قبل شوي جفت موضوع فمنتدى ((كرهتموهم ? من هم ؟ ولماذا ؟)) الموضوع يتضمن شي عن الكي بوب
بس انا اول ماقريته يافبالي
كرهتموهم ؟ أشخاص اعرفهم تغيرو للأسوء واتبعو اسلوب اذا لم تكن صديقتنا فهي عدوتنا
من هم ؟ اقرب أصدقائها
لماذا؟ الغيرة والحقد الذي أعماهم أو حقيقتهم التي اخفوها
....
اذكر يوم كنت فالصف التاسع (ثالث متوسط )
كانت عندنا ابلة وايد نحبها الي سبق وتكلمت عنها كنا نقولها ابلة درسينا فالثانوية
قالت لنا لا بتتغيرون يوم بتسيرون الثانوية
كنا نقول لا ابلة مابنتغير نحن بناتج وكنا وياج من 4 سنوات كيف نتغير
قالت لا صدقوني بتتغيرون
ويوم ييت عاشر فعلا كلامها طلع صح يعني زميلاتي كلهم تغيروو ماعدى اقل من نص الصف
والحمد لله انا مب منهم لاني ما احتك ببنات غير ربيعاتي الي دوم وياي
و كانت وحدة من ربيعاتي على اتصال ويا لابلة فكانت تقولها انه البنات تغيروو وجي
قالت لها الابلة لا مافي حد تغير لكن كل وحدة طلعت على حقيقتها
ويوم يلست افكر بكل وحدة وشو الي تغير فيها فعلا طلع صح كلامها انه كل وحدة طلعت على حقيقتها
يوم افكر بحالنا فالاعدادية و اقارن بالثانوية احس لا مب نحن يعني البنات صارت اخلاقهم تحت اسلوبهم ضايع
بس اكتشفت انه في واايد بنات بعد زيناات وما كنت ملاحظتنهم صدمتني وحدة
يوم قالت لي انتي ماكنتي تسوين لي سالفة كنتي تحتقريني ما عرفت شو اقول انا ما كنت احتقرها ابدا
بس ماكنت قريبه منها وسبحان الله الحين انا وياها قراب من بعض و اكثر بنتين كنت اكرهم فالصف صارو من أفضل
ربيعاتي وصرت احببببهم واايد والحين بدال 2 صار عندي 5 صديقات مقربات وكل وحدة من هالثلاث صار لها
موقف ويا ربيعاتها السابقات و الحين الحمد لله ووايد وياهم واحبهم و زينات واخلاق وادب و ذكا ودوم نساعد بعض
yalla all see ya^^