اسئلة البارت~
*رايكم موقف العنود وناصر ؟؟
جممميل
* ووش رايكم بخالد وجدان على المدرسة المختلطة؟؟وهل معه حق؟؟
فيه سلبيات و إيجابيات
*وش رايكم بخطة هيديكي لما خلى ميتشيرو تجي مكان وجدان؟؟
خططططير
*وجراء هيديكي لما وجدان كانت نايمة؟؟؟
يقههر
*اخر شي وش رايكم بهدية هيديكي لوجدان وكلامه "عشان اكون بقلبك دايم"؟ <<عاد هذا المقطع وانا اقراه لبنت خالتي قبل لا اقول عشان اكون بقلبك هي قالتها وقامت تصيح تقول الكلب الحيوان اختي وبنت خالتي بس يتهاوشون وحدة تبغى وجدان مع نايف ووحدة تبيها مع هيديكي.. وانتم؟؟؟؟
اممم اللي تحبيه من زمان نايف لازم تحبه مو تكرهه
و هيديكي ححلو يكون ياباني
اووهااايووو يا حلووين جيت احط جزء جديد من الرواية واتمنى يعجبكموما انحرم من تعليقااتكم وتقييمكم
_____________________________
الجزء الثالث عشر~
بالسعودية الساعة 7 بالليل~
ببيت العنود..
العنود لابسة بجامتها وتتمشى بالحديقة وفجأة شافت وردة تدخل من تحت باب الشارع
العنود قربت من باب الشارع ونزلت للارض واخذت الوردة وكان تحتها ظرف وبعدين سمعت صوت سيارة تروح
اخذت العنود الظرف وفتحته وهي قاعدة على مرجيحتها
[When I saw you I fell in love, and you smiled because you knew.]
عندما رأيتك وقعت في حبك , وابتسمتي لانكِ علمتِ.
العنود صنمت عند الرسالة بعدين ابتسمت ورجعتها بالظرف
ريبيكا (ام العنود): anoda come on get ready
عنودة يلا تجهزي
.............................................
ريان ركب سيارته ووقف عند كافيه قريب من بيت العنود
نزل ريان من السيارة وطلب له موكا : ( البنت هذي بتجنني, حتى صرت ويليام شيكسبير عشانها)
دق جوال ريان بعد ما رجع لسيارته وبيده الموكا
ريان: هلا نوال وش عندك؟
نوال: وشو اللي وش عندي انت نسيت ؟! جمعة العشا اليوم عند عمتي نورة (أم ناصر)
ريان: يوه ماودي اروح
نوال: ترا ابوي بيعصب عليك
ريان: طيب انا مالي خلق اشوف هالناصر
نوال: كيفك، بس ترا العنود بتجي <<<عرفت له
ريان: تدرين حتى لو مالي خلق ناصر لازم اشوف عمتي
نوال: ههههه ايه علينا ، طيب يلا تعال
ريان: ان شاء الله
.................................................. ..
.........................
ببيت أبو ناصر...
ريم قاعدة تتجهز وتعدل مكياجها والا دخلت عليها امل
امل: ريم عطيني روجك الاحمر
ريم: انتي تحطين روج ؟! وبعدين احمر؟ ليش وش فيه؟
امل: بس كذا طقت ببالي احط روج واحمر
ريم: طيب لا تاكليني ، بس ترا لو امي شافتك بتذبحك
امل: ليش وش قالوا لك ؟ بخلي امي تشوفني؟!
ريم: لا ومخططة الاخت .. ما اقدر امي بتعصب ، شوفي بعطيك مرطب لماع حلو
امل: طيب يلا هاتيه
ريم: ثواني هو بحمامي .... وراحت ريم للحمام وطبعا امل استغلت الفرصة واخذت روج ريم الاحمر اللي بدرجها وحطته بجيبها (طبعا امل عارفة ان ريم ماراح تلاحظ لانها ماراح تستعمله اليوم)
ريم طلعت من الحمام وناولت امل المرطب : هذا ينفع للي بعمرك
امل وهي تغصب نفسها تبتسم: شكرا يلا بروح البس
نواف كان مار من عند غرفة ريم وشاف امل وهي تاخذ الروج وتخبيه بجيبها
امل راحت لغرفتها ونواف راح عندها
امل وهي رافعة حاجب: نعم؟
نواف وهو يناظر جيبها: شفت الروج اللي اخذتيه من ريم
امل: طيب وبعدين؟
نواف ابتسم : لا ولاشي
امل: الحمدلله والشكر مب صاحي يضحك مع نفسه
طبعا جوا كلهم لبيت ابو ناصر...
عند الحريم..
نوال: عنودة وش رايك نروح بكره كافيه؟!
العنود: بس مين بيودينا؟!
نوال : مين بعد ماعندنا الا ريان
العنود: لا مالي خلق
نوال: براحتك، الا بسألك شفتي وش صار امس عليهم يقهرون<< نوال والعنود يتابعون مسلسل لهم فترة وخاقين مع الابطال <<هههههه
العنود: اسكتي امس بغى يجيني انهيار وش هالهبالة
نوال: افف بس يقهرون
العنود: اقول نوال تجين نطلع برا عند المسبح ؟!
نوال: وش يطلعنا بالليل وبعدين اخاف احد من العيال يطلع والا شي <<مجلس الرجال له بابين واحد منها على المسبح
العنود: وشو عاد نلبس شراشفنا ونطلع ابغى اشم هوا واغطس رجولي بالمسبح
نوال: طيب يلا قومي
وراحوا برا للمسبح
امل سلمت على الحريم بعدين راحت عند الرجال وسلمت عليهم وقالت لريان يجي معها للحديقة (الحديقة غير المسبح <<كل شي بجهة غير)
ريان استاذن وطلع طبعا ما صدق بما انه ماله خلق ناصر :هلا وش عندك
امل: صبر صبر بوريك شي
دخلت امل البيت شوي وطلعت وهي حاطة الروج الاحمر طلع حلو على لبسها بس اكبر من سنها
امل: وش رايك؟!
ريان: هههههههه امولة وش مسوية بعمرك ؟!
امل صار وجهها بدون ملامح بعدين رفعت حاجب: مالت عليك واللي يوريك
ريان: طيب وش الطاري؟!
امل: كذا طقت براسي , بس حلو صح؟
ريان: ايه حلو بس مو كانك صغيرة على كذا
امل: لا مب صغيرة شوي واصير 12
ريان: بس 12 صغيرة
امل: لا تكفى يا الكبير ترا فرق بينا 10 سنوات بس
ريان هنا مات من الضحك: ههههههههههههههههههههههههه بس؟<<قالها باستهزاء
امل: والله مسوي كبير وزحمة فارق بس
ريان: خلاص انتي كبيرة
امل بنظرة شر: اقول ريان وش رايك نسوي مقلب بالعنود؟!
ريان بغى يغص يوم قالت اسم العنود: ا.. لا مالي خلق
امل: مالك خلق والا..
ريان: والا وشو؟
امل: مدري انت قول لي
نوال دخلت داخل البيت عشان تستخدم الحمام
العنود طلعت الرسالة حقت ريان من شنطتها وقعدت تقراها مرة ثانية وهي مغطسة رجولها بالمسبح :If he thinks that I’m gonna fall for him he’s mistaken
اذا كان يحسب ان بقع بحبه فهو غلطان
بعدين حطت الورقة جمبها
امل كانت رايحة جهة المسبح
ريان: يا هبلة تعالي
العنود سمعت صوت ريان فغطت نفسها بالشرشف
ريان: العنود قومي من مكانك
العنود ماكانت تدري وش السالفة بعدين امل دفت العنود بالمسبح << العنود ماكانت تعرف تسبح
العنود طاحت بالمسبح وتحاول تتمسك بس الشرشف مثقلها زيادة , فكته وتحاول تقرب من الحافة بس ماقدرت:H..he..help..I.. can’t
س..سا..ساعدوني. ما.. اقدر
ريان على طول نزل لها بالمسبح وشالها وطلعها برا المسبح
العنود كانت تتنفس بصعوبة بعدين لفت على ريان : are you ? aren’t you big enough to stop acting this way ,and if you think that I might love you then think again
انت مجنون ؟ ماكبرت على هالحركات واذا كنت تحسب اني ممكن احبك اجل فكر مرة ثانية
وبعدين رمت الورقة (رسالته) عليه ودخلت البيت وعلى طول على الحمام
ريان لف على امل: انتي مجنونة ؟ كنتي راح تذبحينها
امل ضحكت ضحكة استهزاء: انت مب مالك خلق انت تحبها هي..
ريان ماقدر يرد على امل لان اللي قالت صح
امل وهي ماسكة دموعها: طيب ليش هي ؟ هي ماتفهمك انت حيوان!! انا طيب؟
ريان: انتي وشو؟ امل انتي بسادس وبعدين مين قال اني احب احد
امل: واذا بسادس ما احس انا احبك ليش ماتحبني والروج حطيته عشانك
بعدين طلعت الروج ورمته على ريان ودخلت البيت وعلى طول راحت لغرفتها
ريان ابتلش بعمره مب عارف وش يسوي العنود تحسبه مسوي المقلب وأمل تحبه <<حتى البزران يحبون
طلع برا البيت وراح بسيارته لبيتهم وغير لبسه وانسدح على الفراش
ببيت ابو ناصر .. عند الرجال..
نواف : وينه ريان مو كانه طول؟
نايف : ايه والله وينه؟
نواف راح يشوف ومالقاه
نوال طلعت من الحمام وراحت للمسبح مالقت العنود بس لقت ورقة جمب شنطتها ، ماكانت بتقرا الورقة بس جاها فضول . اخذت الورقة وقرتها بعدين صنمت
نوال: هذا مو خط ريان <<<خطه معروف
العنود للحين بالحمام وماتبغى تطلع عشان ماتصير سالفة وزحمة
نوال اخذت الرسالة ودخلتها بشنطة العنود وشالت الشنطة وراحت تدور العنود
العنود سمعت صوت نوال ونادتها من الحمام: نوال هاتي لي لبس من ريم
نوال: وش فيه لبسك؟
العنود: تو تزحلقت وطحت بالمسبح بس كنت عند الحافة وطلعت <<كذبت
نوال: كان المفروض تنتبهين
ريم جابت لبس للعنود والعنود لبسته وعدلت مكياجها ونشفت شعرها ولا كان شي صار
جوال العنود جت له رسالة , العنود اخذت الجوال وفتحته:
[I’m really sorry although I didn’t do it this time, I swear]
[انا اسف حقا مع اني ما سويتها هالمرة, والله] الرسالة كانت مرسلة من جوال نوال
العنود شكت ان الرسالة من ريان
العنود رجعت عند الحريم وقعدت جمب نوال
العنود: نوال وين جوالك ابغى اخذ صورة الفستان اللي اول
نوال: يوه تصدقين شكلي تركته بسيارة ريان وبعدين وش جاب الطاري على الفستان
العنود: وحدة من البنات عندها عرس وسالتني اذا عندي موديل لفستان حلو بس <<<كذابة
نوال: اها خلاص طيب برسله لك اذا رجعت البيت لا ن شكل ريان راح البيت, تو اسال امي تقول انه دق عليها وقال انه دايخ لانه مواصل من امس
العنود: نوال بخصوص الكافيه اللي بكره خلينا نطلع احس ودي ارفه عن نفسي عقب الاسبوع المتعب اللي مريت فيه
نوال: ههههه طيب خلاص تجهزي بكرا الساعة 10 ونص بنمرك
العنود: ايه خلاص بنتظرك بكره 10 ونص
.................................................. ..........
ببيت ابو راكان.....
ريان كان بالبيت يفكر: ( الحين امل من جدها افففف والعنود ما شكلها بتحي بكره)
.........
بغرفة امل ..
امل: حيوان كلب
ريم كانت تدور روجها الاحمر وراحت لامل تسالها
ريم: امل وين روجي ؟
امل وعيونها دموع وروجها الاحمر اللي بشفايفها صار باهت لانها قعدت تمسحه: مدري
ريم: وش فيك امل ؟
امل: حيوان مايحبني
ريم وهي فاتحة عيونها: مين ؟
امل: ريان, مايحبني
ريم: لو ما يحبك كان ماقعدتم تحوسون البيت حوس كل مرة يجي
امل: انا مو قصدي كذا انا قصدي انه مايحبني حب مو بس كبنت عمته
ريم: انتي من جدك؟
امل: ايه من جدي ليش كلكم تحسبوني ما احس
ريم تدري ان اختها توها بزرة وبتنسى وهي يمكن ماتحبه بعد لانها توها صغيرة عالحب
................................
بالصبح الساعة 9:45
ببيت ابو راكان~
نوال كانت تطق الباب على ريان :ريان يلا قوم ماصارت وش هالنوم؟؟!!
ريان يرد من ورا الباب وهو شبه ميت(من النوم): خليني انام وش تبين
نوال: وشو اللي وش تبين ، نسيت ؟ الحين مب انت اللي قلت لي اقول للعنود عن الكافيه؟
ريان نقز من فراشه وفتح طرف الباب وهو واقف عنده ويسوي نفسه مب هامه الموضوع: طيب وبعدين؟
نوال وهي تضحك: وش تعطيني؟
ريان وهو يناظرها بطرف عين: وش هالعايلة المادية اللي انا طايح فيها. يعني لازم مقابل مافيه شي لوجه الله
نوال رفعت حاجب: انت اخر واحد يتكلم عن المادية
ريان: طيب اللحين وش صار؟
نوال: طيب انا وش لي؟
ريان: الله يعنني اللي تبين بس قولي
نوال: اجل اممم بعد الكافيه تودينا السوق
ريان: طيب بس ليش؟ "تودينا"؟ يعني وافقت؟!
نوال:ايه وافقت, نبغى نروح السوق عشان في عرس وحدة من صديقاتنا وبنحظره انا والعنود وحتى البندري اذا رجعت بتحضره
ريان: طيب يلا بسرعة تجهزي
نوال: ههههه طيب اعصابك شوي شوي لسى حتى ماصارت 10
..........
ببيت أبو العنود~
العنود قامت على منبهها اللي كان يدق الساعة 10
العنود: باقي نص ساعة على مايجون نوال وريان
العنود راحت تدور ابوها عشان تقول له انها بتطلع مع نوال بس ما لقته
العنود: mom have you seen dad ?!
ماما شفتي بابا؟!
ايريكا: he has work to do ,so he left early today
عنده شغل يسويه عشان كذا راح بدري اليوم
العنود: mom could I go with nawal to the mall?
ماما عادي اروح مع نوال للسوق؟
ايريكا: but who’s going to take you there?
بس مين اللي بياخذكم؟
العنود بفيس متقزز: who else, that stinkin’ cousin of mine
مين غيره, ولد عمي الخايس
ايريكا: alright but don’t be late
طيب بس لا تتاخرين
العنود: thanks mom, I won’t
شكرا ماما ، ماراح اتاخر
وراحت العنود لغرفتها تلبس وتجهز نفسها
.................................................. .....................
.................................................. ..............
نوال دقت على العنود عشان تطلع لهم برا وطلعت العنود وركبت ورا نوال
نوال: هلا يا حلوة صباح الخير
العنود: صباح النور
طبعا ريان قاعد يسوق وهو طاير من الفرح بس يحاول مايبين
ريان: تبغون ندخل الكافيه والا اطلب لكم ونشربه بطريقنا للسوق؟
نوال: لا خلينا ندخل
ودخلوا الكافيه... وجلسوا بالغرف اللي يجي فيها ستارة
ريان: وش تبغون اجيب لكم؟
نوال: انا ابغى ايس موكا وتشيز كيك فراولة
ريان: طيب, والعنود؟
العنود: انا ابغى ايس لاتيه
ريان: بس؟
العنود: ايه بس
ريان راح يطلب الطلب
ريان: ( احسها للحين معصبة، اكيد بتكون معصبة عقب اللي صار امس)
نوال: غريبة ماطلبتي تشوكلت تشيز كيك
العنود: ههه مو انا احاول اخفف احس اني سمنت
نوال: لا ماسمنتي يتهيا لك
شوي والا دخل ريان بالطلبات
ريان: ايس كراميل وتشيز كيك فراولة لنوال ، ايس لاتيه وتشيز كيك تشوكلت للعنود
نوال: انا طلبت ايس موكا مب ايس كراميل
ريان: متاكدة؟
العنود: وانا ماطلبت تشيز كيك
ريان وهو يبتسم: بس انا اذكر انك طلبتيه
نوال وهي تضحك: اقول ريان انت سمعك فيه شي ترا
ريان: خلاص عادي اصلا مافيه وقت نبدل عشان نلحق على السوق
نوال: خلاص بشرب الايس كراميل وامري لله وش اسوي بعد
العنود: بس انا ماراح اكل التشيز كيك
ريان مد يده لها: خلاص ناوليني اياه انا اكله
العنود عطته لنوال عشان تعطيه لريان مع انها كان يمديها تمده لريان بنفسها
وبعد ماطلعوا من الكافيه راحوا للسوق .....
نوال: تعالي اوريك شوفي هذا المحل فيه فساتين رهيبة
العنود: والله؟ يلا وريني
ريان : انا بنتظركم برا المحل اجل
ريان انتظر شوي بعدين ماقدر ينتظر اكثر ودخل يدورهم
نوال: مررة حلو بيطلع عليك
ريان سمع صوت اخته وراح عندها : يلا ما خلصتم؟
نوال: لا لسى قاعدين ندور, لحظة الحين برجع هناك فستان بشوفه
العنود كانت بتحط الفستان اللي اختارته بالسلة
ريان مسك الفستان : رجعيه
العنود: نعم؟!
ريان: الفستان رجعيه
العنود: ليش؟ ماراح ارجعه باخذه عاجبني، عندك مانع؟
ريان: الفستان قصير مرة رجعيه
نوال رجعت عندهم بس ماسمعت وش قالوا: لقيت لي هالفستان مرة حلو, وش رايكم؟
ريان: ايه حلو احلى من الفستان العنابي (قصده حق العنود)
العنود وهي تبغى تقهر ريان: خلاص نوال خلينا نحاسب شرينا اللي نبغاه
نوال: باقي طيب الجزم والشنط والاكسسوارات
العنود: اعرف محل اكسسوارات رهيب جمب هالمحل ، خلي ريان يحاسب وحنا نروح نجيب الاكسسوارات
نوال: خلاص ريان حاسب الفساتين وخلينا حنا نروح نجيب الاكسسوارات
وبعد ما اخذوا كل اشيائهم رجعوا للسيارة
نوال: مررة متحمسة اجرب الفستان والاكسسوارات على اللبس
العنود: يلا طيب نجربها بس ببيتي والا ببيتك؟!
نوال: خلاص بيتي بما انه اقرب للسوق
وراحوا لبيت أبو راكان...
نوال راحت تقاوس فستانها بالحمام والعنود بغرفة نوال
طلعت العنود فستانها من الكيس وانصدمت لما لقت انه مب نفس الفستان اللي شرته، الفستان كان نفس اللون لكن موديله غير كان اطول من اللي هي شرته ويمكن ارقى
العنود: that’s it I’m gonna kill him
خلاص انا بذبحه
نوال طلعت من الحمام : هاه وش رايك بلبسي؟!
العنود : ايه حلو مررة عليك
نوال: يلا طيب غيري خلينا نشوف لبسك عليك
العنود قررت تجربه بما ان ما فيه الا هو
نوال: لا خلاص انا خقيت عليك
العنود وهي تضحك: صدق ؟ يعني حلو؟
نوال: ايه بس مو كان حقك اللي اخترتيه غير هذا؟!
العنود ماكانت تبغى نوال تدري ان ريان غيره: قبل مانطلع انا غيرته
نوال: تصدقين عاد هذا احلى من اللي قبل
العنود ماكانت تبغى تصدق ان هذا الفستان احلى من اللي قبل حتى لو انه كان عاجبها لان ريان قهرها بحركته
العنود: (ليش يغير الفستان؟ليش!)
نوال: عنود تسمعين وش كنت اقول ؟!
العنود: همم؟!
نوال: كنت اكلم نفسي يعني؟ تو قاعدة اقول وش رايك نسوي حفلة لراكان والبندري بما انهم جايين بكرا
العنود: ايه حلو حلوة الفكرة طيب وين نسويها؟!
نوال: مدري
العنود: نسويها ببيتكم ب وحدة من الثلاث غرف اللي لبسنا فيها للملكة حقت البندري
نوال: تصدقين فكرة
العنود: خلاص نخلي اخوك بما انه فاضي ما عنده شي يجيب كل الطلبات<<< حاقدة وناوية تمشوره
نوال: ههههههه ليش احسك حاقدة؟
العنود ببراءة: انا؟! ابدا
.................................................. .....................
..............................................
عذرا اذا كان البارت قصير
وهذي اسئلة البارت....
* اضحك موقف بهالبارت؟؟؟؟
*ريان لما غير الفستاان <<ردة فعل القارئة او القارئ ؟؟؟
*وش رايك بحركة امل لما دفت العنود وبغت تغرقها؟؟
*اقهر شي بالبارت؟؟؟
* اضحك موقف بهالبارت؟؟؟؟
لما أمل قالت لـ ريآن اححبك ههههههه
*ريان لما غير الفستاان <<ردة فعل القارئة او القارئ ؟؟؟
لانه يغار عليها
*العنود لما كانت بتغرق؟؟ وشو ردة الفعل؟؟
مً فهمت السؤال مو راكب
*اقهر شي بالبارت؟؟؟
مً فيه
ربووشة يعني عادي تكون مع اي احد ههههههه
رد: مـــذكرات وجدان (روايتي الاولى)
وما انحرم من تعليقااتكم وتقييمكم
? aren’t you big enough to stop acting this way ,and if you think that I might love you then think again
....
جاانيه
العرض العادي
