عبدالمعين المتين وخويه الي من الصين

أنس المطر · #1 14-10-2008, 10:48 AM

عبدالمعين المتين وخويه الي من الصين

لإزالة كل الأعلانات، سجل الآن في منتديات أنيدرا

في واحدة(ن) من هالاحياء الفقيرة سكنت عائلتين وحده سعودية والثانيه صينيه , وكانت هالعائلتين فيهم فقر الله اعلم به
حتى ان بيت السعوديين واجهة من واجهاته يطل على نفود

عبدالمعين المتين وخويه الي من الصين,أنيدرا

, وكان لكل عائلة طفل واحد بس << الصينيين متعودين على طفل واحد .. لكن السعودي وش علته؟

السعودي عبد المعين والصيني Lee yang " لي يانغ " وكانوا طول الوقت يلعبون مع بعض حتى ان Lee علم عبد المعين الكونغفو , وخوينا بالله صار يرافس ببيتهم لدرجه ان امه جاها السكري يومه كسر الطقم الصيني الي جاهم من الجيران , << يا شين عيالنا ما يستفيدون من أي شي يتعلمونه , بالعكس يخربون به

في واحده من العصريات كان معين وLee يسولفون مع بعض وكل واحد فيهم يهايط على الثاني << نعنبو الدشاره بزر صيني ما يعرف يتكلم عربي ومعلمينه الهياط ؟؟<< يا شين عيالنا مرة ثانية ما احد يتعلم منهم إلا الدشارة ولا الهياط

:: الا ما علمتني يا Lee وش جابكم ديرتنا ؟؟ ليه ما قعدتم هناك والله لو أنا مكانك لأطبق كل حركات الكونغفو بعيال حارتنا<< الله من الحلم
:: لا يا معين نحن اتينا هنا للعمل << على ذي الفصحى احسه شرشبيل مو Lee!! , ابي يعمل مهندس باحدى الشركات الصغيرة وأمي تعمل ممرضة
:: خخخخخخخخ يا مساكين امك تشتغل؟؟ انا امي بالبيت وابوي مدرس لغة عربية << صوره بعض هالمدرسين وهو ما يعرف الفرق بين ض و ظ

:: ولكن يا معين لا أرى ما يضحك؟ فالعمل شرف و انا افتخر بكون امي ممرضه وابي مهندس
:: وانا افتخر اني خويك يا Lee ياخي احسك صدق لي , انا اقول اقسم بالله انتو مساكين فلوسكم قليله ولبسكم هو نفسه ما يتغير وماتاكلون كثير مثلنا , حتى أن إذا أكلنا من مطعم ما نحطه بالثلاجة مثلكم ويقعد خمس أيام بالثلاجة لا شوف حتى مزابلنا صارت لها كروش

حنا اصلا بننقل من جنبكم لان ابوي شرا هالارضيه اللي كنا نلعب فيها كوره وكنت القمك فيها كباري

, وبنبني بيت جديد ونسكنه ونجيب لنا سياره وسواق لالا بنجيب سياريتن وسواق ونجيب لنا خدامه
:: اجل !! فمالكم كثير وعلمكم قليل << لاعن خيره هالصيني مو مخلي لهالمعين درب

!! ولكن يا معين ما حاجتكم بالسيارة الاضافيه ؟ والسائق ؟ ايضا وما فائدة الخادمه ؟ الم تقول ان أمك لا تعمل ؟
:: أمك انت الي ما تعمل << ما اقول لكم داشر

!! شف امي لا تجيب طاريها على لسانك ولا والله ترا ما اخليك تلعب معي بالحوش حقنا<< اشوا ما قال اتوطى بطنك لأنه عارف أن الصيني بيلعن ثواه

, وبعدين وش دخلك بالسيارة ان شاء الله نجيب عشر ؟ ولا عشانكم تداومون على سياكل ؟ تصدق حنا ناخذ السياكل ذي الي تشوفها هدية نجاح << يرفع بالسيكل غزال ويقول شف شف تعرف تسوي كذا !!

:: نعم أقدر على أن أفعل مثلك ولكن قد قال لي أبي انكم شعب يـأخذ كل شيء للتسلية وانكم لا تتمتعون بالجدية في حياتكم
:: ما قالك ابوك اني اعرف ارمي بالحجار؟ يأخي انت مشكله انت وأبوك ذا الي مسوي فيها بروس لي على غفله أقول ترا ان ما تأدبت لأخلي امي ما عاد ترسل لكم كبسة وجريش << قايل لكم خايف منه ذا الرخمة المهايطي ولا يقدر يزل عليه
قاطعهم صوت ام Lee وهي تناديه عشان يذاكر ويحل واجباته والظاهر والله اعلم ان درس اليوقا بدا

وخوينا معين مستلمه :: يا مسكين تسمع كلام امك خخخخخخخخخ يا مسكين يا حليله بيروح يذاكر وأنا ابجلس العب << بشويش علينا يا ماريا

. العب العب العب
في صبيحة اليوم التالي << واضح أني تأثرت من هالصيني ؟ راح معين و Lee للمدرسة
واحد وجهه كله غمص وريق ناشف ولو تمر قدام فمه ذبابة هبطت هبوط اضطراري والثاني وجهه مورد ومصحصح << الله من بثر يقول اصلا الصيني دايم شبعان نوم

:: ياخي متى تصحى انت وتلحق تتجهز للمدرسه انت وذي الشنطه الي شايلها كنك مهاجر مو رايح لمدرسه
:: نحن يا معين نعطي كل شي حقه << سمعت يابو

؟؟ فنجد الوقت للنوم والعمل والراحه والتسليه ولكن لماذا لا تجدول حياتك ؟؟ انظر الى ملابسك انت تستهزء بأنني ارتدي نفس الزي اكثر من مره ولكني أرتديه نظيف لا متسخ مثل ما ترتديه ! وأنظر إلى عيناك الجميلتان المليئتان بالزبدة << عيونهم ما تعرف الغمص

وانظر الي حقيبتك ما هذه الحقيبه؟ أهناك من يربط كتبه بحبل ؟ والله كأنك تشنقها وتمنعها من الحياة , من يرأك يظن بأنك ماسكا لصندوق طماطم وبتحرج عليه << يجي منه هالصيني
:: اقول والله الظاهر اني ابشنقك انت وانا كني اسولف مع المناهل على غفله ! الا على طاري الملابس تصدق اني كنت ما اعرف كيف البس السروال الين علمني ابوي مره , قال لي يا وليدي البقعه الصفرا من قدام

ومن يومها وانا اعرف البسه
:: اها لقد فهمت فأنت تستدل بالوساخة لقد عرفت الان ما مصدر هذه الرائحه الي تشبه رائحه تربة قطتنا <<عساه ما يشوف وش البلاوي اللي ورا خخخخخخخخ انظر لقد وصلنا للمدرسة دعنا نذهب الى الفصل مبكرا حتى اسلم الاستاذ واجباته
:: أي واجبات يا Lee ؟؟
::لقد طلب منا المدرس حل بعض المسأل في الدرس السابق , ألم تؤديها ؟
:: أي أؤديها الا وديتني بداهيه هات دفترك بس هاته خلني احل اللي اقدر عليه
:: ومرة أخرى لم يكذب أبي حينما قال أنكم شعب اتكالي لا يستطيع الاعتماد على نفسه

استمر وضع معين و Lee على هالحال فتره طويله حتى بعد ما نقلو اهل معين لبيتهم الجديد ! ذا يهايط والثاني يتفلسف والي تغير ان معين شاف نفسه اكثر على Lee رغم اخوتهم وصداقتهم القويه لدرجه انه صار يكعها بوجهه ويقول انتم فقراء وحنا اغنى منكم

الغريب من Lee انه ما كان يرد عليه بالعكس كان ينصحه ويبين له كيف ممكن يستفيد من فلوسهم اللي ربي انعم عليهم بها وكان دايم ينصحه من التبذير والخنبقه .
وبيوم من الايام يقرر Lee واهله انهم ينقلون من بيتهم الحالي بسبب شغل ابوه وانقطع عن معين وانقطعت اخبارهم عن بعض

يتبع ...

الموضوع الأصلي : عبدالمعين المتين وخويه الي من الصين || الكاتب : أنس المطر || المصدر : منتديات أنيدرا

أنس المطر · 14-10-2008, 10:50 AM

بعد فترة ليست بالبسيطةحول الـ 30 سنه من بعد ذاك اليوم << الله يأخذك يا هالصيني إن كان وهقتني معك 
عبد المعين من كثر ما هو سقط بدراسته فصلوه ولا عاد يقبلونه بأي مدرسه كان ما يملك الا شهادته المتوسطه ومن يومها وهو بالبيت
بيت كان بالبدايه اروع البيوت لكن فجأه بدء يصير عادي شوي شوي حتى صار اقل منها نوعا ما , وعاش تحت ظل ابوه الين توفى وصار معين يعيش من ورث ابوه
وللأسف حتى وهو بدون علم وبدون عمل يهايط صاير كنه ابو ركبه ببيني وبينك يحب يبين للناس انه سوا كل شي وانه عاش كل عيشه
خلصت فلوس الورث وعبد المعين ما أستفاد منه بشي رغم ان الي تركه ابوه له مبلغ يسد ويعيش " للي يعرف يتصرف به " 
قرر معين انه يشوف له أي شغله يمشي بها حياته
اشتغل بسوق الخضار حتى من زود ما انكرف صار شكله كنه فقع << طراه الفقع الي انت خابر ! واشتغل حارس بقصور الافراح وشوي شوي الين قدر يجمع مبلغ وشرابه تاكسي وصار يكده عليه << والله ما ورا المكده خير اجل نص حق الخط تروح بالابيض ؟! الين ما شاور عليه واحد من أخوياه راعين التكاسي
:: الا يا معين ليه ما دورت لك شغله ثانيه شكلك ولد عز ومنت راعي مشوره
:: والله يابو سعد دورت ما لقيت كلهم يرفضوني عشان شهادتي متوسطه
:: طيب ما دورت بوحده من هالشركات ؟ فراش مراسل قهوجي << الله من الحلم انت بعد
:: وانا لقيت وقلت لا ؟ انا موافق لو يحطوني دلة مو قهوجي بس ماش ما لقيت
:: طيب وش رايك لو ادلك على شركة جديده , شكره اجنبيه توها جايه البلد ويقولون والله اعلم ان راعيها صيني وجاي يستثمر هنا
:: ما بقا الا هي اشتغل عند اجنبي << نعن ابو حيك ذابحك الجوع وتهايط ! لا وصيني ؟ وش شركته ؟ ملابس كاراتيه ؟ولا جودو ؟
:: لا سيوف ساموراي ! وش فيك انت ؟ الحين انت ملاقي خير يومك تتمسخر عليه ؟ اقول رح ومنت خسران ان لقيت خير ولا ضف وجهك منت ملزوم ولا محلوف عليك يا دكتور معين
:: اااااااااااايه الشكوه لله ولا اخرتها اشتغل عند اجنبي ما بقى الا انقل كفالتي عليه
بعد حلطمه وبرطمه خم معين ملفه والسي في << اقص يدي اذا موب ظانها حبوب منشطه ! وراح لهالشركة شركة Lee ألي كان بيوم يستحقره , اول ما وصل لـ " family company yang "yafaco << كيفني وانا مسوي لهالشركه اختصار !! او شركه عائله يانغ , دخل خوينا وهو طالب يقابل المدير رغم رفضهم << هذا وهو يبي يتوظف اجل لو بيفصل وش بيسوي ؟!
:: اقول ابي اقابل المدير حقكم لا احط هالملف بخشمك ذا الي كنه خياشيم قرش
:: عفوا يا أستاذي ولكن ما لم يكن لديك موعد مع المستر yang فلن نستطيع ان ندخلك عليه
:: الله اكبر ابقابل وزيرالعمل والعمال انا ؟ اقول يا افطس الخشم قول لمديرك اني ابقابله بموضوع يخصه ويهمه
قطع الملاقطه الي بينهم صوت Lee
:: ماهذا الصراخ ومن انت ؟؟ وماذا تريد مني ؟؟
:: اقول والله هاللهجة موغريبة علي لكن كلكم ما شاء لله شبه بعض صايرين كنكم اطقم الصحون
:: وماذا تريد ؟؟
:: جاي اشتري الشركة ! وش اريد ؟ اريد ان اشتغل عندكم الله لا يرد ساعة شفتكم فيها
:: اها تريد ان تعمل ؟ وهل تتوقع ان اقبل بشخص مثلك هنا ؟
:: يابن الحلال احمدوا الله اني انا قبلت فيكم ولا انا مالي نفس لكن ذا ابو سعد لابارك الله فيه يقول يا معين منت خسران شي الا والله خسرت كرامتي لا بارك الله فيكم << قسم بالله يا أنا حقدت عليه من الهياط
واتجه للباب بيخرج وكأن Lee تعرفه عليه وتذكره فحب يتأكد منه
:: يا سيد معين هل لي بسؤال ؟؟ الى الان وسروالك ببقعه صفراء بالمقدمه ؟ << ياخي الصيني ذا لو هو سعودي بيمسك إشراف العيارين زي سلام عليكم ههههههههه
:: ايه .... هاه ؟ ذا الشي ما يعرف الا امي و !! و Lee ..... Lee ؟ هذا انت ؟
:: نعم ايها المنتن انا , وماهذا يا رجل كبرت وكبرت معك روائحك
:: أي والله وانت كبرت وكبرت فطسه خشمك , وانت ما تخلي شي الا وتعلق عليه ؟؟ المهم قول لي ما شاء الله وش هالشركة وش هالخير وش هالنغنغه الي انت فيها الله يذكر زمان اول يوم كنت بنفس القميص سنه ولا سنتين
:: حب العلم والعمل يا معين الاجتهاد والمثابرة , ولكن انت ؟ ماذا حدث لك ؟ امن المعقول انك لم تجد عمل ؟ وماهذه الملابس المهترئة ؟ << قسم بالله على فصاحة لسانه أن ينقلونه من العيارين للأدبي .. ثم عاود قائلا: ما الذي حدث لك ؟
:: انا يا Lee ضيعت نفسي لا علم واستفدت منه ولا مال واستفدت منه انا الحين ادور أي شغله استر بها حالي
:: حسنا يا معين دعني انظر لملفك ... ولكن يا معين ماهذا لا يوجد بملفك ما يفيد الشركه او يفيدك آسف يا معين لا استطيع ان أوظفك لدي بالشركة ؟
:: الله اكبر ياخي والحين كل الناس يتوظفون بالشهادات ولا بالواسطة ؟ 
:: هذا لديكم انتم يا معين وليس نحن , لكن ما رأيك لو تعمل بالسنترال ؟ اعذرني ولكن لا استطيع ان اجد لك غيرها
:: هات يابن الحلال الشكوه لله
:: لم اتوقعها كذلك ؟ الدنيا لم اتوقعها كذلك كنت أتوقع أن أراك بشكل آخر
:: وش نقول يا Lee الحمد لله بس
:: انا اعرف ماذا أقول 
" بغيتك يا عبد المعين تعين لقيتك يا عبد المعين تنعان " <<قسم التراث بيتضارب عليه عقب هالمثل هههههه

قفلة
الدول أطفال ان أسستها وأستثمرتها صح تنتج صح .. الصين بين يوم وليله صارت عمارات ومليارات وحنا خاقين مع كم برج ينشافون من ديراب .. ولو كان الجو عج ما ينشافون خير شر ..
للأسف حنا جالسين نسوي الي سوته باقي الدول من زمان

ملطوش لعيونكم ...