لااااااااااتفوتكم القصة اكثر من راااااائعة, بكيفكم إذا ما دخلتم وشفتم....^^

[YONA]

وهذا تكملة الجزء.....^^


بدا الوليد ياخذ الاغراض ويحطها بالسياره وطلعوا لينا + ديمه يركبون السياره ودخل الوليد يجيب آخر شنطه وقال بدربي اقول لــريم يالله
قرب من باب الغرفه وسمع صوت شهاق وقف عند الباب شوي ..
ريم : الله يرحمك يايمه رحتي وخليتيني ليييييييش ؟؟
انا من لي من بعدك ؟؟؟؟ انا من بيدلعني ويقول لي ريامي ؟؟ من بيمسح على راسي ؟؟ مين بنام بحظنه يوم احس بضيق ؟؟ من بكلمه عن المدرسه ؟؟ ويسألني بكل اهتمام .. من يهتم بشؤوني ؟؟
الوليــد : حز بخاطره هالكلام وكان شوي لايصيح معها ..
الوليد : احم احم احم احم ..
ريم : حست بوجوده ومسحت دموعها وقالت يالله ؟؟ وقامت من مكانها بس الوليد دخل الغرفه وقرب منها وقال لها مابي اسمعك تقولين هالكلام ثاني احنا كلنا اهلك وزوجة عمي هي امك وفيصل وابراهيم اخوانك وديمه ولينا اخواتك وهذا انا قدامك فاقد امي وابوي بعد مو بس امي
فقدتهم في ليله وحده ومااحس الا كانكم اهلي .. وزوجه عمي هي امي وانتم اخواني وعمي هو ابوي ولا ناقصني شي والحمدلله
ادعي لها ياريم حقك على امك تدعين لها .. انتي ماتدرين ان الصياح يعذب الميت بقبره !!
ريم : الله يرحمها ويرحم امك وعمي وامه محمد المسلمين
الوليد : زين يالله قومي غسلي والحقينا بالسياره
ريم : طيب
الوليد ودى الشنطة اللي معه بالسياره ورجع قفل الابواب وخلى باقي العفش لابراهيم في الحديقه وراح يركب السياره ..
الوليد : كملتوا خلاص ؟
والتفت وراه يتأكد انهم كملوا
ديمه : ايه خلاص طالعني هنا وش لك باللي ورى ؟؟
الوليد ك يوووووووووووه يامعقده انتي ابتأكد انكم كاملين وش فيها لو لفيت ورى ؟؟
ديمه : مافيها شي !!
واتجهوا للخبر وكان الجو هادىء ولا فيه أي حركه بالسياره والكل ساكت
الوليد قام يخبط بالاشرطه يدور شريط يحطه ..
واخيرا لقى الشريط اللي يبيه حطه بالمسجل وفتحه كان شريط ام كلثووووووم إنت عمري .. عاده من الاول


وكانت الكلمات تقول :
رجعوني عينيك لأيامي اللي ر احوا ..
علموني اندم على الماضي وجراحه ..
اللي شفته أبل ماتشوفك عيني ..
عمري ضاااااايع يحسبوه ازاي عليه ...
انت عمري .. انت عمري .. اللي ابتدا بنورك صباحه انت عمري .. انت عمري ..
صار يغني معها وهو بالمرايه يطالع ريم .. لكن ريم كانت تأفأف ومو عاجبها الوضع وتناظر الشباك لبره ..
ديمه : بتأفف وليــ ــ ــ ــ ــد قفل المسجل
الوليد : ليش ؟
ديمه: قفله وهي تطالع الوليد بنظرات حارقه
ريم : بصوت عالي لا إلــــــــــــــــه إلا اللــــــــــــــــه
الوليد : مو فاهم شي من اللي يدور بذهن ديمه واستمر الجو صامت لحد ماقطع صمتهم صوت بطن الوليد بدأ يصدر اصوات افتشل الوليد
اما ديمه + لينا + ريم : ههههههههههههههههههههههههه
ديمه : للحين انت ؟؟ ولا يهمك بعد ماناصل بحط لك غدى
الوليد : تكونين سويتي خير في هالمسكين اللي ماذاق شي بعد الفطور
.
.
.
**بعد ماوصلوا بيت ابوهم **
نزلت ريم وراحت تدخل جوا ولحقتها لينا وشالوا الشغالات الشنط ولحقوهم
ديمه : الوليد وش اللي سويته ؟؟
الوليد : وش سويت ؟؟...
ديمه :كنك مو داري الحين البنت فاضيه لكلام الحب واغاني .. وتراب قبر امها مابعد جف وانت فاضي حق هالكلام والخرابيط وين احساسك انت ؟؟
الوليد : حمر وجهه من الحيا يوم كشفته بنت عمه
ديمه حمر وجهها قهر من ولد عمها واللي سواه ..
ولحقت البنات ودخلت جوا معاهم ..
اما الوليد شال باقي الشنط ودخل فيهن واعطاهن الشغاله توديهن غرفه ريم ..
ودخل الصاله وكان ابوه جالس بالصاله مع زوجته وفيصل
الوليد خل عليهم وهو ساهي يفكر وش اللي سوته ديمه عندها حق ..
ابو ابراهيم يقطع تفكيره : الله يعطيك العافيه
الوليد : الله يعافيك
ام فيصل : وين ابراهيم اجل ؟؟
الوليد : راح يخلص اشغال له وبيسلم على خاله والحين بيجي ..
استأذن منهم الوليد عشان يروح يتسبح رقي الدرج وكانت قدمه غرفه ريم .. تكلم بينه وبين نفسه .. سامحيني ريامي مو قصدي لا تحسبيني ماحسيت فيكي بس مادري وين راح عقلي ؟
ورجع بطنه يصدر اصوات تذكر ان ديمه وعدته تسوي له شي ياكله .. راح طق غرفتها
ديمه : نعــــــــــــــــــم
الوليد : ديمتي وين اللي وعدتيني فيه يالبكاشه ؟؟
ديمه : انا عند وعدي بس انت روح اتسبح وانا اتسبح وانزل اسوي لك اللي انت تبيه
الوليد : طيـــــــــــب ..
ديمتي .... بس ريم شخبارها ؟؟
ديمه : يوم جت قفلت عليها الباب ومارضت احد يدخل عليها ..
الوليد : يالله عسى مو عشان موضوع السياره
ديمه : لا لا مو عشان كذا ان شاء الله بس يمكن عشان موضوع امها الله يرحمها..
الوليد : الله يكون في عونها
ديمه : آآآآآآآآآآآآآميـــــــــــــــــن يالله حل عني عااااد
الوليد قفل الباب وراه وهو يقول بقلبه الله يعينهم على فرقا امهم والله الموضوع صعب ينسى ..
وراح تسبح ونزل لقى ديمه مجهزة له العشا وأكل وراح ينام
.
.
جا ابراهيم بعد الساعه 1 ونص الليل وكان هلكان وتعبان .. قالت له زوجه ابوه : تبي ازين لك العشا ؟
ابراهيم : ياليت اذا ماعليك كلافه
ام فيصل : الله يهديك بس انت واحد من عيالي مافي كلافه ولا شي ..
ابراهيم : استأذن وراح يتسبح وبينزل يتعشى ..
دخل ابراهيم غرفته شاف السرير والغرفه بارده جدع بحاله على السرير ولا عاد حس بروحه ..
دخلت زوجة ابوه يوم تأخر عليها بتناديه يتعشى لكن لقته نايم .. مابغت تقومه .. طفت الانوار وطلعت برى الغرفه ومرت على ريم بطريقها طقت الباب ..
طق طق طق
ريم : ميييييييييين ؟
ام فيصل: انا يمه افتحي الباب بحاكيك ..
ريم : خاله واللي يسلمك مالي خلق اشوف احد
ام فيصل : فكي يابنتي ...
ريم : الباب مفتوح ادخلي
دخلت ام فيصل تفاجأت لما شافت ريم كانت جالسه ريم وضامه رجولها لصدرها وحاطه راسها على ركبها ..
ام فيصل : الله يهديك ياريم والله امك بتزعل لو شافت اللي تسويه بروحك وحطت ايدها على راس ريم وقالت قومي يابنتي غسلي وصلي لربك ركعتين اذكري فيهن ربك وادعي لامك ان الله يتغمد روحها بالجنه قومي ..
ريم شافت ام فيصل قامت تصيح وضمتها بقووووة وقالت : والـــ .... والله ماني قادرة ياخاله انساها ..
ام فيصل : بالأول من اليوم ورايح ابيك تقولين لي يايمه وش فرقك عن ديمه ولينا بعدين يابنتي انا ماطلبت منك انك تنسين امك لكن يابنتي ادعي لها احسن من الصياح يعذب امك في قبرها ادعي لها ان الله يجمعنا فيها بالجنه قومي يابنيتي
ريم : طيب ياخالتي
ام فيصل : وش قلنا ؟؟
ريم : طيب يايمه وحبتها على راسها وقامت تدخل دورة المياة تتسبح وتتوضأ وتصلي لها ركعتين ..
.
.
.
.
.
.
في تمام الساعه 11 الضحى من يوم الخميس دق التليفون الكل كان نايم عدا ام فيصل كانت في الصاله وابو ابراهيم كان رايح للشركه ..
.
.
.
.
ام فيصل : السلام عليكم
........... : وعليكم السلام هلا بك
ام فيصل : هلا بك عاش من سمع صوتك هلا بأم سلطان
ام سلطان : الله يحييك تعيشين اخبارك ؟؟ اخبار ابراهيم وريم والعيال ؟؟
ام فيصل : والله تمام بشرينا عنك وعن العيال وعن ابو سلطان ؟
ام سلطان : كلنا بخير الله يعافيك شخبار ريم واخوها بعد جيتهم لكن عسى ماتعبوا ؟؟
ام فيصل : والله ماادري وش اقولك انتي مرت عمهم ولا انتي غريبه ( وحكت عليها كيف ان ريم حابسه روحها وكيف ان ابراهيم ضايق صدره )
ام سلطان : لا حول ولا قوة الا بالله يالله زين اجل ام فيصل بخلي العيال يجون لكم اليوم ويوسعون صدوركم وصدور العيال ..
ام فيصل : زين تعالي معم ..
ام سلطان : لاماودي تحس ريم انها عزيمه تحسبنا ماحسينا بهمها ..
ام فيصل : اصيله ياام سلطان معك حق ..
.
.
** ام سلطان هي زوجة عمهم علي وعندها جيش ماشاء الله اولهم سلطان الله يرحمه وبعدين ماجد كبر ابراهيم ونهلا كبر ريم وشهلا اصغير من ريم بسنتين لكن بينه اوبين فيصل قصة حب طويلة والكل عارف بالشيء هذا ومن يوم هم صغار والبنت معروف انها حق ولد عمها .. عبود وكان صف ثاني متوسط بس هالولد ملكع الدنيا .. شهودي اولى ابتدائي ..**
.
.
صار الظهر الساعة 12 ونصف قامت ديمة وسلمت على امها وقعدت شوي عندها جاء الابو قامت ديمه سلمت عليه وحبت راسه ..
ابو ابراهيم : هلا بنيتي وين اخوانك ؟؟
ديمه : الكل نايم ب انا النشيطه من صباح الله خير قايمه
ام فيصل : الله من صباح الله خير وانتي قايمه 12 ونص ؟؟؟
ابو ابراهيم : مداح نفسه كذاب ياديمه ؟؟
ديمه : اووووووه فضيحه
ابو ابراهيم : روحي قومي اخوانك ..
ديمه : طيب
راحت ديمه غرفة فيصل ..
ديمه : قوووووووووووم يالنواااااااااام
ابوي يسأل عنكم
فيصل :اوه عليك وضاقت يعني الا يرسلونك انتي تصحيني
ديمه : وش قصدك ؟؟
فيصل : طيب بقوم الحين ..
ديمه : قوم الوليد معك ..
وانا بروح اقوم ابراهيم
فيصل وهو معصب : طييييييييييييييييييييييب
راحت ديمه غرفة ابراهيم لقته قايم بس منسدح يفكر على سريره واول مادخلت ديمه مسح عيونه وقال هلا ديومتي تعالي وش بغيتي ؟
ديمه : ابوي يسأل عنكم ؟؟ يالله تعال
ابراهيم : طيب الا ديمه بسألك شخبار ريم ؟؟
ديمه : تلعثمت وماتدري شترد على اخوها تقول ان ريم حالتها حاله ولا وش تسوي
ابراهيم : ردي اختي فيها شي ؟؟؟؟؟؟؟؟؟؟؟
ديمه : لا مافيها الا كل خير بس .....
ابراهيم : وش اللي بس !!
ديمه : الصراحه ريم من امس وهي ماتكلم احد وقافله على روحها بالغرفه
ابراهيم : تنهد تنهيده طالعه من قلب طيب روحي انتي خلاص
راحت ديمه يم لينا وقومتها ومرت بطريقها على ريم
طقت على ريم الباب بس ريم ماردت قالت ديمه بنفسها يمكن نايمه ؟؟
رجعت لفيصل لقته نايم قالت بنفسها : اوووووووه شسويبه هذا بس انا بوريك يافيصل واخذت بإيدها شوي ماء ورشته على وجهه
زعق فيصل ياربييييييييييييييه طيب طيب طيب مردوده ياديمه ..
ديمه : قوم بس ابوي يبيك ومر على الوليد .. وصفقت الباب وراها وطلعت وراحت تحت عند ابوها وخلال نصف ساعه كان الكل حول الطاوله عدا ريـــــم ....
ابو ابراهيم : وين ريامي؟؟؟؟
ديمه : طقيت عليها الباب ولا ردت يمكن نايمه ؟؟
ابرهيم : انزعج شوي وقال بروح اشوفها
ابو ابراهيم : اقعد بروح انا قام ابو ابراهيم وراح لغرفة ريم وطق عليها الباب
ابو ابراهيم : افتحي ياريامي انا ابوك ..
قامت ريم وفتحت لابوها الباب ودخل ابوها سلمت عليه
ابو ابراهيم : كذا ياريامي ماتجين تغدين معنا ؟
ريم : مااشتهي يبه السموحه هالمره اعذرني
ابو ابراهيم : اذا منتي ماكله انا منب آكل

.


ريم : لايبه وحبوب الضغط اللي بعد الغدا؟؟
ابو ابراهيم : بكيفها بفوتها اليوم اذا بتفوتين غداك
ريم : لايبه خلاص بجي اتغدا الحين
ابو ابراهيم : هذا بنتي اللي انا اعرفها يالله ننتظرك
ريم : ابتسمت بس مو من قلب وقالت طيب
نزل الابو تحت عند عياله وطمن ابراهيم انها الحين بتجي وجلسوا ينتظرونها بعد شوي نزلت ريم ..
جت ناظرت طاولة الأكل وجلست جنب ديمة وكان الوليد قدام ريم ..
وعيونه مانزلت عنها ويقول بنفسه فديتها مبين على وجهها التعب وهالات سوداء تحت عينها واضحه .. ووجهها شاحب .. يارب ساعدها ..
وريم تناظر الوليــــد
وانتبهت انه يطالعها دق قلبها بعدين قالت بنفسها وش بلاك ياريم ضعفتي وش حبه هذا وش خرابيط مو معقول انه يحبك .. يمكن بس شفقان عليك .. ياربيييييه اكره نظرات الاشفاق انا مو محتاجه لنظرات الاشفاق هذه ...
ام فيصل تقطع السكوت :
اليوم بيجون عيال عمكم علي ..
من قالت عيال عمكم علي الا تلخبط فيصل وهو يقول بنفسه : وينك شهوله اشتقت لك ..
اما ديمه دق قلبها لكن كانت تخفي هلشيء كانت متيمه بحب ماجد ولد عمها .. بس محد داري فيها ..
الكل لاحظ التغير اللي طرأ على فيصل ..
الوليد : شفيك تخوبلت يافيصل ( الوليد كان حاب يحرج فيصل شوي )
فيصل وهو يقبص الوليد ويقول : اقول جب
الوليد : زين عورتني لا تقبصني ؟؟
فيصل : مردوووووووووووووووووووووده يالوليد
الكل ضحك الا ريم كانت تلعب بالملعقه وتطق بالصحن كأنها مو مشتهيه
ابراهيم : كان قلبه بتقطع على اخته بس مو داري وش يسوي لها ؟؟
حس فيها الوليد وحب يطف الجوووو وقال : ابراهيم .. تذكر ؟؟
ابراهيم : وش اذكر ؟؟


.
.
.
.

[YONA]

وهذي التكملة
7
7
7
7
الوليد : يوم نتناقش انا وياك ذاك اليوم اللي في الملحق الحين ريم موجوده نسألها .. ونشووووووف
ريم من سمعت اسمها احمر وجهها حيا لان علاقتها بـ الوليد كانت محدوده وماتذكر انها كلمته كثير ..
الوليد وقبل يرد عليه ابراهيم التفت على ريم والكل مستغرب وش اللي صار بالملحق حتى فيصل كان مو متذكر ويحاول يتذكر وش اللي صار ابراهيم كان يناظر اخته ونفسه ترجع اخته مثل اول تضحك وتسولف .. بس كيف ؟؟؟
الوليد : ريم تذكرين يوم كنا بمصر ولعبنا عليك يوم نرقصك عالطاوله وتعبتي وطحتي على مين علي صح ؟؟ مو على ابراهيم ؟؟؟ريم طايره عيونها وتقول بقلبها وتحسبني بنسى ذيك اللحظه حسبي الله عليك ؟؟ فشلتني عند العالم ..
.
.
الكل تم يطالع بريم والوليد يقول بنفسه وش هالسؤال السخيف ؟؟
ابراهيم تنبه للسالفه وقعد يطالع بــ الوليد ويقول بقلبه وشلون تجرأ تكلم اختي بالطريقه هذه
ريم : وجهها اقرب مايكون للطماطه وبنفسها ميته قهر وتقول ياسخف سؤالك يعني بتحرجني
فيصل : بصوت واطي يالدرنقه يالوليد مب وقته هذا السؤال ؟؟
الوليد : .............................
ريم : حبت تبين انه عادي ولا همها : لا طحت عليك !!
ام فيصل بتلطف الجو شوي المتكهرب على الوليد : وش ذكركم بالسالفه هذه الحين
حسبي الله على ابليسكم .. هبلتوا بالبنيه ذاك اليوم ؟؟
خليتوها تدور على المطعم كامل تجمع جنيه ..
الابو: ههههههههههههههههههههههههههههه
لينا+ديمه: خخخخخخخخخخخخخخخخخخخخخخخخخخ ياحرااااااااااااااااااااااااااااااام
خلصوا من الغدى قاموا من على الطاوله ماعدا الوليد وريم كانت سرحانه على الطاوله تفكر ..
ديمه : يكفي بلع يالوليد .. قوووووم يالله
الوليد : وش لك انتي انتي مو من حلالك شي !!
وراحت ديمه ولينا وفيصل وابراهيم ومع ابو ابراهيم وام فيصل للصاله تنبهت ريم وقامت من كرسيها ..
قال لها الوليد : ريــــم
ريم وهي ملقيته ظهرها : تعم تبي شي
الوليد : اجلسي بكلمك
ريم : سوري الوليد بس مالي خلق
الوليد : ريم ابيك ضروري
ريم : طيب
جلست ريم على الكرسي .. بس مارفعت عينها ابدا بعيون الوليد
الوليد : ريم انا ابدا ماقصدت اني افشلك قبل شوي بس انا حبيت شوي اضحكك كنت مره ضايق خلق عشانك
ريم : لو سمحت يالوليد اذا تظن اني محتاجه لنظرات الاشفاق هذه فترى ظنك مو في محله
الوليد : لا ماكنت اقصد اشفاق صدقيني ياريم انا مريت باللي مريتي فيه وعارف بحالتك وفاهمك صح ..
صدقيني انا فقدت ابوي وامي بساعه وحده انتي تفهمين وشلون ساعه وحده تفقدين اعز ناسك .. انا تمنيت 100 مره لو اني ماعشت ليتني مدفون تحت التراب ولا اشوف احد من ناسي يتعرض للي انا اتعرضت له (ونزلت منه دمعه لكن مسحها على طول)
ريم انا احبك .. ريم انا حبيتك شوفي ماعندي كلام رومنسي ولا شي انا ياريم مااوعدك بنجوم الليل ولا ارسم في سماك غيوم ..انا ماعندي الا قلب اذا حبك يدووووم ..
ريم : بس يكفي يالوليد .. قطعت قلبي ..
وقامت ريم تركض ومرت من الصاله ناداها ابوها بس ماردت وراحت تركض لغرفتها وقفلت عليها الباب
========
.
.
.
بالوقت هذا كان الوليد جالس عالطاوله ويقول بنفسه كيف كذه سويت كيف قلت لها هالكلام ؟؟!!
قطعت تفكيره الشغاله وهي تقول : بابا انت كويس في معلوم كلام حلو ..
الوليد : وانتي بإسم الله كل شوي ناطه لي طسي يالله هبلتيني ..
الشغاله : أنا في معلوم بابا انت في هوبي ريم صح انت في حوبي هرمه انت لازم جيب حق هي ورده هلووو مررررره ..
الوليد :بسم الله انتي وش يدريك ؟؟
الشغاله : كومار في جيب حق انا ورده هلوو (تقولها وهي متشققه من الفرحه)
الوليد : اخس يالرومنسيه .. شيلي بس شيلي !!
وقام الوليد وهو يفكر بالفكره اللي اوحتها له الشغاله ويقول فعلا معها حق ..
ابراهيم مااعجبه حال اخته استأذن منهم وراح فوق عند اخته طق الباب ماردت رجع طق الباب ثانيه ...
ريم : نعم
ابراهيم : انا .. ريم ابي اكلمك ؟؟ ممكن ؟؟ريم : ادخل
دخل ابراهيم على ريم .. السلااام عليكم ..
ريم : وعليكم السلام
ابراهيم : ريامي يكفي دلع ؟؟
ريم : وش دلعه احزن على امي تقول لي دلع ؟؟
ابراهيم : شوفي ياريم انتي سنه ثالث ثانوي وهذا بيأثر على مستواك كثير شدي حيلك ياريم نسيتي كيف امي الله يرحمها كانت امنيتها تشوفك متخرجه من الثانوي بأحسن نسبه وانتي ماشاء الله عليك بالترم الأول كانت نسبتك 98% لاتضيعين اللي سويتيه بالصياح لايؤدي ولا يجيب ياريم حنا اكيد بنحزن خاصه لاصرنا فقدنا اعز ناسنا لكن الحزن محله القلب مو نضيق صدورنا ونضيق صدر اللي حولنا وانتي لازم تحققين امنيه امي الله يرحمها وانا بحاول احقق امنيه المرحومه وبكمل الماجستير والدكتوراه ..
رمت ريم نفسها بحضن اخوها وجلست ابكي وتقول مايصير خاطرك الا طيب يايمه بحقق لها اللي هي تبيه ابتسم لها ابراهيم وقال هذه اختي اللي انا اعرفها ..
طلع ابراهيم يرتاح شوي بغرفته قبل لايجون بيت عمه وتفرقوا اللي كانوا مجتمعين في الصاله والكل راح يرتاح في غرفته قبل لا يجون بيت عمهم ..
عدا الوليد : كان مو قادر يرتاح ولا قادر ينام ولا قادر يمنع تفكيره عن غزاله ريم ومو عارف وش ردة فعل ريم بعد الموقف اللي صار .. قال بنفسه وش اللي جاك يالوليد معقول حبيت ؟؟ انت اللي ماقدرت بنت وحده تطيحك الحين غارق لشوشتك؟؟ انت اللي عمر انسان واحد ماشاف دمعتك قدرت ريم تشوفها اليوم ؟؟
.
.
.وريم ماكانت اقل تفكير من الوليد وتقول ياربيه معقوله ياريم حبيتي ؟؟ معقوله ؟؟
وتمت تفكر الين ارهقها التفكير ونامت ...
الوليد عجز يصبر نزل نادى الشغاله مايدري وش اللي خلاه يروح لها بس حس انها هي بس اللي تقدر تساعده ..
الوليد : جينــــي جيني
جيني (الشغاله) : إس يبغى هنا واهد مايقدر نوم ؟؟
الوليد : أقول لايكثر خرطك تعالي بس ابيك ..
جيني : اس تبا انتا روه مطبخ وسوف كلو سي موزود
الوليد : عشنا وشفنا بعد تعصبين علي تعالي بسألك عن كومارو
جيني : لا ازا انتا يبا يسأل عن كوماروا انا في اجي الهين
الوليد : تعالي زين ..
جيني : يالله اسأل اس تبا ..
الوليد :جيني انا في يبغا مساعده من انتا .. انتا معليس سوي ( ويقول بنفسه خلف الله علي صرت زي كومارو اتشحذ هالشغاله تسوي لي خدمه )
جيني : ايس يبغا ؟؟
الوليد : كيف ودي ورده حق ريم ..
جيني : انتا جيب بعدين اكتب عليها كلام هلو وانا في ودي حق ريم ..
الوليد : من جدك جيني طيب انا الحين روح جيب ورده وراح يركض طايرة من الفرحه وقطع وردة ياسمين من الحديقه وجابها طاير ينادي جيني
جيني : نعم ..
الوليد : وديها ريم ( ويعطيها الورده )
جيني : ههههههههههههههههههه بابا ايس هادا ؟؟؟؟؟؟
االوليد : هذا ورده مو انتي قلتي جيب ورده
جيني : اووووووووه بابا مافي هادا هادا مافي زين شم ريهه مافي هلو انتا لازم جيب ورده كتير وجيب كارد مكتوب فيه كلام هلو مافي هادا مال هديقه ؟...
الوليد : هاااااااااااااااااااااه ومن وين انا اجيب ورده كثير كل اللي بحديقتنا خلصتي عليه انتي وكومارو حشا باليوم يهديك 10 وردات ..؟؟
جيني : لا بابا انا وكومارو مافي فولوس في خود من هديقه انتا ماساء الله فيه فلوس كتير انتا لازم روه عند مهل مال ورده وجيب ورده كثييير ملفوف بورقه وفيه كارد ..
الوليد : طيب وطلع وهو طااير من الفرحه ويقول هذا معروووووف ماراح انساه لك ياجيني وساق سيارته بسرعه جنووووونيه وراح لأقرب محل ورد واختار احلى باقة ورد ونوع فيها من الورود اختار انواع كثير منها (الاوركيد_التوليب_الروز_و.....والخ) واختار لها كارد حلو على شكل قلب احمر وحطه عليها وقعد يفكر وش يكتب فيها كلام هلو يقول ابي كلام هلو ابي كلام هلو (بعدين قال وش اللي بلاك يالوليد صرت من طقة جيني وكومارو)
تذكر اغنية الجسمي الورد وقرر يكتبها بس تذكر خطه مو حلو وش يسوي قال بقول حق هالسوري يكتب لي الكلام .. التفت على السوري وقاله خطك حلو ؟؟؟؟؟؟
السوري : ايه بس لشو بدك بخطي ؟؟
الوليد : ابيك تكتب لي الكلام على الكارد .. ممكن ؟؟
السوري : ايه بكتب لك اللي بدك اياه بس ماتكون حلاة الكتابه الا بخط المحب حتى لو كان خطك مو منيح ....
.

الوليد : صدقت بس خطي مو منيـــــــح ..
السوري : ايه ماعليه اكتب لها بتفرح فيه كتييييييييييييييييييييييييييييييييييير ..
الوليد : التفت عليه وقال له طيب عطني قلم ..
اعطاه الرجال قلم وكتب الوليد عالكارد ....ابيات اغنية الورد للجسمي واللي تقول :
ليش احس الورد يفرح لادرى انك تشبهينه ..
والشعر ليش يتفاخر يوم تطريك القصايد ..
ليش احبه اسمي يوم انت تندهينه ..
ليش انا مجنون حبك لو انا لي عقل راكد ..
من عرفتك هذا حالي قصة قليبي وحنينه ..
مدري من طيبك احبك ولا فيك الحسن زايد ..
مدري وش سر غلاتك ياهوى قلبي وظنينه ..
بس اعرف اني من الله موووووووت احبك والله شاهد ..
مع خالص حبي :
الوليـــــــــــــــــــــــــــــــــــــــــد ..
.
.
.
كتب رسالته بخط مو مره حلو لكن اقتنع بفكرة السوري ورسم قلب بوسط اسمه .. القلب كان مايل شوي معووج بس قال بنفسه صراحه ماقد رسمت قلب بحياتي وهذا اول قلب ارسمه لاول حب ..
وطلع طاير فرحه ووصل البيت ونادى جيني جيني .. ماكان وده ينتظر لحظه وحده ..
.
.

كان وده يعرف وش يكون ردة فعل ريامي بأسرع وقت جت جيني وشهقت من يوم شافت الباقه وقالت :
وآآآآآآآآآآو اتز بيوتيفل
الوليد : زين بسرررررررعه وديها لريم بسررررعه
جيني : بس ريم فيه نوم ..
الوليد : حطيها على الكمدينه واول ماتقوم بتشوفها
وراح طااااير لغرفته وكان وده يقوم كل اهل البيت من الفرحه بس انسدح على السرير وقعد يفكر بغزاله ويتذكرها وهي بالمستشفى يوم وفاة امها .. وقام يتذكر شكلها كان شكلها ملائكي مغمضة عيونها وبقلبها كانت شايله هموم الدنيا .. تذكر انه بكى من قلب على حالها هي واخوها ..
تذكر يوم تدخل أمه وتخبره الخبر وتقوله يروح عند اخوه ياقف معه في محنته حس كأنه الخبر سيف طعنه بقلبه حزن لحزن اخوه وحزن لحزن حبيبته ..
رجع فيه ذاكرته لحادث ابوه وامه كان هو الوحيد اللي نجا من الحادث من ركاب السيارة كان في السياره ابوه وامه والخدامه واخته الصغيرة امل ..
كانت السيارة معفوس
ه واللي يشوفها مايفكر ابد فيه احد عايش ..
لكن اذا الله اراد شي انما يقول له كن فيكون ..
اراد الله له انه يعيش ويتربى في كنف عمه اللي كان له الاب وفي حضن زوجة عمه اللي كانت له ام ومع عيال عمه اللي حسهم كأنهم اخوانه .. التقى اخيرا بحبه وهو اللي كان يفكر انه ابد ماراح ينزل كبريائه لأي كائن كان .. لكن جت بنت عمه كأنها من السماء منزله ورجع فيه تفكيره لــ ريم وتخيل شكلها بالفستان الابيض .. وتخيل شكله بالمشلح .. والكل فرحان لفرحته .. وهو يفكر بغزاله قال طيب لو كانت ريم تحب احد ثاني انا مااعرفها ولا قد شفتها مع عيال عمي وان كانت تحب ماجد مثلا ؟؟ او احد زملاء اخوها ؟؟ لا لا لا مااظن اكيد لا انا اللي اهتميت لهمها وينهم عنها ماوقفوا معها لا بس انا اللي وقفت معها وانا بأحق بها من أي انسان ثاني ..
عالعموم اليوم عيال عمي علي جايين وبشوف تصرفاتها مع ماجد واكيد راح يبين لو فيه شي بينهم بغى يطرد هالتفكير عنه وفتح الراديو على Mbc Fm وكانت على نهاية اغنيه وبداية اغنيه عباس ابراهيم (اعذريني) وكانت تقول كلماتها :
اعذرنــــــي فيـــــــــــك لو قلـــــــت ابيــــــــــــك
انت اختياري في العمر تامر على روحي امر
اشــــــر لي بعيــــــونـــــــك واجيـــ ـــ ــ ــ ــك
اعذريني حبيتك انا
لا تقسى في حبك على
يااغلى من روحي انا
انت وجودي وكل شيء
ماانت مثل غيرك مثل
غيرك غيمه تمر
لك احلى كلمه شلتها
في خاطري لك تشتعـــل
عزمت اقول وقلتها
وبنتظر ردة فعـــــل
احتـــــــــــاج انا ردك
على حر الجمــــــــــــــــر
.
.
سكر الراديو وقال بنفسه اوووووه والله الحب حاله كل مابغيت اشغل روحي بشئ عن التفكير فيها ولعت روحي فيها اكثر ..
وبدأ يغني الاغنيه اللي سمعها قبل شوي مع ان ذاكرته مو قوية مره لكن هذه الاغنيه بالذات حفظها اسرع من البرق ..كان يغني بصوت عالي وبنفس الوقت يفكربنفسه بكلمات الاغنيه .. كان صوته شجي وكله احساس وهو يغنيها ..
.
.
لـــــــــك احلى كلمه شلتها
في خاطري لك تشتعــــل
>> احبك رياااااااامي
عزمت اقولها وقلتـــها
وبنتظـــــر ردة فعل
احتـــــــــــاج انا ردك
على احر من الجمـــــــر
قال اروح اتسبح قبل قبل لا يأذن العصر وراح يدخل دورة المياة ....
بالوقت هذا فيصل ماقدر ينام كل الوقت يفكر ويقول بشوف شهولتي ... قام مسك الجوال وكتب لها مسج : احاول اكتم احساسي ولاارسل رسالة شوق لكن لك وحشه بقلبي .. نستني الصبر والذوق .. وراح يدور في الاسماء المخزنه اسم حبي وارسل لها المسج وتم يطالع الجوال ينتظر الرد وصارت عينه تغفى شوي لين سمع صوت رساله وقام مفزوع بسرعه وفتحها ( هلا يامن تعلى في عيوني عن الغير .. هلا يامن بطيبه فوق كل الناس غالي )
ماصدق عمره وقعد يقراها ثانيه وثالثه وقال بدق عليها مااقدر اصبر اكثر دق عليها بس هي ماردت استغرب فيصل وخاف عليها بس هي مسجت له تطمنه وكأنها درت عن اللي دار في باله وكانت تقول (( يارضاح العبس ماتقدر تصبر ساعتين وتشوفني وتسمع صوتي 2×1)
فيصل رد عليها ( يابخيله تبخلين علي بصوتك ؟؟ )
بس شهله ماردت عليه .. سمع صوت اذان العصر وقام راح توضأ وسمع احد يطق عليه الباب ..
فيصل : ادخل
الوليد : ماشاء الله وش اللي مصحيك مو من عوايدك انا جاي اصحيك للصلاة ..
فيصل : لا انت اللي ماتقولي وش مقومك بالعاده ماتقوم الا بعد ماتقوم حرب البسوس فوق راسك ..
الوليد : تلعثم ومايدري وش يرد بس قال قومني اللي قومك
فيصل : انا كنت اراسل شهولتي انت من كنت تراسل ..؟؟ لا يكون ريم بس ياحرااام اكيد مارد عليك لأن جوالها مقفل من وفاة امها ..
الوليد : هااااه لا وش ريمه لا ماكنت اراسل احد .. وانت بعد الى الحين تتراسلون انت وهالبزر ماكفاكم اللي سواه ماجد يوم درى عنكم ؟؟؟.. الشهر اللي فات ..
فيصل : جب اصصصصص لايسمعك احد بعدين مااسمح لك تقول لشهولتي بزر ..
الوليد : الا انت وياها بزران اجل احد يفكر بالحب وعمره 16سنه وحاب له بزر مافقست من البيضه عمرها 15 سنه
فيصل : زين لاتغير الموضوع قل لي من متى طايح بدباديبك على ريم ؟؟
الوليد : من جد مبين علي ؟؟؟ ياربيييييه وش هالفضيحه
فيصل : ارتاح مو مبين بس انا قريت اللي بعيونك يوم تسألها سؤالك السخيف
الوليد : يالله بس الصلاه لايجلدنا ابوي الحين وبعد الصلاه بقول لك كلش
فيصل : كلش !!!
الوليد : كلش كلش !!!


.
.
.

[YONA]

وهذي التكمله بعد....^^

وراحوا فيصل والوليد المسجد وهناك شافوا ابوهم وابراهيم اخوهم صلوا ورجعوا سوى للبيت وقامت ام فيصل وبخرت البيت وبخرت عيالها وزوجها وصحت بناتها من النوم ديمه قامت من النوم ودخلت تتسبح اما لينا فكانت قايمه من قبل ومتسبحه ولبست ونزلت .. دخلت عليها اختها ديمه بعد ماخلصت سباحه ..
ديمه : وآآآآآآآو وش هالورد وش هالحلاة كلها ؟؟
ريم : مو دارية بالسالفه .. أي ورد ؟؟؟
ديمه : تأشر على هذا اللي جنب راسك ..!!
ريم : تفاجئت وكانت مستغربه من دخله عندها هي يوم تنام كانت متأكده انه مافيه شي على الكمدينه اخذت الباقه وقالت ديمه لا تكون وحد من مقالبك ؟؟؟
ديمه : لا مالي دخل انا مدري وش السالفه انا توني اقوم من النوم .. تسبحت وجيتك طيران ..
ريم اخذت الكارد وفتحته وقرأت اللي مكتوب فيه بصوت عالي : ليش احس الورد يفرح لادرى انك تشبهينه ..
والشعر ليش يتفاخر يوم تطريك القصايد
ليش احب اسمي اكثر يوم تندهينه ..
ليش انا مجنون حبك لو انا لي عقل راكد
من عرفتك هذا حالي قصة قليبي وحنينه ..
مدري من طيبك احبك والا فيك الحسن زايد .
مدري وش سر غلاتك ياهوى قلبي وظنينه ..
بس اعرف من الله موت احبك والله شاهد ..
مع خالص محبتي / (( وهنا تحول وجه ريم للاحمر وبلعت ريقها بصعوبه ))
ديمه : ايه وش الكمالة تكلمي
بس ريم طالعت الكارد ورجعت تناظر ديمه وهي ماتدري وش تقول .....
ديمه اخذت منها الكارد بقووووة اوووووف هذا خط الوليد انا افرقه من 100 خط انا كنت اعايره بخطه الردي وتقرأ الكارد مره ثانيه وهي تقول حسبي الله عليك يالوليد اثاريك رومانسي واحنا على بالنا انه ماوراك الا الدجه !!
وتطالع نهاية الكارد (( مع خالص حبي : الوليـــــــــــــــــــــــــــد ))..
وتقول حسبي الله عليك حتى قلب ماتعرف ترسمه زي العالم والناس ؟؟
ريم : وش فيه القلب وش حلاته خطه اللي تقولين عنه ردي
ديمه : المحبوب براحه ( وهي تغمز بعينها )
ريم : فكيني يالله عااااااد
ديمه : قومي بس تسبحي خيستي فينا !!
ريم : اوووووووف طيب اوريك قلبي وجهك بس ..
ديمه :اقلب بوجهي طيب تامريني امر انا اللي بوريك ..
ريم : ضفي وجهك بتروش ..
ديمه : زين اخليك وطلعت ديمه من الغرفه وهي مبسوطه انها واخيرا شافت اختها تبتسم
ريم قامت تسبحت ولبست بنطلون جينز سماوي وبلوزه سوداء ومشطت شعرها الطويل ولفته ولبست كابها ولفت شعرها بطرحه ..
وكانت ماشاء الله زي القمر بالرغم انها ما حطت ولا نقطة ميك اب ونزلت كانوا عيال عمها موجودين ..
ريم : السلام عليكم ورحمة الله وبركاتة ( ورفع راسه ماجد وتم يطالعها ولف راسه معها وهو يطالعها )
الوليد بنفسه : خيييييييييييييييييييييييييه ..رفع رقبته .. بس انا بوريك ياماجد ماتاخذ غزالي لكن هي ماطلعته .. ولا طالتني انا حتى عقوله تكون ماشافت الورد ؟؟؟؟!!
والله ماادري عن هالـ جيني هي ودتها لها ولا اخذتها لكومارو الله يستر منها ..
قطع تفكيره وماجد يسلم على ريم ويقول لها عظم الله اجرك والبقاء براسك ..
ريم : الله يجزاك خير..
.
ريم جلست مع نهلا وتكلمت هي واياها شوي انضمت لهم ديمه ولينا جلست مع شهولة
الكل كان قاعد ينكت على فيصل وكانوا يضحكون عليه وشهوله تموت من الفشله
الا ماجد كان يسهى وهو يناظر ريم وكان الوليد حاسب له كل حركة وكيف يطالع ريم وكيف ا ن ريم تتجنب تطالعه .
الوليد بنفسه ( اموت واعرف وش اللي بقلب ماجد لها وش ردة فعلها ياربييييييييه )
انتهى اللقاء اللي ماكان اثقل منه على قلب ريم وعلى قلب الوليد .....
*
بعد مرور كم شهر كانت محبة ريم كل يوم تكبر اكثر في قلب الوليد .. وكان الوليد يقول كل شي يصير لفيصل وفيصل يحاول يساعد الوليد بكل اللي يقدر يسويه ..
.
ابراهيم كان حاط باله على دروسه مره وخاصة ان نهاية السنه قربت وجازم يحقق امنية المرحومه ..
فيصل استمرت علاقته بشهولة على ماهي عليه
ديمه كانت كل يوم تتقطع على ماجد اللي كانت متيمه بحبه لكن هو ولا معطيها أي بال ..
ريم كانت تحاول قد ماتقدر تمنع نفسها من التفكير في امها ورجعت لحالتها الطبيعية
كانت تضحك للناس لكن قلبها كان كله حزن وهموم ..
وصارت تحاول ماتفكر بالــ الوليد وتفسر شعورها ناحيته على انه احساس مراهقه ..
لينا كانت ماتفك عن دروسها تدرس ليل نهار خاصة ان الامتحانات قربت وهي ماشاء الله عليها شاطره مره بالدراسه ..
ابو ابرايم وعد ريم بهديه معتبره اذا هي شدت حيلها وجابت نتيجه زينه ..
وفي يوم الجمعه اللي كان فيها يوم السبت بداية امتحانات نهاية السنه وبالتحديد قي الصاله
الوليد : ريم اذا محتاجه اش شي او مني فاهمه شي تراني في الخدمه ..
ريم : مشكور خيرك سابق بس ابراهيم مايقصر ..
ديمه : ايييييييييه الوليد جيت والله جابك تعال اشرح لي هالمسأله بالرياضيات ماني فاهمه هالنقطه ..
الوليد : اقول ريم ماقول ديمه يالقفك ..
ديمه : انا وريم مثل بعض تعال ساعدني ..
الوليد : اقوووووووووووول سلااااام عليكم باي بروح اذاكر ..
ديمه : هههههههههههههههه اظهر وبان يالرومنسي اصلا انت من متى وانت تشرح لأحد انت تبي من يشرح لك
ريم لاتوهقين روحك معاه تراه مايفهم بأي ماده من المواد
الوليد راح غرفته وفت الراديو وقعد يغني مع الراديو الكل رجع يذاكر غير لينا لانها اصلا مافكت عن كتبها عشان ترجع لها ..
مر اسبوعين الامتحانات وكان ابراهيم مخلص من اسبوع قبل اخته والوليد مخلص بعد ابراهيم بيومين وكانوا كل يوم طلعات وتمشيات نيالهم ماوراهم امتحانات ..
الوليد كان قلبه يرقع على ريم لانه ماشافها زين من اسبوعين .. وعقب سالفة طاوله الاكل وباقة الورد ماكلمها بالموضوع ابد كان يكتفي يطالعها من بعيد لبعيد ..
وكان يحس فيها وعرف عنها ان كانت اليوم فرحانه او زعلانه .
وماجد من انتهت امتحاناته مع ابراهيم وهو مايطلع من بره بيت عمه مع ابراهيم .. ومره من المرات دخل ابراهم هو والوليد للملحق ولقوه جالس ..
ابراهيم بصوت واطي : ياثقله هالغثيث وش جابه من خلصنا امتحانات وهو مو راضي يفك عننا ..
الوليد : مو من العاده يجي هالكثر هذا عادة يكون متكبر وشايف عمره ومايجي الا بالاعياد يسلم على ابوي وكلها 5 دقايق ويروح .. اوف الحين شلون بنطلع للكورنيش وذا معنا ..
ابراهيم : ماف غير ناخذه معنا وش بنسوي بعد ؟؟
الوليد : لا حبيبي اذا كذا اجل سلام عليكم ماابي اروح روح ل حالك مع هالغثيث ..
ماجد يقطع مساسرهم وش عندكم من دخلتوا وانتوا تتساسرون شاركوني معكم .
ابراهيم : سلامة عمرك كنت اسأله عن شي خاص
الوليد : اعذروني بروح اتسبح وبجي ....وغمز لـــ ابراهيم يعني الحقني
ماجد : عذرك معك
ابراهيم : وانا بعد بروح اتسبح الا ماجد تروح معنا اليوم للكورنيش بنروح مع الربع
ماجد : اكيييييييييييييييييييييييييييد رجلي على رجلكم
الوليد بنفسه : خييييييييييييييييييييييييه
وطلع الوليد ولحقه ابراهيم ..
الوليد : شرايك نوكله مقلب بحياته مااكله ..
ابراهيم : بس شلون ؟؟؟
الوليد : امممممممممم امممممم شف عرفت وش بنسوي فيه
ابرهيم : قول يالشيطاني وش عندك ؟؟
الوليد : بناخذه من دون سيارته ونقول له بنروح للمزرعه قبل وننحاش ونقفل عليه باب المبنى وانت تعرف المزارع مايصوب ناحية المبنى وبعد مانخلص من الشباب نمر عليه بس نقفل جوالاتنا قبل لا يذبحنا بإتصالاته علينا ..
.براهيم: خخخخخخخخخخ ياحراااام صراحه مسكين اللي طاح بمقلب من مقالبك ...
وتسبحوا ورجعوا لـ ماجد وقالوا له انهم بيرحون للمزرعه قبل فيه أشغال لازم يخلصونها وأخذوه للمزرعه يوم دخلوا المزرعه كان الطريق كله مظلم والمزرعه مظلمه ولا فيها لمبه وحده مشغله ..
ماجد: يووووه ماني نازل ياخي المزرعه توحش..
الوليــد بصوت واطي: أجل لو تدري إنك بتبات ليله كامله هنا
ابراهيم: أفا ياولد العم ماهقيتك بالخوف هذا بتنزل حنا ماخذين بزران معنا؟؟
ونزلوا من السيارة وبحيله دخلوه المبنى وقفلوا عليه وطيراان للكورنيش..
ابراهيم: ياخي خايف لا يجيه شيء هالبنيه خبرك به كيف انه خواف
الوليــد: لاتخاف أبو 7 أرواح
ماجد جلس بالمبنى ينتظرهم يجيبون المفتاح اللي يبونه من فوق يوم تأخروا عليه قال بروح أشوفهم قعد يحاول يفتح الباب بس الباب كان مقفول استغرب ودق عليهم جوالاتهم مغلقه قال : وجع سووها فيني وقالو لي بنروح نجيب المفتاح وهم طلعوا من الباب الخلفي بس بوريكم وتم يدق على جوالاتهم وجولاتهم مقفله انقهر وماعرف وش يسوي صارت الساعه 1ونص وهم ماردوا له...
الوليــد و ابراهيم قعدوا مع العيال لحد الساعه 1 ورجعوا بيتهم ونسوا سالفة ماجد ابراهيم دخل ينام أما الوليــد فهو قعد يطقطق شوي على النت وتذكر ولد عمه اللي حبسه بالمزرعه بس بعد ايش ماتذكره الا الساعه3 وقام بسرعه دق على جوال ابراهيم بس ابراهيم كان مقفل جواله عشان هالسالفه ومافتحه قال بنفسه والله ماني رايح له خليه شوي يريح أهله من غثاه وخلي فيــصل شوي ياخذ راحته مع شهولته ماكو ماجد بالبيت.. وبعد ماأذن الفجر وصلوا هو إخوانه بالمسجد الوليــد ذكّر ابراهيم بالسالفه وقال يالله نروح نفتح له... وراحوا ويوم وصلوا جوا للباب وفتحوا الباب وخلوا المفتاح بره وتموا يندهون على ماجد..
الوليــد: ماجد ماجد ماجد وين طس له هذا معقوله يكون طلع ؟؟ وشلون يطلع
ابراهيم: يمكن بالدور الفوقاني ؟؟
رقوا للدور الفوقاني لكن ماجد كان متخبي عنهم وبعد مارقوا طلع من المكان اللي متخبي فيه وطلع من الباب وقفل عليهم ومسج لهم مسج (( مثل ماسويت سوي بك ؟؟!!))
الوليــد+ ابراهيم: سواها وقفل علينا؟؟
وراحوا يركضون للباب لكن لقوه مقفول !!
ابراهيم: أنت وشورتك المهببه يالله الحين وش بتسوي
لكن الوليــد قعد يفكر كيف يقهر ماجد وتذكر المفتاح البديل اللي في المطبخ وقام بسرعه يتأكد من وجوده ولقاه طلع هو و ابراهيم للبيت ...
ماجد بعد صلاة الظهر جاء بيفتح لهم الباب لكن لقاهم طالعين عرف انهم لقوا مفتاح بديل وطلعوا.. وطبعا راح لمهم في البيت ونام بالملحق ينتظرهم يقومون تفاجئوا يوم قاموا فيه وقالوا مايكفيه اللي سويناه فيه جاي لاحقنا بعد.. وقوموه وتموا يزعجونه الى إن انقهر منهم وجدع بوجيههم مفاتيح الاستراحه وطلع ولا عقبه عتب باب بيتهم..
طلعت نتيجة ابراهيم وكان ماشاءالله عليه ماخذ 4.5/5 و الوليــد لسه باقي له كورس على التخرج وباقي نتايج العيال:
فيــصل: نسبة 85 % ويكون انتقل لثالث ثانوي
ديمـــه: 96 % وانتقلت هي الأخرى لثالث ثانوي
لينـا: 100 % وانتقلت لأولى ثانوي هالبنت دافورة بقوة
ريــم + نهلا: ماطلعت نتايجهم لسه
شهلا: 91 % وانتقلت لأولى ثانوي
ماجد: أخذ3 / 5
عبود أخو ماجد راسب بمادتين..
وبعد نتايج العالم بإسبوعين طلعت نتايج الثانويه العامه يوم السبت الصبح..
كانوا كل العائله بالصاله ماعدا ابراهيم و الوليــد الا ودق جوال فيــصل يوم شاف المتصل أثاريه (( حبي يتصل بك)) إستأذن من أهله وطلع بره بالحديقه..
فيــصل: هلاااااااااااااااااااا وغلاااااااااااااااا
شهلا: هلا بك شخبارك؟؟
فيــصل: بخير دام إني أسمع صوتك
شهلا: مو وقته مو وقته..
فيــصل: شفيك ؟؟ صايره أثقل دم من ماجد؟؟
شهلا: بعدين بردها لك بس حل لي هالمشكله؟؟
فيــصل: وش مشكلته وش فيك؟؟
شهلا: طلعت نتايج الثانويه العامه
فيــصل: زين وأنا وش بسوي لك؟؟
شهلا: مو هنا المشكله
فيــصل: أجل وش المشكله
شهلا: المشكله إني مو لا قيه إسم ريــم ونهلا مع الناجحات؟؟
فيــصل: ياقلبييييييه وش بنسوي الحين أنا من حيني كنت أقول يغشون يوم رسبوا رسبواكلهم مع بعض هذي أكيد أختك الغبيه ضيعت أختي
شهلا: فااااااااااااضي وبعدين أختك الغبيه؟؟
فيــصل: زين خلاص بتصرف بس بتأكد قبل من النتايج وش إسم الموقع
شهلا: # # # # # # #
فيــصل: طيب خلاص بشوفها الحين بس انتي كلمي ريــم وأشغليها لا تحس فيني وأنا مختبص ولا تبينين لها لأنها هي عندها الحاسه السادسه
شهلا: طييييب باااااااااااااي
فيــصل: بااااااااااااي
ودق فيــصل على الوليــد لأنه أعرف منه بأمور النت وهو اللي بيساعده
الوليــد: هلا بك يالغالي
فيــصل: هلا هلا الوليــد عندك ابراهيم ؟؟؟
الوليــد: اييييييه تبيه؟؟
فيــصل: لا لا لا لا لا لا لا لا لا قوم عنه بكلمك
الوليــد: وش فيه وش صاير ؟؟
وحكى فيصل على الوليــد السالفه
الوليــد: زين خلاص نتقابل في مقهى انترنت اللي بشارع .........
فيــصل: زين خلاص بس بسررررررررررررررعه
الوليــد: لا توصي حريص.. باااااي وسكر الجوال وراح بسررررعه للسيارته وركبها وبسرررعه جنونيه ساق للمقهى...دق الجوال.. ابراهيم يتصل بك..
الوليــد: هلا بك العذر ابراهيم رحت وما قلت لك
ابراهيم: وش فيك الأهل فيهم شيء؟؟
الوليــد: لا بس واحد من ربعي يبيني ضروري يالله بس لا أصدم الحين تراك تشغلني..
ابراهيم: زين الله معك وتركد بالسواقه الدنيا مو طايره..
الوليــد: ان شاءالله .....( مامشى على ابراهيم الموضوع وركب سيارته وبسرعه راح للبيت)
دخل البيت لقى الوضع عادي ولا فيه شيء وعلى طول سأل عن ريــم قالت له ديمـــه بإستغراب تكلم بالتليفون وش فيك كذه داخل علينا؟؟
ابراهيم: الوليــد جاء لمكم ؟؟
ديمـــه: لا مو كان معك؟
ابراهيم: الا صح زين بروح غرفتي أنا ..... بسألك ماطلعت نتائج الثانوية العامة؟؟
ديمـــه: مدري ماسمعنا شيء و ريــم تكلم شهلا الحين ولا قالت شيء؟؟
ابراهيم: طيب بروح أشيك على النتايج
ورقى ابراهيم فوق للدور الفوقاني وهو يقول تأخرت النتايج ؟؟
فتح النت وفتح موقع إدارة التربيه والتعليم التابع لوزارة المعارف...
ولقى النتايج طالعه وعلى طول دور اسم أخته وإسم بنت عمه ولقاهم مع الناجحين.... وكان عنده أرقام الجلوس حقتهم شاف نتايجهم كانت نتيجة ريــم 97.45% ونتيجة نهلا 95.05% نادى أخته من فوق ... ريــاااااااااااااااااااامي تعالي بسررررعه
ريم استأذنت من شهلا وراحت يم أخوها : سم ابراهيم بغيت شيء ؟
ابراهيم: وهو يضمها مبرووووووووووووووووووك نجحتي
ريــم: احلف ونهلا؟؟؟
ابراهيم: ونهلا بعد
ريــم: كم نسبتها ؟؟؟ ونسبتي كم؟؟؟
ابراهيم: نسبتك 97.45 % ونسبة نهلا 95.05 %
ريــم: الله يبشرك بالخير
ابراهيم: اهاااا جيتي بطاري البشاره وش لي..
ريــم: لك أحلى بوسه ( وحبته على خده)
ابراهيم: بس هذا اللي لي ؟؟ كذا تجازين اللي يبشرك بنجاحك؟؟؟
ريــم: ياطماااااااع بروح أبشر أمي وأبوي ونهلا
ابراهيم وأنا معك بروح ابلقط نقاطه لكل من تبشرينه..
بالوقت هذا دخلوا الوليــد و فيــصل وهم يقولون كيف بنقولهم الحين ؟؟؟ شافوا ريــم تركض وهي فرحانه ...
الوليــد يقول لفيـصل بصوت واطي: مسكينه لو تدري انها بتعيد الله يكون بعونها انت قول لها الخبر.. إنت أخوها؟؟
فيــصل: لا ياعمي تحطني بوجه المدفع؟؟
الوليــد: إنت وجهك وجه شؤم وعادي لو قلت لها إنت أما أنا وش حلاتي وأنت وجهك مايوحي بالخير أصلا ....حرام أزف لها خبر مثل هالخبر
ابراهيم: يقطع مساسرهم تعالوا باركوا لأختي نجحت
الوليــد بقول لـ فيــصل: مشاوف مرة هالآخر بنجاح أخته وشلون بنقول له ؟؟
فيصل: مدري بس اللي أعرفه أنه لازم مانفجعه خلنا نبارك لها ولا كأنه صار شيء
فيــصل: صدق مبروووووووووووووووووووووك ريــم الف مبروووووووك
الوليــد: الف الف الف مبرووووووك
ريــم: الله يبارك بأعماركم بس ماكأنها طالعه من قلب؟؟
فيــصل: ابراهيم تعال يبيك الوليــد شوي
الوليــد: شتقول انت اللي قول له الخبر لا تلصقها فيني
ابراهيم: وش بغيت ياالوليــد؟؟
فيــصل: لا على انفراد ماينفع كذه؟؟ (وأبعد عنهم )
ابراهيم: شتبي؟؟
الوليــد: حسبي الله عليك يافيصلوه بوريك ان شاءالله
ابراهيم: نعم وش تقول انت؟؟؟
الوليــد: لا بقول لك ان أختك راسبه
ابراهيم: ياحبك حق المزح وين راسبه وأنا شايف اسمها بنفسي ما أحد قال لي ..؟؟
الوليــد حس بأنه ماعنده سالفه قال: لا ياشيييييخ خربت علي المقلب بس وين لقيته بأي موقع
ابراهيم: بموقع ادارة التربيه والتعليم وش هالسؤال بعد انت وقته ؟؟؟
الوليــد: على العموم على البركه نجاح رييييييييم ( وبقلبه طااااير من الفرحه)
الوليــدبصوت منخفض: فيــصل يالخبل البنت ناجحه بس خليتنا نتبلى عليها
فيــصل: وأنا وش يدريني شهلا قالت لي وتأكدت بنفسك بالموقع مالقيت اسمها..
الوليــد: ياخي وأنا بعد بديت أكذب عيوني خلنا نروح ثانيه نتأكد ...
فيــصل: يالله بسرررررررررعه
رقوا فيــصل + الوليــد : وفتحوا النت وراحو للموقع ومالقوا أسماء البنات ثانيه لكن الوليــد انتبه للتاريخ اللي بأعلى الصفحه
الوليــد: فيصل احنا 1424هـ ؟؟
فيــصل: وقتك أنت لا يالدلخه حنا 1425 هـ
الوليــد: ضرب فيــصل بالمخده وقال له حنا ندور بأسماء العام الماضي ياخي أنا من حيني قايل لك أنك أنت وشهولتك ما فقستوا من البيضه لكن الشرهه مو عليك الشرهه على اللي يصدقك إنت وبزرك..
فيــصل: اووه ومسك الجوال ودق على شهلا
الوليــد: دق على حبك ومسجل اسمها حبي بعد بلا حبك بلا بطاطس ياخي حبك بغى يطيحنا بورطه
فيــصل: اذلف بس باخذ راحتي
وكلم فيصل شهلا وعلمها بالموقع الصحيح ونزل لحق الوليد وتموا يسولفون
الوليــد: الا صح ريــم كم نسبتك؟؟
ريــم: 97.45 %
البوليــد: ماشاءالله عليك..
فيــصل بصوت منخفض: الحمدلله إنها شاطره بالقليل تصحح النسل ماينفع إنت كسلان وهي كسلانه ؟؟ وش يطلعون عيالكم بس الحمدلله فيها عرق مصري والعرق دساس ..
الوليــد: رااااااااااااااااااااايق وإنت وشهلا وش بيصرون عيالكم من الحين ماراح أعطي عيالكم دروس خصوصيه
فيــصل: لا الله يعافيك فكنا من دروسك الخصوصيه بتضيع عيالي على هالحاله
وبعد يومين كان أبو ابراهيم على وعده مع ريم وجاب لها الهديه اللي وعدها فيها ودخل فيها بالصاله وكان الكل موجود ..
.
.
.
.

[دلووعه عسل]

مشكوورين على القصه

وانا متحمسه لبااااااقي القصه






اتمنى انكـ تكملييين القصه بأسرررررررررع وقت


وشكـــــراً لكـ..

بــــــــــــــاااااااااااااااااااايي

[Haibra lover]

خخخخخخخخخخخخخخخخخخخخخخخخخخخخخخ


والله انها عجيييييييييييبة القصة


الصراااااااحة هذا الوليد فله


هو وفيصل الخبل ههههههههههههههههه


والمقلب ولا احلى


والي محلي القصة جيني وكمارو خخخخخخخخخخخخخخخخخ


انتظر الاجزاء القدمة على احر من الجمر


يسلموووووووووووووو