السلام عليكم
شحالك خيو ؟
هممم على امتحان الايلس انا امتحنت ع اخر شهر 5 والحمدلله يبت 5.5
هذا درجه الكل "reading ,writing ,listening,speaking
نصيحيتي لك لادش الامتحان بدووون ما تستعد له
لازم تجهز العده ودش ^.^
واهم شي تكون واثق من نفسك ومتفااؤل بالخير
في امتحان الايلس بيمتحنونك في اربعة اشياء التحدث والاستماع والقراءه والكتابه .
هالمتحان مافيه رسوب بس لازم تيب الدرجه المطلووبه منك وهي 5
في امتحان الاسبيكنج بيقسمونه لثلاث اجزاء :اول جزء بيكون سهل
لانه الاسئله تكون عن نفسك وفي هالجزء لالالالالازم تستغله وتحاول تتكلم قد ما تقدر لانه بيحاسبونك عليه اكثر . الجزء الثاني والثلاث يساعدونك فيهن بس حاول ما تتوتر ولا تسكت اذا مافهمت قولهم يعيدون السؤال
مارح ينقصونك بس لو قلت مادري ولا غيروا السؤال بيرسبونك فيه فلو ما فهمت عادي لك الحق تقولهم يعيدونه . وملاحظه تراه كله بدقايق يعني الاول بيكون يمكن دقيقتين وجي . واول مادش لازم تعرف بنفسك وتتكلم ^.^
اما عن الريدنج القراءه فلازم تعود عيونك ع القرااءه كتب االنجليزيه لانه معظمنا الي فالكليه او بالاحرى كل الطلاب الكليات يوااجهون صعووبه فيه وهم رجحوا السبب انه بسبب اختلاف الكتابة بالعربي فالعربي يبدا من اليمين فعيونا متعوده تقرا من اليمين عكس الانجليزي فهم الحين كاارفينا ايبون لنا قصص ويا اقروا وتدريبات للحد ما نتعود ع القراءه بسرعه , فلالالازم ولازم تقرا كتب ولا قصص انجليزي وتتعود عليه عشان يكون الامتحان سهل عليك ,,
طبعا فالامتحان يمكن يحطون لك قطعتين ولا ثلاث وعليهن اسئله وطبعا مارح تلقى الاجووبه على طوول لازم تفهم القطعه لان الاسئله مارح تكوون مبااشره , والوقت بيكوون ع ماظن سااعه فانت يوم تحصل الجواب حطه في ورقه الاجوبه ع طول وانتبه ع رقم السؤال لانه وايدين يغلطوون يوم ينقلوون الجوبه وهذا ينقصهم , حاول تسرعه في هالمتحان لانه مابيكفيك الوقت ,,
الكتابه الرايتنج : هذا يااخوي لازم تصمه تيب كتب وتعرف المواضيع الي ممكن يسالونك فيها يعني
مرات ايبون مواضيع يسالونك فيها عن راااايك يعنيyour opinion فلازم تيب كلمات وجمل المناسبه لها وهذا بتحصل في كتب الايلس ومرات يبون لك مواضيع تذكر فيها ايجابيات وسلبيات مثلا ايجايبات استخدام السياره وسلبياتها ومرات ايبون لك مشكله يسالونك تأيد ولا تعااارض وليش ,, ع ماظن الكلمات ما تقل عن 250 كلمه لو نقصت ينقصووونك يعني اتفلسف قد ما تقدر .
واخيرا الاستماع فلازم كل يوم تفتح لك اذاعه وتسمع شو يقولون وحاول تفهم ولو ما فهمت بعد مب مشكله المهم تعود اذنك ع الانجليزي وانتبه للكتابه الاملائيه هم يحاسبون عليها لو حرف واحد غلط الكلمه كلها غلط وحاول تلحق لانهم ما يعيدون الشريط بس تسمعه مره وحده فلازم لو ملحقت تكتبها حط اي شي رمز اي شي عشان تذكره وترد تكتبه بعدين .. فلازم تحفظ الشهور والايام والمسميات مثل مستر ومس اختصاارهن لانهم يحاسبوون عليهن وايد.
حطيت هذي اللينكات وهذي من الكليه
بتساعدك واايد لانه الامتحان بيكون مثلهن
ادرب عليهن وان شااء الله بتنجح
وان شاء الله اكون ساعدتك وبالتوفيق