فكره عامه عن99% من الناس اللي راح تشوفهم في الجامعه!!

[fanoo]

فكره عامه عن99% من الناس اللي راح تشوفهم في الجامعه!!

Tweet

لإزالة كل الأعلانات، سجل الآن في منتديات أنيدرا

السلام عليكم

احصائيه ممكن تفيد اللي توهم متخرجين ثانوي عشان ياخذون فكره عن الاشكال اللي ممكن يقابلونها في الجامعه
وحتى للي توه داخلها اومخضرم فيها يمكن يشوف نفسه في واحد منهم او مر في هذ النوعيات

نبدا بأول شي:

الطالب الفكري

هو اللي مافي اي درس الا يقاطع واقل شي يسأل446 سؤال !!
ويستعرض ثقافته وانا مره ذكي وعبقري ..غير ان الاساس الدكتور ماخذ دكتوراه في اللي يدرسه بس الا وينشب ويقعد يحاول يثبت الدكتور غلطان في كل درس
بأسألته وفلسفته الزايده.. واللي نصها غلط


البنت الغبيه اللي تنرفز بلد

هذي لازم تدخل في اي مناقشه ممكن تصير حتى لو ماعندها سالفه وماتدري وش تقول
ولازم في كل جمله تقولها هالكلمتين"اممممم"و "مثلا" اقل شي 10 مرات بين كل كلمه وكلمه
وطبعا هذا النوع عليه ذوق في الملابس الله لايوريكم
كل اللي عليكم تسونه تحاولون تلهونها بأي شي عشان تسكت

نازي الدراسه

جاي للجامعه لسبب واحد وهو انه ياخذ احسن درجه ولكن للأسف مايكون مره ذكي
ويعاني في الدرسه بس هذا الشي مايوقفه انه يوري كل اللي معه
طول المده اللي قعد يدرسها للكويز اللي مكون من 5 اسئله
و فيه كثير من اول واحد الفكري يعني نفس طقته
ومن كثر ماهو حافظ دروسه والنوتس اللي كاتبهم لا تسأله ابدا تحت اي ظروف عن معناها لأنه مايعرف
يعني صام الدروس على الفاضي


طالب الحاسب

تقريبا هم السبب بعض الاحيان اللي مايخلونك تروح لكلاسك
مايتروشون الا مره في السنه ومايلبس الا الجابنييز فيديو جيم تيشيرت الخطير
ومهما بعدت عنه ريحته تتطاير في الغرفه ويمديك تشمه على بعد كيلو
ومو فاضي لأي شي ويجيك عبقري في الدراسه بزياده
وبعضهم يكونون نرديين مرره بس نظاف



الطالب الاجنبي

هذا الانسان احسن شي ممكن يسويه " الدراسه " يعني مستوى الطلاب الي معه في الكلاس يكون 45% بينما هو يكون
مستواه 1226% في الماده
تقريبا يدمر لك اي فرصه كانت لك في انك تعدي وتنجح لهاالماده
وهذي الاشكال تقدر تميزهم بأنك بتلقاهم في مكتبة الجامعه قبل ماتجي وتطلع وهو توه ماخلص شغله
وغالبا يكون لابس نفس اللبس طول السنه

مجنون الانمي

قليل ماتلقاهم في تخصصات غير الكومبيوتر او يدرسون لغه ياباني
ويجونكم لابسين تشيرتات مكتوب فيها ياباني
او تيشرت عن الانمي اللي يحبه
ويمشي ويحس انه اكشخ انسان وهو لابسه
حاول انك ماتسولف معه خارج عن نطاق الدرس اللي تاخذونه معه
لأنه ممكن يصير معك هذا الشي:
انت:اهلا..كيف الحال؟
هو:شفت الحلقه 144 من (اي انمي)اللي يوم قوة الضوء قتلت الدراقون وانقذت العالم من الدمار الشامل!!
انت: اممم.. لازم اروح الحين!


المهووس بالفاشن

هم اللي مره يهتمون في لبسهم ومره كشخه
ويلبسون من ماركات ماقد سمعت فيها ويكونو من النوع المهايط اكثر الاحيان
وتجيك لابسه البنطلون اللي كان مخيط يدويا في تايوان واللي كانت كلفته 1000 دولار
ومن هالطقه

الطالب الاجتماعي

هو اللي يجيك من اول يوم ويطق الصداقه معك وياخذ رقمك
ومن بعدها ماعد تشوفه الكلاس الثاني ماجا ولا اللي بعده وتستغرب انت ذا وينه؟
لما اختبار نص الترم فجأه تجيك مكالمه منه ويقولك تراني ماجيت الاسبوع اللي فات وفاتني الكلاس
ممكن تعطني كل النوتس حقتك اصورها ؟وايه ماودك نطلع انا وياك نتقهوى في مكان ولاشي؟
وطبعا يسحب عليك لما يجي الفاينل ويدق عليك ويعيد الموال حقه ممكن النوتس اللي قلتلك عنها
وماقلتلي ايش رايك نطلع نتقهوى في مكان!!!!
خمبقه زايده عن حدها اكرههم وياكثرهم وماأتوقع احد ماقد مر بهالاشكال!!!

السطحي واخر همه الدراسه

سهل انك تعرفه هو اللي يقعد لك في اخر الكلاس وفي العاده ياخذ له
غفوه 10 دقايق ونادرا ماتلقاه يتذمر عن الدراسه ولا كيف مره صعبه الماده او انها طويله
وهذا النوع نادرا جدا انك تشوفه في مستويات اعلى

الدواااافير
هو اللي تلقاه جاي مره بدري للكلاس ولو انت نفسك جاي خمس دقايق قبل الدرس
ويستخدم كل اللي في الشنطه من قلم لدفتر وكل شي عشان يستحل على الصف الاول كله
في حجز الكراسي لأصدقاءه اللي يجون بعد خمس دقايق من بداية الدرس


الطالب الوهمي

اللي ماتشوفه الا في الكلاس يجي ياخذ درسه ويسوي كل شغله وبس ويكون عادة هااادي
وبعدها ماعد تشوفه يعني مستحيل تشوفه وانت برا الكلاس



الطالب اللي تلقاه في كل مكان

تشوفه معك في الكلاسات يكون حاضر تقريبا شاطر
ومشترك في اكثر من نشاط في الجامعه وعنده شغل بعد الدراسه
وهذا الشي ماأثر على حياته الاجتماعيه يعني تشوفه في العزايم والحفلات
وتقريبا هذا النوع من اغلبية الناس اللي ممكن تشوفهم واونسهم


هذاك الولد او هذيك البنت

هذا النوع ماتعرف وش سالفتهم في الحياه! دايما تشوفهم وماتعرف هم يدرسون في الجامعه ولا وشو؟
وتلقاهم يتمشون في الاسياب ويعرفون ناس كثير وتسمع قصص عنهم من 3-4 سنين
ويشتركون في كم نشاط كمان
وغالبا يكونون عيال الاساتذه


وبس ان شاء الله اخذتو فكره عنهم

الموضوع مفتوح لتجاربكم مع النوعيات الغريبه اللي تقابلونها واذا شفت نفسك في واحد منهم
مايمنع انك تشاركنا شخصيتك!


*الكلام الموجود لايعبر عن رأيي الشخصي فالاحد يزعل منه ويطب علي هو شي قريته حسيته مره معبر وحقيقي مره فترجمته بطريقتي الخاصه وخربطت كم شي

الموضوع الأصلي : فكره عامه عن99% من الناس اللي راح تشوفهم في الجامعه!! || الكاتب : fanoo || المصدر : منتديات أنيدرا

[غابرييلا]

شكرا على الموضوع الحلو.....
واكيد هيفيدني لأني السنة الجاية رايحة على الجامعة,
شكراوتقبلي تحياتي

[SaYa~San]

ههههههههههههههههههه

حلو هالموضوع

ضحكني

بنستفيد منو بس نروح الجامعة

بعد كم سنة "^^

اريغاتو خيتو على المعلومات الختييييرة

ننتظر جديدك

[ماكي كون]

مجنون الانمي

قليل ماتلقاهم في تخصصات غير الكومبيوتر او يدرسون لغه ياباني
ويجونكم لابسين تشيرتات مكتوب فيها ياباني
او تيشرت عن الانمي اللي يحبه
ويمشي ويحس انه اكشخ انسان وهو لابسه
حاول انك ماتسولف معه خارج عن نطاق الدرس اللي تاخذونه معه
لأنه ممكن يصير معك هذا الشي:
انت:اهلا..كيف الحال؟
هو:شفت الحلقه 144 من (اي انمي)اللي يوم قوة الضوء قتلت الدراقون وانقذت العالم من الدمار الشامل!!
انت: اممم.. لازم اروح الحين!

هههههههههههههههههههه موضوع حلو و شيق حق اللي بيروحون الجامعة

هذي عجبتني أظني كلنا مجانين الأنيمي و الدراما هههههه

[..memo..]

طالب الحاسب

تقريبا هم السبب بعض الاحيان اللي مايخلونك تروح لكلاسك
مايتروشون الا مره في السنه ومايلبس الا الجابنييز فيديو جيم تيشيرت الخطير
ومهما بعدت عنه ريحته تتطاير في الغرفه ويمديك تشمه على بعد كيلو
ومو فاضي لأي شي ويجيك عبقري في الدراسه بزياده
وبعضهم يكونون نرديين مرره بس نظاف

<<لاحرااااام مو كلنا كذا

السطحي واخر همه الدراسه

سهل انك تعرفه هو اللي يقعد لك في اخر الكلاس وفي العاده ياخذ له
غفوه 10 دقايق ونادرا ماتلقاه يتذمر عن الدراسه ولا كيف مره صعبه الماده او انها طويله
وهذا النوع نادرا جدا انك تشوفه في مستويات اعلى

<<يذكرني بنفسي أحيانا ههههههههه

يسلموووو عالموضوع النااايس