اليــــوم سويت تقرير من مجهودي عن الأنمي الحلــو مرررة
Shugo chara!
ان شـــاء الله يعجبـكم وتستمتعوا بقــرائته
اخليكم مع التقرير
.........
بسم الله
اســـم الأنمي : Shugo chara!
بــاليـاباني : しゅごキャラ!
نــــوع الأنمي : كـــوميدي - ماجيــك - شــوجو - قــوة خارقة الطبيعة - رومنســي <~ احلى شي عشان كدا خليته اخر شي احط عليه تعليق ههه خلينا في المهم
الأنمــي لأعمــار : +13 يعني من 13 وما فوق فقط <~ لا يسمح بمشاهدة النواني خخخـ..
عـــدد الحلقات : غــير معروف لكن قرأت في مواقع يمكن يكون العدد 26 - 52 احتمال واحد منهم
وقت الحلقة : 25 دقيقة تقــريباً
المـــؤلف : Kenji Yasuda
القصــة :
جميـــع من في Seiyo Elementary يعتقــدون ان هيناموري آمو " Hinamori Amu " انـو هيه اكتر بنت كول واروع بنت في المدرسة . لكن الحقيقة عكــس ذلك آمـو بنت خجولة جـداً تتمنـى انو يكون عندها القوة عشان تكون شخصيتــها الحقيقية . شــافت برنامج لوحدة تشوف ارواح ومن دا الكلام وتقول انو هادي بيضات الــ Shugo chara فيــها قوة عجيبة تعطيكي القوة عشان تخليكي الشخص اللي انتي تبغيه . آمو مو مرة صدقت لكــن في الليل اتمنت انو يكــون عندما مثل بيضات Shugo chara عشــان تكون الشخص اللي هيه تبغاه تبي تكون شخصيتها الحقيقة . اليــوم التاني صحيت لقت جمبها ثلاث بيضات عاد جن جنونها مهي مصدقة. هــدول الــ Guardian Characters تحمل قوات خارقة كل شخصية منهم تخليها تملك قدرات خاصة . ومع مساعدة دول المــلائكة راح يســاعدوا آمو انها تكون الشخصية اللي هيه تريدها . راح تتفاجئ فعلا وراح يكون هناك مفاجآت حلوة في كل حلقة .
الشخصيــــات:
Hinamori Amu
مـــؤدية الصوت : Kanae Itō
آمو فتاة خجولة جـداً تحاول ان تضهر شخصيتها الحقيقية. وهي واقعة في حب Tadase Hotori في الصف الخامسi
Tadase Hotori
مــــؤدي الصوت : Reiko Takagi
تـــاداسي فتى خجول جـداً كان قليل الكلام قبل ان يكون مع Kiseki الــGardin حقه . وهو الفتى التي تحبه آمو ربما يبادلها نفس الشعور . في الصف الخامس
Nadeshiko Fujisaki
مـــؤدية الصوت : Saeko Chiba
فتـــاة طيبة مرة وصديقة آمو المفضلة بعد ما انضمت للــ Garudian تســاعدها آمو في كثير من المحن وتساعدها في حبها لتاداسي. قــرأت في موقع اجنبي انو يمكن ناديشكو تطلع ولد الله اعلم يمكن الخبر صح . في الصف الخامس
Kūkai Sōma
مـــؤدي الصوت : Atsushi Abe
فتــى رياضي ويحب كرة القدم وهوه الكابتين في الفريق . وفي الصف السادس . وصديق للجارديانز وعنده جارديان شاركتر هوه كمان .
Yaya Yuiki
مـــؤدية الصوت : Tomoko Nakamura
يايا في الصف الرابع . شخصيتها طفولية جداً حتى الأنجل حقتها طفلة نونو هههـ..
شخصيــة من الشخصيــات الشريرة
Ikuto Tsukiyomi
مـــؤدي الصوت : Yuuichi Nakamura
فتـــى لئيم جداً بالذات مع آمو هههـ.. انضم لمؤسسة غصبن عنه هالمؤسسة شريرة جداً يريدوا يلاقون الإ مبريو Empryo في هالمنظمة مقسم فريقين اللي فييلو إكيتو يبغون يلاقون الإمبريو اول وفي بنت تحبه تريدي تلاقي الإمبريو عشان تحرر إكيتو من اللي فيه من عذاب . إكيتو اعتقد يحب آمو عشان له كثير من المواقف الرومنسية معاها ...^^
مــا هو الإمبريو Empryo :
هي بيضة تحقق اي امنية لشخص واحد فقط . وكل الجارديانز واللي في المنظمة يبحثوا عنها عشان يحققوا امنياتهم . وطبعا عشان يلاقوا الإمبريو لازم يكون عندهم كلهم جارديان شاركتر .
معلومـــات اخــرى :
تــاريخ ظهور الأنمي :2007-10-06
الأنمي يوجد له مانجا انا تابعت الإتنين المسلسل - المانجا يعني في اختلاف في بعض الحلقات او بعض القصص في الحلقات
تــاريخ ظهور المانجا : 2006-07-06
الإسم نفسه ما في تغيير حتى القصة نفسها
حاليا في الأنمي وصلوا للحلقة : 10 وكل اسبوع يجيبوا حلقة كل يوم اربعــاء او ثلاثاء امم واحيانا ترجمة الحلقة تجي متأخر يعني يمكن بعد يومين او اكثر شي ثلاث ايام واقل شي يوم
اما المانجا وصلوا لحدت : الشــابتر 12 وانا تابعته في شوية اختلاف في القصص
لكن في نظري مازال اروع انمي شاهدته بعــد Kamichama karin يعني فعلا انتجوا احلى مسلسلين بنوتي للبناتوكمان رومنسي ما قصروا خخخـ..
وان شاء الله التقرير حاز على رضاكم ونال اعجابكم
وان شاء الله يكون الأنمي عجبكم من خلال القصة والكلام دا كله
بسم الله الرحمن الرحيم السلام عليكم و رحمة الله و بركاته
شكرا على التقرير الرائع و على مجهودك عليه واتفق معك انه Kamichama karin و shugo chara هم افضل انمي لهذا الموسم و انا تابعته و المانجا كمان كما قلت في اختلافات بسيطة بينهم شكرا و في انتظار كل جديدك