نصيحة اخوية
لإزالة كل الأعلانات،
سجل الآن في منتديات أنيدرا
السلام عليكم ورحمة الله وبركاته
كيفكم اعضاء انيدرا مع الاختبارات ذاكرتم تمام يالله ان شاء تجيبون نسبة عدلة وتبيضوو وجه اهلكم
امممممم هذا نصيحة اخوية لكم ان شاء الله تتقيدون فيها
انا عارفة ان الاختبارات على الابواب واغلبكم على الشباك بس استحملوا واضغطوا على نفسكم على شان اولا لنفسكم ثانيا لاهلكم
انا نصيحتي لكل واحد يفكر بالغش انه يسيب الفكرة اممم بس والله ماني عارفة كيف ابداء بموضوعي
راح ابداء بحكاية وحدة اعرفها الله يستر عليها تابت دحين يهي تقريبا مهي حكاية
هي كانت تغش يعني صح تذاكر بس برضو كانت تغش وكانوا صحباتها يساعدونها يعني تقول انها هي تكون في اول الصف تسمع الاجابة من اخر الصف يعني الغش كان عندها شي عادي هم اصلا مايعتبرونه غش يقولون احنا نساعد بعض لا اكثر
المهم انها لاحظت انها في المواد العلمية مرة ماتقدر تغش بس في مواد الدين اللي هي التوحيد والفقه تقول الاجابات جاهزة عند البنات
اما في المواد العادية تقول والله مااقدر اخذ كلمة وحدة انا صراحتا قلت يمكن الشيطان يسهل عليكي الغش خصوصا في مواد الدين شوفي كيف هو الغش اصلا حرام وكمان تغش في امور الدين اكيد الشيطان هو اللي سهلها الغش في هذي المواد وتخيلي الذنب اللي راح تاخذينه بس لانك غشيتي فاكيف تغشي في امور دينك اكيد الذنب راح يكون اعظم صووح
والله تقول انها بعد مافكرت بهذ الطريقة قالت توبة انها تغش مرة ثانية
فايليت ياغاليين تحفظوا نفسكم وعيونكم من الشيطان ...... انا مااقول عادي تغش في المواد العادية بس هذي نصيحة لاني خايفة عليكم من الذنوب كفاية اللي احنا في الله يستر علينا ويحفظنا قولوا امين
عارفة انكم راح تقولون ايش تبغى هذي تقرقر علينا وماعندها سالفة بس والله هذا من خوفي عليكم وقلقي من الاختبارات
انا كمان طالبة زيكم واخاف ان الشيطان يسيطر علي علشان كذا ابغى من كل من قراء الموضوع انه يدعيلي
واذا عجبتكم نصيحتي ياليت تقيموني وترسلولي ادعية تشيل القلق اللي انا فيه انا ماابغى ازيد من قلقكم
وياليت يااخواني واخواتي الكرام انكم ماتسبون في هذا البنت لانها عزيزة علي وهي اللي قالت لي انصحكم فايليت مااحد يسب بالردود لاني من جد راح ازعل عليكم ومعلي شاذا مانسقت الكلام والموضوع تمام بس ايش اسوي معتبرتكم كاخواني واخواتي فقلت يعني عدي اتكلم بدون رسميات وانسق واختار الكلامات قلت بلاشي ادخل بالموضوع احسن ومعلي شاذا طولت عليكم عارفة انه عندكم مذاكرة واختبارات سووووري
وانتم ايش رايكم باللي قلته وذا عندكم اضافات يالت تقولونها اوووكي يالله بالتوفيق
والسلام عليكم ورحمة الله وبركاته
الموضوع الأصلي :
نصيحة اخوية || الكاتب :
الياقوت || المصدر :
منتديات أنيدرا