--------------------------------------------------------------------------------
.: المجاملة..على حساب أنفسنا..وجرح المشاعر ماالفرق؟؟ :.
السلام عليكم من زمان والله ماكتبت في قسم المناقشات.. ولا اتفلسفت زماااااااااان
المهم أبدي في الموضوع على طول المجاملة.. هي تزيين الحقيقه وأحيانا الكذب فيها..
أحيانا توقف المجاملة المصالح الي بيننا سواء في العمل..أو في الدراسة أو في العلاقات الإجتماعية
أنا أعتبر المجاملة.. في غير محلها..غلط بالعكس دا تدمير وجرح مشاعر..
لكن أكيييد في أوقات لازم الواحد فيها يجامل بحيث لا يجرح مشاعر الآخرين,,
تخيلي مامتك فرحاانه جاية من السووق وجابتلك شنطة والناس أزواق.. وهيا مو عجبتك مو تروحي تقوليلها
في وشها اش الزوق داا بالمررا حلوة عبري عن رأيك لكن بمجاملة بدون تجريح .. ولاكدب قوليها
مثلن مرررا حلوة لكن لو كانت ..كدا كان احلى.. دا موقف المجاملة فيه مطلوبة
الموقف التاني تجي صاحبتك تككتب خاطرة أو موضوع أو عندكم بحث مع بعض وحتعرضوه برزنتيشن
جابت هيا معلومات ممكن قديمة .. ممكن مو حلوة.. ممكن أي حاجه ماعجبتك..هنا من الغباء إنك تجاملي
وفي النهاية يطلع البرودكت حقكم مو حلو ليه؟؟ عشان والله حرام أكسر بخاطرها..لأ كلميها أبدي
رأيك لكن بأسلوووب بدوون تجررريح ولا إهانه..
موقف آخر..مثلن انتا صاحب شركة تمام.. يجي صاحبك وتوظفو عندو مثلن الولد مو كفء
أو مهو طموح في عملو تحطو في اعلى المراتب وتخرب شغلك.. عشان والله عيب صاحبي دا
معليش دي مررا هباللة مو مجااملة..
ولا انتو شو رأيكم..
أتمنى التفاعل..
وبرضو من تأليفي الموضوع
الموضوع الأصلي :
المجاملة على حساب أنفسنا.. || الكاتب :
nonnah || المصدر :
منتديات أنيدرا