إسمي نرمين
يمكنكم مناداتي بـ نيمو ~
بالنسبة للعمر فهو ليس مهماً المهم هو طريقة التفكير
من مصر
بالتحديد القاهرة
مدمنة انترنت وكيبوب
أعتقد أن سبب ادماني للانترنت هو الكيبوب وسبب ادماني للكيبوب هو الانترنت
وأعتقد كمان ان عندي حسابات في كل المواقع
بعشق الباندا
وبحب الدببة بكل أنواعها
لوني المفضل هو الأحمر الغامق
وبحبو لما بيكون مع الأسود
بفضل الشتاء أكثر حاجة
بعديه الربيع وبعدين الخريف
الصيف خارج برا القائمة وعمرو ما هيدخلها
بالنسبة للصور بحب أجمعها
ونفسي كمان أجرب أصور بنفسي بكاميرا احترافية
حاسة ان هيطلعلي موهبة في الحكاية دي
بس امتى تيجي الكاميرا الاحترافية بقى
بحب التصميم جداً مع اني فاشلة فيه
متستغربوش لما تلاقوا صور في المدونة ملهاش لازمة
بحب اقرأ روايات
خصوصاً لو كانت روايات رعب , خيال علمي أو روايات ما وراء الطبيعة
وياه بقى لو الرواية بتجمع الثلاث أنواع مع بعض
أعشق الرعب بشكل عام
بحب أشوفو في الأفلام , المسلسلات
وقراءة قصص رعب أو الاستماع ليها
الأفلام والدراما غالباً مش بتفرج عليهم غير لما أكون زهقانة
وقائمة الدراما والأفلام اللي بدأت فيها ومكملتهاش طولها أضعاف طول قائمة اللي كملتهم
كمان الفترة دي الدراما اللي بتنزل أغلبها بتبقى نفس الفكرة
نادراً ما بتنزل دراما فيها فكرة جديدة
بحب أتكلم باللغة العربية الفصحى جداً
بس مش بلاقي حد أتكلم معاه بيها
حتى في حصة العربي مش بيتكلموا عربية فصحى
بحب أتعلم اللغات
وبحب الترجمة كمان وبحاول أمارسها
أكتر نصيحة بكره أسمعها هي "خليكي في الانجليزي الأول وبعدين ابقي شوفي لغات تانية"
الدراما المفضلة :- Gu Family Book
الدراما دي جمعت الكثير مما أحبه
حبيت فيها فكرة الكائن السماوي "جو مي هو" وفكرة التحول لشيطان كعقاب ...
وفكرة ان الجو مي هو مصر انو يتحول لانسان وبذل كل مجهودو في كدة
وكمان نقطة تغير الزمن
Love Rain
أعتقد اني بحب الدراما دي كمان علشان نقطة تغير الزمن
القصة الأولى عجبتني أكتر من التانية
فيها إحساس أكتر
وشكل الأبطال أحلى بأسلوب زمان
بجد مينفعش نرجع كلنا للأسلوب ده اسبوع بس
الأفلام المفضلة :- Charlie and the Chocolate Factory
The Spiderwick Chronicles
الفرق المفضلة :- Super Junior
إف إكس
Bias :-
الممثلين المفضلين
كدة خلصت تعريف عن نفسي
ده مش تعريف ده تقرير
والإسم بتاع المدونة مش جاي خالص مع الرغي اللي فوق
اعتقد في التدوينات القادمة هيجي بس بما انو تعريف لازم اعرفكو عن نفسي كويس