البارت الثالث والعشــــــــــرون
اليوم الاربعاء طفش كالعاده وطلعه الاستراحه
ساره: ندوووووش
ندى: هلا
ساره: اليوم انا نفسي منتفتحه ودي اطلع للاستراحه وافلها وانتي حليفتي يعني فكري معي نبي اليوم غير
ندى: امممم ليش لا يالله
ساره:عندي افكار بس يمكن ماتنفع
ندى: افااا في شي ماينفع عندنا اللي ماينفع نخليه ينفع
ساره: طيب خلي نقاشنا اذا تجمعو البنات
ندى: صح عشان السوووس يساعدونا
ساره:هههههههه صح
تجمعت العوائل بالاستراحه وبدى الروتين الاسبوعي الغير ممل للطلعه
نواف: شباب وش رايكم مانلعب كوره
عبد العزيز: جبتها
حمد: لا ياخي ركبتي مورمه مافيني على لعبكم الدفش
عبد العزيز: سلامات ليش مورمه
حمد(ارتبك) الله الفشله لو اقوله: لالا ابد حادث بسيط
عبدالعزيز: صدقتك مره.......قم يانواف بنلعب
نواف: يلله
بدى اللعب واصوات المزاعج تقول كانهم بحرب
عند البنات:
مشاعل: اووووف طفشت دورو شي نسويه
نهى: ياختي يلله شغلي مخك وحنا معك
العنود: انتم ماتتبوبون
فهده: لامانتوب ولا ودنا نتوب ولا في امل نتوب ولا......
نسايم: ببس اوووووووش والله ان خليتك ماسكتي
يرن جوال ساره
ساره:الو
فارس: هلا
ساره: اهلين
فارس: اقول ممكن تجيني ورى
ساره:ممكنين ليش لا
قفلت منه
ساره: بنااااااااات شوي وارجع لكم
راحت ساره
العنود: اشوى انها راحت انا عندي اقتراح
نسايم: وشو
ندى: هي لاتتكلمون بغيابها
العنود: لازم اتكلم بغيابها ولا ماينفع الموضوع المهم
مشاعل: وشو
العنود: بنات انا اليوم سمعت نايف يقول انهم خلصو ترميم بيت جدي الجديد وبقي التاثيث واللي بياثثونه خوالي الشياب وبصراحه مارح يجيبون شي كول يناسبها انا اقول وش رايكم ماانا نتكفل بغرفتها ونسويها مفاجئه لها
ندى: حللللللللوه انا اولكم
البنات مؤيدين الفكره
رجعت ساره
ساره: اقوول بنات ماودكم نطلع
نهى: ياليت بس من بيطيعنا ياحسره
ساره: مو مشكله اقول للفارس
فهده: وترجع تقول فارس ترى هو ولد عمنا مو سواق ابونا كل مره نتطلب عليه
ساره: عادي هو مايمانع
فهده: ماعليك انا بقول للحمد هذا مامنه فايده دايم جاحدني
فهده:الو
حمد: هلا
فهده: اسمع شغل السياره الحين بنطلع
حمد: ليش قالو لك سواق
فهده: تركب عليك سواق ليش لا
حمد: ايه هين
فهده: حمد ياسخيف يالله عاد بنطلع ودنا السوبر ماركت ولف فينا كم لفه ورجعنا
حمد: طيب اركبو الجمس.......لحظه لحظه مين بيروح
فهده: كلنا
حمد: زيييين طيب اركبو وبجي
فارس: وش فيك تتهاوش
حمد: لا هذي فهده
فارس: واذا صار
حمد: لازم كذا ولا تاكلك بالسانها
فارس:ههههههههههههه واالله انك واحد
حمد: تخاويني خاف مااقواهم هذول اذا انتشرو ماعاد يرجعون مثل الفساد
فارس: حرام لاتظلمهم
حمد: امشي يالله بلاحركات المؤدبين
حمد: لا اله الا الله ماداني اقوله ولاهم راكبين
فارس: مساكين متحمسات يالله لانتاخر عليهم
حمد ركب قبل فارس:السلام عليكم
البنات: وكل وحده ترد بصوتها الطبيعي
فارس: يوم ركب: كيفكم بنات
انقلبت الاصوات للرقه حتى ان حمد شك فيهم وش هذا التغير
حمد: يالله استعنا عاشقا بالله فارس عدهم
فارس:هههههههههه ليش اعدهم
حمد: سبحان الله يعني لازم نقدر حجم الخسائر والارباح وانا راجعين
فارس:اها طيب( وقعد يعدهم بعدين وقف فجئه) ساروووووووووووونه
ساره: ضحكت عرفت انه انتبه لها
فارس: واخيرا مابغيتي تتغطين زي الناس اصبري بصورك وطلع جواله
حمد: هييييه الحبيب هنا الرياض لاتخرب اخلاق البنت
فارس: لاساره اخلاقها ماتخرب اصليه وكاله
فارس: من علمك تسوينه
ساره: ندى
فارس: االله يعافيك يا ندى
ندى: ماسويت شي
فهده تكلم نهى بصوت واطي: الحين هذا انهبل احد يصور اخته وهي متلثمه
نهى: مسيكين هو اصلا ماصدق انها تتغطى
فهده: هههههههه بس يعجبك تخلفه شوي
نهى: حرام عليك لاتسبينه
رهف(كانت متجمده او بمعني اصح تتظاهر البرووود)
وصلو نزلو البنات:
ساره: العنود كم اخذ من علبه بيبسي
العنود: ياحليلك تتعاملين باللعلب انا نتعامل بالكراتين بما اننا راجعين ماراح نطول كرتون يكفي
نسايم: رهـــــــــــــف البلو كوكتيل لاتنسينه
رهف: لاتوصين حريص
فهده: وناسه بنسكر اليوم صح
رجعو لمى وصلو
فهده: حمــــــود لوسمحت نزل الاغراض
حمد: ليش قالولك سواق
فهده: بتنزله ولا شلون
حمد: اووف طيب بنزله بس فكينا
فارس: طيب الحين حنا طلعناكم ووسعنا صدوركم مالنا شي
حمد وهو يحط كرتون البيبسي: صادق لازم يكون لنا شي
ساره:العنود خلي نعطيهم
العنود: لا لا تعطينهم ترى ياخذون وجهه
ساره: حرام مساكين
فارس: انا بصراحه عاجبتني هاذي مد يده للبلو كوكتيل اللي بيد رهف ومسكها
فهده: رهييييييييف ياولك ان تركتيها له
نهى: ايه صح وش نسكر عليه
حمد: وشو انسه نهى بتسكريين
نهى وهي مهي طايقه تطل بوجهه : ايه بسكر عندك شي
حمد( اعوذ بالله ذيب بنت ذيب سكتتني): ايه عندي عيب تسكرون انتم بنات
فهده: يعني الاولاد عادي
حمد:انتي اسكتي لااقول وش انتي مسويه
فهده: قووووووول انا اللي بيهمني انت اللي بتتفشل
حمد(صح الوهققه الحين انا اللي بتفشل وشوله افتح فمي والله سكتوك البنات ياحمد):اقووووول ضفو وجيهكم...(التفت على فارس) انت يالحبيب نسيت عمرك ترى انا بدخل
فارس: فك العلبه وتركهم وهو ميت ضحك
العنود: رهف مشينا بندخل.......رهف ....رهف
رهف: هاه...طيب طيب
دخلو البنات وكملو السهره
دخل حمد على الشباب لقاهم يلعبون بلوت
وسلمان يناظر التلفزيون
حمد: هلا بالمعرس
سلمان: محد يرفع معنوياتي مثلك
حمد:هههههه لاتستعجل
سلمان(بانفعال مكبوت): اليوم اقول للخالي الخميس الخطبه والخميس الللي بعده ملكه تدري وش قال
حمد وهو يبي يكتم ضحكته: ايه وش قال
سلمان: يقول اصبر لين تخلص الا متحانات يعني بعد شهر
حمد: اصبر ترى كل تاخيره فيهاخيره خير البر عاجله
سلمان:هههههههه فهمني يعني استعجل ولا لا
حمد: اونا وش دراني هذا اللي بالمسلسلات يقولونه
حمد: اقول انا ملاحظ شي بصراحه وبشوف انا اللي ملاحظ بالحالي
سلمان: خير وشو
حمد: هم شيئين الاول البنات اذا جا فارس مادري وشلون يصيرون رقيقات ومودبات ولا معي اعوذ ياللله دفش عندك هذي نهى مااحد يقواها دفني ودفك
سلمان:هههههه تصدق انا كم مره اشوفهم يسيحون اذا جا
حمد:هههه تتوقع ععشانه مطول شعره
سلمان:ههههههه تهقى؟
حمد: لالا هذا نواف عليه كشه اللهم صلي على محمد
سلمان: بنات ماتدراي وش في رووسهم.....لحظه لاتكون مشاعل معهم
حمد: اولهم اقولك يصيرون كانهم مبخوخين بفليت
سلمان: والله بديت اشك........طيب وش السالفه الثانيه
حمد:نواف هالايام ناحف وهاجد
سلمان: مدري مالاحظت
حمد: الا لاحظ
سلمان: جايز ليش لا
حمد: صح انت ليش ماتلعب معهم
سلمان: العب ومعهم اكبر فرقه غشاشين بديره لا لا انا واحد شريف
حمد: من االللي يغش خلني بروح اجلس جنبه
سلمان: مروان ومشعل الزعماء وائل ومروان تحت الطاعه
حمد:هههههههههه حلوه
+++++++++++++++++++++++++
البنات جوى سوالف وناسه
نسايم: بنات خلونا نطلع برى والله طفش الساعه ثلاث الجو ولا اروع
ندى: صادقه من صرتي زوجه نايف وانا احس مخك قفل مثل باقي المتزوجات بس الحين خابت ضنوني
نسايم: سخيفه ماتضحكين
رهف: يالله
شلو البنات شلالاهم وراحو برى
العنود: نعالو نجلس عند الزرع هناك
ندى:لالا حشرات تعالو عند المسبح
ساره: صح صح عند المسبح احلى
نهى: هههههههه فهده بقلدونا
فهده: مايقدرون بس مساكين لهم حق المحاوله
جلسو البنات ورنو الين الساعه اربع ونصف
اذن الفجر
ساره: بروح اصلي
العنود: اذا خلصتي جيبي السجاده
ساره: ياعجازه ليش ماتقومين.......بس لعيونك بجيبها
العنود: بنات شوفو للاز م نرتب الاشياء اللي بنسويها عشان تخلص لانهم يبون ياثثونه خلال اسبوعين
بدو البنات يقسمون الاعمال فيما بينهم
ساره دخلت تصلي تسمع صوت احد يان يتالم تبعت الصوت اللين وصلت عند الدرج لقت عبير قاعده
ساره: عبير اسم الله عليك وش فيك
عبير{:اااااااااي بطني شكلي بولد اليوم
ساره: طيب طيب خذي نفس برجع لك
ساره: بناااااااااااااااااات عبير بتولد
رهف: يمه اختي رمت الكاس االي بيدها وراحت بسرعه لها
البنات وراهاا ماخلو شي ماسسوه
عبير بددت تفقد وعيها
رهف: ياربييييييه عبييير حاكيني
العنود: موب وقت صياحك نادي عبد العزيز ولا راشد
رهف: راشد مو فيه بروح انادي عبد العزيز
__________________