اجازة راحت غـــلط !! ............ جزء-1-

Akihito · #1 04-09-2010, 03:21 AM

اجازة راحت غـــلط !! ............ جزء-1-

لإزالة كل الأعلانات، سجل الآن في منتديات أنيدرا

السلاااام عليكم رحمة الله وبركاته

هــــااا !!

شخباركم ؟!

علومكم ؟!

شحالكم ؟!!

ان شا الله كل الخير يا رب ^^

اقول !!

قبل ما اكتب حلقة اليوم .. اتخبركم !!

شو اسوون يوم عندكم بنية ياهل شرها كبر جبل حفيت !! ها!! ؟ شو اسوون ؟!!
كيف تعيشون ؟!! هاا ؟!!

المهم !!

حلقة اليوم ... هي ... مأساة ... سببها ...

نورة بنت اخوي العود ...

حسبي الله ونعم الوكيل فيها !!! ... الله يسامحها !!

الله يعين اهلها عليها !!

بس !!

المهم !!

ندش في السالفة ..!!

امس !! نازل من الدوام .. وليتيني ما نزلت !!!

طبعا وصلت البيت ^^

فرحان !! ... اجازة ..!!

تررن تررن تررا تررا ... فرح و مستانس ومبسوط وفيري فيري هابي ..

اول ما دخلت البيت ... سلمت على الاهل طبعا .. واخواني كانوا كلهم في البيت ..

واخوي العود موجود بعد !!

ويوم اخوي العود موجود !!

اكيد !!

نورة !! موجودة !!

في تلك اللحظات كانت كالعادة في تعاملها معاي ... تعرفون !!

تناديني خااالوه بدال عمووه ...!!

و تسوي غياظة !! .. وطوط طوط .. حركات ... !!

الحين دشيت الحجرة ^^ .. وانقز في السرير ... حطيت ويهي في المخدة ..

شوي وبرقد ..

كان خاطري انام !!

لكن !!

اخوي العود .. دق الباب : قوم نش ... يلا ..!
انا : ليش ؟! توني ياي ابى ارتاح ..
اخوي : نورة تبى تروح المول صوب الالعاب ... روح وديها ولعبها مناك ..

انا : ليش ان شاء الله انا ؟! وانت طالع الوالد على الفاضي ؟! انت ابوها .. روح انت !
اخوي : تراني مب فاضي ... بودي المدام .. العيادة ..
انا : ليش ؟! شو فيها ؟! ..
اخوي : شو يخصك ؟!! حرمتي ولا حرمتك ؟! يلا نش ..!! روح لعب البنت !!
انا : ريلاكس برو ..! .. خلاص خلاص بنروح .. امرنا لله

نشيت ... وراحت علي النومة ...

قمت خذيت السويج (مفتاح السيارة ) ... وزقرت نورة !!

انا : يلا بويه!! .. بنروح المول !!

نورة : اخيرا !! .. خالوه ..ترانيكنت انطرك تنزل من الدوام ... عشان توصلني ^^ ..

في نفسي : الحين كانت تنطر لين ما انزل من الدوام عشان توهقني وياها في المول ؟!

انا : زين زين ... رايحة تلعبين بس ولا رايحة تتشرين حق المدارس ؟
نورة : الاثنين ... وامي طالبة طلبات بعد !! .. بروح اشتري لها بعد ؟!
انا: ان شا الله .. ركبي السيارة ... ولا تسوين حشرة ..

ركبنا السيارة وتوكلنا على الله ...

وفي الطريق ...

انا : امج شو تبى من المول ؟ ..

نورة : قالت تبي كريمات وهالشغلات ....

انا : انزين ... وانتي شو تبين .. ؟

نورة : ابى شنطة واقلام ومسطرة ونوتز ودفاتر وملفات ومقلمة وجوتي رياضي و نعال وزليقات
وشباص و شيلة بيضا و جلاد و مقص والوان خشبية ومائية وادوات هندسة و ...

انا : ما شا الله ... عسى بس تكفي فلوسج ...

نورة : اي فلوس ... ما عندي فلوس ...

انا وشوي كنت بروح فيها ... : نورة عن الغشمرة ... اكيد ابوج عطاج فلوس عشان تتشرين ..

نورة : لا ما عطاني ... عبالي انت بتعطيني ..

انا : نورة ... حرام عليج لا اتسوين فيني جيه ..

نورة : خااالوه .. ما هاين عليك تشتريلي .. ؟!!

انا : لا خلاص بشتري لج .. ..

في نفسي : عسى بس يكفي فلوسي ... باخذ قرض من البنك احسن ..

وصلنا المول ... نورة راحت تلعب في طابق الالعاب ... وتركض مني مناك .. وتروف فوق وتحت
وانا احاول اروح وراها ... خلتني اركض وراها .. خبلت بي هالبنية !!

حسيت بعد كل الركض ... اني خسيت ... نص وزني ..

اللي يبى ينقص وزن يروح يحاوط مع اليهال في المول ...

يتبع

للحديث بقية يا يماعة ..

اخوكم اكيهيتووو

الموضوع الأصلي : اجازة راحت غـــلط !! ............ جزء-1- || الكاتب : Akihito || المصدر : منتديات أنيدرا

**emme&ruru** · 04-09-2010, 04:39 AM

اقتباس:

المشاركة الأصلية كتبت بواسطة Akihito

نورة !! موجودة !!

الله يعينك بس

زي صديقة الوالدة ولدها زي كذا

ماشاء الله عليهم نشاط زااايد

بس ما نقدر عليهم والله..

في انتظاار التكملة...

والله يعييينك

ђorikiттч · 04-09-2010, 04:44 AM

حجزززززززززززززززززززز

اقتباس:

المشاركة الأصلية كتبت بواسطة Akihito

شو اسوون يوم عندكم بنية ياهل شرها كبر جبل حفيت !! ها!! ؟ شو اسوون ؟!!
كيف تعيشون ؟!! هاا ؟!!

حلقة اليوم ... هي ... مأساة ... سببها ...

نورة بنت اخوي العود ...

حرام عليك هيا صغيرهـ هادي تعتبر من طيور الجنه
والله أني اموووووت على اليهــال >> تتابع مسسلات كويتيه

اقتباس:

المشاركة الأصلية كتبت بواسطة Akihito

في تلك اللحظات كانت كالعادة في تعاملها معاي ... تعرفون !!

تستــآآآهــل .. والله أنهـــآآآ كفــو ..

اقتباس:

المشاركة الأصلية كتبت بواسطة Akihito

تناديني خااالوه بدال عمووه ...!!

أنا ماني عارفه شو المشكله .. ترا نحنا عندنا الكبير نناديه عم والصغير نناديه خال خخخخ

اقتباس:

المشاركة الأصلية كتبت بواسطة Akihito

اخوي : نورة تبى تروح المول صوب الالعاب ... روح وديها ولعبها مناك ..

ياعمري عليــها والله لو منكـ اقوم لو أني مشتغله حجر وطين خخخخ
وبعدين ليه ماتوديها حتى لو تعبان حراام هيا ايش ذنبها

اقتباس:

المشاركة الأصلية كتبت بواسطة Akihito

نورة : لا ما عطاني ... عبالي انت بتعطيني ..

يــآآآعمــري عليــها حبيتــها والله بتطلع كول

اقتباس:

المشاركة الأصلية كتبت بواسطة Akihito

حسيت بعد كل الركض ... اني خسيت ... نص وزني ..
اللي يبى ينقص وزن يروح يحاوط مع اليهال في المول ...

شوفت كيف أنها تحوبــكـ خخخ

اقتباس:

المشاركة الأصلية كتبت بواسطة Akihito

للحديث بقية يا يماعة ..

يآآآربــــــــي كنت متـــآآآبعه ...
يســــــــــلمووو خيــووو وربــي مت من الضحكـ ..
واللهـ بنت أخوكـ هادي نفسي أتعرف عليها
أعلمـــها أشيــاء حلوه من مهارآآآتي ..
هيـــا الظــاهر لسى مبتداءه نيــيييهاهاهاهاها
أنــــتم حلال فيــكم كل شـــي ..
أنتــــظر الجــزء الثــاني بفــــارغ الصبــر ..

**LELO** · 04-09-2010, 09:44 AM

هههههههههههههههههه وربي ماقدرت اوقف ضحك هههه

اول شيء مبروك الاجازة

ثانيا ياحلوها لهجتهم تعجبني مره
بس خذت مني عدة ثواني عشان افهم الهرجة

//

نجي للسالفة :

اقتباس:

شو اسوون يوم عندكم بنية ياهل شرها كبر جبل حفيت !! ها!! ؟ شو اسوون ؟!!
كيف تعيشون ؟!! هاا ؟!!

والله ما ادري وش كبر جبل حفيت