البارت الثالث
بعد صلاه المغرب . . وفي ميلس الرياييل بالتحديد ..
تيمعوا كل شباب العايله هناك . . ومن غير ربع سيف اللي عزمهم بعد
كانت قعده شبابيه وظحك ووناسه . . والشيآب يسولفوون فالعزب والهوش والبوش .
وبيين مآ الكل لاهي بالسوالف .. دشت حموده ويا سعيد ولد اخوها . . ولعبوا شوي بالفواله المحطوطه
خلاف سعيد ربع صوب ابووه . . وشله أبوه وحبه ويلسه فثبانه
تمت حموده بروحها فنص الميلس وفإيدها أيبودها . . وطالع ماعرفت حد من اللي قاعديين . . أو بالأصح هيي تعرفهم بس ع قولتها هازا حبوا لا ( يعني انها ماتحبهم وايد ) . .وفجآه شافت محمد . . حموده مب بس تحب محمد إلا تموت فييه . . وأغلب الاوقات تمط السماعه من اذن أخوها سيف وتيلس تخربط علييه . . طبعن هوو يفهم شي وشي لا . .
وهوو واايد يحبها .. دوم يطرشلها حلاوه وكافي ويا سيف . .
ربعت صوبه . . وهو أول ماشافها بطل لها ايدينه يقولها تعالي . . ربعت صوبه وشلها وباسها . .
سيف : حمدووهـ يالحماره شوو يايبنج عند الرياييل .. انتي بنت قعدي عند الحرييم
محمد : خلها برايها فديتها وفدييت ريحتها محلاها ..
حموده تطالع سيف بنص عيين وتقول حق محمد : هادا هبوا لا . . طبعا محمد حفضها هالجمله ويعرف هي شو تقصد
ونقع من الظحك .. :: ههههههههههههههههههههههههههه سمعت ماتحبك . .
سيف : عدااال عداااااااااال انا إلي اعشقج عاد ..
محمد : اللللله حمووده شو ها فإيدج ؟؟
حموده : هادا أي بوتي ( هذا ايبودي ) . .
محمد : الله أجووف بطلييه راوينيه شوو فييه ..
طبعا حموده لانها تعشق الكآم على طوول بطلت علييها . . وقالت لمحمد انها تبا تصووره . . وهوو ظحك وقالها اوكي . . وسيف بغى يمطها عنه لكن هو ماطاع . . قاله سيف برايك ابتلش فيها ولا أقولها شي . . رن تيلفوون سيف وطلع وخلى حموده ويا محمد ..
محمد : الله اشووف راوينيه ويين صورتييه ؟؟
حمودهـ : هآدي ( هأذي ) . .
محمد : هههههههههههههه بسم الله ليش جي مب حلووه صورتييه ؟؟
مسكت حموده ايبودها وقامت تجلب فالصور وتراوي محمد , ليين وصلت لصورت ختها خوله . .اللي صورتها وهي نايمه . . محمد لفتت انتباهه واييد الصووره . . صح مب واضحه بس حس شكلها حلوو واييد وهي نايمه . .
قال لحمووده : حموده منووه هاي ؟؟
قالتله : هادي هوآني ..( هذي خوالي )
محمد مافهم علييها . . تم يحاول يفهم يفهم هي شوو تقصد . . وكل ساعه ينقع لها اسم . . إليين اخر شي قالها
محمد : خوالي ؟؟؟؟!!!
قالتله : هيييه هادي هواني
محمد استانس , عرف اسمها , وتمت حموده تسويله حركات وهو يظحك عليها , لين رد سيف من خاري وكانت علامات الوناسه كلها علي وييهه ظاهره . . ويلس يسولف ويااهم
فنفس الوقت عند الحرييم . .
طبعا ماكان حد غريب موجود . . كانت مريووم بنت بو خالد . . وخوله وشموه وأسما حرمة أخوهم وأم خالد ..
وقعدن يسولفن ويظحكن .. خلاف استأذنن خولوه وشموه انهن يروحن غرفتها ..
دشت خولوه غرفتها . . وعلى طوول ع شبريتها ..
خوله : ااااااااااه تعبت تكسررر ظهرييه
شمووه : عدااال شوو سويتي عسب يتكسر ؟؟
خوله : والله انتي شدراج , انا بس وقفتييه ع ريولييه واشرافييه ع الاطباق قبل لا تطلع من المطبخ تتعبنييه وبعديين انا انسانه مب فاضيه حق سيفووه وعزايمه . . اونه ربيعه وانا اللي ابتلش ..
شمووه : اييه ايييه كله ولا سييف عاد . . وبعديين الي يسمعج يقول انتي اللي طابخه .. والله
خولوه تقلدها : كله ولا سيف عاد . . أقووول .. مالت علييج وعلييه
شموه تبا تقهرها : أشجآر الجنننننه ان شاء الله ..
وتسمع حد يبطل باب الغرفه من وراها ويقووول بأعلى حسسسه : آميييييييييييييييييييييييييييييييييييييييين يالغاااليييه .
شمووه ذابت من المستحى , تمنت الأرض تنشق وتبلعها , شوو هالموقف المحررج اللي أنا فيييه , هذا اللي كان يدور فراسها ..
خولوه نقزت تبا تنقذ شمووه : خيير خيير استاذ سييف .. اولاا احييد الغرفه غرفتييه جي جيي داش هااه وبعديين ليش ماتدق الباب ,, ثالثاا .. منووه سمحلك تتنصت عليينا
سيف وهووو سرحان فشمووه اللي ذايبه خلاص . . جب انتي مب فاضلج الحيين . . شمه شحالج ؟؟
شمه وييهاا فالأرض : يسرك حالييه .. شحالك انته ؟؟
سييف : آآآآآآآآآهــ توني استووييت بخيير . .
شمه وبدوون لا تحس بعمرهآ : أسم الله عليييك من الآآآآآآآهــ
سيف بغى يمووت من الفرررحه , شووي وبيطييير , خلاص شوي ويتهوور ويقولها
سييف : قسسسسسسسسسسسسسسسسم بالللللللللللللللللللله ,, أحــ ....
خولوه: ايييييييييه اييييييييييييييه نحن هنااا , يلا من غيير مطروود اطلع براااا
سييف ويطالع خولوه بنص عيين ويقول ف خاطره .. الله يخسسسج خربتي علييه .. بس هيين مردووده
سييف : أوكي انا اترخص عييل , تآمروون على حاييه
شموه : سلامتك
سييف : أنا كللللي للللللج ..
خولوه : قفل الباب وراااك ..
طلع سييف وهووو طآآير طآآآآآآآآآآير طآآآآآآآآآير من الوناااسه , صح شافها وكلمها ل5 دقايق .. بس يسدنه العمر كلله
يحبها .. يموووت فيهاا .. ماشاف غيرها ,, ولا عرف غييرهااا ,, ولا حب غييرهااا .. أول ما يطروله العرس , يتخيلها عرووسته .. وهوو نآوي بس يخلص الجامعه على طوول يخطبها .. و فهالوقت , رد لميلس الرياييل عند حموده ومحمد .
وخلى وراه شمووه , اللي تمتت 3 ساعات وهي ميييييييييييته من المستحى , كلمته الاخييره ترررن فإذنها ,, أنا كلي لج ..
ماعرفت شوو تسوي أو شوو تقول ,, هي من النوع الي يستحي وااااااااااايد . . بس هذااك اليووم لفت صووب خولوه اللي تعتبرها اختها وامها وتؤأمها ومخزن أسرارها وكل شي .. لفت صوبها ,, وخوله اللي كانت تطالعها وكل علامات التعجب فوق راسها ,, وجآن تقولها بصوووت كلللللللللله أحسآآآآآآآآآس
شمووه : خولوووووووووهــ , ,أحبببببببببه
خوله مااااااااااااااتت من الظحك , حست عمرها ففلم هندي , بس قدرت مشاعرها وقالتها بصووت كله حنييه
خولوه : ان شاااااء الله ياااااااارب ,, أشووفج حرمته فأقرب وقت يآآرب ..
شمووه : آميييييييييييييييين :$ .
السآعه 11 مسآء .. بيت بو خآلد
في ميلس الرياييل . .
الشباب منهم اللي توكل وراح بيته , ومنهم اللي عنده دوام , وما بقى حد فالميلس غير محمد وسيف وخآلد , كانوا قآعدين ويشربون نسكافييه , ويرمسون عن آخر الآخبآر وشوو اليديد فالدوله ..
محمد : يلا عيل انا أترخص , بعده ورايه دررب دبي
سيف : وييين وييين بو جاسم , خلك شوي ياخي مستانسيين فييك نحن .
محمد : ماعلييه المره اليايه ان شاء الله , وبعدين لا تنسى انا باجر ورايه دوام .
خالد : اسمنه العمر يخلص وهالدوام مايخلص .. الله يعينكم ويوفقكم يآرب
محمد : آمييين ويآك ان شاء الله . . يالله تآمروون بحايه ؟؟
خآلد : سلامت راسك .. وهالله هالله فالدرب .. سووق بالراض
محمد : ان شاء الله . . سيف ما تامر بحايه ؟؟
سيف : سلامتك بو جاسم , , قووم بوصلك لين سيارتك .
محمد : أوكي ترتووب ,, يلا بو سعييد فداعه الله
خالد : فداعة الكرييم .
طلع خالد من الميلس وسآر غرفته يرقد , باجر عنده دوام من الغبشه .. ومحمد وسيف راحوا صوب الكراجات من وين موقفه سيارة محمد .. سيف سرحآن ويتبسم . . ومحمد مستغرب بلاه هآآ جي ,, شوو يآه
محمد : سسيف بلاك جي تظحك تقول مينوون ؟؟
سييف : هههههههههههههه لييش انا تم فينيه عقل , خلاص طآر عقليه كله .
محمد ويعقد حياته : وين طآر ان شاء الله , هااه اشوفك واقف جدامي ؟؟
سيف : هههههه ماعليك انت ماعلييك خلك منييه , وينه سويج سيارتك ؟؟
محمد : جي السويك عندك , بلاك سيفووه احسك مب طبيعي ؟؟!!!
سيف : ههههههههههههههههه أووه تصدق هييه والله عندي , بلاني انا صدق انه عقليه مب عندييه .
محمد : بو هنآد ..؟؟ تحبببب ؟؟!!!!!
سييف : والعثره .. شدرااااااااك ؟؟!!
محمد : ههههههههههههههههههههههههههه يآخي هااي مايبالها . . شوف كيف ترمس تقول واحد مغييب وتقول عقلي طار ومادري شوو .. يعني شوو بيكوون غير انك هيمآن هع
سيف : احممم هييه احب , آآآه يآ محمد من 15 سنه تقرييبا وانا أحبها .
محمد فج عيووونه ع الآخر : خييييييييييييييييبه , من يوم عمرك 6 سنيين .
سيف : هيييييييييييه .. ولمعن عيوونه وهو يسترجع ذكرياته وياها . . صح كانوا صغار .. بس هوو يحب كل التفاصييل اللي جمعته فيها . .
ويرد يكمل .. كنت اترياها الصبح , واشوفها يوم تركب باص المدرسه . . ويووم ترد , على طول أروح بيتهم وأشلها ويايه ونروح الدكان ونشتري حلاوه . . كانت هي فالروضه .. وانا تقريبا صف أول .. صح كان حبي طفولي وقتها .. بس كبرت وكبرر حبها ف قلبي ..
محمد : ههههههههههههههههههههه يآوييل حاليييه ,, حب الطفوله عثرهااا
سيف : الطفووله و المراهقه و الشباااب و الشييب .. هي حبي الأول والأخييير .
محمد : هههههههههههههههههههههه يآآآرييييياال طلعت روومنسي .. ماتحسبتك جي ..
سيف : انا من عرفتها .. عرفت الرومنسيه , ولا امبونييه مفلوع محد اخبل عنييه . .
محمد : هههههه والله سوت فييك خيير .. إلا ما قلتلي منوو هاي سعيده الحظ؟؟
ويأشر سيف صوب بيت عمه . . تم محمد يطآلع .. خلاف قاله ..
محمد : بنت عمك ؟؟!!!
سيف : هيييييه ..
محمد : هييييييييه ماشاء الله , انزيين اقولك عندها خت ؟؟ جآن عندها بخطبها انا هههههههههههههه عسب ما افارقك آمرره .
سيف : هيهيهي سخييف .. ماعندها خت أسترييح انزيين .. وبعديين منوو قال اني أباك تجابلني ..
محمد : الله وأكببر يآ بوهناد , من الحين طآح كرتييه أشووف ..
سيف : خلني بس أخلص جامعه .. على طوول بخطبها .. وهاذيج الساعه وبنساك وبنسى طواييفك
محمد : امف علييك تبيعنييه عشان بنييه .. مالت علييك صدق ربعت بوش
سيف : هههههههههههههههههههههااااااااااااي هييه هاي حبيبت القلب مب أي حد
محمد : هههههههههههههههه والله ماترووم تبيعنيييه هع بيلسلك عظمه فالبلعووم وبتشووف .
سييف : ههههههههههههههههههه عااادي بسييحك ب مآي
محمد : غربلك الله .. هههههه جلب جلب ويهك سير يب سويجيه ابا ارووح .
سيف : ياخي حموود بات عندنا ماشبعت منك .
محمد : جي بقلاوه انا ماشبعت منييه . . يلا يلا اخرتني اقوولك باجر دوامي الصبح .
سيف : ههههههههههههههههههه أوكي اوكي دقايق وبرد .
سيف راح صوب غرفته اييب السويج وودر محمد سرحان ف فلتهم العوده . . يطالع الدرايش , ويقول ف خآطره أي غرفة غرفة الاميره النايمه . . ظحك ,,, تذكر حموده يووم تقول ( هواني ) . . تذكر شكلها وهي راقده كيف كانت هااادييه وآآآآيد . . يلس يفكر شوو يالسه تسوي الحين ؟؟
أكييد راقدهـ . . يمكن تكوون مخطوبه ,, هييه اكييد محيرينها لولد عمها سلطان . . حس قلبه انقبض يووم فكر انها ممكن تكون محيره حق ولد عمها .. بعديين رد وقال : لا لا الله يسعدها ويهنييها أنا مالي حاييه فييها ..
عقب كمن دقيقه رد سيف ووياه السويج وعطاه حق محمد . . سولفوا شوييه . . خلاف ترخص محمد .. وراح بيته ..
وخلص هذاك ليووم .. بحلووه ومررره ..
عقب كمن يووم من العزيمه . . بالتحدييد الخميس .. الساعه 10 ونص صبآحاً .. غرفة خوله..
كانت راقده .. الخميس احب الأيام على قلبها .. لانها ما اداوم .. وهي ف سابع نومه رن تيلفونها .. وكانت المتصله ..
جلييثم ..
خوله : همممممم .. ألوووووو
جليثم : ايييييييييييه اففف ريحت حلجج خايسه قومي قومي غسلي ويهج وغسلي اسنانج .
خوله : يالجذووب ويين شميتي ريحت حلجي .. ليكون اخترعوا تيلفون تشميين منه الريحه بعد ..
جلييثم : ههههههههههههه هييه .. اخترعووه لعيونيه هع
خوله : انزيين خيير شعندج داقه من الفيير ..؟؟!!!!!
جلييثم : اي فيير .. عشر ونص وتقوليين الفيير .. عيل 5 الفير شوو عندج .. ؟؟
خولوه : اووووووه جلييثم مافينيه افكرر .. شو تبيين راسي يعورنييه ..
جليثم : سلامت راسج .. مابا شي .. خلاص زعلت .. كنت بسويلج سبرايز بس زعلت الحين خلاص .
خوله : هههههههههههههههههههههههههههههههههههه .. والللللللله تقولييين
جلييثم : مابا هع .. كم بتعطينيه ؟؟
خوله : ولا فلس .. يلا قولي ..
جليثم : بيي عندج اليووم ..
خوله تقووم قاعده .. وتفرك عيونها .. وترد ترمس جلييثم ..
خوله : شوووووووووووووووووووووووووووو ؟؟
جلييثم : شو شوو ؟؟ بيي عندج اقوولج ؟؟
خوله : لا لا لا مسسسستحييييييييييل .. من ويين طالعه الشمس ؟؟ كيف وافقت أمج ؟؟
جليثم : وافقت والله بطلعت الرووح .. لا وقالت شلي سلامه ويآج ..
خوله : اللللللللللللللللللللللله أخييييراااااا . . ياامرحبااابكن السااع واللله
جلييثم : مرحباابج زوود فدييتج . . سمعي الساعه 5 العصر بكون عندج ان شاء الله انا وسلامي
خولوه : اوكيي ترتووب .. عيل بخلي شمووه وميثووه ايين عندنا بعد .
جلييثم : حلوووو .. يلا وانتي قومي غسلي ويهج بسج من الرقاد ..
خوله : خخخخخخخخخخخخخخخخخ انزيين حشى جني مجابلتنج ولايعه جبدج منييه ..
جلييثم : هههههههههههههه تقرييبا حسيت كيف شكلج هع
خولوه : جب جب يلا برايج برووح اتسبح انا
جلييثم : ههههههههههههههههههههههههههه هيه تكشخي تكشخي عن اسبج يوم اشوفج .
خوله : قصووورج .. بفرج كوريا..
جلييثم : الللللللللللللله يآآليييت ... ,, وتسمع حد يزقرها ..
جليثم : خولوه حبيبتي برايج موزوه تزقرنيه مادري شوو عندها ..
خولوه : أوكي فدييتج .. وسلمي على هلج
جليثم : يبلغ .. يلا جآني
خوله : جآني >3
قامت خوله وراحت تتسبح ويوم خلصت تلبست وترتبت .. ونزلت تحت ..
فالصاله ..
بو خالد : مادري ماعيبنييه مولييه .. شفتهن كيف ظعاف .. جنه إلا خان مايأكلهن ..
بو سآلم : هييه شفتهن شفتهن .. انزيين تراك انت دوومك ع راسه
بو خآلد : يالله اسمننيه محرررج علييه .. عيل ذابحنهن عطش ماحاطلهن ماي .
بو سآلم : يباهن يموتن عطش .. مب ساد حرنا نحن اللي ماحد يقهره ..
وتقطع عليهم رمستهم ....
خوله : السلام عليكم .. وبتسآمه تخبل على شفايفها ..
بو سآلم : وعليييكم السلام والرحمه .. هلا والله هلا بشييخة البنات كلهن .. هلا بنت سعييد هلا
خوله تنزل راسها وهي مستحييه .. وتسير صوب عمها وأبوهآ وتبوسهم على روسهم ..
خوله : هلا بالمهلي عمي .. شحالك ؟؟ عسآك مرتآح ؟؟
بو سآلم : الحمدالله يابنيتي مرتاح ولا شكي باس
خوله : دووم ان شاء الله ,, شحالك أبويه ؟
بو خآلد : طيب طآب حالج .. الا خولوه وينها امج ؟؟
خوله : والله مادريبها أبويه .. انا توني نازله من فوق ..
بو خآلد : مادري مآريتها من أول ماييت
بو سآلم : انا اترخص انزيين .. خولوه قومي ويايه بيتييه ..
بو خالد : ويين توو الناس ..
بو سآلم : والله مواعد ريال .. عقب شوي بينيه ..
خوله : عمي ايلس ماشبعنا منك ..
بو سآلم : لا انا مب يالس بس انتي قومي ويايه .. حليلها بنت عمج هناك دوومها تتخبر عنج ..
خوله : عمي حليليه دومني عندها .. هي اللي ماتيي امرره ..بعديين اليووم ربيعاتييه بين هنييه واباها اتيي هيي بعد
بو سآلم : خلاص ترتوب عيل انا بخبر سلطان ايبها صوبكم ..
خوله : مشكوور عمي ماتقصر .. فدييت رووحك انا
بوسآلم : افداج بنتييه .. يلا من رخصتكم .. فداعه الله
بوخآلد + خوله : فداعه الكرييم .
.. الساعه 2 ونص الظهر . . بيت بو أسمآ
بو أسما طلع معصب من غرفته ويدق بالباب .. وميثه اللي كانت قاعده فالصاله تجلب فالقنوات ترووعت ..
ربعت صوب غرفة أمها .. دقت الباب محد رد عليييها .. سمعت صووت امها تشآهق من الصيآح . . ماقدرت تتحمل .. رفست الباب ودشت .. ربعت عند امها .. شافتها تصييح .. تصييح بحررقه .. حرقت السنيين اللي ضيعتها ويااه .. حرقت عمرها اللي ضيعته عشانه .. كانت مقهووره .. مقهووره وااايد .. هي ماقصرت علييه بشي .. عمرها ما رفظتله طلب ..
قربت ميثه من امها .. لمتها بحنااان .. ظمتها لصدرها .. وأمها حست انها محتاجه هالحضن الحيين .. محتاجه حد يخفف عنها .. محتاجه حد يقدر يواسييها .. لوت على بنتها .. ويلسست تصييح جنها بنت صغيره ..
في بيت بو موزهـ .. الساعه 2 ونص ظهرا .. بالتحديد ف غرفة سلامي ..
جليثم قاعده على شبرية ختها .. وتجلب فالقنوات .. وسلامي مجابله المنظره تتكشخ
جليثم : أفففف سلامي عندي كويز الاسبوع الياي .. ومالي بارض ادرس .. حشى هالسير مايرحم .. تونا ثاني أسبوع .
سلامي : وهوو فييه سيير يرحم فالجامعه ؟؟
جلييثم : ع الأقل يراعيينا ياخي .. اااخ والله مافينيه ادرررس ><
سلامي : طنشي طنشي ياخي فرفشي وعيشي حياتج , أقولج حطي حواس أبا ارقص .. احسني مرتبشه .
جليثم : دخيييييييييييييلج من زيين رقصج عاااد ..
سلامي : الحيين حد طلب راايج ف رقصييه مثلااا ؟؟!! . . وبعديين يووم مب عايبنج رقصييه قومي راوينا ابداعاتج
قامن يرقصن هن الثنتيين .. ودخلن فالجوو .. طبعا جليثم ماتعرف ترقص شرات سلامي .. بس كانت تستهبل .. وامتلت الغرفه بصووت ظحكاتهن ووناستهن هذييج اللحظه ..
وشوي ويشووفن الباب ينفج .. وتدخل ختهن موزه .. وتطالعهن من فوق لين تحت .. وتمشي بخطوات كلها كبرياء وغروور .. وتنفض الشبريه بإيدها . . وتقعد .. وهي تخوز الغبار الوهمي عن صبوعها ..
موزه : شوو تسون ؟؟ تعرفن انكن فظيييحه ؟ ؟ يالييت تعرفن ترقصن .. ويالسات ترقصن ومادري شوو ومزعجاتنييه ..
سلامي : والله حبيبتي مححححد طلب رايج فينها .. وبعديين رجاءً اشكالج قبل لا يدشوون غرفتييه اباهم يدقوون الباب ..
موزه : عدااال من زيين غرفتج .. ولا انا اللي مييييته على غرفتج والقعده فيييها
سلامي : طلعي بررره .. قسم بالله اني مادانييييييييييج مادانييييج سخييفه ..
جليثم : سلامي بس خلاص .. لا ترفعين ظغطج على ناس ماتستاهل ..
يمكن تستغربون سبب هالكرره الكبيير اللي بينهن وبين موزه . . بس انا مالومهن .. موزه وايد تغار من خواتها .. لانه عندهن ربيعات .. لانه الناس تحبهن .. خصوصا سلامي اللي الكل يحبها ويحب ربشتها .. دومها تتبلى عليهن عند أمهن .. دومها تسويلهن مشاكل .. ما تخليهن ف حالهن .. هن كم مره حاولن يتقربن منها .. بس هي مافتحتلهن المجال ابدا . .
ودووم تقولهن . . وحده بجمالي ومحد يتخبر عنيه . . وانتن يالجيآكر .. ما مخليات حد ماتعرفنه ؟؟ .. والله الناس ماعندها ذوق ..
نرجع للبنات ..
موزه : قولي اللي تبيينه ماهميتينيه لا انتي ولا اختج .. هييه وعلى فكره . . ترا انا بشل الدريول العصر . . بروح بيت عمي ..
سلامي : والله كيفج حبيبتي .. أول يودينا بيت خولوه .. خلاف شلييه انتي ذلفي باللي مايردج .
موزه : هاه هاه هاه . . استريحي .. انا العوده .. وانا اللي بشله .. ويووم برد روحن حق ربيعتكن .
سلامي : والللللللللله ماتشليينه والله وانا هنييه وبنجووف انسه موزه يا انا يا انتي ..
طلعت موزه عقب مارفعت ظغط خواتها .. وراحت صوب امها وخبرتها انها تبا الدريول يوديها بيت عمها . . بس امها قالتلها انه خواتها طالباتنه .. ف بيوديهن هن أول .. تمت توز أمها .. وكيف تخلينهن يروحن وانتي تعرفينها البنت اللي بيروحن عندها .. وشدراج انه بيت ربيعتهن اصلن .. هنييه امها حرررجت علييهااا ع الآخررر ..
وقالتلها بصووت كلللله ظييجه ..
أم موزه : موزوووه سمعيني زيييييييين . . هالرمسه ماتعيبنيه وماباج تعيدينها .. هييه اعرفها البنت اللي بيروحن عندها .. بنت والنعم وهلها والنعم .. واعرف انه بيتها .. وانا واثقه من تربيتيه .. واذا ما ودرتي هالسوالف عنج .. ترا حسابج بيكوون عسيير .. وهذي اخر مره اسكتلج ..
سلامي كانت عند الباب وسمعت الرمسه كلها .. ربعت طيراان غرفة جليثم وخبرتها باللي صار .. وقامن يناقزن فوق الشبريه من الفرحه .. اخييراا امهن بردت قلبهن فيها ..
وموزه سارت غرفتها وهي معصصصبه .. ما كانت متوقعه انه السالفه بترد على راسها ..
نهاية البارت الثالث
انتظر ردودكم وتعليقاتكم ع الروايه
+
لا تنسوون التقيييم 
احببببببببببببببببكم 
رد: ح ــطني . . في ع ــيوؤنك وغ ــمض ..!! .. بقلم : الأميرهـ العيناوية
العرض العادي
