β.β ~>> حكم إعدام للثقه !

[ToP sEcReT]

السلام عليكم ورحمة الله وبركاته

صبااااااح / مسااااااا الخير أعضاااااء و عضوااااات انيدرا ..

شحاااالكم .. اخبااااااركم .. علووومكم ..؟؟

عاااااد اليوم موووودي تفلسيفي ..

و في فـ خاطري توبيك قاااهرني .. قلت بكتب عنه .. و أبا شوركم فيه ..



--

[[ ~ مدخل !!


تمضي الأيام ..

وروتين الحياة لا يتغير ..

و كما يعلم الجميع ..

فإنه في كل يوم تنتج موضه جديدة في الأسواق ..

يتهافت عليها الناس ..

و كما نعلم أيضا .. موضه العصر ..

جهاز الـ β.β >> الـ βlack βerry

موضه اجتاحت الأسواق بكل قوه ..

اعتبرها البعض كـ وباء ينتشر ..

و الاخر اعتبرها جزء لا يتجزأ من حياااته ..

بسم الله الرحمن الحيم ..

مثل ما يعرف الكل .. البلاك بيري فون اعجب وااايد من النااااس

و بصراااحه انا اولهم .. صح اني ما املك هـ الفون حاليا ..

و طبعا اهلي ما يفكرون ياخذونه لي عـ كثر المصايب اللي انتشرت عنه !!

انا ما كتبت هـ الموضوع لأني أبا امدح هـ الاختراع ..

ولا كتبته عسب أذمه !!

انا الشي الوحيد اللي يقهرني في هـ الموضوع ..

فكرة الناس بشكل عااام لأصحاب البلاك بيري ..

ما أبا أبالغ و أقول أن كل اللي ياخذون البلاك بيري لحاجة عندهم ..

البلاك بيري .. مثل كل جهاز في الحياة ..

صنعوه عسب ينفعون الناس به ..

صحيح ان الاغلب يستخدمونه عسب [ الشهوه ] مثل ما يسمونها !!

و بالمعنى العاااامي >> البلاك بيري للخربانين و الصايعين فقط !!

البلاك بيري فيه خصائص تجذب ..



خاصيه الانترنت ..

ماسنجر ..

و الخ الخ ......




وهي مفيده لـ بعض الناس اللي يشتغلون ..

لكن طبعا الناس .. هجوم على أحدث الأجهزه اللي ف السوق ..

و بعض الناس .. ما بيستخدمونه ف المفيد ..

و صاااااارت الحين سمعه البلاك بيري في اسفل سافلين !!

الحين اي حد يفكر يشتري البلاك بيري حتى لو لشغله .. يخاااف !!

يحط فـ باله ان الناس بياخذون عنه فكره غلط لمجرد وجود البلاك بيري في جيبه !!

و انا من هـ الناس !!

انا فـ خاطري يكون عندي بلاك بيري ..

بس من السمعه اللي طلعت عنه ..

غيرت رايي .. و اظن الاهل مستحيل ياخذون لي جهاز بـ هالسمعه ..

خصوصا اني بنت صغيره و بعدني طالبه ف مدرسه !!

المغزى من موضوعي كله ..

ان اي شخص ياخذ بلاك بيري الحين .. صارت سمعته [ مب شي ] بين الناس

و خصوصا اذا كااانت بنت ..!!

قبل لا يكمل هـ الفون عندها يومين .. صارت بنظر الناس انسااانه منحرفه و مغاازلجيه !!

طبعا مب بـ نظر الكل .. لكن الأغلب ..

تحس البنت انها من خذت هذا الفون .. و الأسئله ما توقف ..





منو ترمسين ؟؟

منو ضفتي ف مسن البلاك بيري ؟؟

منو مطرش لج مسج ؟؟

لمنو تتصلين ؟؟

شو تسوين ؟؟

ليش ؟؟ كيف ؟؟ متى ؟؟؟ و منو ؟؟ و ... . الخ الخ !!






ليش هذا كله !!

ماشي ثقه بين الناس !!

البنت نفسها بتنعدم ثقتها بنفسها !!!

و الأهل بينسون ثقتهم بـ بنتهم !!

انا ما اقوول انهم يخلونها براحتها !!

الحذر وااااجب .. لكن الشك يذبح !!

المصيبه أني يوم أواجه الناس بـ وجهه نظري ..

يكون ردهم وااحد ..

الخير يخص .. و الشر يعم ..






ان شالله تكون فكرتي وصلت لكم ..

عطوووني رااايكم ف الموضوع ..

تحياااتي ..

[[ ~ مخرج !!

انعدمت الثقه بين الناس ..

انعدمت الثقه بين الأهل ..

اصبح وباء الشك يتفشى في قلوب الكثير ..

هل هناااك حل لهذا !!

ام انه اختبااار من عنده عز وجل ..؟؟

لـ اختبااار لثقه الناس ببعضهم ..

الموضوع الأصلي : β.β ~>> حكم إعدام للثقه ! || الكاتب : ToP sEcReT || المصدر : منتديات أنيدرا