رحلتنا الأخيرة الى الأراضي التركية!!

[إندا]

رحلتنا الأخيرة الى الأراضي التركية!!

Tweet

لإزالة كل الأعلانات، سجل الآن في منتديات أنيدرا

سم الله الرحمن الرحيم
الشعب الأنديري الكريم:c
سلام من الله عليكم::: ::/
اما بعد:
في يوم وليل قررنا نحن العائلة الموقرة ان نشم جو ونغير شويات أجواء العيد
وبعد الاجتماع ببنات الافكار اولا والعائلة المصونة ثانيا قررنا ماهو آت:
أولا:أن تكون رحلتنا في عيد الأضحى المبارك :::: من باب نشوف لنا اضاحي شقرا:l
ثانيا:أن تكون الرحلة الى تركيا بلاد الأناضول..
ثالثا:أن نعصب عيون الشبان ونربط على قلوب العذارى...:0:
وأخيرا وبعد المشاورات والاجتماعات والمؤتمرات
تقررت الرحلة يوم السبت الساعة السابعة صباحا بتوقيت مكة المكرمة:::

::::::::::::::::::::::::::
ونبدأ الرحلة على بركة الله
::::::::::::::::::::::::
أولا: ونحن في الطيارة كانت الطيار ة والسماء ملبدة بالغيوم والمطبات الهوائية على كيف كيفك::

ملاحظة في صور كانت من المطار الى الفندق بس للأسف مو واضحة ابدن من زود الفلاحة بس اقتصرت على الصور الواضحه والمتسترة:::;)

طبعا كنا مجهدين فنمنا قليلا...ثم قمنا في الليل ورحنا متحف آيا صوفيا ولكن لقيناه مسكر وقالو لنا يالطيبين تعالوا الصبح مب في اخر الليل جايين...

لقطه للمتحف ليلا

قررنا ان نرجع الفندق وننام عشان نقوم من الصباح الباكر ونروح نفرفر في استنبول بلاد العشاق..

في اليوم الثاني رحلتنا الى قصر السلاطين ومتحف آيا صوفيا...
خلوه في الحلقة القادمة
واتمنى أشوف تفاعلكم وتعليقاتكم على الصور
وانشالله التكملة قريبا
دمتمممم

الموضوع الأصلي : رحلتنا الأخيرة الى الأراضي التركية!! || الكاتب : إندا || المصدر : منتديات أنيدرا

[katren]

صور قليلة ... لكن تخلي الواحد يتمنى زيارة تركيا ...

كثير من قرايبنا يحبون السفر لها ...

رائع ^_____^

الصورتين جميلتين ...

مودتي إندا ^^

[إندا]

احم كاترين

والله هي اربع بس مدري ليه تقلصو الى ثنتين

بحاول اعيد رفعهم مع الصور الباقيه

شكرا

[wwm]

بإنتظار الباقي بـكــلشـوق

[إندا]

رحلتنا الى قصر السلاطين ومتحف آيا صوفيا

احم احم احم

انا مستانسة أونس شي لأن الصور أعجبتكم

وبهذه المناسبة بحطلكم درزن صور::::::ماصدقت ياقلبي

الموووهم نكمل الرحلة.....

يوم صحينا من بكير في اليوم التالي ورأينا الدينا والناس اللي تفتح النفس ويسلاااااااااااام

طبعا كل واحد فينا مرووووح محد داري عنك

وطلعنا مع بعض اول شي بعدين تفرقنا ::: الله لا يفرقنا

كلن راح اللي يبيه:::::::: ماشالله عيلة ديموقراطية

ركبنا الباص ابو دورين اهم شي ((عشان يوصلنا قصر السلاطين))




ولا عليه رقم التلفون عشان تكلمونه للتوصيل الجماعي خخخخخخ
كان فيه واحد جالس جنب السواق وكل شوي يقعد يقرق علينا ومدري وش يقول بس اللي فهمناه ان يوم وصلنا قال نمبر سبعة ينزلون :::::طبعا اول ماتركب يسألونك وين تروح ويعطونك رقم::::::
ونزلنا قصر الأحلام ___ ههههههه تذكرت اول ماركبنا قالنا سعودي؟؟ قلنا ايه قال قصر نور؟؟
احنا ؟؟؟ قام تكلم عربي قال قصر مسلسل نور؟؟ الله لا يفشلنا الظاهر مافيه سعودي راح تركيا الا راح عند نور ومهند ـــ

عند الباب فيه حق تذاكر عشان دخول القصر,,اخذنا التذاكر والمرشد حق القصر وودانا جولة فيه,,,

الموهم هذي بوابة القصر أولا




هذي البوابه الخارجية




لاحظو ان القصر على البحر على طول أنا الصرااحة خ خ خ خقييت عليه



هذي البوابه من جهة ثانية



هذي البوابه الداخلية



وهذي بعد



صورة للقصر من الخارج




هذا حوش بيتنا آآقصد القصر :::: من الشبه غلطت ::::




أهم شي ان هذي الساعة تشتغل


مدخل القصر مكون من جزئين واحد للرجال وواحد للحريم

اولا للرجال وهو العام



مدخل الرجال بصورة ثانية((الاخضر هذا خرب شوي وقاعدين يصلحونه))




::::بقولكم شي مضحك المرشد كان داااعس يشرح وهو يمشي مدري وش بلاه
فلذلك ماأمداني أصورزين وخبركم محدثتكم محترفه فتاكه تلقط الصور وهي طايرة عشان كذا الصور مش ولابد عذرا::::

ثانيا مدخل الحريم




لاحظو انه على جنب ومستر والمرشد طبعا يقول لأن النساء في ذلك الوقت كانو يتغطون عن الرجال فسووا لهم المدخل ساتر

هذا المدخل الرئيسي اللي ينتظرون فيه الشعب او الوزراء للدخول للسلطان



انا جازت لي شخصيا الجلسة الدائريه حسيتها حلوة





وهذا لا مؤخزة الحمام

كله رخام ومن فوق مسوى بطريقه عشان يتهوى وتدخله الشمس من كل جهه

::::::::::::::::::::::::::::::::::::::::

بعد كذا رحنا والعائلة الموقرة الى متحف آيا صوفيا طبعا بنفس الباص ونصنا متعلق برا ماكفانا ماشالله خخخخخخخخخ

كان رقمنا هالمرة خمسة

وصلنا الساعة وحدة ونص ((ظهرا مب ليلا زي ذاك اليوم)) للمتحف



وكانت المطرة تكتكت وفاتكم صورنا كلنا عند الباب بس هذا برضو مشفر :::

القصة:
لم دخل محمد الفاتح لتركيا((القسطنطينة)) وجعل ايا صوفيا مسجد امر بتغطية كل الصور حقت المسيح ومريم والجماعة



بس لم حكم مصطفى اتتاتورك وخلى ايا صوفيا متحف امر بازالة كل اللي غطاه محمد الفاتح



هذي الصورة لمريم العذراء وعيسى توه بزر وروح القدس جنبها

خارج المتحف فيه بقايا للكنيسة القديمة وبقايا سور القسطنطينية



السور



السور من جهة ثانية تلاحظونه بعد البحيرة

.................................................. ..

وهذه الرحلة

واتمنى تكون اعجبتكم