موضوع هااااام ودخول لكل عشاق الفرق الكورية واليابانية !!!

[henan]

يعطيك العافيه يابو خليل

انا قعدت يومين افكر وش تقول على اني عارفه ان كلامها خطأ بس لدرجة اني رحت اسئل اخوي يدرس شريعه ابغى اشيك على الكلام

بس اسفة اني ما بلغت عنه

اما عن علامات الساعه الصغرى في ظهرت من ايام الرسول محمد يعني قبل 1400 عاااااام

يعطيك العافيه

الله يجزاك خير دنيا واخرة

[...شينجي]

وعليكم السلام ورحمته الله و بركاته:


في البداية اود اقول اني العضوة اللي نزلت الموضوع و انا ما كنت اعرف كل هالاشياء الا بعد توضيحك يا بو خليل..

و اود فعلااا اني اعتذر حقك و حق جميع اعضاء المنتدى الكرام ع غلطتي و جهلي في الموضوع و يارب ان شاء الله يسامحني .

و اود اوضح لكم اني ما كتبت الموضوع و لا لي دخل فيله ابداااا انا مجرد نسخت الموضوع لاني صرااحة صدقته و عبالي انه كلامها كله صح و لكن طلع غلط في غلط و انا ما نقلت الموضوع مثلاا لاني معتقداتي غلط و لا ابا اغير فيكم..

اتمنى انكم ما تظلموني..

ع فكرة انا مالي خص ابدااا في الشيعة و الحمداللله انا سنية طبعااا..

و شكراا جزيلاا لك يا بو خليل على حذف الموضوع..

ثانيا:
اود اقول انا بعد احب البرامج الكورية نفسكم و استمتع فعلاااا فيهاااا لانهاا مسلية و كوميدية

و مضحكة كثيرااا وبعضهاا مفيد .. و احب الفرق الكورية و استمع لاغانيها..

مثل فرقة سوبر جونيور احب برامجهم لانهاا كوميدية و مضحكة..

و مثل ما قلت ان الواحد يتابع اللي يباه هاي حررية شخصية..

والله اباكم تعرفون اني نيتي كانت فعلااا خالصة لوجه الله..

وماكنت اعرف ان الموضوع خطير لهدرجة..

و جزاك الله خير ع توضيحك..

ان شاء الله مرة ثانية مابكرر غلطتي هاذي..

ثانيا:

ابا اعلق ع كلام العضوةgamari اني نشرت الموضوع في كل المواضيع !!

شو هالكلام ؟؟

الله يسامحج انا ما نشرت الموضوع و لا شي!!

انا ما حطيته الا في منتدى انيدرا قسم الاندية الكورية!!

اتمنى منج ما تتكلمين عن شي و انتي مب عارفة شو!!

و كلام اختي Ms. Julian

اني مب طبيعية !!

و اي باب ادخل بعد عشان الاعضاء يصدقوني!!

شو يالسة تقولين؟؟

انا انسانة و غلطت و كل الناس يغلطون !!

يعني انتي ماشفت الموضوع و يالسة تعلقين!!

سووري ع هالكلام لاني فعلاا تضايقت..

صح اني غلطت غلطة لكن مافي داعي لردود مثل جي!!

الله العالم عن حسن نيتي..

و انا سجلت مرة ثانية لان عضويتي حذفوهاا و ع كلام اختي gamari

اني نشرت الموضوع!!

و اني ابى اصلح غلطتي و اسفة فعلااا ع الموضوع اللي حطيته..

و انا احب اشارك في منتدى انيدرا و استفيد منه..

و الله يعطيكم الف عافية..

[jeanne]

مشكورين ..

و تلاقو كل خير ان شاء الله..

[بــو خــلــيــل]

Tego love


الله يسلمك ويخليك اختي الكريمة ...، طبيعي جداً يصير بك هالشيء .. لانه الموضوع كان جداً قوي وصعب على جميع من قرأه .. لهذا السبب تدخلت وبديت اوضح كل شيء انكتب به ...


وبالفعل، اللي نزلت الموضوع برئية منه ولا لها علاقة بكاتبه الاصلي .. وهذا اللي يهمنا توضيحه اياً ...

ويوم القيامه، ما يعلمه غير ربي .. اما اي شخص يدعي اي علم به، فهو مخطئ تماماً...

والله يعافيك ويخليك اختي الكريمة ..


street.k2

الافضل لك انك ما شفت الموضوع بالفعل .. لأنه مزعج بشكلٍ كبير ^^"



untouchable


صحيح الموضوع بتلقينه منتشر كثير بمختلف المنتديات، لأنه اللي كتبه بينشره بمكان او اثنين، وبعدها، كل شخص (نفسه طيبة) بيقرأ الموضوع ومن باب الخير، بيقوم بنشره على مختلف المواقع والمنتديات دون أن يدري انه بهذا التصرف، ينشر شيء خاطئ ...



بالمناسبة، موضوع المهدي وانه ما يدري عن نفسه، هذا كلام نبتعد عن ذكره افضل شيء .. لأنه ما عندنا علم كبير به ولا سمعت به شخصياً...

كل اللي نعرفه ما هو مذكور بالسنة المؤكدة عن الرسول عليه الصلاة والسلام، وما تم ذكره من قبل مشايخنا الأفاضل ...



موضوع STAR KING، أحس انأخذ بشكل كبير جداً، وخاصة من الناس اللي تكره كوريا .. لانهم يبون يخلون كل الناس تكره الكوريين ايضاً .. يا اختي فيه ناس معقدة بهالشكل وش نسوي بهم ..
واترك هذا الموضوع لمن هو ادرى به .. ^^


NooR 3eny

صحيح كلامك ...
ما فيه عيب نحب الكوريين، لكن ما يكون حب مجنون ...
لانه اي شيء اذا كان زايد عن حده، ينقلب ضده ...

من حقي كشخص احب فلان، أو احب شركة معينة او غيره .. لكن الخطأ الكبير، أني اترك حياتي كلها عشان الاشياء اللي احبها .. لانه هالتصرف يعتبر جحود بحقك كمسلم ..

والله يعافيك اختي



νyunсн

افضل لك انك ما قريتي الموضوع .. خير وبركة بصراحةً .. وليتك بلغتي عليه مباشرة اول ما شفتيه وخبرتيني .. عشان اتصرف به مباشرةً قبل ما يقرونه بقية الاعضاء ويتأثروا به ..



ومثل ما قلتي، حلو الواحد يشوف مسلسلات وبرامج كورية، يمكن تفيده بشكل او بآخر، او على الاقل يتمتع بمستوى من الدراما افضل بمليون مرة من غيرها ...

Ms. Julian


همممم، ايه اختي، نزل الموضوع للاسف .. وحمد لله ما مر عليك ...

ما اقدر ازيد على كلامك .. والف شكر لك حقاً



henan


الله يعافيك ويخليك اختي ...
ماشاء الله، جميل جداً انه اخوك يدرس شريعة، بهالشكل على الاقل، تقدرين تساعدين بتوضيح وتأكيد او تصويب اي شيء كتبته بموضوعي...

وجزيل الشكر والتقدير لك حقاً ..



...شينجي



أهلاً أختي الكريمة شينجي .. ومرحباً بك ...
ادري انك نسختي الموضوع وطرحتيه هنا، كان واضح جداً من اسلوبك، ومسموحة اختي ...
وشكراً جزيلاً لك على اعترافك بالخطئ اللي حدث بالموضوع، اتوقع اي شخص قرا الموضوع ممكن يتصرف نفس تصرفك، ويآخذ الموضوع وينشره بببقية المنتديات ...



اختي الفاضلة، أنا ما تحدثت اطلاقاً عن موضوع انك شيعية ام لاً، انا فقط وضحت الموضوع من مختلف الجوانب حسبما اعلمه ...
وبالنهاية، الشيعة والسنة اعتبرهم اخوان، فكلنا من آدم .. فقط الاختلاف انه هالمكان ما نسمح به بذكر بقية المذاهب خوفا على اعتقادات الاعضاء ...


وحلو والله انك ايضاً، تشاركين الجميع باهتماماتهم وتشاهدين الدراما والبرامج طبيعي .. وبالفعل هذي حرية شخصية ...

وطالما انك ما تعرفين بالموضوع ولا سببه، فممكن ترجع عضويتك السابقة كما كانت ...
أنا برسل لك الحين برسالة عشان نرجع عضويتك للمنتدى مرة ثانية ... والسموحة منك على تصرفي بحقك ..



أختي الفاضلة (شينجي)، أقدم لك اعتذار نيابة عن كل الاأعضاء بحق ما قالوه في هذا الموضوع، البعض بالفعل ما قرأ الموضوع والبعض الآخر ما فهمه .. واعتقد انك انتي اللي كتبتيه
مع انه بالموضوع نفسه، كان واضح تمااما انك نسختيه من مكان ثاني ...
والمعذرة انك تضايقتي ..



بالمناسبة، عضويتك غير محذوفة على الاطلاق وهي موجودة كما هي ...

بترجع عضويتك قريب ان شاء الله، واتمنى ترجعين تشاركين معنا في منتديات أنيدرا ..

ولك اطيب تحية وتقدير اختي الفاضلة اخلاقها




jeanne

العفو اختي .. .وحياك ربي ^^

[يـونـ❤ـآآ]

مشكووووووووووووووووووووووووووووووووووور على حذف الموووضوع

الله يجزاك خيييييير وانا الصراحه ماشفت الموضوع ولا كاان بلغت عليه