انـــا رسميا بلا فلوووس .... والسبب !!

[Akihito]

السلاااام عليكم ورحمة الله وبركاته

عساااااااااااااااكم بن عوااااادة ^^

وعيدكم مبااااااااااااارك ^^

نعم يا جماعة الخبر صحيح .......

انا رسميا بلا نقود ولا اموال ولا فلوس ...!!

يالله يعين الاهل على عيالهم قبل العيد وفي العيد !!

اي نعم !!!


الحين يبه !! انا ما صدقت نزلت اجازة عشان العيد !!

فلوسي تروحي كلها !! كل ما انزل اجازة !! اصرف بالهبل !!

ومب على نفسي !!

على نورة وشلتها بابا !! ...

الحين ... سابقا ... في الحلقات السابقة ... كان فيه اسألة من بعض الاعضاء ..

1- كم عمر نورة ؟ .... عشر سنوات ...

........................................

بس !! .. انتهت الاسئلة ! ... خخخخخخخخخخخخخخخخ

الحينه ... ندش في الموضوع !!

ادري انه في خاطركم تسألون السؤال التالي ؟

1- ليش افااا ؟! العيد فرحة !! .. ليش ؟ شو سوت نورة هالمرة ؟

الا شوووو ما سوت !!!

.............................

قبل العيد ... اليوم والامس ..

انا وابوها ...

مجمعين عيال العايلة كلهم !! ... ابناء واحفاد وكل اليهال من بنين وبنات !!!

فقط من هم تحت سن 16 سنة ...

البنين عاااده ... كان سهل التعامل معهم ... اللهم كنا نروح للخياييط عشان ناخذ ملابس العيد

لكن البنات !!

حنة !

ومب اي حنة !! ... حبايبي .. لااا .... مال صالون لندن ...
مب بس اياديهن !! ... ريول بعد !!

قعدت انا وابو نورة في الصالون محرجين !!

كلهن حريم ويا بناتهن في الصالون !! ... ونحن شالين مدارس العين كلها !!

وطوط منيه وطوط مناك ... !! قلبنا بيوقف !! خايفين حد من اليهال يكسر شي ولا شي ..

نورة وحليها الله يسلمها .... ترمس ويا الحناية !! ...

سويلي وردة عوده مني ... ووردة صغيرونه هني ... وخطوط مني .. ونقاط مناك ...
واباها لين كوعي ... وحنه سودة ... يا ليت بالطريقة الهندية ... وحطي اسمي في هالمكان ..
والخ والخ .... ابو نورة ... وحليله ... مبتسم ...

والله لو قالوا له يقتل عمره عشان نورة بيسوي !! ...

المهم !! ... بعد ما خلصنا من الحنة ... رحنا نشوف حسابنا في الصالون ...

طلع الحساب : 1660 درهم !!

عنبوووووووووووووووو !!

ما صار عيد !! ...
المهم !! ..

وانا وابو نورة ... كل واحد منا مطلع البوك ... والعرق ينزل من راسنا جنه فيضانات باكستان ..

عنبوو ... عبالي بس بيوصل 500 ماكس !! ... وما شليت الا 600 وشي ..
حطيت كل فلوسي على الطاولة ... وقلت حق اخوي : ها كل اللي عندي .... ادفع الباقي ..

ابو نورة : ( كحة ) .... ما عندي الا 1000 ... باقي ستين .. شو نسوي .. ( كحتين )
اونه متصرف ...

و وصاحبة المكان ... ترمقنا بنظرات حادة !! جنها عرفت سو السالفة !!

بعدين جمعنا اليهال ... وقلنا لهم السالفة ... كل واحد عطانا خميسات وعشيرات
لين ما صاروا ستين ...

الحمدلله طلعنا من الصالون !! ...

.................................................. ...................

وفي الطريق ... انا في سيارة ... وابو نورة في سيارة ...

كل واحد منا شال شلة يهالووه ..

عاااادي نووورة .... فنااااانة !!! يعني عبقرية تعذيب !!! ...

قالت حق ابوها : ^^ يبااا ... ابى ايلس عند خااالوه ... عنده مكان اكثر ... وسيارتنا ما توسع
... عادي ... ؟!! ... يبه شرايك ؟ ..

ابو نورة : ... روحي حبيبتي ... تامرين امر ... المهم راحتج ...

وانا في نفسي : .... اعوذ بالله من الشيطان الرجيم ... اعوذ بالله من الشيطان الرجيم ...اعوذ بالله من الشيطان الرجيم ... اللهم اسألك العفو والعافية ... اللهم اني اسألك خير ما خلقت ... ربي ان اسألك

الامن والامان وحماية من الشرور ... ...

وادعي وادعي واتعوذ واتعوذ .... لو تدرون كيف كان خوفي ... !! والله خفت تسوي لي مقلب او مصخرة قدام يهال الفريج !! ...

وفي الطريق ... نورة اونه تسولف ... وترمس وترمس ..

وانا : هيه نعم !! ........ صدقت ... كفوو ... زين ... افاااا ... هيه هيه ..
والله انج خوووش بنية !! ^^ ...

.........................

ويوم وصلنا البيت ...
الحمدلله ... الحمدلله ...الحمدلله ... الحمدلله ... الحمدلله ... الحمدلله ... الحمدلله ...

واتسبح في الله واحمده ... وصلت سالما وسليماا !! ..


و ابو نورة يقول : باجر لا تنسى تسحب فلوس عشان اليهال ...

انا : شوه ؟!! ... ليش ^^" ؟

ابو نورة : عشان نوزع عيدية ...

انا : اهااا .... خاطري يا ااخوي ... بس ما اروم ...

ابو نورة : ليش ان شا الله ؟

انا : يبونا في الدوام ...

ابو نورة : في العيد !! ..

انا : هيه ... هيه ... شو نسوي ... حكم القوي على الضعيف ..

ابو نورة : اكيهيتوو !! ( ما بقول اسمي .. استحي ) ... خلي عنك الجذب في اخر يوم رمضان ..

انا : استغفر الله ... خلاص خلاص .... بسوي ... شرايك اسحب معاشي كله !! (صياح )

ابو نورة : صدق مصخرة !! ... اعوذ بالله ...

انا : ..............................


.................................................. ...............................


عااااااااااااد هااااااااااااااااا ... محد يروح صوبي يقول ابى عيدية !!

....... اخوكم المفلس : اكيهيتو ..

الموضوع الأصلي : انـــا رسميا بلا فلوووس .... والسبب !! || الكاتب : Akihito || المصدر : منتديات أنيدرا