قناه كوريه جديده على النايلسات

[( لوتي فروتي )]

آنيوسايوووو

كيفكم صبايا

اليوم عندي خبر مره حلو لمحبين كوريا وهوا اني اكتشفت قناه كوريه جديده مره حلوه على قمر النايلسات

اسم القناه ن korea tv وتعرض مسلسلات كوريه مترجمه عربي واغاني كوريه حلوه لكل المغنيين الي نحبهم والشي الغريب انو توقيت عرض البرامج هوا توقيت السعوديه

من بين المسلسلات الي شفت اعلانات لها : الصعود للسماء - الرسام الصغير - اسطورة طبل - ملكة اللعبه ....

بس صدقوني القناه ادمااان حتقعدو عليها طول الوقت زيي انا مااتحركت من قدامها

واتوقع انو القناه مهي تبع شخص كوري شكلها تبع مصر لانو في اعلان شفتو كان باللهجه المصريه شكلها مصر سارت تهتم بالكوريين

بس كل حاجه فيها كوريه حتى انها تعرض ثقافات ومعالم من كوريا والترجمه حلوه كمان

شكلكم لو شفتوها حتنسو قناة kbs , arirang


طبعا انا شفت القناه عند اختي واخدت ترددها

تردد القناه :

10719 او 10718

الاستقطاب : V

معدل الترميز :

27500



بس على فكره انا حاولت اجيب القناه عندنا بس ماجات ماما قالت عشان القنوات الي تبدأ ب 10 احيانا ماتجي الا لما تحركي صحن الدش يبغالي لسه اجيب عامل يحركلنا الصحن

بس ان شاء الله تضبط معاكم من اول مره تحطو فيها التردد

بس على فكرة القناه ماتلاقوها باسمها في القائمة حتلاقوها باسم JSC كانها وحده من قنوات الجزيره !!!!



اتمنى انكم تستفيدو من الموضوع وان شاء الله مايكون الخبر مكرر


انيوووونغ

الموضوع الأصلي : قناه كوريه جديده على النايلسات || الكاتب : ( لوتي فروتي ) || المصدر : منتديات أنيدرا