- اسمه : كيم ريو ووك .. و يسمونه ريووك او ووكي ..
- تاريخ ميلاده هو 21 يونيو 1987 و هو طالب في جامعة Inha في قسم الدراما و السينما ..
- ريووك هو اخر عنقود عايلة السوجو و يسمونه Eternal Magnea و لو انه مو اصغر واحد في العمر لانه بعده كيبوم و كيوهيون و هنري ..
لكن الكثير يقولون انه شخصيته مناسبة جدا انه يكون اخر العنقود ..
- اكثر عضو فيهم يملك موهبة في الغناء و الكل يشهد له بصوته المميز حتى في غنائهم لايف
- يحب الغناء و التلحين و اوقات كتابة كلمات الاغاني و هو اللي كتب كلمات اغاني المقدمة لبرامج كانغن و يسونغ على الراديو
- يحب يعزف على البيانو و مره طلع في برنامج سوبر شو و هو رايح يتعلم العزف عليه و الحين يقدر يعزف عليه بشكل جيد ..
- ريووك جدا خجول في البرامج و ما يتكلم كثير و سريع التأثر لدرجه لما احتاجوا يجمعون دموع في برنامج EHB
رشحوه يكون واحد من اكثر اثنين يبكون في الفرقة و بالفعل بمقلب بسيط مؤثر ما قدر يمسك دموعه و بكى عليهم
- عنده هواية عجيبة و هي انه يحب يجمع عينات المكياج اللي توزع مجانا في المحلات
- له سالفة مع المكياج يحكيها اعضاء السوجو في برنامج .. يقولون انه ريووك حتى لو راح و قابل اهله لازم يحط ميك اب
الاعضاء قاموا يسلكون له و يقولون انه ما يحط عشان اهله بس انه ما يقابل اهله الا في الايام اللي يكون حاط فيها من قبل يقابلهم
بعدين قال انه بشرته خربت من الميك اب فهو خايف انه اهله يقلقون عليه و يحزنون لو شافوا بشرته المعدومه
- كانغن ماسك عليه شغله و يقول انه مره جدولهم تأجل لليوم اللي بعد فقام دق على كيوهيون و ريووك و قال لهم اطلعوا معاي يقول كيوهيون خرج و هو لابس كاب و شكله عادي بس ريووك خرج له و هو ما مسح الكحل حتى
- عنده خال او شامه على خده اليمين و ما تبان لانه يحط ميك اب دايم
- يعتبرونه امهم في البيت لانه يعتني فيهم و اول ما يشوف واحد فيهم تعبان يروح يطبخ له اكل و دايم يذكرهم انهم يهتمون بانفسهم و يزعل اذا ما اكلوا اللي طبخه لهم
- مره صارت لريووك حادثة وهم يغنون Miracle اثبتت فيها انه بروفيشنال و عرف كيف يتصرف و الحادثه انه اثناء الرقص جزمته انخلعت و صارت على ارضية الستيج , و بما انهم جدد وقتها كان المتوقع انه يرتبك و يلخبط الرقص لكنه كمل عادي لما جاته فرصه يشيلها
- يقولون انه ثاني اكثر عضو ودي و غير متحفظ في الفرقة من بعد كانغن , يعني لا يغركم خجله و قلة كلامه
- مشترك في فرقتين فرعيتين للسوجو و هي Super Junior M .. اللي نشاطها في الصين , و Super Junior KRY اللي تضم افضل اصوات السوجو ..
- يحب النوم و ما عنده اي مانع انه ينام 18 ساعه في اليوم .. و مره طلعوا فوقه اكثر من واحد عشان يصحونه و هو لسا نايم
- قبل الديبوت كان متين و وزنه وصل الى 80 كيلو .. لكن مع التدريب نقص وزنه 25 كيلو و صار بالشكل اللي نشوفه الحين ..
- عنده طريقة كيوت و تقليدية لما يعرف نفسه و يقول : "ريووك اميدااا" بمعنى "انا ريووك" و اوقات الاعضاء يقلدونه و هو يقولها
- في برنامج اشترك فيه سوبر جونيور و كان اسمه Animal Farm اختار فيها ريووك كلب من الملجأ عشان يربيه بس للاسف كان الكلب مريض و قرر يعتني فيه
الكلب بعد ايام مات و ريووك تأثر من ذا الشي بعدها و بكى
- معجب كبير لفرقة SNSD او Girl's Generation و يحب يسمع لهم و كمان عضو في فان كلوب لفرقة SES اللي منها بادا ..
- ريووك صدم الفانز بتمثيله في فيلم سوبر جونيور لانه كان عكس شخصيته الخجوله و قام بدور طالب مثالي لدرجه الاستفزاز
- يقال انه الدونغسينغ المفضل لدونغهي و انه مره قريب منه
- كما ان ريوك له رقصه خاصه مضحكه بعض الشئ و دايما الاعضاء يضحكون عليه لما يسويها
وهـ بس يهبل حتى رقصه حلو
- اسمه : كيم كيبوم
- مواليد عام 1987 في شهر اغسطس ..
- مغني في سوبر جونيور و احد مغني الراب في الفرقة و ممثل و راقص كمان ..
- بدايته الفنية كانت في التمثيل و طلع في دراما April Kiss عام 2004 قبل ما ينضم و يترسم مع سوبر جونيور ..
- ولد عمه هو الممثل و العارض المشهور شين دونغ ووك ..
- هو احسن واحد في سوبر جونيور يتكلم انجليزي و السبب انه كان ساكن كم سنه و درس هناك
- هو من اصدقاء هيتشول المقربين و مثل معاه في درامات عديده منها Rainbow Romance و Banolim #2
- هيتشول اعطاه لقب سنوايت ضمن عدة القاب من ديزني اطلقها على اصحابه ..
- في فول هاوس كيم جونغ مين كان يقول انه كيبوم يشبه له خاصه لما يبتسم و قال عن ابتسامته انها Die Smile و كان قصده Killer Smile
- بما انه ابتسامته مميزه فدايم الاعضاء و خاصه هيتشول يقلدونه
- كان يعيش هو و هيتشول و هانكيونغ و جاي احد اعضاء تراكس في شقة صغيره تبعد دقيقتين عن شقة السوجو الاصلية ..
- بعد تغيير المسكن صار كيبوم يعيش برا الشقتين اللي يسكنون فيها سوبر جونيور و اللي تقع في الدورين 11 و 12 من بناية سكنية
- هو ثاني اصغر عضو في سوبر جونيور في العمر و اصغر عضو هو كيوهيون
- ذكي مره و معدل ذكاءه هو 138 و عرضوا النتيجه هذي في برنامج Happy Sunday Heroine 6
- كيبوم متوقف حاليا عن الانضمام لنشاطات الفرقة بسبب انشغاله في التصوير لدرامات او اعلانات لكن الاعضاء الباقين دايم يذكرون الفانز انهم ما يزعلون من كيبوم وانهم يدعمونه في اللي يسويه لانه ما زال من سوبر جونيور ..
- الاسم : تشو كيوهيون ..
- تاريخ الميلاد : 3 فبراير 1988
- هو العضو الثالث عشر اللي انضم للفرقة بعد مده من ترسيمهم و قبل احتفالهم باكمال 200 يوم و هو الاصغر بينهم
- اول ظهور له معاهم كان في اغنيتهم U و مافاته كثير اذا حسبتوا انه دخل معاهم بعد Twins و Miracle ..
- قبل ينضم كيوهيون للفرقة كانت الفرقه مجرد مشروع الشركه جمعت فيه ممثلين و مقدمين و مغنين و كونت فرقة مؤقته
و قالوا انهم كل سنه راح يتخرج ناس من هالفرقة و يبدلونهم بناس جدد لكن بعد دخوله الاس ام غيرت رأيها و خلتهم فرقة رسمية
- يعتبر صوته من اقوى و اجمل الاصوات اللي موجوده في سوبر جونيور فعشان كذا انضم للفرقة الفرعية KRY
- يمكن البعض يشوفونه هادي و ما يتكلم في البرامج لكن يطلع من تحت راسه هوايل و اللي يقرأ ردوده على الفانز بيلاحظ
نقدر نقول عليه انه هادي و عاقل لكنه في نفس الوقت حذق و ساخر و لسانه طويل ..
معجبه : ما اقدر انام ..
ريووك : ما تقدرين تنامين .. ؟
معجبه : اي ما اقدر انام ..
كيوهيون : طيب وش دخلني انا اذا ما تقدرين تنامين
,’,
معجبه : اوبا .. انت غبي !
كيوهيون : بالمقارنه بك انا عبقري
,’,
معجبه : كيوهيون هو اوسم رجل في العالم ..
كيوهيون : اعرف
- بما انه كيوهيون الاصغر في الفرقة فهو "أدلع" واحد فيهم و يقول انه اذا حس بتعب دايم يلاقيهم قدامه يعتنون فيه و يقولون له ارتاح و بما انه الاصغر كمان فهو دايم يطلع لنا الجانب اللعوب من شخصيته و يقدر يمزح على الاعضاء الاكبر سنا بدون ما يتعاقب
- مدمن العاب الكترونيه و الكل يعرف بهذا , لدرجه اطلقوا عليه لقب : GameKyu لانه كل ما يلعب مع احد من الاعضاء يفوز عليهم ..
و اوقات يجيب لابتوبه و يكمل لعب في غرفة الانتظار و تبديل الملابس ..
- كانغن يحكي عنه و يقول مره وصلت البيت في وقت متأخر و الكل نايم و فجاه اسمع واحد يصارخ يوم دخلت الغرفه لقيت كيوهيون متحمس
و داخل جو مع لعبته و حتى ما طالع فيا يوم كلمته , كيوهيون دافع عن نفسه و قال انه كان يلعب لعبه مهمه
- كيوهيون جلس فتره من دون سرير و كان يحسب انه السبب لانه اصغر واحد في الفرقة مع انه الاعضاء قالوا له انه السبب مو كذا ,
وفي يوم قام يغني اغنيه Bed Song على برنامج و فيه فانز كثير كانوا بيشترون له سرير عشان هالاغنيه لكن في النهايه حصل على سرير و قدر يدخله في مساحه ضيقه بين ريووك و تيكي
- 19 ابريل عام 2007 يوم ما راح ينساه فانز سوبر جونيور ابدا , لانه اليوم اللي وقعت فيه فاجعة حادث السير اللي تعرض له 5 من اعضاء سوبر جونيور
اثناء عودتهم من برنامج راديو , و في هذا الحادث كانت حالة كيوهيون و اصابته هي الاخطر و الاقوى لانه كان جالس ورا السائق
- الاعضاء و الفانز كلهم اصيبوا برعب لانه كيوهيون ظل فاقد للوعي فتره و قالوا انه اصيب اصابة شديده في الرئتين و كسور في الحوض و الاضلاع و جروح عميقة
- الاطباء قالوا عنه انه يفوق و يغمى عليه مرارا , و انه في الاشعه اللي سووها له الرئتين كان لونها ابيض و الحالة الطبيعية انها اسود
- في ذا الوقت الكل كانوا قلقانين عليه لانه حالته جدا خطيره و الامل كان شبه معدوم .. فكانوا يدعون له و كثير منهم كتب في صفحاته
- يسونغ سجل مقطع صوتي له و هو يبكي و يرسل رساله لكيوهون انه يستعيد صحته , و قال له انه ان شاء الله لو قمت بالسلامه و رجعت تتريق علينا في البرامج ما راح نزعل منك ولا نخاصمك
- ربي نزل رحمته على الولد و افاق من غيبوبته لكن لما صحي ما قدر يتكلم من الصدمه , بعد شهر قدر يمشي على رجوله و في يوم 5 يوليو 2007 قدر يطلع من المستشفى
- صحيح انه ما تشافى كليا وقتها لكن كيوهيون اصر بعد خروجه انه يرجع للشغل و انه يشترك في الالبوم الجديد لسوبر جونيور
- اينيوك كان يقول انه تأثر جدا بشي سووه الفانز لكيوهيون .. و هو انهم لما راحوا الدريم كونسرت جابوا لوحه كبيييرة فيها صورته و كان مكتوب عليها "كيوهيون .. هل انت تشاهد الآن ؟" و اينيوك راح يبكي لما شاف اللوحه
- في برنامج Star King واول مارجع كيوهيون من بعد اصابته , اختارته بنت فلبينيه يغني معها من بين اعضاء السوجو
تيكي بكى وهو يشوف كيوهيون يغني مع البنت
وكانغن كان يمسح دموعه
تيكي قال " أنه كان من الاشخاص اللي صار لهم الحادث مع كيوهيون وانه سعيد جداً بانه يشوف كيوهيون يغني وانه بيغني معاه في السوبر جونير
"&feature=player_embedded
- انضم للفرفة الفرعية في الصين و هي Super Junior M
- يقولون انه كيوهيون لهجته الصينية مره حلوه و صار بعض كلامه مشهور بين الفانز في الصين
- في برنامج صيني كان جومي يغني وصوته خرب لما كان يغني نوته عاليه وكيوهيون ما قدر يمسك نفسه من الضحك
شركة SM قررت انه تكون فرق فرعية من اعضاء سوبر جونيور لعدة اسباب ..
منها انه لما يكون عددهم اقل في الفرقه كل عضو ياخذ حقه في الغناء
..
وسبب ثاني انه بعض الاعضاء يكونون مشغولين بالتمثيل او تقديم برامج
و ما تتوقف نشاطات الفرقه بسببهم
.
اول فرقه فرعيه كانت KRY ، وتكونت في ٢٠٠٦.
تضم افضل الاصوات في سوبر جونيور: كيوهيون، ريووك، يسونغ
نوع الاغاني اللي مختصين فيها هي الـ Ballad و الـ RNB و اول ظهور لهم كان على Music Core في ٥ نوفمبر ٢٠٠٦ ..
وغنوا The One I Love
.
شاركوا في الـOST لدراما Hyena بثلاث اغاني منها اغنية الثيم الرئيسي للمسلسل.
و شاركوا كمان في OST دراما Snow Flower وBilly Jean Look at Me ..
هي الفرقه الفرعية الوحيده اللي ما نزلت البوم او سينغل وكانوا بس يشاركون في البومات مشتركه مع فنانين و في OST الدرامات .
فيه اشاعات انه بيرجعون بس ما تأكد شيء للآن
.
ثاني فرقه كانت Super Junior - T والـ T يرمز لـ Trot اللي هو نوع قديم من الاغاني الكورية
.
اعضاء الفرقه هم: ليتوك، هيتشول، كانغ ان، سنغمين، شيندونغ، اينيوك
نزلوا البوم واحد بس Rukuko وكان فيه ٣ اغاني Rokuko, First Express "Chut Cha", Don't Go Away
قبل ما الفرقه تصير رسميه بـ٣ شهور غنوا Don't Go Awayوكان هيتشول لسا ما شفي بعد الحادث ..
واول ظهور لهم كفرقة فرعية كان في ٢٥ فبراير ٢٠٠٧ على برنامج SBS Popular Songs وغنوام مغنية التروت الشهيره Bang Shilyi , وكان اول عرض بعد عودة هيتشول من بعد الحادث.
بعد شهرين من نشاطات الفرقه ليتوك، شيندونغ و اينيوك صار لهم حادث سيارة وتكنسلت نشاطاتهم لمدة شهرين.
ورجعوا في يونيو واستمروا شهر وبعدها توقفوا وللحين ما رجعوا مع انه فيه اشاعات كثيره انهم بينزلون اغنيه جديده بس للحين ما تأكد الخبر
شاركوا في برنامج Idol World في ٨ حلقات وانعرض من ٥ مايو الى ٣٠ يونيو
.
وفي ٨ نوفمبر ٢٠٠٨ نزلوا النسخه اليابانيه من اغنية Rukuko مع الثنائي الكوميدي Moeyan
و وصلت الاغنية للمركز الثاني في الـOricon Chart
..
قررت الشركه انها توسع نطاق عمل سوبر جونيور في الصين في عام 2007 .. فاصدرت قرار انها راح تسوي فرقة فرعية للسوجو
الفرقة مكونة من 5 اعضاء من سوبر جونيور و هم : هانكيونغ - شيوون - كيوهيون - دونغهي - ريووك
اضافة الى اثنين من المتدربين الصينيين في شركة SM و هم عازف الكمان هنري الصيني اللي كان عايش في كندا ..
و جومي ( زومي ) اللي كان يقدم برامج مسابقات و يكتب كلمات اغاني قبل انضمامه للفريق
..
كان اسم الفرقة المبدئي هو Super Junior China و لكن الشركة اعلنت وقت الترسيم انه الاسم راح يكون Super Junior M
و يقال انه حرف الـM في الاسم يشير الى كلمات و معاني عديدة منها :
Mandarin و تعني اللغة الصينية الشمالية و المقصد انه الفرقة تبغى توسع نشاطها في السوق الصيني ..
Me و هو اسم البوم الترسيم حقهم ..
Mi و اللي هي كلمة صينية لها معنيين و هي كاريزما و جمهور ..
و المقصد انه الفرقة تبغى تتقرب اكثر من جمهورها في الصين
..
ترسمت الفرقة في الصين يوم 8 ابريل عام 2008 و في نفس اليوم طلع اول كليب لهم و هو U
نشاطاتها الى الان مستمره و سووا لهم Comeback قبل فتره بسيطه بكليب جديد و منفرد لهم و هو Super Girl
في شغله مهمة تجي على البال كل ما انذكر اسم Super Junior M و هي الخلاف اللي صار بداية ترسيمهم .
او الحملة اللي قاموا فيها جمهور سوبر جونيور و سموها Only 13 ..
و راح نتكلم عنها اكثر لما نتكلم عن الفان كلوب
..
رابع فرقة فرعية من سوبر جونيور وتتكون من ٦ اعضاء: ليتوك، كانغ ان، يسونغ، سنغمين، شيندونغ، اينيوك
يعني نفس Super junior-T بس بدال هيتشول حطوا يسونغ
.
نوعية اغانيهم من الايقاع السريع و Dance and Pop music .
اول عرض لهم قبل ما تصير الفرقه رسميه كان في ٣ مايو ٢٠٠٨ في Power Concert .
وفي ٣٠ مايو اعلنت الشركة عن الفرقة، و اول اغنية لهم Cooking? Cooking! انعرضت في نفس اليوم.
و اول عرض لايف لهم كان في Dream Concert 2008 .
ثاني اغنية لهم هي Pajama Party وانعرضت في ٤ اغسطس ٢٠٠٨.
كانوا مذيعين برنامج Idol Army Season 1 على قناة MBC
ككل فريق غنائي اخر سوبر جونيور عندهم قاعدة جماهيرية كبيرة تتوزع في جميع بلدان العالم و ليس كوريا فقط
..
و كعادة عالم الفن الكوري اللي يحتم على كل جمهور انهم يختارون لون او شعار و اسم لهم حتى يميزهم عن الباقين
..
جماهير سوبر جونيور صار اسمهم E.L.F و هي الحروف الاولى من جملة Ever Lasting Friend .
اما الشعار فهو البالونات اللي لونها ازرق داكن او ..Pearl Sapphire Blue The Seas Of Pearl Sapphire Blue ☆彡
جماهير السوجو جدا داعمين للفرقة لدرجه انهم هددوا بمقاطعة الشركة عشان حملة Only 13 ..
و الحملة هذي قامت لما تكونت فرقة Super Junior M و قالوا انه راح يدخل عضو جديد من خارج سوبر جونيور
..
الجماهير اعترضوا و قالوا انهم ما يبغون يزيدون ولا ينقصون ولا يقسمون في سوبر جونيور ..
بعد فتره من اعتراضهم قام مجموعه كبيره منهم عددهم فوق الـ400 بمظاهره صامته قدام مبنى الشركه
..
و كانوا يحملون لوحات تعترض على اضافة العضو الجديد و هو هنري الى سوبر جونيور ..
بعد المظاهره الصامته اللي شكلها ما فادت تجمع حوالي الالف شخص قدام المبنى و ما اكتفوا بالصمت !!
لكنهم غنوا اغاني للسوبر جونيور و رددوا كلمة "13" مرارا و تكراراً ..
لكن الشركه رجعت و اعلنت انها بتضيف عضو اخر و هو جومي الى الفرقة مما زاد غضب الفانز عليها و قرروا يغيرون طريقة اعتراضهم
و قام الاف الفانز حول العالم بشراء حصه كبيره من اسهم الشركه و هددوا بتسبيب خسائر للشركه لو ما وقفت عن اللي تسويه ..
القضية انتهت في 1000days fanmeeting لما تيكي قال انه ما كان يعرف اش يرد على سؤال الناس لهم : كم عدد اعضاء سوبر جونيور ؟
و قال انه بعد الاشياء اللي صارت و اللي سووها الفانز هو و الاعضاء قرروا انهم يجاوبون على السؤال بـ 13 ..
و انه شاكر لجميع جماهير السوجو اللي وقفوا معاهم و دعموهم و انهم راح يحمون السوجو مع بعض لسنوات عديده قادمه
..
اما كانغن كتب في لوحه انه [ سوبر جونيور اعضاءه يبدأون بـ"ليتوك" و ينتهون بـ"كيوهيون" ] و عرضها على الشاشه في برنامج راديو ..
و الحين الجماهير تقبلوا العضوين الجدد كاعضاء لفرقة Super Junior M فقط و صاروا يدعمونهم و كثير منهم قالوا انه سوبر جونيور 13 لكن عائلة السوبر هي 15
..
سوبر جونيور و حمى التقليد :
اينيوك و هيتشول وكانغ ان يقلدون حركات ليتوك
كانغ ان و ليتوك يقلدون سانغمين اذا شاف بنوته حلوه
حتى ريووك ماخلا منهم
كيوهيون و سانغمين يقلدونه في اغنيه Red Sun
وش يعني عشانه صيني مستقوين عليه 
< آخخ ودي من يفجر فيهم 
) مافيش حد زيهم آبداً 
!
العرض العادي
