اوهاايووو .. كيفكم؟؟ ان شاء الله تمام؟
حبيت اقول لكم انه مابقى شي وتخلص روايتي يعني قربت اخلصها
امس تحمست وكتبت بارت طويل اتمنى يعجبكم~
_____________________
البارت السابع عشر~باليابان~
اوساكا~
وجدان رمت تلفونها من على الطاولة ومسكت مذكراتها اللي كان باقي فيها صفحات قليلة وتخلص
[ أيهما الحب (نايف أم هيديكي) وأيهما الصداقة (سارة أم ميتشيرو) – السعودية أم اليابان ,,, هل حقا تغيرت؟؟! هل حقا نسيت؟!! هل أنا وجدان ,, هل ازلت القناع عن وجهي ام اني لبسته؟!! اتمنى ان اعرف اجابة كل سؤال كتب في صفحات مذكراتي.. هل حقا .. (هنا قطع كتابتها صوت الجوال )
وجدان اخذت الجوال من جمبها وقرات الاسم بعدين ردت: موشي موشي (الو)
هيديكي: وجدان عندي خطة تخليك تقعدين
وجدان فزت: هيديكي عندك خطة ؟! وشو؟!
وجدان كانت تقدر تحس بهيديكي يبتسم وهو يقول لها الخطة : بس هيديكي ..
هيديكي: تبغين تقعدين والا لا؟؟
وجدان: تعرف اني ابغى بس ما اقدر اسوي الخطة هذي جوميه (اسفة)
هيديكي كان معصب وكان واضح من نبرة صوته : خلاص انا ما اقدر اساعدك اجل وراح ترجعين للسعودية
وجدان دموعها بعيونها وكان فيه ابتسامة حزن على وجهها: غلط لو رجعت السعودية؟! غلط لو حبيت احد ثاني؟!
هيديكي قطع كلام وجدان: وجدان!!! وش تقولين ؟! احد ثاني؟؟ انتي تحبيني انا وبس تفهمين؟!!
وجدان مسحت دموعها بيدها اليسار وكانت ماسكة الجوال باليمين : انا خلاص تعبت ما ابغى احب احد وبرجع للسعودية مع خالد
هيديكي: وانا ماراح اخليك ترجعين انتي لي انا!!!
خالد دخل على وجدان الغرفة ولقاها قاعد على الارض ودموع بعيونها وهي تكلم: مين تكلمين؟!
وجدان انفجعت من دخلة اخوها وغير انه ما استاذن قبل ما يدخل هو اللي خوف وجدان اكثر: سارة
خالد قرب منها: كنتي تتكلمين ياباني
وجدان قالت بسرعة: ميتشيرو
خالد سحب الجوال من وجدان : الو (بالعربي)
هيديكي: ماراح اخليك ترجعها (بالياباني)
خالد لف على وجدان: لا يكون الياباني اللي ذاك اليوم ؟!
وجدان وهي تصيح: لا ميتشيرو ميتشيرو
خالد: لا تكذبين علي يعني ما اسمع
خالد رجع جوال وجدان عند اذنه : listen if you ever come near my sister you’re dead do you hear me?!!
اسمع اذا عمرك قربت من اختي بتموت تسمعني؟!!
هيديكي ضحك ضحكة سخرية : I wish I can but I can’t
اتمنى اني اقدر بس ما اقدر
هنا خالد عصب ولاول مرة يعصب كذا (خالد مرررة يغار وخصوصا على اهله) : I swear if I see you ever again you’ll regret it.
احلف لك لني لو شفتك مرة ثانية ابد راح تندم
وقفل خالد على هيديكي قبل لا يرد وبعدين لف على وجدان وكان بيضربها بس هو ماعمره ضرب خواته ف اكتفى ب انه يناظرها بنظرات غضب : تدرين انا باخذ جوالك وتلفونك ولابك واي وسية اتصال عندك وبتقعدين بالبيت الين موعد الرحلة وانا شغلي ماراح اروحه هاليومين الين موعد الطيارة لان خلاص انتي ماينفع معك وثقة انا صرت ما اثق فيك طحتي من عيني وجدان
وطلع خالد من غرفة وجدان اللي قعدت تصيح من كلام خالد اللي جرحها ونامت على الارض ..
هيديكي دق مرة ثانية على وجدان لكن الجوال مع خالد ورد وبعدين هيديكي قفل وعرف ان جوال وجدان صار مع خالد وقعد يفكر لو ان وجدان تقدر تنفذ الخطة اللي قال لها عليها بعدين دق على ميتشيرو وقال لها السالفة اللي صارت والخطة اللي قال لوجدان تسويها
ميتشيرو: هيديكي شلون قدرت تكلم اخوها انت مجنون .. مسكينة وجدان
هيديكي: ما قدرت انا احبها هي لي انا لي انا
ميتشيرو: بس هيديكي كذا انت بتسبب لها مشاكل وبعدين اخوها يمكن يذبحك!!
هيديكي: انا راضي اموت عشانها
ميتشيرو وكانت صوتها يتقطع وهي تتكلم: بس انا مب راضية !! انا احبك!!!
بعدين سكتت ميتشيرو وقفلت جوالها
ميتشيرو مو مصدقة انها اعترفت لهيديكي اللي كانت تحبه من ايام المتوسط: انا وش سويت هذا كان المفروض يكون سر بيني وبين نفسي
هيديكي ما انتبه انها قفلت الجوال لانه كان للحين متنح بكلامها "بس انا مب راضية!! انا احبك!!!"
.................................................. .................................................. ....
.................................................. .................................................. .
.................................................. .......................................
بالسعودية ~
معرض السيارات~
البائع كان يوري ابو ناصر السيارات الموجود : وفيه هذي جديدة
نواف طقطق باصابعه: هنا السيارة لي انا يعني كلمني انا مب ابوي
البائع ابتسم وكان ماسك الضحكة
نواف رفع حاجبه: والله؟! بتضحك.. اسال ابوي بعد
ابو ناصر : ايه السيارة لولدي ف انت وريه اللي يعجبه وانا بنتظركم
نواف اختار له سيارة لمبرغيني ولون اسود بالبداية كان محتار بين الابيض والاسود بس بعدين حس ان السودا اكشخ
طبعا ابو ناصر دفع فلوس السيارة اللي مستحيل يفكر يشتريها لناصر بس طبعا ولده المدلع نواف عادي
نواف : يبه انا ابغى اطلعها من المعرض
ابو ناصر: هههههه شلون تطلعها انت ماتسوق
نواف : عادي اتعلم
ابو ناصر: خلاص اذا كبرت اعلمك
نواف : لا انت حطني على حجرك اسوق
ابو ناصر: ممنوع وشو احطك على حجري
نواف : خلاص اجل اذا رحنا البر تخليني اسوق
ابو ناصر : ان شاء الله
نواف : اجل يبه عادي توديني عند بيت عمي عبدالله؟؟
ابو ناصر : ليش وش عندك؟؟
نواف: وعدت سمية اوريها السيارة
ابو ناصر : خلاص ان شاء الله
.................................................. ..
................................................
بالعرس ~
كانت نوال ترقص على اغنية خليجية اما البندري والعنود قاعدات بالكراسي حقتهم
العنود كانت سرحانة وتفكر وطبعا تؤامتها حاسة فيها
البندري : عنودة حبيبتي وش فيك؟؟
العنود: ها لا ولاشي
البندري: انا تؤامتك ادري ان فيك شي
العنود: بس خايفة من الاختبارات لانها قربت
البندري رفعت حاجب: ايه صح صح الاختبارات ,, عنودة انا تؤامتك علميني وش فيك؟؟
العنود تنهدت : طيب بس مب تقولين لي اني احبه وكذا
البندري ابتسمت : طيب ماراح اقول شي
العنود: اليوم انا كنت رايحة المطبخ وسمعت ريان صدفة يكلم وحدة ويقولها انه يحبها ولما سمعته يقول لها كذا حسيت اني مجروحة يعني حسيته كان يكذب علي.. انا ماهمني اذا يحب احد غيري اصلا انا ما احبه بس احس اني مجروحة
البندري: انا ماراح اقول شي , انتي قلتي لي ما اقول شي
العنود: بي بي يلا قولي لي
البندري: طيب بقول لك انتي تغارين
العنود رفعت عيونها لفوق: وليش اغار ؟
البندري: لانك الشي اللي قلتي لي ما اقوله
العنود: مافهمت وشو؟؟
البندري وهي تبتسم ابتسامة مكر: لانك تحبينه
حطوا اغنية اجنبية وقامت العنود كانها تضيع السالفة : بروح ارقص احب هالاغنية
ورجعت نوال لانها ماتعرف ترقص اجنبي: هههههه اختك تحمست وقامت
البندري ضحكت لانها عرفت ان العنود كانت تضيع السالفة : ايه العنود تتحمس بسرعة
نوال: طيب ليش ماتقومين ترقصين؟؟
البندري: راكان قايل لي ما ارقص
نوال: وانتي بس أي شي يقوله لك راكان تسوينه
البندري: ايه لازم اسمع كلامه
نوال: طيب ارقصي وماراح اقول له سر بيني وبينك
البندر: لا ما اقدر اكذب على راكان وبعدين اخوك يكتشف الاشياء ويعرف اذا انا اكذب او لا
نوال: البركة بكتاب كونان اللي عطيتيه من بعدها صار مايفوته شي ودايم نتوهق.. صار الواحد مايسوي شي الا وراكان يدري وش صار ومين اللي سواه
البندري ابتسمت ونزلت راسها وهذا اللي خلى نوال تضحك عليها ....
بعد ما انزفت العروسة راحت البندري والعنود ونوال يسلمون عليها ويباركون لها
................................................
ببيت ابو روان~
سمية دقت على بيت ابو ناصر ورد عليها ناصر: الو
سمية: وين نواف؟؟
ناصر: ليش وش تبين فيه؟؟
سمية : ناصر عطني نواف !!
ناصر وهو ماله خلق: اذا كان عشان يمرك ف ابوي قال له يخليها بكرا والا يروح مع السواق لان دقوا على ابوي الشغل وطبعا نواف مايبغى السواق يستخدم سيارته الجديدة
سمية : طيب ليش مادق قال لي؟؟
ناصر وهو مقهور من نواف: لانه نام بالطريق وابوي ما قدر يقومه لانه ولده الدلوع
سمية وهي تبي تقهر ناصر زيادة: هههههههههههههه محد معصب ابد
ناصر قفل على وجهها <<<هههههههههه ماعنده تفاهم
سمية: وجع وش قلة الادب
.................................................. .................................
بالعرس ~
حطوا العشاء والمعازيم تعشوا وبعد العشاء العنود كان فيها النوم
العنود: يلا متى نرجع؟؟
البندري: خلاص الحين نرجع.. نوال دقي على ريان يجي ياخذنا
العنود طارت عيونها: نعم !!!وليش ان شاء الله ريان ؟! الحمدلله راكان موجود
البندري: بس راكان مايسهر الحين هو اكيد نايم
العنود : مالت عليه ... اجل نرجع بتاكسي
نوال: لا والله ما ارجع بتاكسي بدق على ريان انا
ودقت نوال على ريان وجا ياخذهم ...
ركبوا البنات بسيارة ريان (نوال جمب ريان والبندري ورا نوال والعنود ورا ريان)
نوال: تعشيتم بالبيت؟؟
ريان : ايه تعشينا بس هالراكان متعبني صاير ينام بدري ودي اصفقه ماتصير 10 الا وهو مغمى عليه
نوال: ههههههههههه
ريان: البندري وش سويتي باخوي؟؟
البندري: ماسويت له شي بس اخوك على نظام ايطاليا
العنود غمضت عيونها وتسمعهم يسولفون بالسيارة ,, لما وصلوا نزلت نوال وفتحت للبندري (الكراسي اللي ورا, بابها ماينفتح الا برا بسيارة ريان) وسكرت البندري بابها وعلى بالها ان العنود الحين بتنزل من الباب الثاني ودخلت البيت هي ونوال وكانهم نسوا العنود .. ريان نزل من مكانه وهو من اول منتبه انه العنود مانزلت ففتح لها الباب وحاول يصحيها : عنود قومي وصلنا
العنود: بس شوي الحين <<< تتكلم وهي نايمة
ريان: عنود قومي اشوف ترا بتركك برا
العنود: خلاص بعدين << وهي للحين نايمة
ريالن فكر يسوي فيها مقلب (يقومها على فجعة) ضغط على زر الانذار حق السيارة اللي صوته كان مرة عالي واللي خلى العنود تفز من مكانها وهي مفجوعة
العنود: يمه
ريان: اعوذ بالله مابغيتي تقومين
العنود: محد طلب منك تقومني
ريان: طيب بس روحي ادخلي البيت راحوا عنك هههههههه
العنود كانت بتقول شي بس ما قدرت تقوله ودخلت البيت
البندري: عنودة وين اختفيتي ؟؟
العنود: ما اختفيت بس تركتوني نايمة
نوال: ههههههههههههه الحمدلله بس اليوم انا وانتي اوف والا كان رحنا مواصلات
البندري : يلا ناموا بس ترا بكرا اذا ما قمتم على الظهر مافيه مطعم
العنود: مطعم وشو؟؟
البندري: انا عازمتكم بكرا على مطعم.. اللي تبون انتم اختاروا
نوال: ابل بيز
العنود: لا تشيليز
نوال: ترا بتتصفقين مو قبل اسبوع رايحين له
العنود: عاد والله مشتهيته
البندري: خلاص اللي بتقوم اول بتختار
نوال: لا ظلم اختك نامت بالسيارة
العنود: هههههههههههه حسيتنا بزران
البندري: ايه والله استحوا على وجيهكم
نوال: ليش البزران عندهم مشاعر وحنا لا<<ههههههه
البندري نامت على السرير وجمبها نوال<<نوال والعنود يتبادلون الادوار بالسرير
والعنود نامت على الارض .....
.................................................. .................................................. ...........
.................................................. .................................................. ..
.................................................. ................................................
باليابان~
اوساكا~
وجدان قامت من نومتها وراحت تغسل وجهها وبعدين نزلت للمطبخ ولقت اخوها يسوي عشاء.. فتحت الثلاجة واخذت لها سنيكرز وعصير توت ..
خالد: العشاء الحين بيجهز
وجدان ردت بصوت مرهق: طيب
ورقت فوق لغرفتها وفتحت التلفزيون لقتهم يعرضون كونان حلقة جديدة وكانت جريمة القتل ان وحدة ذبحت واحد لانه ماخلها تتزوج اللي تحبه ....
مسكت وجدان مذكراتها وكتبت [مذكراتي لو كنتي تستطيعين مخاطبتي هل كنتي ستنصحينني ام هل انكِ كنتي ستهجرينني؟!! ,,, اخي هل حقا تحبني؟! وهل استحق تلك المحبة؟! هل تغيرت ام انني ضللت الطريق ؟] سكرت مذكراتها ونزلت بعد ما خالد ناداها عشان العشاء جهز.. جلست وجدان هي وخالد على طاولة الاكل , خالد اخذ صحن وجدان وغرف لها مكرونة وكبسة : تبغين ازيدك؟
وجدان : لا شكرا كذا زين
خالد: فيه سفن-اب بالثلاجة اذا تبين
وجدان: خالد...
خالد: نعم؟؟
وجدان وهي تلف المكرونة بشوكتها: متى رحلتنا؟!
خالد: بعد يومين ان شاء الله
وجدان غصبت نفسها تاكل مع ان المشاعر اللي داخلها متضاربة كانت تحزن انها مجروحة لانها بتترك اليابان ومشوشة لانها تحب شخصين وخايفة من انها تكون صدق تغيرت...
خالد كان ياكل اكله وبين كل لقمة ولقمة يناظر وجدان ويشوفها مب وجدان اللي قبل مب وجدان اللي بس تستهبل مب وجدان اللي دايم تضحك مب وجدان اللي ما يهمها شي , كانت وجدان هادية وكانت ذبلانة وكانت وكانها شايلة هموم الدنيا على راسها...
خالد: وجدان
وجدان كانت تناظر بصحنها بس لما اخوها ناداها رفعت راسها له وبابتسامة مجروحة: هلا؟
خالد: لا خلاص ولا شي
وجدان قامت بعد ما خلصت صحنها : الحمد لله
وشالت صحنها وحطته بغسالة الصحون وبعدين رجعت تفكر بغرفتها تسوي الخطة والا ....
.................................................. .....................................
.................................................. .................................
.................................................. ..............................
بالسعودية ~
ببيت ابو ناصر~
نايف ارسل رسالة لجوال وجدان [فقدتك متى ترجعين؟]
طبعا الجوال عند خالد وخالد لما شاف الرسالة انهبل وكان ناوي يذبح وجدان
خالد راح لغرفة وجدان وقال لها تطلع فطلعت له
خالد: من مين هالرسالة << الرقم مب مخزن باسم
وجدان كانت خايفة ان اخوها يعرف انه نايف بهذا الوقت خافت انه يكلم نايف ويسوي له مشاكل : هذا رقم سارة
خالد: طيب ليش مب مخزنته؟؟
وجدان: لان هذا رقم امها اذا فلست ترسل لي منه
خالد: وجدان ترا اذا كنتي تكذبين لا تلومين الا نفسك
وجدان كانت خايفة من الكلام اللي بتقوله بس قررت تقوله: اذا مب مصدقني هات ادق عليها وتسمع صوتها
خالد لما شاف وجدان واثقة صدقها: خلاص صدقتك
وجدان كانت خايفة لو تكرر الموقف ولو ان نايف قال كلام يبين انه ولد او لو انه دق كانت على اعصابها بكل لحظة وبكل دقيقة تفكر ان هالشي ممكن يصير.....
وجدان: خالد عادي اكلم سارة؟
خالد: لا مب عادي كلها يومين وتشوفينها
وجدان : خالد تكفى قدامك هنا
خالد: يلا لاتطولين .. ووريني الرقم قبل لاتدقين
دقت وجدان على سارة وردت سارة وهي زعلانة على حركة وجدان
وجدان : هلا سارة
سارة: وش تبين ؟؟ مو تقولين اشوف مصلحتي؟؟
وجدان كانت ماتحب تعتذر ابد بس ماتقدر تخلي خالد يحس انهم متزاعلات والا بيشك بالشخص اللي ارسل الرسالة اللي قبل شوي: ايه حتى انتي وحشتيني مررة
سارة استغربت رد وجدان: سمعتي وش قلت؟؟
وجدان: ايه ايه تدرين انا يومين كذا وراجعة للسعودية
سارة: وجدان ترا انا للحين زعلانة عليك
وجدان: حتى انا بس وش اسوي ما اقدر ارجع قبل كذا
سارة: وجدان انهبلتي تردين ردود غريبة
وجدان: ايه صح كنت بقول لك لا ترسلين من جوال امك رسايل احس خسرتيها
سارة: من جوال امي؟؟ أي رسايل؟؟
وجدان ماعرفت توضح لسارة ان نايف يرسل لها رسايل وجوالها مب معها : ايه وبعد لان خالد معه جوالي ف اصلا ماراح اقراها
سارة: خالد سحب جوالك؟؟؟
وجدان : ايه
خالد تنحنح يعني خلاص هاتي الجوال
وجدان وكانت تبي سارة تسمع : ثواني خالد بس شوي
سارة: خالد معك وانتي تكلمين؟؟؟
وجدان: ايه
سارة: لا يكون عرف بسالفة هيديكي؟؟
وجدان: ايه عشان كذا
سارة كانت خايفة على وجدان: طيب ونايف؟؟ عرف بسالفته والا؟؟
وجدان: لا عشان كذا اقول لك لاترسلين لي من جوال امك
سارة: جوال امي ؟! لا يكون قصدك نايف؟!!
وجدان : ايه هذا قصدي يلا ما اقدر اطول خالد يبغى الجوال مع السلامة
سارة: طيب مع السلامة
.................................................. .................................................. ...........
.................................................. .................................................. ........
.................................................. .................................................. ....
بالسعودية~
سارة دقت على ناصر وقالت له يقول لنايف لا يرسل ولا يكلم وجدان لان جوالها مع خالد بس المشكلة ان نايف مايدري ان اخوه يكلم سارة وهنا ناصر توهق شلون يقول لنايف بعدين فكر يقول لريم بس بعدين بتساله شلون عرف ... بعدين قال لسارة تكلم ريم وتقول لها وهي تقول لنايف..
ريم ماكنت تدري ان نايف يرسل لوجدان بس طبعا سارة قالت لها وقالت لها تقول لنايف مايرسل ولا يكلم لان خالد معه الجوال ...
ريم راحت لغرفة نايف ولقته ماسك جواله ومتنح كانه ينتظر رد
ريم: نايف
نايف كان يناظر بالجوال: هلا؟
ريم: تدري ان وجدان بترجع بعد يومين
نايف رفع راسه: صدق؟؟
ريم: ايه ان شاء الله هي قالت لي<<كذب
نايف : طيب باي وقت
ريم: اممم مدري ماسالت .. ايه صح وجدان جوالها صار مع خالد
نايف وكانه مافهم: ايش؟؟
ريم: مدري بس هي قالت لي ما ادق عليها لان باليومين الاخيرين لها جوالها بيكون مع خالد يعني ما اقدر ادق ولا ارسل لها لان خالد اللي بيكون معه الجوال
نايف خاف انه يكون خالد اخذ جوال وجدان بسبة انه عرف عنه هو ووجدان : طيب ماتدرين ليش اناخذ جوالها
ريم: مدري ما قدرت اسالها لان على طول قفلت
.................................................. .................................................. ...........
.................................................. ..................................................
بالظهر~
قامت العنود وشافت ان نوال والبندري نايمات : تشيليز تشيليز تشيليز<<تغنيها
نوال قامت على صوت العنود: لا ابلبيز وشو تشيليز
العنود وهي تطلع لسانها : انا قمت قبل انا اللي اختار
نوال: لا اصلا البندري بس قالت كذا عشان تفتك من ازعاجك
العنود: مين قال وبعدين اذا ما وديتوني اروح لحالي وشو عاد؟؟
نوال: طالبة حرش انتي ؟؟
العنود: لا طالبة علم <<هههه اليوم كتبتها بمدونتي <<برا
نوال: انتحر انا انتحر والا وشو
العنود: ماهمني اهم شي بنروح تشيليز
البندري قامت على ازعاجهم: شوي شوي وش هالازعاج
نوال: والله شوفي اختك ام الازعاج
العنود: شف هذي الحين مين اللي بدت؟ مب انتي؟!!
البندري: خلاص خلاص نتغدى بمطعم ونتعشى بالثاني ماصارت... هوشة عشان مطعم
.................................................. .................................................. ..................
.................................................. .................................................. ............
.................................................. ..................................................
_______________________________________
أتمنى انه كان بارت حلو ومحمس
أسئلة البارت ~
* هل بترجع وجدان للسعودية والا لا
؟؟
* طيب ميتشيرو تحب هيديكي
والا بس قالت له كذا
؟؟
* تتوقعون وش كانت خطة هيديكي
؟؟؟ وهل بتنفذها وجدان
؟؟
*تعليق على البارت هذا
؟؟
ودمتم بود
~
بس كنت اكتبه عاد اليوم كنت اكتب حتى وانا مزكمة
ف لازم انزله اليوم واتمنى يعجبكم 
؟؟ ووش بتسوي وجدان
؟؟
؟؟
رد: مـــذكرات وجدان (روايتي الاولى)
.. اتمنى انه عجبك والحين بنزل بارت جديد
العرض العادي
