في صباح جميل في دولة غاليه على قلبي ( الكويت)
في بيت حنين
خالتي : حنين حنين
حنين : نعمم
خالتي : تعالي ابيج
حنين : انزين خالتو بس ابي اشوف هذا و اجي انزين
خالتي : يا بنت شي ضروري ولا ترى ما اقول لج بعدين
حنين هي تروح عند خالتها : انزين كأني يئت
خالتي بأبتسامه : حنين حبيبتي ما ودج تسافرين
حنين طالع في خالتها هي مستغربه : شنو تقصدين
خالتي : اقصد ما تبين تسافرين معاي
حنين : دبي لا ما ابي
خالتي لا يا حياتي مو دبي
حنين : وييين
خالتي : السعوديه
حنين بفرح : جججد خالتي لا تمزحين علي
خالتي : انا امزح معاج يا النزغه
حنين : اي
خالتي : عيل ما في روحه
حنين : لالا اسفه خلاص يا سلالالالالالام بروح السعوديه واو وناسه اخير راح احقق حلمي و ازورج يا ارض الخير اوه شوق اكيد راح تفرح وايد
شوي كأنها حنين تتذكر شي
حنين : خالتي
خالتي بأبتسامه : شنو
حنين : السعوديه مو مثل الكويت وحده دوله مشاء الله المدن فيها وايد
خالتي : اي صح
حنين : انتي وين بتروحين
خالتي : الشرقيه عندي شغل فيها
حنين : لا لا مو الشرقيه
خالتي : عيل وين
حنين : المدينه المنوره
خالتي : ما عليه نروح الشرقيه اخلص شغلي و نروح المدينه نقعد اسبوع و نرد الكويت ولا شلون
حنين : والله
خالتي : والله كم حنون انا عندي
حنين : وحده و ما في غيرها
خالتي : فديت المتكبره
حنين : انا متكبره
خالتي : و مغروره بعد
حنين : خاااااااااااااااااااااالتي
خالتي : اسفه
انتهى البارت ها حلوه ولا لا انتظر ردودكم يا حلووووووووووين