الشايب والوايت " قصة طريفة "

[أنهار]

يسولفون عن شايب نوى يشتري له وايت علشان يسقي الحلال ,

وذالشايب متقاعد وشاريله رعية غنم

وفوقها خمسين ناقه , فأخذ يجمع له دراهم لين صار عنده حول

الخمسة وثمانين ألف ريال


فقام و توكل على الله وعزم يروح يدور له وايت.

صدفه و هو يمشي إلا ذيك الناس المجتمعة في أرض فضا كبيرة

ولآَ حولهم وايت واقف. عجب خوينا


الشايب ناظر هالوايت وهو ماشاء الله يبرق من بعيد ووقفته شي عجيب ,

قال بس لقيناه خلني اروح

أوصلهم وأشوف كم هو واصل سومه و إذا هم حادينه اشوف كم هو عليه.


وصل عندهم الشايب ووقف يسمعهم يحرجون ,

وأستانس بالحيل لأنه ماهو بغالي.

ولا ذاك الرجال

ماسك الميكروفون ويحرج 50 ..52 ..55 ومن قال زود ,


قال الشايب بس شكلهم يحرجون على الوايت

ولاهوب بغالي وإن شاء الله يكون من نصيبي.


ودخل معهم بالحراج 56 ويزودون...ويزود...ويزودون...ويزود.

المهم وصلوه 75 .. قام خربها وقالهم 80


هو قالهم 80 .. يوم طخوا كلهم و اسكتوا..!..واهجدوا..!!..والتفتوا عليه!!!

يناظرونه..و يناظرون بعضهم..يوم تغامزوا ونقزله واحد منهم..

وسحبه على جنب

وقاله شف يا رجال أنت باين عليك إبن حلال وطيب بالحيل ,

وش رايك لو نعطيك شيك

بمليون ريال ذالحين ,,ذالحزه

بس مانشوف وجهك واقف معنا بالحراج .


انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟

قال له الرجال (خويهم) بس خذ هالشيك وتوكل على الله

والله يستر عليك ولالك بالطبخه.



وش اسمك ؟؟. عطاه أسمه وكتب له الشيك بمليون ريال

وصرف الرجال من الحراج وهو مايدري وش السالفه!!!.


طيب وش العلم علمني ..؟؟

علمه بالعلم. أثر ذا الجماعة يحرجون على المخطط
وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..

وابو الشباب (الشايب) خش عليهم عرض

ولايدري وش العلم.

وهم بعد أخترشوا شوي يحسبونه هامور وبيلطش عليهم المخطط .

.قاموا صرفوه بمليون ريال ..

وهو ماصدق. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك

الموضوع الأصلي : الشايب والوايت " قصة طريفة " || الكاتب : أنهار || المصدر : منتديات أنيدرا

[pretty pharmacist]

وعليكم السلام
القصه حلوه -وتحصل للكثيرين

هاالشايب
اخذ له مليون
يعني استفاد من الموضوع
هههههههههه

[βү MŷšếĻf]

هههههههههههه

والله انهم اذكياء

بس شو هذا الوايت

[sOsO.Bash]

ياحيااااااااااااااااااااااتي

من جد وعلى نياتكم ترزقون

دحين راح تجبلو المليون بدل الوايت الواحد عشره

كوماااو نهورتي

take care

[{ ŃǎṨћŏŅι }]

سبحان الله
لكل مجتهد نصيب
يعطيكي الف الف الف الف الف الف الف الف الف الف الف الف الف الف الف عافية وربي القصة حلوة كتيير له فايدة كتييييرة يعطيكي الف الف الف الف الف عافية يا رب
جناااا