منتديات أنيدرا الدراما الكورية و اليابانية



الملاحظات

المدارس و الجامعات الدراسة وما يتعلق بها من بحوث و تقارير وحل واجبات

 
 
أدوات الموضوع انواع عرض الموضوع
  #1  
قديم 09-09-2011, 02:32 AM
الصورة الرمزية ~السلطات العليآ~
~السلطات العليآ~ ~السلطات العليآ~ غير متصل
أنيدراوي متميز
 
معلومات إضافية
الانتساب : Oct 2009
رقم العضوية : 49893
المشاركات : 748
 
  علم الدولة: علم الدولة United Arab Emirates
Icon (45) خذها مني نصيحة ^^مذكرات طالب!!

الســــــــــــلام عليكم^^

كيفكم؟؟؟ اشتقت لكم والله ~
هالدراسة ع الأبواب يومين<<بالنسبة لإمارتي الحبيبة >> وبنرد ع الدراسة و الكرف خخ
هالمرة غييييييييييييير
هالمرة لطلاب الجامعة بالتحديد<< YES I MEAN YOU
لا لكل خخخ
بس خلونا نبدأ و هذا موضوعي:
فيه ذكريات إن شاء الله تعيبكم بنزلها كل يومين جزء منها << القنوات مب أشطر مني كككك
و بعدها كم نصيحة إن شاء الله تفيدكم
بس لازم تشاركوني ها تقريباً موضوع مفتوح
حطوا ذكرياتكم و نصايحكم
خلونا نكون مميزين بنصايحنا
صح ما عندنا خبرة شيخن حكيم و لا أم خاضت الهم والضيم بتفاني
بس أنا واحد من ها البشر أتعلم و بإذن الله أعلم و أفيد
ما نبغي تكرير نبغي تميز و أبداع
يعني "نجتمع لنرتقي"

يلا بسم الله ~_~

طالب يديد و ما عندك خبرة؟؟
تقرين أوراق التسجيل و ما تفهمين غير أسعار التخصصات؟؟حتى انك تستغربين أنه اسم الجنسية [خلاصة قيد]!!!!!!
تروحين الجامعة و تستغربين من وجود العلم فأكبر ساحة فالحامعة و بين الكليات و ما تعرف ليش ما تحيونه؟؟
ما تعرفين متى تخلص الكلاسات لانج متعوده ع الجرس؟؟ومستغربه أن السير ما يا الكلاس بعد و تنصدم أنك انت الي لازم تروح له؟؟؟!!!!
ولما يدخل السير تستحين و ما تعرفين تتكلمين و تنسين كل الإنجليزي حتى what's your name تجاوبين عنها بيس؟؟!! لانه سير !!! و اختارج من بد للبنات ليبدون التعرف ع بعض!!!!!!!!!!
تبغين تمين ويا صديقات المدرسة و تصير عيونج كلها دموع و تغصين ففيها لما يقولون لج كلاسنا مب وياج؟؟؟

0
0
0
0
واااااااااااااي أنا كنت جيه والله
بس ألي اصعب من جيه و جيه ها الأسئلة




بابا يباني ادخل طب <<معاشهم راهي و قامين بذاتهم شايل شهادة و فخور بذاته و الوالد هنا يفكر بالمستقبل و يخاف تشوف أو تشوفين ألي شافه من تعب وضيم
ماما تباني أدخل شريعة أو رياض أطفال << ما تباني أتعب فالدراسة و أكون فآمن مكان و اشتغل بين الحريم عسب اتجنب الاختلاط و أكون مرتاحة و معاشي أي لعندي و ما عندج غير تعلمين فها اليهال وتيلسينهم حولج و اكتب هذا وامسح هذاك و غنوا وراي و كل خراريف بيتهمم عندج و الخرييط هم القدوة فيه
أخوي ما يباني لا هندسة و لا بزنسس شغل فيه ريايل و دراسة مختلطة ما فيه!!!
أختي تبين ادش وياها ناسيه انها بتتخرج وبتبهدلني و نصيحة أخذ الي بتأخذه اخت ربيعتها الي في عمري عسب نكون كلنا ربع وتسهل روحتنا و ردتنا لبيتهم خخخخخ!!!
خالوه تشجع الهندسة
و عموه العلاج الطبيعي
وعمي مع الرياضيات و الكيمياء
و خالي مع الأكاونتينج


وأنا
أنا
أنا نسيت شو كان حلمي !!!!!
كل ما قلته ضحكوا علي و قالو انتي مب فاليابان ولا طاقة نووية و لاهندسة كيميائية
نحن فدولة من العالم الثالث بلا خيال و مش كل الي ينقالفالتلفزيون نصدقه
ما أقدر اساهم في اعادة التدوير ولا تطوير و لا تفعيل ولا ولاولا......


و هذي تجربتي!!

دخلت تخصص قريب من حلمي
ولا صليت استخاره ولاهم يحزنون لانه الكل كان ييمدح فيه و يعد القصيد
فحبيته غصب كان تخصص يديد و يشجع
ودشت ويياي ربيعتي في نفس التخصص
عدت ايام الليفل حلووووووووه مع انه محد من ربعي أيام المدرسة كان وياي <<ما أدري كان فيه وحده ولاهنتين بس نجحوا قبلي و غيرهم حول لتخصص بالعربي
المهم بديت دراسة فها التخصص وياي بنات توني تعرفت عليهم فالكورس الثاني من اليفيل <<سنه كامله لليفيل باكالريوس توفل خخخ<<ترا أنا أدرس فجامعة الشارقة عسب جيه وووو حبتين^^
كانت البدايه وناااااااااااااااااااااسه أنا ربيعتي حبيبت قلبي كانت وياي من أيام المدرسة الروح بالروح استايلها مثلي بس فيه شويت اتكاليه و أنا أعرف ومشي عاااااااااااااادي


المشكلة ما كانت فيها أبدا المشكلة كانت فربيعاتي اليداد كرهوني اياها لآخر درجة حتى اني كرهت صوتها والله
و كنت كل ما أشوف عليها زله خبرتهم و هم يقولون شفتي ما قلنا لج>>سبحان الله كيف يوم تكرهين انسان ما تصيرين تشوفين الا عيوبه
T_T

هاي كانت بس بدايت الحكاية
و الباقي ...
الأحد إن شاء الله^^
ترقبوني

يلا شدوا الهمه و لاتنسون التقيم
و أبا الذكريات و النصايح
و هذي أول النصايح


برب....

الموضوع الأصلي : خذها مني نصيحة ^^مذكرات طالب!! || الكاتب : ~السلطات العليآ~ || المصدر : منتديات أنيدرا


رد مع اقتباس
 

الكلمات الدلالية (Tags)
خذها, نصيحة, ^^مذكرات, طالب!!

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 09:57 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا