みんさん
ひさしぶり
مينا سان هيساشيبوري
مرحباً أنيدراويين من زماااااان عنكم
انشغلت بالتجهيز للسفر تالي الدراسة
و أنا الآن في بلاد العم سام حيث الصقيييييع
المهم ، خلوني أسولف لكم شوي بما أني من زماااان ماسولفت هنا ..
أول ماوصلت هنا ، قابلت بنت يابانية لطيفة اسمها مياكو .. الصدفة الجميلة أنها تتعلم عربي
و لما قلت لها أني أحاول أتعلم ياباني .. استغربت و حاولت تختبرني فسألتني عن ( سأبذل مابوسعي ) شلون يقولونها بالياباني ردت أختكم بسرعة がんばっれます غامبريماس و إذا بمياكو صرخت من التعجب و عيونها صارت كذا << حسيت أني واااااو في هذيك اللحظة
و بعدين طلبت مني أعلمها كيف تقولها بالعربي .. و علمتها و ظلت يمكن اسبوع تجاهد على ماحفظت كيف تنطقها
بس ماشاء الله عليها حيييل مهتمة بالثقافة الإسلامية ( بما أن اللغة العربية جزء منها ) سوت عرضين في أحد الكلاسات عن عيد الفطر و عن الزكاة و كانت تسألني علشان أعطيها معلومات عنهم .
المهم أن احنا اقترحنا على بعض أنها تساعدني في تعلم الياباني و اساعدها بتعلم العربي بس ماصار لها ترتيب عدل هالفكرة ، لكن إن شاء الله السمستر الجاي ( الأسبوع الجاي ) بتواصل معاها و نتفق .
أي بعد في أول الأسابيع كان نادي الطلاب الأجانب في الجامعة مسوي حفلة تعارف و رحت و جلست مع ثنتين وحده يابانية اسمها سايو و كورية اسمها بوهيي و كالعادة تفلسفت عليهم بالياباني و شوي كوري و تالي جلسنا نسولف عن الدراما و عن الفرق المشهورة و انصدموا يوم عرفوا أن السعوديين يعرفون هالأشياء .. و يجلسون يقولون أحداث مسلسل و يحاولون يتذكرون اسمه و أنا أقول لهم شنو اسمه و هم اووووووه
و جلسوا يحققون معاي أن شلون نعرف الدرامات الكورية و اليابانية و شلون نعرف الفرق المشهورة ، و جلست أعلمهم
و هم مو مصدقين ، يقولون لي يعني في ناس يترجمون الدرامات و الفيديو كليبات قلت لهم أي ، قالوا يعني في أحد يساندهم أو يدعمهم ، قلت لهم لا بس هذولي ناس يحبون الفن الآسيوي ، قالوا ماتوقعنا العرب يعرفون هالكثر ، قلت لهم شفتوا معلوماتي هذي و لاشئ في ناس عندهم معلومات أكثر عن الفن الآسيوي .
عاد اتفقنا أن إذا نزلت دراما حلوة جديدة نعلم بعض .. بس شكلهم نسوا السالفة
أيي بس حبيت اطل عليكم و أسولف شوي
وكلما صار عندي مجال بدخل
بالتوفيق لأصحاب الإختبارات .. شدوا حيلكم
سوالف في بلاد العم سام
.gif "SnipeR (44)")
.. 
ردت أختكم بسرعة がんばっれます غامبريماس 
و إذا بمياكو صرخت من التعجب و عيونها صارت كذا 
<< حسيت أني واااااو في هذيك اللحظة 
و تالي جلسنا نسولف عن الدراما و عن الفرق المشهورة و انصدموا يوم عرفوا أن السعوديين يعرفون هالأشياء .. و يجلسون يقولون أحداث مسلسل و يحاولون يتذكرون اسمه و أنا أقول لهم شنو اسمه و هم اووووووه 
قلت لهم أي ، قالوا يعني في أحد يساندهم أو يدعمهم ، قلت لهم لا بس هذولي ناس يحبون الفن الآسيوي ، قالوا ماتوقعنا العرب يعرفون هالكثر ، قلت لهم شفتوا معلوماتي هذي و لاشئ في ناس عندهم معلومات أكثر عن الفن الآسيوي . 
العرض العادي
