و كنت جالس أفكر كيف ؟؟
وخلال غمضة عين اكتشفت أني فوق الكوشة : ( شكلي كنت أركض )
ومن الربكة عطيت الوردة ام العروسه وسلمت على العروسة سلام زملاء عمل
(يعني مصافحة باليد ثم حطيت خدي على خدها من الجهتين )
تقول العروسةأنك قلت لي وشلونكم عساكم طيبين وكيف الأهل والأولاد !!
طبعاً خلال ثواني حسيت إن السلام غلط فحاولت اتدارك الموقف وأصححه
فقمت وبست راسها (قلت يمكن كذا الصح )
قام شماغي ومسك في التاج اللي فوق راسها
وخذ تخبيص وكنت شوي وأطيح عليها .. وبطلعت الروح فكيتة من راسها
المهم جلست جنبها عشان التصوير بعد ماخربت تسريحتها وبعد ماخصلوا تصوير
قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو :
((اللهم إني أسألك من خيرها وخير ما جبلتها عليه ,
وأعوذ بك من شرها وشر ما جبلتها عليه ))
أنا قلت (( اللهم أني أسئلك من خيرها في الدنيا والآخرة
واعوذبك من شرها في الدنيا والآخرة ))
طبعا امي ماقدرت تمسك ضحكتها فسوت نفسها انها تبغى تروح تجيب سجادة الصلاة
وهي ميتة ضحك عشان أصلي .. بعدها جابت لي السجادة ..
اخذتها منها وفرشتها على الأرض ومن الإرتباك صليت ركعة وحدة بس !!
طبعاً القبلة كانت لاشعورياً العروسة ..
حتى التلسيم اللي في نهاية الصلاة وحدة كنت وأنا جالس والثانية وأنا واقف !
طبعا البنت كان وجهها محمر من الضحك !!
وصار عندها مغص حاد يومها بسبب كثرة الضحك !!
وهذي قصتي يوم عرسي بأول الصيفيه لاحد يرحمني
طبعا منقوووووول لكم