{..
اشحآلكم عسآكم إلــآ بخير ؟
أول شي أحب أنبه إنه الروايه منقوله ومو من كتابتي 
الرواايه من جد تهبل وتستحق القراايه 
علشان جذيه نقلتها لكم 
إممم طبعن باللهجة الإماراتية وفي كثيييير معاااني مارح تفهموهاا هع 
لأنها مكتوووبه باللهجة القووويه هههههه فبعطيييكم معاني أكثر الكلماات تكراراً قبل البارت الأول 
صووح أحب أنبه تنبيه صغنووون " أتمنى من الصغاار إذا كان في هالمتدى بزران يعني 11 , 12 ,يبعدوا منااك لأن الرواايه فيها شوي كحااات 
"
{.. القصة بشكل عام..
عفاري أمها وأبوها مطلقين من واهي صغيره أمها تركتها مع أبوها
وراحت أسست عايله يديده . أبو عفاري مات وتركها لعمها وعياله مع وصية
إنها تتزوج بسالم ولد عمها .
هل بيتزوجون عفاري وسالم بسبب هالوصيه بس ؟!
ليش مافي حب بينهم ؟!
وليش عيل يتظاهرون بأنهم أحسن زوج وزوجة قدام أهلهم
أما لحالهم ..إخوان وبس !! 
{.. تعريف الأبطال
عفـرا بنت سيف بن سعيد .. عمرهـآ 22 سنة .. تدرس قانون في جآمعة الشآرجة ..
أبوهـآ متوفي من سنة .. وأمهـآ عقب ما يآبتهـآ طلقها الأبو وسآرت بوظبي وعرست ولـآ حد يعرف خبرهـآ .. وطبعآ عفآري هي وحيدة أبوهـآ ..
بتتسآءلون كيف عآشت بليـآ أم؟ .. رضعتهـآ يآرتهـم أم رآشد ويـآ ولدهـآ مآيد .. وبهالطريقة استوا عندهـآ أخوان بالرضـآعة .. اللي هم عيآل يآرتهــم .. وعندهـآ حرمة عمهـآ أم سآلم واايد تحب عفآري .. وتحن عليهـآ ..
عفــآري ..
طويلـة .. عريضة ..~> وهالشي يعطيهـآ المشية الشموخية .. بيضة بيآض عـآدي .. عيونهـآ وسـآع عسليـآت .. خشمهـآ لـآهو طويل ولـآ هو قصير .. شفآيفهـآ صغيرة .. فيهـآ حبة خـآل جريب من شفآيفهـآ ..
اكتسبت الشخصية القوية من أبوهـآ الله يرحمه .. ملسونة نوعا ما ..
وطبعـآ هي تدرس محـآماه تقتدي بأبوها اللي كآن محـآمي معروف .. وفتح مكتب محـآمـآة ومستلمنه حاليـآ سالم بن رآشد بن سعيد .. اللي هو ريلهـآ .. عمره 28 سنة .. محــآمي عــآشر عمه بو عفرآ ,, وتعلم منه كل شي .. وكان وايد ويآ عمه .. ويمكن هالشي خلا عمه يوصي ان بنته تكون لسآلم ..
طووويل وطول عفرا ولـآ شي بالنسة له .. عريض .. أسمرآنــي .. عيونه سوده .. خشمه طويل .. دوومه كـآشخ .. ونوعـآ مـآ خقـآق ..
{..مفردات 
يودت : مسكت
حذالي : قربي
صديت جدا : قربت منه
ما أدانيه : ما أحبه
لا تودرني : لا تخليني
تنش : تقوم من النوم
اندوك : خذ
جدا : قرب
اممم تقريباً هذي أكثر شي تتكرر 
إذا فيه شي مافهمتوا ولا شي تراا أنا هنيه
صراحة كنت متردده أنزلها قلت يمكن ماتفهمون كلمة أو شي ^^"
لأنووه أكثر الأعضاء في المنتدى سعوديين
المهم أبدا الباارت الأول وبعدها بنزل البارت الثاني
.
.
عفـرا : أقـول حيـآتي بعديـن برمسـك ..!
سـآلم : لييش ؟ أخوج يآ ؟
عقرآ : يلــــــآ ، الحينه بيوصــل .. بآي ..
سآلم : انزين حبوبة .. بآي ..
بنــدت بسرعــة وأنــآ أوآيج من تحــت البـآب ..
دخــل الشقـة وهو يدندن .. تمنــيت أظهــر وأضمــه ..
دخل حجرته وصك البـآب ..
تنهـدت بألم .. لين متى بظل عآيشة جذه !
آآه الله يستر بس !
دمعت عيني .. حبيبي .. ريلــي ! مآقدر أسير صوبه منعني منه ! من أول يوم عرسنآ !!
آآآخ ..
هب قـآدرة أنســى هذيج الليلة !
كنت طـآيرة من الفرحــة .. ولــد عمي .. حبيــبي بيــآخذني .. بستوي حليلته !
لكنــه صدمني عقب الزفــة .. يوم وصلنــآ شقتنــآ !
دخــل عليـه الحجرة ..
دخــل وأنــآ أتنفــس بصعــوبة ، مستحية ..
شميــت ريحة عطره اللي ذوبتنــي .. منزلة رآسي فخآطريه أرفع رآسي وأشــوفه .. وأروي عيوني بشوفته .. لكن الحيآ منعنــي ..
وآقف يتأملنــي وأنــآ ميتة من المستحــى !
مسك ايديه .. ارتجفــت .. حسيت إني بطيــح .. بيغمــى عليه ! هب مصدقــة .. وأخيرا حبي صــآر لييييييي ..
همس : لــآ تخــآفين !
تطــآلعته .. مت مت .. يآربي قلبي يدق طبووول هب مصدقة وأخيراا ..
فجأة هد ايديه ..!
كنتت برد أيوده !!
بس ســآر ويلس ع الشبريـة ! .. وأنــآ وآقفــة أتطــآلعه باستغرآب !
قالي بصوت جـآد : يـــا عفرا .. أنــآ خذتج لأن أهلي لزموا عليه خذهــآ .. هآي بنت عمك ..! ومالهـآ غيرنــآ .. خــآفوا ان حد من أهل أمج يآخذج عنـآ ,, أأ عنهم .. مآ بغوج تكونين لحد .. لحد غيـ غيري أنــآآ .. ولــأنهــآ وصية عمي الله يرحمه .. أنـآ وآفقت وخذتج ..
كـآن منزل رآسه وهو يرمس .. وأنآ وآقفة بمكآني مصدوومة .. هب عآرفة شو أسوي ! والـآ شو أقـول !
تونـي أحلم اني !! اني له .. اني آآه شو أقوووول !!
كنت بصيح .. لكني يودت عمريـه !
وتميـت أتطــآلعه ..
تمآسكت وقلت : خلصــت كلـآمك ؟
اتفـآجأ وقـآل : اممم لا ما خلصته يآ بنت العم ..
أبـآج تعتبريني أخوج .. نحن بعيش في شقة روآحنـآ عسب محد يعرف .. اممم بعرق انآ متزوجين فالـأورآق بس !
هزتنـي هالكلمــة وحزت فخــآطريه ! فالـأورآق بس !!
نش وقــآل : وأبـآ أشوف شطآرتج فالتمثيـــل جدآم الـأهل ! بنخلي عمآرنـآ أحلى اثنيـن !
مـآعرفت شو أقول !! والـآ شو أسوي ! تميــت وآقفة مكآني منصدمة وأحـآول أفهم هآ شو يخربط !! وأحـآول أتمآسك وأبين له إني الجبل الشآمخ اللي مآ تهزه الريآح ..
قآلي : هــآي حجرتج والحجرة اللي مجابتنهآ حجرتيـه وجدآم النـآس .. هــآي حجرتنــآ !! فآهمــة؟؟!
سكت .. منقهرة بصفعه !!
تم يتطالعني ! متشكك .. إذا عآيبنــي كلامه والـآ !
اتدآركت الموقف وضحكت : ههههههههههههههههه والله انك فنتك يآ ولـــد عمــي !
زيــــــــن فكيتنــي .. ما كنت أعرف شو أقولك بس زين يت منك !
يــلــآ يلــآ يآ خويه انجلع ع غرفتـك !
تطآلعني منصدم : دزيته وظهرته خــآري وصكيــت البـــآب وقفلتــه ,, وطحــت ع الشبريــة .. أصييح وأصييح بألم !
آآه تنهدت وأنــآ أتذكــر ,,
هه .. مرن 4 شهور ع عرسنــآ ونحن نمثــل جدآم النـآس ومن نرد البيـت كلن حدر حجرتـه ّ ومآ يخصه بالثـآني !
مــآ أنكر إنه يسآعدني في بروجكتآتي واامممم خسرته كزوج لكني كسبته كصديق وأخ وأحسن أخ !
طاحت الدمعة من عيني .. شو يآلسة أخربط ! أي أخ ! أحبه مآزلت أحبه !
آآه حب الطفولة والمرآهقة والشبآب حتى عقب ما أموت بظل أحبـــــــــه !!
يمكن بتتسآءلون شو مصبرني على هالعيشة !
لـأني أحبـه .. ولأن مآلي حد فهالدنيآ غيره هو !
أبويه وأمآيه متطلقين يوم كنت صغيرة .. أنـآ عشت ويآ أبويه وأمآية سـآرت بوظبي وعرست ! وماعرفها ولا أعرف عنهآ شي ! أكرهههههههها أكرهها مادانيهآ ..
وأبويه توفى وما بقى لي غير بيت عمي ! وخيروني بين ولد عمي سآلم و ولد خآلتي اللي مآعرف من وين ظهر لي ! حتى مآعرف شو اسمه أكرهه أي حد من صوب أمآية بكرهه .. ينجلعوون !
والحينه عآيشة ويآ سآلم ولد عمي .. ههه .. أصيح والـآ أضحك ..
يالله يآربي تعيني!
فجـأة .. رن تيلفوني ..
أوه يآري فدييته : هلـآ حيآتي ..
سآلم : هلـآ شمـآمي .. أخوج وصل ؟
أنــآ ( عفآري / شمآمي ) : هي سلومي دخل والحيـنه أظني رقد ..
سآلم : ههههه سلومي بعد لـآ مـآنروم ..
سكت متلومة : أقولك حيآتي ببند الحينه برقد ..
سـآلم : أونج استحيتي !! هههههه يـلأآ الغلـآ بخليج الحينه .. بآجر بودي أأ اممم أختي السوق ..
سكت .. أختك هآه ؟ : احم .. هيه زين .. دير بآلك ع عمرك وعلى " أختك" ..
سآلم : إن شآء الله وانتي بعد ..
أنـآ : فدآعة الله ..
سآلم : فدآعة الرحمن ..
آآه تعرفون منو هذا ؟ ههههه هذا ريلي !ّ وولد عمي !!
ظهّرت بطآقة ثآنية باسم دريول بنت عمتـي خخخخ .. ورمسته فالفون .. طيب .. أحبه وربي أحبه ..
وهو ع قولته يرتآح لي .. يرتآح لشمة ! ليتني أرمسه على أسآس إني عفآري حرمته ! آآخ بس !!
.
.
.
{..البارت الأول خلص
الموضوع الأصلي :
~[ولـد عمي ! أخـــويه ! حبيبي ! & توأم روحــي !!! >~ روآيهْ إمآرآتيهْ || الكاتب :
~Thats Me~ || المصدر :
منتديات أنيدرا
العرض الشجري