يسعدني واخيرا .. تنزيل الجزئية ماقبل الأخيرة من جومونغ
وبكذا قطعنا اكثر من ثلاث ارباع الطريق .. مو مصدقة انو وصلت الى الحلقة 70
ترى كان بودي يوصل اكثر .. بس مثل مانقول تجري الرياح بما لا تشتهي السفن
.. وايضا ً تراني مرضت بس الحمدلله على سلامتي شفيت بنفس اليوم
..لازم احكي لكم الحكاية . مثل مابتشوفون القلبات الي بتصير بـ جومونغ
لازم احكي لكم عن اللي صار لي .سلمكم الله .. من كم سنة اكتشفت انو فيني حساسية من الروبيان
.. وكنت اذا كلته جسمي كله يصير فيه حبوب مثل قرصات البعوض حمره..مو مثل حب الشباب لا
وبعدها نسيت شي اسمه روبيان .. والله يهديني امس شفت كبسة الروبيان
قلت بذوقها عن خاطري . مو مكثرة
.. وبصحن صغير بعد .. كلت ولما قرب يفضى الصحن .. حسيت بحكه وحساسية بخشمي وحلقي وقمت اعطس ... كل هذا بسرعه يصير وورا بعض .. وشوي احس ان وجهي تضخم
كل وجهي مع خشمي وشفايفي .. وصار وجهي احمر والأذن تقولون كل ضغط الدم متجمع هناك وصرت مااحس بوجهي وخصوصا خشمي .. صار قاسي لو اضربه بخفيف تكسر..حسستكم انه زجاج ..
لا بس جد والله .. واختنقت واحس بحر فظيع مع انو المكيف بارد .. واخوي الصغير مريض
وانا يا الله اتكلم اضربه ابيه يشوفني .. بنص عين يقول مافي شي وينام
وخشمي ماصرت اتنفس بوه ولا احس بوه ما كأن عندي خشم .. يعني لو اكون مزكمه اهون
على الاقل اقدر احس فيه اما انا ماقدرت لا اخذ لا شهيق ولا زفير .. وعيني صارت حمرااء تخوف
اصل وجهي بكره يخرع ..رحت اتوضأ ابغى اصلي .. موب قادرة عيني تدمع واحس بإختناق
حتى الإستنشاق مااقدر
... كل هذا بدقايق صار والله .. وتوأمي تطالع فيني وتقولي بكمل لك السالفه .هي كانت تقول سالفه
بس الن اختي جات ماقدرت تكملها . لأنها تتكلم من وراها .. المشكلة تشوف وضعي
واللي يضحك تقول بس استمعي لا تعلقين شكلك ماتقدرين تتكلمين صح .. وبالموت قلت لها
مختنقة وحرانه قامت ناظرتني شوي وتكمل هرجتها .. وقامت عيني تدمع لا ارداي
واطلع وارجع .. مو قادرة اثبت ... قالت لي بنادي لك امي .. اشرت لها لاااااااااااا