~|| كني مدينة تنتظر..رجعة غريب..!!

[Ludamory]

أخيراً تم تأكيد الخبر بجد بجد مره مبسوطه اقلها خف الحمل عليا و احس اني مو مضغوطه زي اول طبعاً امس مو كنت شارده من الدوام انا و البنات اللي معاي كنا أول كلمنا المدير و قلنا له نبغا نطلع نتغدا.. قال انا ما عندي مانع و استأذنو رئيسكم عاد السوبرفايزر قالت ما راح اقله.. اتصلت عليه و قالت له احنا كلمنا المدير اننا نبغا نتغدا برا وقال طيب قال هاه طيب روحو الموهم كنا من اول مقررين نروح جوفريز.. و رحنا يوم وصلنا جمب جوفريز امل قالت ليش ما نروح المنتزه La Promrnade قلنالها كيف طيب الكافيه؟ قالت والله حلو الموهم قلنا يلا قدام.. جوفريز متعودين عليه اما دا ما قد رحناه ~ يلا قدآآآآآآآآآآآآآآآم الموهم وصلنا الكافيه و جلسنا و انبسطنا~ المكان جدن رايق دا طبقي يمي يمي اهم شي الليمون بالنعناع دا طبق ريري طبعن جلسنا و انيطنا و حش و ضحك بجد كان يوم جدن رائع~ طبعا وقتها اتصل المدير وقال معليش انا ما راح اقدر اجيكم تعالولي انتو عالمكتب الرئيسي قلتلهم شكله سونير (رئيسنا) حيشد شعره الموهم رحنا للمكتب الرئيسي و بعد نص ساعه دخلنا غرفة الاجتماعات نستنا المدير الموهم كله مشغول في حاله~ ريري تشرب موبه .. و امل في حالها و ديما مدري عنها و انا اشيك عالتويتر اشوف ايش اخر الاخبار .. فجأه الباب انفتح و~ بوو~ خخخخخخخخخخخخ الكل فز من مكانه.. مديرنا تحفه جلس يضحك على اشكالنا بعد ما انفجعنا الموهم جلسنا نتناقش بخصوص اختبار الاياتا و جلس يفرز الكتب ايش المهم و ايش اللي حنحتاجه في الواقع~ كلامه كان مريح لنا لين ما دخل سكرتيره و معاه ورقة لا 5 ورقات قله خلاص الاوراق دي ارسلتها و ادى للمدير نسخه و قال له خلاص يعني كل شي تم قله ايوه الورق دا كان بخصوص تأجيل اختبار الاياتا لين شهر مارس من السنه الجايه اخيرن تم الموضوع والله كنت حاسه اني مضغوطه جداً الموهم جلس يناقش و يقول متى يجي يدربنا و ايش نحتاج طبعاً الاختبار مره مو سهل مدته 3 ساعات و عباره عن ورقتين اختبار وو كلها كتابي يعني اختبار مقالي ~ اكره الاختبارات المقاليه الموهم قسمنا المدرير كل وحده مسؤوله عن شي انا مسؤوله عن العملات حول العالم "كل دوله وايش عملتها" ريري مسؤوله عن خريطه العالم تخيلو نحفظ العالم كله دمدومه مسؤوله عن اكواد الدول و المطارات و امل مسؤله عن فرق التوقيت بالنسبه لخط جرينتش~ عاد تخيلو نعرف كل مدينه و كم الفرق بينها وبين جرينتش اما شوشو حتكون المسؤله عن الفيزا و متطلباتها طبعا جات الساعه 5 و خلص الدوام و قام المدير وصلنا بنفسه~ لمكتبنا عشان سياراتنا هناك تستنانا بس يوم كان جدن رائع~ حبيتك يا يومي بالأمس

[Ludamory]

الذين يشاهدون محتوى الموضوع الآن : 2 ( الأعضاء 2 والزوار 0)
‏Ludamory, ‏jouri chan

منوره يا البي

[Ludamory]

الذين يشاهدون محتوى الموضوع الآن : 2 ( الأعضاء 2 والزوار 0)
‏Ludamory, ‏(ڜپٷڞ«●~+


وه بس منور يا شبحها هع هع

شبوص هذا انتي و لا شبحك؟

فيس يفكر هع

[Ludamory]

النفسيه فجأه صارت داون و دخلت مود الإكتئاب


فيني كميه بكا مو صاحيــــــــــــه


ما افتكر متى آخر مره بكيت فيها..


كل اللي اعرفه انه عدت فتره جدن طويله~


اعتقد من وفاة سيدي الله يرحمه..


مدري ليش فجأه صابتني رغبه شديده في البكاء


مع انه حتى لو حاولت او سمحت لنفسي اني ابكي


ما أبكي






ما زلت في مود الكآبه

رحماك ربي~


لا إله الا أنت سبحانك إني كنت من الظالمين


ربي يسر و لا تعسر :(

[Ludamory]

لالالالالالالالالالالالالالالالالالالالالالا

كتبت تدوينها وش طولها و طارت

اكرهـــــــــــــــــــــــني اكره شي في الحياة