يوم في حياتي ]~

[R8ooy]

مصخرهـ الصبح !

بخبركم اليوم مصخرهـ عاد انا ميته ضحكـ اليوم الصبح بعد ما سلمت للوالدهـ قلت بيس ع الكمبيوتر واشوية اسمع صوت التلفون شليته والحين تبدا المصخرهـ..هههههـ

الحرمهـ : ألو ها بنتي منو إنتي ؟ >> عاد انا قلت أكيد حد من الأهل شكلها حرمه عودهـ .

: انا R8ooy..

الحرمه : R8ooy بنت منو ؟

R8ooy : انا .! انا بنت صالح !

الحرمة: صالح ؟ صالح ؟

R8ooy : هيه .

الحرمه : ابوج منو !

R8ooy : صالح >>> سخيفه توى تسأل إنتي بنت منو !

المهييم كملنا

الحرمه : صالح منو ؟

R8ooy : قلت إلها كامل صالح بن فلان بن فلان بن فلان الطنيجي ؟

الحرمهـ : آهـ ممم ! >>> شكله تعرف وما تعرف ..

R8ooy : هيه >> وانا ميته ضحكـ .. واقول دخلي بالموضوع ..

الحرمهـ : شو يقرب إلكم ها ولد فلان الطنيجي !

R8ooy : قوم عمي .

الحرمهـ : ها هيه ما عرفتكم ..

R8ooy : ها >> هههههـ بعد كل ها ما عرفييتنا !

الحرمهـ : وشو اسم امج ؟

R8ooy : أمي >> قلت إلها اسم ماماتي ..

الحرمه : ها نقعت بإسم أمي ..

R8ooy : ههههـ <<< لا مو جي وعدلت إلها اسم أمي

R8ooy وضفت إلها : ام إبراهيم ..

الحرمه : أم براهيم !

R8ooy : هيه

الحرمهـ : منو براهيم ؟

R8ooy : ابراهيم صالح >> أوووف بديينا !

الحرمهـ : أكيد ابو ابوج فلان ..

R8ooy : هيه .>> قلت زين عرفت

الحرمهـ : ها هيه ما عرفتكمـ .

R8ooy : هاا !

الحرمه : وين ساكنين ؟

R8ooy : فالمنطقة الفلانية .

الحرمه : ها !

R8ooy : هيه .. >> هههههـ

الحرمه : إنتوا دقيتوا بيتنا ؟

R8ooy : لا ما اتوقع واتجرأت شوية وسألت هههـ : إنتوا قوم منو ؟

الحرمهـ : قوم الفلاني ..

R8ooy : أها لا ما دقينا ..

الحرمه : آخر رقم 7 ..

R8ooy : هيه .. يمكن الشغالهـ !

الحرمه : ها يمكن إسمحي لي بنتي يلا فأمان الله ..

R8ooy : مع السلامهـ ..

وأول ما سكرت التلفوون وانا ميته ضحكـ واشوية واستحيت قلت اوييييي انا خبله كيف رمستها ..ههههههـ


المهيييييم مع السلامهـ بس حبيت أكتب هالمصخره فمدونتي ..عسب ما انسى هاليوم هع ..