وقَعْت فِيِ غرآمْ طِفلهْ ..~ لـِ / غُربةْ الأحزْانْ ..~
لإزالة كل الأعلانات،
سجل الآن في منتديات أنيدرا
بِسمْ اللهْ الرحمنْ الرحِيمْ ..~
صبآحُكمْ محبهْ .. وإشتيآقْ ..
_____ مــَسآئكْمْ .. ولهْ .. وحنينْ ..~
أَتيت لكمْ مَحملـه بِــ / قصهْ قصيرهْ
مِنْ وآقعْ الحيآهْ .. العميقْ ..~
هذهْ القصهْ تَدورْ أحدآثهاْ منْ عآمْ 1992ْ الى ْعامنا ْالحاليِ ..!
أتمنىْ انْ تَحوزْ علىْ رِضآكمْ ..
وهيْ منْ كتآباتيِ الخآصهْ .. ..~
قصة كويتية ..
ان شاء الله تعجبكم ..
منقول ..
(1)...
كـآدي طفله صغيره عمرها 5 سنوات .. برائه الدنياْ فيها .. محبوبة بين الجميع بسبب هدوئها وجمالها الطفولي ..
وسريعة البكاء لأتفه الاسباااب ...!
في يوم من الأيام .. كانت كادي مع أختها إلي اكبر منها بسنتين اسمها هديل .. وأخوها عبدالله وولد خالها عبدالعزيز
يلعبون بحديقة البيت .. وكالعادة شطانة يهال هديل تصارخ على الكادي .. !
أقعدت كادي بعيد عنهم وكانت عينها مليانه دموع وقلبها يحكي : لو زيد موجود محد يصارخ علي ..
وصارت تبجييي أكثر
أرفعت راسها من حضنها وشافته يمشي من آخر الشارع متوجهة عندها ..
كان زيد صديق خالها وعيال خالها الكبار .. بهذاك الوقت كان عمر زيد 18سنه اكبر من الكادي بـ13 سنه تقريبا
قرب منها زيد وقبل لا يناديها أركضت صوبه واهي تبجيي : زيـــد !!!
تم يمسح على شعرها الناعم :ليش تبجين حبيبتي منو طقج ؟؟؟
الكادي ببراءتها: أنت وين كنت ؟
زيد بألم:موجود .. بس ليش تبجين ؟
الكادي:هديل تهاوشنيي .. وعبد العزيز وعبدالله مايلعبون معاي ..!
زيد مايحب يشوف دموعه شالها بحضنه وقرب من هديل والعيال وصارخ عليهم عشان يدافع عن الكادي:Icon24::والله إذا طقيتوا كادي مره ثانيه او هاوشتوها ياويلكم فاهمين ؟؟؟؟
الكل:فاهمين ..
زيد يبوس كادي على خدها:شفتي حبيبتي خلاص هاوشتهم لج .. بعد محد راح يبجيج ..
قرص خدودها بنعومة :يلا ضحكي
أضحكت كادي واهي طايره من الوناسه لان زيد يحبها وايد واهي بعد تحبه .. باسته على خده حييييل واهي للحين بحضنه ..
زيد: كوكو اخذج البقاله ؟
كادي: إي
راحوا زيد وكادي البقاله اشترى لها كل إلي تحبه .. وأول ماطلعوا كانت لاهية بأغراضها وزيد يتأملها وقلبه يعوره عليها
هالبنت من كان عمرها سنتين واهي دلوعة خالها وعياله دايم عند خالها وإذا طلع مع زيد البحر أو أي مكان ياخذونها معاهم .. ويسهرون لي الصبح واهي دايم معاهم .. وتعلقت بزيد تعلق جنوني ..
صحا زيد على صوتها واهي تناديه :زيييد
زيد:هلا ياروح زيد ..
الكادي:افتح لي العصير ..
ابتسم لها وفتح العصير ورجعها حديقة بيت خالها ونزل لمستواها وكلمها بصوت واطي :أنتي تحبين زيد صح ؟
كادي:وااااايد
زيد:لا تبجين مره ثانيه .. ولا تزعلين .. زين حبيبتي ..!
كادي:زين .. بس إذا احد هاوشني أنت تطقه صح
زيد:صح
كادي:أنا احببببك
زيد يغمض عيونه على آخر كلمه أنطقت فيها الكادي ، ابتسم لها وطول واهو يطالع بملامحها بشعرها بقصر قامتها
كأنه يقول لها آخر مره بشوفج ياصغيرتي ..!!
مسح على شعرها وضمها لصدره حييييل وأبعدها عنه باسها بين عيونها .. ووقف عنها بين نظراتها البريئة
عطاها ظهره ورجع من نفس المكان إلي يا منه .. وكأنه صورت فارس انهزم بمعركته
كسير .. مهموم .. حزين .. مشى ولا التفت لها وعيونها كانت معلقه فيه .. هذا كان آخر منظر بعيون الكادي وزيد حق بعض.
اختفى زيد .. إي نعم اختفى من عام 1992....!!
كانت الحياة أشبه بالجحيم حق الكادي ، بكل يوم تصحا الصبح واهي تبجي وتنادي زيد .. كانت تتوقع أنها نفس كل مره إذا بجت بتلاقيه .. بتشوفه .. بيمسح على شعرها ..
أسمعت من خالها انه زيد مات .. وكانت تسأل الكل عنه والكل يقولها نفس الشي .. زيد مات .. مات .. مات .. مات ..!!!!
كانت تبجييي وتصارخ .. وتقول :زيد إذا بجيت راح يرجع .. اهو كله يقول مايخليني ..!!!
كانت تنام وتصحا وصوره زيد الاخيره مرسومه بخيالها ماتغيب لحظه ..!
مرت سنه .. بعد سنه بعد سنه .. والكادي تكبر وتكبر .. وبدت تتعود على فكره إنها تعيش بروحها بدون زيد ..!
لين وصلت سنه المراهقة .. وبدت تضحك على طفولتها وحبها المجنون حق زيد ..!
وكانت دايم تترحم عليه ..
و تغار عليه من طفولتها ولما كبرت كانت ترسم حرفه على كتبها .. وإذا احد سألها تستحي وتسكت .. ماتحب تعلم احد من البنات .. لأنها تغار عليه حتى واهو ميت ..!
صارت ذكرى زيد أحلى ذكرى بحياتها .. وتفقده إذا زعلت وإذا بجت .. اهو الوحيد إلي يمسح دمعتها بحنانه وحبه لها .
اهو الوحيد إلي ترتاح إذا ضمها ولعبها .. وحن عليها ..!
كان احن عليها من أمها وأبوها وكل الناس حواليها .. بنظرها طبعا ..!
لان مستحيل احد يكون احن عليها من أمها وأبوها .. !
أكبرت الكادي وصارت جميله أكثر وأكثر .. صارت بنت تحب وتنحب .. والميت الله يرحمه ..!
كانت تحب الدراسة .. وايد .. وترفض الزواج لين تخلص دراستها .. ! وكان زيد دايم يعلمها ويفهمها انه الدراسة سلاح بالوقت الياي .. ولازم تكون قويه وتتعلم .. وتفيد نفسها ومجتمعها ..!
...
كانت نازله بأحلى طله من غرفتها واهي طايره من الوناسه .. بدون سبب من أرجعت من الجامعة واهي تقول آنا مستانسه أحس هاليوم غير بحياتي .. !
كانت لابسه نفنوف قصير لي نص الساق لونه ابيض مع ربطه على الخصر وردي وربطه على شعرها .. وصندل وردي نعوم ..
كانت بنت مميييزه بنعومتهااا وأناقتها ..
أول مانزلت أقعدت مع أمها وابوها واهي تتكلم عن هاليوم الدراسي وشنو صار وشنو ماصار ..
دخل عليهم فجأة ولد خالها بدر كان عمره 28 سنه .. متزوج وعنده بنات اثنين وولد واحد ..
بدر:السلام عليكم ..
الكل:وعليكم السلام حيااك ..
بدر:شلونك خالي .. شلونج عمتي ؟؟
الأم والأب :بخير الله يسلمك
التفت على كادي:شلونها وردتنا الحلوة ..
الكادي:بخير وتسلم عليك ومشتاقتلكم
بدر:تشتاق لج العافية ... شنو هالزين .. وهالابتسامه اليوم صايره قمر بنت خالنا
الكادي:طول عمري قمر لاتنكر ..
بدر:آنا اشهد طول عمرج قمر .. بس خلصي ووافقي تزوجي ..
الكادي:يووه
شتبون مني ؟؟ قاعدة على قلوبكم لهالدرجه ..
بدر:لا والله .. بس كبرتي عمرج 21 حلو للزواج ..
الكادي:مآبي ..
بدر :براحتج ..!
الأم:والله هالبنت بتموتني ناقصة عمر .. الكل تزوج إلا أهي ..
الأب:خلوها براحتها .. فديت بنيتي آنا ..
استأذنت الأم تبي ترتاح .. وطلع معاها ريلها ..
تم بدر يقلب بالقنوات .. بحكم الميانه عادي يقعد مع بنت خاله واهو يعتبرها أصلا مثل بنت أخته أو بنته بعد .
فجأة تكلم بدر :كوكو تدرين منو شفت اليوم وسأل عنج .!
الكادي بلا مباله لأنها مشغولة بكتابها:منو!
بدر: شفت زيد يا ...
كان بيكمل كلامه بس فجأة أقطعت عليه الكلام كادي:شنــــــــــــــــــو ؟؟
بدر:شفيج ..! اقولج شفت زيد ياحليله لي عمر ماشفته
الكادي مو مستوعبه وقلبها قام يدق تذكرت زيد أيام طفولتها بس شلون واهو مات:إي زيد تقصد ؟؟؟
بدر على نياته : إي يحق لج تنسين مر عمر أنتي بعد ماشفتيه
الكادي بنفاذ صبر :بدرر تكلـــم .. زيد زيد ماغيره .. الـــــــــي ؟؟؟؟!
بدر:إي اهو ماغيره
الكادي مو مصدقه تحس انها بحلم:أنت شتقول ... زيد مات من زماااان له اكثر من 17 سنه
بدر موفاهم شي: شنو مات ؟ منو قالج هالكلام ؟
الكادي:خالي والكل ..!
بدر:لا يبا كان مسافر يدرس بلندن .. وعاش هناك .. لان صارت مشاكل عندهم بالكويت وماقدر يرجع ..
الكادي ماحبت تبين شي اكثر من جذي أكتمت فرحتها واستغرابها بقلبها :اهاا .. وشنو قال ..
بدر : ابد كان عندهم عزا عمهم متوفي .. وتأخرت عندهم .. واهو كان له 4 أيام واصل الكويت وشفته .. وتميت قاعد معاه لي وقت متأخر فجأة سألني عنج .. قال تذكر البنت الصغيرة إلي كانت دايم معانا قبل .. !
كادي باهتمام : إي وبعد
بدر: إي سأل شخبارها وينها الحين ..! عاد زفيته شكو يسأل
كادي بقلبها معقولة ذاكرني للحين .!؟ : اها
بدر:اي وبسس !
الكادي أسرحت بعيد وقطع عليها بدر :بس حرام يكسر الخاطر صار شايب وللحين ماتزوج !!
الكاديْ:ليش ؟!
بدر:الله يعينهم عندهم مشاكل وايد صارت واهو مسافر .. ورجع عشان يلاقون لها حل ..!
الكادي:الله يعينهم ..
أتركته قاعد ماتحملت تقعد أكثر من جذي .. وركضت غرفتها وتسندت على الباب واهي مغمضه عيونها ودموعها سيلان على خدها .. تذكرت زيد وأيامه ولحظاتها .. تذكرت تعبها ومرضها عليه .. تذكرت زيد الشباب .. وكادي الطفلة ..
اااه ياربي زيييد عااايش وأنا إلي حسبته تركني ومااااات ....!
لا لا مو مصدقه .. أكيد انا احلم .. اكــــيد ..
اتصلت على رفيجتها بسرعة:الووو
مرح:هلا وغلا بعمري وقلبي
الكادي مافيها صبر:مررررح .. زيييد عاااايش
مرح ببلاهه : منو زيد .. شنو عايش
الكادي:اااااه يامرح ... تعالي عندي الحييين واقو لج كل شي موقادره أقول شي عالتليفون
مرح:حمستيني الله يخسج .. يلاا يااايه باااااااااي
كادي :بااي حياتي
ربع ساعه ومرح عندهاْ وصعدت لها الدار ماانتظرت لين تنزل لها ..
كادي:بسم الله .. متى وصلتي
مرح:شلونج شخبارج .. يلا قولي السالفه ..!
الكادي تضحك :يمه منج تموتين بالسوالف ..
مرح :يلا تكلمي .. تالي اعلق
الكادي واهي طايره من الفرح وتعبر عن شعورها بكل صدق : مرح هذا زيد إلي ...... وقالت لها كل السالفه
ومرح مره تبتسم ومره عينها تدمع مو مصدقه الي تسمعه .. شعور غريب لما تحطين في بالج انسان طول هالعمر ميت بالاخير يطلع عاااايش صدمه قوووووويه ..!
مرح:وانتي مستانسه وايد ....ليش ؟
الكادي احتارت :صح ليش ..؟ مادري .. بس اهو بعد للحين مانساني والدليل سأل عني ..!
بس فشله شكو افكر فيه .. انا كبرت الحين ماني كادي الصغيره الي تبجي وتزعل بحضنه واهو يراضيها ..!
مرح بجديه:تحبينه ؟
كادي انصدمت:شنو ؟؟
مرح:الي سمعتيه ..!
كادي:لا عادي .. بس انسان غالي علي .. والحين مجرد ذكرى ..ّ
مرح:بس بعيونج شي ثاني ..!
كادي:انسي موضوعي .. قوليلي شخبارج مع جسووم ..
مرح:اااااه سكتي ايام الملجه هذي مو طبيعيه ماتشوفين اروح الدوام عيوني متفوخه من السهر والله .. الله لايغيره علييي بعد الزواج مثل باقي الريايل ..
كادي:اللهم امييين يارب
يتبـــِع
الموضوع الأصلي :
وقَعْت فِيِ غرآمْ طِفلهْ ..~ لـِ / غُربةْ الأحزْانْ ..~ || الكاتب :
JO0ORY || المصدر :
منتديات أنيدرا
.gif){kind=icon}
وقَعْت فِيِ غرآمْ طِفلهْ ..~ لـِ / غُربةْ الأحزْانْ ..~
العرض العادي
