السلام عليكم ..
تابعت توني الحلقة الاولى من اليوتيوب
لأني مالحقت عليها أمس ..
بصراحه عجبتني الأساسيات
اللي بيكون عليها البرنامج هالسنه
وطبعا الأخ احمد الشقيري الله يجزاه
عن المسلمين كل خير والله يعطيه
على قد نيته يحاول وباجتهاد انه
يرسخ هالعلوم النافعه في أذهان
النشء .. ومثل ماقال هو يستهدف
الأجيال الجديده ببرنامجه ليبني
جيل مثقف واعٍ مسلم ..
الحلقة الأولى هي افتتاحية للبرنامج
وتعريف بالفكرة الأساسية اللي
بيقوم عليها البرنامج هالسنه
ألا وهي [الإحسان] ..
بالإضافة إلى وجود العالم البريطاني
وبصراحة أهني الأخ أحمد وطاقم البرنامج على
اختيارهم له والسبب الوجيه اللي خلاهم
يختارون عالم بريطاني بدل مايكون عربي
بصراحة هالحلقة شوقتني أكثر إني تابع باقي
الحلقات وأتوقع إنه بيكون جزء ناجح
مثل ماكان الجزء الخامس ..
بانتظار باقي الحلقات والتعليق عليها
سجليني من المتابعين