسلسل الاحداث وسردك لها بجد دخلتني عالم تاني ماكنت حاسه بنفسي ابداً ابداً
الكلمات اللي تستخدمينها لوصف الاحداث جميله وطريقه وصفك كمان3>
الشخصيات كمان ماهي تقيله وكل واحد له دورو في القصه، حابه اقولك ان مشاعرهم بتوصلني،،مرات حتى لا اراديا اكتشف ان تعبير وجهي يصير زي تعبير الشخصيه XD
ماضي جون ومشاعر جون الحالية وكيف أنو استوعب فكرة عمله!، روز واللي تواجه من تشتت ، كاثرين مصيرها لدحين مجهول، ريتشارد ويليام روي وجيمس،، جميعهم شخصيات عظيمه عظيمه،،
بجد روايتك أعتبرها من الأفضل وهيا لسا ما اكتملت، فبتمنى بتمنى تكمليها لأنو الأحداث اللي وقفتي فيها أشغلت عقلي ^^"
تحطمت لما عرفت انك وقفتي لهنا، كان عندي فضول قاتل من ناحيه روز وماضيها،، ليش لدحين ماجاء شيء عنها؟ كمان جاتني فكرة روادتني،،ايش حيصير لو كانت هيا نفسها جوليا؟ فقدت زاكرتها؟! ماني عارفه،،
كمان ايش كان كريس خايف يقول لجون؟! وهو اصلا مين الرجال اللي قابله،، يمكن يكون كريس عارف انو...بجد ماني عارفه
كمان لو حدث وكانت روز هيا نفسها جوليا ايش حيكون شعور جون ماقدر اتخيل ابدا كيف حيكون الوضع،،
بلييز كملي روايتك لأني بجد تحمست معك وخرام روايه زي ذي وبالمستوى الخارق دا تتوقف،،
وعندي امل كبير كبير انك حترجعي تكمليها
وبالتوفيق ياعزيزتي3>~~