..×.. تقرير عن الأنيمي المجنون ynsh ..×..

[HanaYome~]

..×.. تقرير عن الأنيمي المجنون ynsh ..×..

Tweet

لإزالة كل الأعلانات، سجل الآن في منتديات أنيدرا

آلسلاآآآمـ عليكمـ و الرحـــمة ~

كونيشي وااا ميناااا ..

اشحالكم علومكم ؟؟

من فترة شايفه أنيمي غبي .. قلت أنزل تقرير عنه هههههه ..
طبعا بالعنوان اختصرت الاسم لأني مو قادره أحفظه من طوله ..
و كتبت الأنيمي المجنون لأنه صدق مخابيل اللي في الأنيمي خخخخ ..

و ملاحظة .. شفت تقرير لنفس الأنيمي بالمنتدى هنيه ..
بس مب مشكله صح ؟! بمآ أنه جهد شخصي و مب منقوول ~ .. ^^
و شي ثآآني .. ترآآ كاوايي نكي بمنتدياآآت ثانية .. يعني مب منقوول ^^

المهم .. بسم الله بدينا ..

معلـومآآآت عنـ اآآلأنيمي ~

اسم الأنيمي : Yamato Nadeshiko Shichi Henge
تاريخ الاصدار : October 3, 2006 – March 27, 2007
جهة الاصدار : Nippon Animation
عدد الحلقات : 25 حلقة
النوع : رعب 100% - كوميدي 90% - رومانسي 10%

اسم المانجا : The Wallflower
سنة اصدار المانجا : 2000 .. و مازال مستمرا
الفوليومات : 24 فوليوم

قصة الأنيمي :

القصه عباره عن أربعة شباب وسيمين و ذو شعبية عاليه جدا ..
جمعتهم الظروف لكي يعيشوا في قصر واحد ..
مالكة القصر تطلب منهم أن يحولوا ابنة أخيها من فتاة معقده إلى
آنسة مجتمع راقية ..
و اذا نجحوا في هذا الأمر .. تعفيهم عن دفع الايجار ..

آآلشخصيــآآآآت~

سوناكو ناكاهارا

بطلة الأنيمي الرئيسيه ..
فتاة معقده جدا تحب الظلام و تكره النور ..
السبب في تعقيدها أنها كانت تحب أحد الشباب لكنه ( العبيط )
قال لها يوم اعترفت بحبه : أنا أكره الفتيات القبيحات ..
لذا ابتعدت الفتاة عن كل ما هو انثوي في هذا العالم ..
و لم تعد تهتم بنفسها أبدا ..
و تقضي الساعات الطويله أمام التلفاز في حجرتها المظلمه
تتابع أفلاام رعب ممنوعة من العرض خخخخ

رأي شخصي : و الله عيبتني هالبنت وايد ..
بس مرات كان خاطري أصفعها ..
ما يسوى عليها قال لها قبيحه راحت اعتزلت العنصر البشري ..
و الله غيره مليون ..
و بعدين يا ريت لو حلو كنت بقول يسوى ..
اللي ما عيبني فيها تشاؤمها .. وايد متشائمه ..
مع أنها حلللوه بس دايما تعتبر نفسها قبيحه ...
اللي عيبني فيها حبها للرعب خخخخخ ..
و شجارها المستمر مع المخلوق المبهر ( كيوهي ) ع قولتها خخخ

كيوهي تاكانو

فتى يمتلك قوة بدنيه عاليه ..
و غير قوته يمتلك وجها جميلا كان السبب في طرده من المنزل ..
يكره الفتيات اللاتي يلحقنه و يتمنى دائما ضربهن .. و يحب الأكل بشكل غير طبيعي ..
( عادي يقعد اليوم كله ياكل ولا يحس ) ..
عصبي لا يحب ان يرى سوناكو قابعة في غرفتها مع أشباحها ..
لذا دائما يذهب لها و يبدأ معها الشجار ..
لكنه أكثر من يتفهمها و ينقذها من الكثير من المواقف ..
أكثر شخص تلحقه الفتيات .. و هذا الشيء يثيره كثيرا ..
دائما ( يفشلهم ) ولا يلقى لهم بالا .. لكن ( شو يفهم البنات ) ..
سبب وجوده بالقصر : وجدته مالكة القصر في الشارع في حالة يرثى لها ..
( كان الوقت اللي طردته امه من البيت ) ..
و عرضت عليه فكرة أن يعيش معها .. و لأنه لا يملك مكانا يذهب إليه وافق ..
و هنا تعرف على الثلاثة الآخرين ..

رأي شخصي : أحلى شخصية بالأنيمي هو كيوهي بصراحه ..
حبيت ضراباته اللانهائية مع البنت ..
و لا يوم تصرخ عليه تقول له لا تطلع جدامي ( تناديه المخلوق المبهر ) ..
و هو يتعمد كل ما يسبح يروح غرفتها ( اونه يكون مشع خخخ ) ..
دايما يفهم البنت و ان كان ما يبين هالشي ..
و دايما يساعدها بطرقه الخاصه مع انه دفش بشكل غير طبيعي ..
و عاد أحلى شي يوم يمرض و يطلبون من البنت تعتني فيه ..
يتطلب ع كيف كيفه .. يبي فراوله – روب بالفراوله – عصير بالفراوله – كيك بالفراوله ..
و ما ادري خمي و نظفي و شلي و سوي
<< تراه يعتبر البنت خدامه >> يا ويله من عمة البنت خخخخ

تاكاناجا أودا

شخص هادئ و بارد لا يهتم كثيرا لما يجري من حوله ..
من اسرة يابانية عريقة ..
ارسلته العائلة إلى مالكة القصر لأنه اصبح
انطوائيا بشكل كبير ولا يتحدث مع احد ابدا ..
يحب فتاة معه في المدرسة تدعى نوي تشان
( يناديها نوي تشي ) .. و يفعل المستحيل من أجلها ..
له شعبية كبيره بين البنات لكنه لا يلتفت إلى أحد لكونه يحب نوي ..
يتميز بالحكمة نوعا ما .. و نظرته دائما واقعية للأمور ..

رأي شخصي : بصراحه يعجبني هدوءه و رزانته ..
أحسه واحد زقرت الصراحه .. و أحبه يوم يدافع عن نوي ..
وبعدين يحمر ويهه و يبي يتعلث ما يعرف شو يسوي بروحه ..

رانمارو موري

هذا عاد مغازلجي نمبر ون ..
سبب وجوده بالقصر أن والديه سئما من تدليله و ضياعه ..
لذا أخذته مالكة القصر لتدربه على تحمل المسؤولية ..
حبه للبنات شي مو طبيعي .. يمووت إذا ما حصل له بنت بيومه ..
شعبيته واسعه بين البنات ..
و هو اللي عادة متكفل بسالفة البرستيج و المكياج
<< يا عيني عيني ..
دائما يعتمدون عليه اذا السالفه تخص بنت لأنه الأدرى فيهم بحل مثل هذه المشاكل ..

رأي شخصي :
يعيبني يوم يتخبل .. دائما يمدح روحه و ما أدري شو ..
مرات أحس ابي اصفعه ..
بس بصراحه احبه مع انه مغازجي .. أحلى شي يوم يحس روحه يحب وحده .. و يحصلها ويا تاكاناجا ..
( و هو نوي تشي تكون قاعده عنده ) .. عاد هاليوم يسوون اللي ما يسوى و يتضاربون الاثنين ..
و كل ما راح يوكي ( الولد الرابع ) ..
عن كيوهي يقول بطل من بينهم يقول
مالت عليهم سخيفين ما عندهم سالفة يتضاربون على بنات
<< هههههههه و الله انه فن ..

يوكينوجو توكوياما

والده ذهب إلى رحلة عمل ..
و تركه بمفرده لذا ذهب يعيش بالقصر ..
لدى وصوله بالقصر حصل امامه تاكيناجا و رانمارو..
هو ارق واحد فيهم .. الاثنين هاذيلاك كانو يتشاجرون على أتفه الأسباب ..
او لا يجتمعون ابدا .. ( تاكيناجا بغرفته يقرأ ) .. و بو رانمارو بغرفته و معاه درزن بنات ..
و اذا يا وقت الشغل ما يبون يشتغلون .. و هذا كان يقهره ..
بالعاده هو أكثر واحد يصيح فيهم ..
و اذا عندهم مسرحيه ولا شي تمثيلي بالعاده
يلبسونه ملابس البنات و هو يكره هالشي
.. يبي يستوي نفس كيوهي شخصيه و ما أدري شو ..

رأي شخصي : أحسه كيووووت ..
خاصه يوم يحاتيهم و يبي يتعلم منهم .. ولا يوم يصيح
( ترا البنت جنييه تخووف خخخ )
.. بس مرات احس لو مخلين ملامحه شبابية كان أحلى ..
بس بعد حلو هو ..

أحلى شي في الأربعه أنه كل واحد يحاتي الثاني و يعتبره من العائله ..
و يوم اتيي البنت .. تستوي وحده من العائله ..
و ان كانو يخلونها تسوي كل الأشغال بالبيت
( مره تمرض البنت و يضطرون هم يسووون الأشغال ..
و لا إله إلا الله .. ما يقدروون يسوون شي موول .. و الثياب المو مغسوله تتكوم ..
الصحون تنكسر ..
الغبار يلتصق بالجدار ..
شي مو طبيعي يستوي بالقصر .. حتى انهم يلبسون ثيابهم مالت المدرسه و هي مو مغسوله
و ما ادري شو .. ويروحون المدرسه و هم جبدوهم لايعه من اعمارهم خخخخ ..
بس بعدين ما ادري شو ينزل عليهم و يسوون الشغل كله
<< يوم يحسون بالبنت و معاناتها ) ..

الموضوع الأصلي : ..×.. تقرير عن الأنيمي المجنون ynsh ..×.. || الكاتب : HanaYome~ || المصدر : منتديات أنيدرا

[HanaYome~]

مالكة القصر

هاذي غريبه عجيبه .. كل مره تطلع لهم بشكل ههههههه ..
و كل مره ترمس بلغة الله أعلم من وين تعلمتها ..
وحده طيييبه الصراحه وايد حبيتها و حبيت اهتمامها بالأربعه كأنهم عيالها
( مع أنها مو كبيره وايد ) ..
تروح تسوي رحله حول العالم تبحث فيه عن الحب خخخ ..
صدق غبيه .. بس بعد طيوبه وايد و حلوه

نوي تشان ( نوي تشي )

هاذي وحده حبوبه و حلوه ..
مع اني ابدا ما احب البنات بالأنيمي بس بمدحها شوي خخخ ..
لأنها وايد طيبه مع البنت و دايما تحاتيها و تساعدها ..
و أحب حبها لتاكاناجا

هيروشي - جوزيفين - جورجي - جون - أكيرا

هاذيل ألعاب الحلوه سوناكو ..
عاد أغلاهم هم هيروشي ..
و عاد يخطفونه مره و حاله و تروح تبي تنتقم و ما ادري شو و تقعد
تصيح عليه طول الليل ههههههه
ولا جوزيفين و جورجي يتزوجون و الله مصصصخره
و تسوي لهم عرس و حاله ههههههه غباااء ..

تاماو كيكونو

هاذي ما أدري من وين تطلع .. يبون يزوجون رانمارو بها ..
و هو عاد ما يبيها يسير يسوي أشيا غبييييه يضحك ..
بس بعدين نوعا ما يحبها .. بس ما ادري شو سالفته ..
يغار عليها بس يقول ما احبها .. ما ادري شو مشكلته
المهم هي طيوبه وايد و حبوبه .. و كله بكوم و خادمها المخلص بكوم ..
ولا سيباستيان الصراحه هههههه

و هنيه نكون خلصنا من التقرير ..
فيه شخصيات غبيه ما ذكرتها لأني مو متفيجه لها الصراحه ..
تقييمي للأنيمي ............... 5 من 10 !!!

بتقولون ليييييش و كل هالتقرير و حاله ..
و الله البدايه كانت قويه و حلوه ..
بس بعدين مصخوها الصراحه << الصراحه راحه مو تقولون هآآنايومي~ سوت تقرير و حاله
و عذبتنا و عقب طلع الأنيمي مب بالمستوى
>>> ابو التحطيم خخخخ
يعني في أحداث روووعه
و بصراحه لازم تنحل بطريقه ثانيه .. بس صدق صدق مخربينها ..
يمكن كانو يبون اييبونها بطريقه كوميديه و ما عرفوا كيف
<< جان سألوني و حليت لهم أزمتهم بدل لا يخربون الأنيمي >> عداال خخخ
و بعدين البنت كله حجمها صغير ..
ما ترجع لحالتها الطبيعيه إلا نادرا .. كله قزمه و شكلها عبيط ..
و هالشي مخرب عالأنيمي بعد .. أرد اقول يمكن كانو يبون يسوون فكره يديده ..
بس بصراحه تملل المشاهدين ..
لكن الأنيمي حلو فيه أشيا تفطس ضحك ..
حتى أني حلمت بكيوهي .. شو تبون بعد ؟ خخخخخ

ما تم شي غير أنهم بيطلعون ليف آكشن للأنيمي بطولة كاميناشي كازياآ ~
الرابط للي يبا يقرا التقرير ~ ..

..×.. مسَلسلْ كآآميناشي~ آليديد ..×..

خلص التقرير ~ .. طبعآآ اللي يبا ينقل ~ .. حقوق الطبع محفووظة لـ Yakusoku~ Team

[HanaYome~]

تسلمين حبيبتي عاآلمرور ~

[sмαsм]

مشاءالله تقرير ولا أروع

كامل مكمل ومرتب ويفتح النفس

ألف شكر على المجهود الجميل منك

يستحق التقييم ^_^

[HanaYome~]

مروورج هو اآلأروع فديتج ~

العفوو غلاآآية .. و لا تحرميناآ من طلتج الغآآوية ..

و صآآنكيو عالتقييم حبيبتي ~ ..

لاآآ هآنج الرب ~