قابلت Toma ... وضعت وسط كليات الأولاد

[Miss.Jeny]

قابلت Toma ... وضعت وسط كليات الأولاد

Tweet

لإزالة كل الأعلانات، سجل الآن في منتديات أنيدرا

آنيونـــــــق ...
طبعا مو مصدقين العنوان .. لكن صدقوا دآ كلو صار في يوم وآحد
...
القصهـ ومافيها
إنو أنا روحت الجآمعهـ في يوم كاأي يوم عادي >> مع إنو كان يوم نكبهـ وطفش وتعب
وكان يومها أختي وبنت خالي جايين الجامعهـ كمآن عندهم كم شغلهـ بيخلصونها وبيمشون وقالوا مارآح نستناكي لو خلصنا بدري
طبعا المحاضرهـ كانت ممله شويآ .. ولما خلصت محاضرتي لقيت أخواتنا في اللهـ جالسين يستنوني لا ولمآ خرجت برآ الكلاس قاموا يخاصموني من زمآن وإحنا مخلصين >> طيب إذا خلصتو من زمآن ليش ماروحتوا
طلعت بنت خالي عازمتنا على الفطور وطلع عندها مشوآر تاني بعدو ( مشوارها طلع على بنده)
قالت أختي خلاص أول شي نروح بنده بعدين نروح نفطر >> بنده دآ سوبر ماركت العائلهـ طبعا .. في كل فرع حافظين عائلتنا
وإحنا خارجين من الجامعهـ .. سواقنا الموقر سوآ فيها فهلوهـ شويآ وقال بيختصر الزحمهـ وبيخرج من بوابهـ تانيه .. رآح دخلنا وسط كليات الأولاد .. وضيع الطريق أخونا في اللهـ .. وكل مامرينا من جنب ولد وجهو يصير كدآ يقول هذولا إيش جابهم هنا .. وفي النهايهـ أخيرا لقينا مخرج بس بعد إيش ..
المهم أخواتنا في اللهـ أحتاروا أي بنده اللي في طريقنا نروحلوا .. أنا جيت وأقترحت نروح اللي في الأندلس مول قلت عشان اللي في الأندلس أحسن وبعدين في فلبيني هنآك مرهـ حافظنا ومعتبرنا زباينوا
وكالعادهـ مقترحاتي تتهمش وتنحط على جنب
قالوا خلينا نروح اللي في الجامعهـ بلازا >> عآد أنا أكره الجامعهـ بلازا وكل اللي فيها
دخلنا الجامعهـ بلازا .. وطلعنا بنده وأنا طبعا قرفانهـ وتسوقنا وأنا قرفانهـ
لما خلصنا جينا بنحاسب ..
إلا والصدمهـ
تومآ هوا اللي رآح يحاسب لنا
ايوآ تومآ نفسو ... هوا تومآ ماغيرو >> طبعا دي كانت أفكاري أنا
بس سبحان اللي خلق .. مرهـ يشبهـ تومآ
طبعا أنا وجهي صار كدآ .. وصرت أدق أختي أقولها بت شوفي شوفي
تقول إيش!! .. إيش أشوف .. إيش في يابت
أنا : شوفي تومآ تومآ
اختي : فين فين
أنا : الولد اللي هنآ قدآمك يابنت النآس
اختي : .. .. .. .. >> نفس المراحل اللي أنا عديت فيها
وطبعا الولد : .. إشبهم دول ؟!!
...
وبعدها قررت إنو دآ الفرع من بنده هوا المفضل بالنسبهـ ليا

..
أتمنى تكون استمتعوا برحلتي

الموضوع الأصلي : قابلت Toma ... وضعت وسط كليات الأولاد || الكاتب : Miss.Jeny || المصدر : منتديات أنيدرا