منتديات أنيدرا الدراما الكورية و اليابانية



الملاحظات

ملتقى الابداع الادبي أشعار ، خواطر ، كتابات أقلامكم .. كل هذا بمساحة الإبداع! يمنــع وضــع المواضــيع المنقولــة

موضوع مغلق
 
أدوات الموضوع انواع عرض الموضوع
  #1  
قديم 15-09-2009, 04:33 AM
الصورة الرمزية Ghadah
Ghadah Ghadah غير متصل
أنيدراوي متميز
 
معلومات إضافية
الانتساب : Jan 2008
رقم العضوية : 18206
المشاركات : 927
   الجنس: الجنس: Female
  علم الدولة: علم الدولة Saudi Arabia
عاشق حليمة بولند !

عاشق حليمة بولند !


لإزالة كل الأعلانات، سجل الآن في منتديات أنيدرا

أهليــــــــن

هذي سالفه تضحك صارت لي مع ولد خالتي الصغير


مقدمة

أنا رايحه أنام ببيت جدي هاليومين مع بنت خالتي وأخوها الصغير اللي رايح لثالث ابتدائي وإسمه(بدوري)

وطبعن للمعلوميةأنا أحب شي إسمه (ألعب على أحد)...يعني أفقش عليه بسالفه تأثر عليه...تفرحه..تحمسه...تضيق صدره...المهم أنها تأثر عليه..يعني مو فقشه عاديه..هذي هوايتي هع..


السالفة


ولد خالتي (بدوري) يحب شي إسمه حليمه بولند ويموووت فيها وكل يوم يتابع برنامجها(مسلسلات حليمة)
يوم السبت كان يتابعها وأنا جالسه معه أتسحر..وأشوفه خاق معها...قلت خن أسحب منه سواليف..قمت سألته:

أنا:بدوري وش عاجبك فيها؟!
بدوري:كلها حلوه..بس لو تغير شعرها!
أنا:وش بعد تبغاها تغير؟
بدوري يفكر:اممم بس شعرها!
عاد أنا جتني فقشه صغيره:تدري أن عندي إيميلها!...وش تبغاني أقول لها؟!
الولد عاد صدق وتحمممس وعدل جلسته وقال:
قوليلها(أنا بدوري من السعوديه..أنا أتابع برنامجك ياحليمه..أحبك وأبغى أتزوجك <<<لا لا الولد مو صاحي يقطع بليسك وش تتزوج بزر؟وبعدين تراها متزوجه يعني ماراح توافق عليك هع
تعالي عندنا السعوديه في الرياض حي*** شارع***بيت رقم***)<<<ماشاء الله محفظينه عنوان البيت توني أدري إن هذا عنوان خالتي هع...لاويوصّف لحليمه العنوان هع

أنا عجبتني السالفه وقلت خن أسوي له فقشه مضبوطه:خلاص طيب برسل لها!

وقعدت أفكر بسرعه بطريقة تخليه يصدق أكثر..رحت فتحت اللاب توب وفتحت برنامج(المفكره)<<يقال له الهوت ميل
وأخلي بدوري يجلس جنبي ويقرأ الرساله اللي أكتبها لحليمه<<عشان يصدق
وأكتب وأكتب كل الكلام اللي قاله..حتى عنوان البيت هع..
وبعد ماخلصت قال:عطيها رقمي <<<يرقم هو وجهه بعد هع
طبعن الولد عنده جوال<<بزر وجوال؟!...الله يخلف بس هع>_<
أنا:طيب يلله عطني رقمك
وأسجل رقمه في الرساله المزيفه..لا وبعد أسوي نفسي أني أرسل..أروح لـ(ملف)..وبعدين(إعداد الصفحه)..وأقعد أحوس شوي يقال لها إجرائات الإرسال..وبعدين(موافق)..وهو يناظر طبعن..
بدوري بفرحه:أنرسلت؟!^_^
أنا:إيه^_^....
وقعد الولد يناظر جواله كل شوي يفتحه ويصكره ويقوم من مكانه ويقعد..خلاص متوتر ينتظر إتصال حبيبته حليمه خخخخ
عاد أنا رحمته على سالفة الجوال وقلت بخليه يشيل من راسه فكرة أنها تدق عليه...حرام مابيه يتوتر كذا
المهم إنه راح يلعب شوي ..وأنا استغليت الفرصه وقعدت أكتب بالمفكره الرد حق حليمه..
أنا بحماس:بدوري تعال بسرعه حليمه ردت على رسالتك!<<<والله من الفقش توها مخلصه برنامجها مايمديها حتى تفتح الإيميل خخخخ
بدوري ركض بحماااس وجاء يقرأ:(هلا حبيبي بدوري أنا حليمه..مره انبسطت على رسالتك..وأنا أحبك بعد..وراح أجي بيتكم يوم الاثنين..بس الجوال ماأقدر أكلمك لأن انا بالكويت وجوالي مايصلح يتصل على السعودي..أحبك باي)
الولد خلااااااص راح فيها..تشقق..تقطع...مو مصدق..
بدوري:حليمه بتجي بيتنا!! بتجي بيتنا!...يوه لازم أرجع بيتنا يوم الاثنين!
أنا قلت في نفسي يوووه الحين يبلشنا يبي يرجع بيتهم>_<:لا مو لازم ترجع بيتكم..إذا وصلت هي بيتكم..أهلك بيدقون عليك عشان تلبس وتجي!
وعشان أحمسه قلت :وش بتلبس؟!
بدوري يفكر:اممم يمكن ألبس ثوب العيد
أنا مسويه جديه:إيه ثوب العيد مره حلو ومناسب
بعدين قلت خلني أستانس وأضحك شوي وقلت له:بس لازم تعلم أهلك.. إنها بتجيكم!..عشان يستعدون!
بدوري يفكر:اممم أمي الحين نايمه..أبوي مدري إيش..أخوي الكبير فلان..يمكن نايم ويمكن سهران...بدق عليه وأقول له
أنا بحماس:أييه دق عليه يلله
ويدق عليه وخليته يفتح السبيكر(المايك)عشان أسمع رد أخوه هع
أخوه وهو نايم بس باين إنه متحمس:هلاااا بدوري حبيبي وشلونك؟
بدوري:الحمدلله وشلونك أنت؟
أخوه:اشتقنالك..هاه تبي شي؟
<<أنا طبعن منزله راسي على الكنب وأضحك بدون صوت عشان ماينتبه لي
بدوري بحماس:حليمه بتجي بيتنا!<<<على طول بدون مقدمات خخخ
أخوه تغير صوته وراح الحماس:أقول بدوري بنام يلله باي
هههههههههههههه
وصك بوجهه..شكله يقول الحين يقطع بليس هالبزر مزعجني ومقومني من نومي عشان هالبثاره هع
ياعومري رحمت بدوري حسيته تحطم من أخوه اللي ماأهتم بالسالفه هع

بعد شوي جت بنت خالتي وقال لها بدوري بحماس:حليمة بتجينا!..والله غاده شفتها وهي ترسل لها!
بنت خالتي على طول ناظرتني وغمزت لها وفهمت وقعدت تضحك وتسلك له..
لا ياعومري الولد تشقق خلاص بس يفكر وش يسوي لها..
بدوري:وش أشتري لها هديه؟ <<ماشاء الله رومنسي وش يعرفه بالحركات هع
أنا:مدري شف فلوسك تكفي؟
بدوري:عندي 30ريال بس<<ماشاء الله أجل تاجر هع
بدوري يفكر:بشتري لها سيارة (ميركو ميلان ألفين وعشره)<<شكله سامعها من برنامج حروف وألوف هع
أنا وكاتمه الضحكه:أقول ماعندك إلا 30 وناوي تشتري سياره!..يلله بس!..خلك واقعي شوي!
بدوري:ولا أشتري لها شنطه..أو محفظه<<وشدراك بحركات البنات يالداج أنت هع
وبعد تفكير راح يحوس بأغراض أخته وجاء يركض ومعه كحل..
بدوري:بعطيها هذا!
أنا أسلك له:إيه..هديه كحل!..مره حلوه الفكره!...بس مدري إستأذن من أختك أول!..هذا كحلها!
قال لأخته وقالت:إيه هذا كحل خايس معليش عطه حليمه!<<تسلك له بعد هي هع
وبعدين راح يحوس بأغراضها مره ثانيه وجاب مناكير وعصبت أخته:هذا حق العيد رجعه بسرعه!>_<
وكل شوي جايب لها شي وتعصب عليه..وبعدين جاب عطر قديم وأشوى وافقت عليه<<رحمته
قالت لي أخته:يختي حرام عليك الولد مصدق!..علميه أن السالفه كذب!
أنا:لااااا ياويلك تعلمينه أبغى أشوفه وش راح يسوي يوم الاثنين!..أبيه يتقطع من الحماس..وبعدين عاد أقول له أن حليمه هونت ماراح تجي..

المهم بعد شوي جمع لي الهدايا اللي بيعطيها إياها:(عطر قديم مستعمل-كحل مستعمل-وسماعات بي إس بي توه شاريها يعني أشوى شي مو مستعمل هع)
قلت له بجديه:مره حلوه الهدايا!..أكيد راح تعجبها!..بس حطها في كيس أو علبه عشان ماتضيع!..وعشان يصير شكلها حلو إذا عطيتها!
راح يركض وجاب الكيس الأزرق الشفاف المعروف..وجمع القرمبع فيه ورفعه فوق الدولاب..وقعد ينتظر يوم العمر..يوم لقائه بحبيبته وزوجته المستقبليه..حليمه بولند هع


نهاية المقلب


من بكره يوم الأحد أخته عصبت وقالت إنه طفشها وإنها رحمته خلاص يابنت الناس راح أعلمه!
أنا:لااااا ياويلك!..خلاص أنا راح أنهي الموضوع بطريقتي!...مابي أقول له أنها كذبه وبعدين يكرهني ولاعاد يصدقني!

قمت وفتحت المفكره وناديته وخليته يقرأ رسالة حليمه الأخيره:(بدوري حبيبي أنا ماأقدر أجي السعوديه لأني مشغوله وعندي تصوير برامج..إن شاء الله مره ثانيه)
بدوري ضاق صدره:لااااا!...طيب قوليلها تجي تصور البرنامج في الرياض!>_<
أرسلت لها كلامه ...وردت له:(لا ماأقدر أجي السعوديه زوجي رفض..باي)<<<يالفقاشه توك تقولين عشان البرنامج والحين تقولين عشان زوجك!هع
وخلاص فقد بدوري الأمل في رؤية حبيبته الجميله<<مالك إلا تشوفها عالتلفزيون وبس وخلك من الأحلام الزايده
هع


وبس خلصت سالفتي الطووييييييييله ..إن شاء الله تعجبكم هع^_^

الموضوع الأصلي : عاشق حليمة بولند ! || الكاتب : Ghadah || المصدر : منتديات أنيدرا


قديم 15-09-2009, 04:46 AM   رقم المشاركة : 2
ERI
إيلي تشان
 
الصورة الرمزية ERI





معلومات إضافية
  النقاط : 786
  الجنس: الجنس: Female
  علم الدولة: علم الدولة Saudi Arabia
  الحالة :ERI غير متصل
My SMS إلى بنات نادي كاتتون T-T اشتقت لكم (لنبقى على تواصل دائم أحبتي ^_^ أحبكم)


أوسمتي

اقتباس:
محجووووووووووز
هههههههههههههههههههههههههههههههههههههههههههههههههه هه
غدوووووووووووووووو
كرهتج من هالمقلب>>براااااااا
حراااام عليج لعبتي بالولد
لا وبعد ولد خالتج روماااااااانسي
يبي يتزوجها وبيجيب لها هدايااااااا وماادري شنووو

واخووووه اللي سكر لما قال له السالفة
اتخيل تعابير وجهه وهو توه قاعد من النوم ومو مستوعب الكلام

هههههههههههههههههههههههههههههههههههههههه
ولا عاد الهدايا المستعملة
بس عجبتني طريقة حلج للساالفة
خليتيه يعرف انها متزوووجة
اريغاتوو قلبوووو على المقلب
وكل ماسويتي مقلب في احد من اهلج كتبيه لنا ههههههههههه



 
قديم 15-09-2009, 05:00 AM   رقم المشاركة : 3
مجنونة ادراما
أنيدراوي مبدع
 
الصورة الرمزية مجنونة ادراما





معلومات إضافية
  النقاط : 35
  الجنس: الجنس: female
  علم الدولة: علم الدولة Saudi Arabia
  الحالة :مجنونة ادراما غير متصل
My SMS ..// لا اله الا الله محمد الرسول الله //..


أوسمتي

هههههههههههههههههههههههههههههههههههههههههههه

حراكات <<<


والله يحليله بدوووري سلمي عليه <<<برااااااااا


والله حرام عليج انتي وبنت خالج

حرااااااااااااام الولد مسكين يا عمري<<<< اش تبي ذي <<ادري بس والله كسر خاطري

القصه مررررة مشوقة ههههههههههه

في امان الله




 
قديم 15-09-2009, 05:35 AM   رقم المشاركة : 4
xxSush!xx
Sushi
 
الصورة الرمزية xxSush!xx





معلومات إضافية
  النقاط : 136
  الجنس: الجنس: Female
  علم الدولة: علم الدولة Saudi Arabia
  الحالة :xxSush!xx غير متصل
My SMS 2PM <3 BIG BANG <3


لووووووووولـ والله من جد ضحكتيني
عاد ياحبي انا للمقالب دي بس ابداً ما اسويها في ناس
صغار في صحباتي
والله اول سويت في صحبتي مقلب اعتقد قعدت اسابيع ما تكلمني
يالله ان شا الله بدوري يشوفها على الحقيقه >,<
بس والله مدري ايش عجبو فيها >> مره تكرها
شكرا على المقلب الجميل
ولا تحرمينا من مواضيعك
ولا تنسي كل ما تعملي مقلب بالله اكتبي في المنتدى >> مره اتحمست




 
قديم 15-09-2009, 05:48 AM   رقم المشاركة : 5
فجر الغلا
أنيدراوي جديد
 
الصورة الرمزية فجر الغلا





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :فجر الغلا غير متصل
My SMS لا تحاولي الالتفات الى الوراء دوما انظري الى المستقبل فهو الجمل


هههههههههههههههه ياعيني ع المفالب والله اموت فيها





 
التوقيع
مدري ليه في قربه احس البعد في قلبه
واذا حبه على كيفه شكرا ما نبي حبه





آخر مواضيعي

اعرف شكلك قبل ما شوفك

 
 
موضوع مغلق

الكلمات الدلالية (Tags)
بولند, حليمة, عاشق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 08:07 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا