شايب على نياته..

[taaz]

شايب على نياته..

Tweet

لإزالة كل الأعلانات، سجل الآن في منتديات أنيدرا

شايب على نياته
بسم الله الرحمن الرحيم

هذي قصه حقيقيه حصلت بعد الطفرة التكنولوجيه التي حدثت في المنطقه..

احد الشياب الي كانو ساكنين بالبر صكه مرض شديد.. وكانت مبينه عليه آثار

المرض وكل مايقولون له عياله.. يايبا.. يابعد جبدي تكفا خل نوديك للطبيب..

يقول لا انا ما اتعالج بغير الشوي.. او اموت اشرف لي يعني "اغسلوا
ايدكم اجي وياكم"

فلما اشتد عليه المرض وما قام يحس بنفسه ودوه للمستشفى
وتعالج وهو مايدري..

لما قعد وشاف كل شي حوله بياض السرير.. السستر"الممرضه"..
البرادي.. حتى الطوف.. والارضيه بعد

قال الظاهر اني بالجنه الحين.. ولما شاف الممرضه قال
ياحوريه"على باله الحور العين" تعالي هنيا.

لما جت له قال لها وين ابو فلان.. هو متوفي
"من زمان" شوفيه قولي له

ابو فلان يبي يعرف وش اخبارك ويسلم عليك... ابو الشباب
راهي عل باله انه دش الجنه خلاص

راحت على نياتها اتدور بالسجلات ومالقت هالاسم.. يمين
يسار، فوق تحت ماكو!!

قالت له والله مالقينا صاحبك..

ضحك وقال ايييييه والله اني خابر انه قليل صلاة...!

منقول

الموضوع الأصلي : شايب على نياته.. || الكاتب : taaz || المصدر : منتديات أنيدرا

[ماكي كون]

وحليلة همني الشايب ................................لو أعرفه جان رحت و حبيته على راسه ............والله يغمضوني هالشياب ..............


مشكووووووووور تاز على هالقصة المؤثرة.................

[! مـــزاجـــي !]

هههههههههههههههههههههههههههههههههههههههه

ضحك وقال ايييييه والله اني خابر انه قليل صلاة...!

كل القصة بصوب و هالجملة بصوب ثاني

مشكووور .. وسعت صدري

[ساجي]

هههههههههههههههههههههههههههههههههههههههههههههههههه هههه

والله القصه خوش فله

والشايب مسكين يفكر حاله بالجنه

وصاحبه بالنار

هههههههههههههههههههههههههههههههههههههههههههههههههه هههههههههههههههه

والله حلوه لا عدمناك يا تاز

واتمنى المزيد من مواضيعك الحلوه

[يامابي]

ههههههههههههههههههههههههههههههه

ياحليله (ياالله الجنة)ههه

ياحبيله انا امووووووووت في العجايز وسواليفهم

الله يعطيك العافية اخووي