ثم بدو يمشون جنب بعض ....
آيا بتساؤل: انت مالك رفيقه ؟؟
الطالب كيو بدأ الحزن على وجهه : كان ..
آيا متعجبه : ليه كان ؟؟
الطالب كيو بألم : توفيت في حادث السنه الماضيه ؟؟
آيا بحزن : اه انا اسفه ...
الطالب كيو وابتسامه صفرا : لا لا عادي ... ما يحتاج تتأسفين .......... طيب انتي عندك رفيق ؟؟
آيا : لا
الطالب كيو : ولا رفيق سابق
آيا : لا بس عندي صديقات
الطالب كيو : غريب انتي في السنه الثالثه وبنت جميله والله شيء غريب
آيا منحرجه و خدودها بدت تورد وفي نفسها : يكفي ما تعودت احد يمدحني ...
الطالب كيو ابتسم ....
وصلو للكفتريا ..
كيو: آيا انتي وش تحبين تاكلين اطلب لك ...
في مكان آخر
في الفصل b1
يونا : وين آيا ؟؟ غريبه ما مرت على فصلنا
راي : ما ادري العاده تمر ...
يونا : بروح اشوف
تطلع يونا من الفصل ويقابلها اكيرا
يونا : اكيرا آيا في الفصل ؟؟
اكيرا : لا ليش ما جتكم
يونا : لا
اكيرا : هي طالعة من نص الحصه ولا رجعت الى الان
توما : انا شفتها تحت كانت في حمامات المعامل تتزين قدام المراية .. لكن غريبه هي رجعت للفصل قبلي شلون ما جتكم
اكيرا : لا والله ما جت
يونا : يا ربي وين راحت
اكيرا : خير يعني بيسرقها الجني ... عجبتها القعده تحت ولا رجعت بس ...
يونا : مو من عادتها
اكيرا : عادي فيه حركات تطلع عن العاده ... صدق انك تكبرين السالفه
يونا : ياخي صديقتي وعادي اقلق عليها ... تعال هنا فيه احد اشتكى لك ...
اكيرا : انتي سألتيني ...
توما : خلاص الحين بترجع ... راي تكفين روحي دوريها وفكينا من يونا ...
راي : يا ذكائكم كلكم ... ترا فيه شيء اسمه جوال دقيت عليها وقالت لي انها تحت ....
توما : الحين ورا ارسالك متأخر كان قلتي من زمان ...
يونا : يله راي خلينا ننزل لها
راي : تقول انها مع واحد
والكل يلتفت عليها
راي بتعجب تشوفهم : هو وش فيكم ؟؟
توما : مع واحد ؟؟
راي : ايه تقول بعد انها بتتفسح معه ..
اكيرا وعيونه بتطلع من الدهشه : نعم اش قلتي بتتفسح معه ...
راي تلتفت عليه: ايه .. اسمعو سالفتها ....
وتروي راي لهم السالفه .......
توما يتذكر: اها البوووووووووووووك انا لقيته بعدها ووديته للامانات..
اكيرا في عالم آخر: موب هذا المهم ... المهم ان هالطالب لعاب ...
يونا : يا ربي
سوما بتأكيد : معروف انه لعاب وكل يوم مع بنت ...
راي اجل لازم ننقذ آيا منه ...
الكل : اكيـــــــــــــــــــــد
تحت في الساحة ::
الطالب كيو : بما اننا ... كلنا ....
آيا : وشو ؟؟
الطالب كيو : انا وانتي كلنا مالنا ارفقاء واجتمعنا اليوم ... كأن القدر يبي
آيا لازالت تسمع له ..
الطالب كيو يمسك يد آيا : آيا تصيرين رفيــــ.....
وفي هاللحظة ينطق اكيرا: لا ما تقبل
آيا تقوم متفاجئة وتشوفهم : خير وش صاير ؟؟
يوخر اكيرا يده عن يد آيا : لا ما تقبل تصير رفيقتك يا كذاب
آيا : اكيرا وش هاللي تقوله انت صاحي ؟؟
اكيرا : ايه هذا كذاب ولعاب وكل يوم مع بنت
الطالب كيو : خير وش هاللي تقوله ؟؟
اكيرا : انت جيت للطريق الغلط ... آيا مهيب لعبه لك
آيا : اكيرا يكفي وش لعاب وش كذاب ؟!
يونا : آيا هذا الولد يبي يلعب عليك ...
آيا : ووش غايته
توما : الاستمتاع هذي هي غايته ...
آيا : لا تتعجلون في اتهامه ... هو كان يدور معي بوكي اللي ضايع ...
توما يطلع البوك من جيبه : هذا هو بوكك ؟؟
آيا : ايه
توما : لقيته عقبك ووديته للأمانات
الطالب كيو : يا شباب وش فيكم كذا روعتوني ... ووش اللي قاعدين تقولونه
اكيرا : انت مشهور ... صح مهوب في هذي المدرسه لكن نعرف عنك في مدرستك الاولى ...
الطالب كيو : ووش اللي تعرفونه ؟؟
اكيرا : نعرف اهم شيء عنك وهو انك كذاب ولعاب وكل يوم مع وحده تكذب عليها ...
الطالب كيو : ووش الدليل ؟؟
اكيرا : مورا ...
الطالب كيو : مورا ؟؟
ويطلع مورا قدامه ...
الطالب كيو بصدمه ساكت...
مورا : عرفتني ؟؟
الطالب كيو : هههههه ايه اعرفك ... العبقري في نادي الكيمياء
مورا : واللي يعرف عنك كل كبيره وصغيرة ...
الطالب كيو : فيه اشياء كثيره صارت بعد ما افترقنا ... انا تركت اللعب اللي في الماضي والحين ابحث صدق عن رفيقه لي ...
مورا : انا عارف انك نقلت لهذي المدرسة وقبل يومين شفتك مع وحده ... سألتها وقالت لي عن علاقتك معها ...
الطالب كيو يفتح عيونه
مورا : وتبي تشوف تعيسة الحظ السابقة ... اسومي
الطالبة اسومي : كيو .. ناوي تكذب على وحده ثانية ولااااا بعد آيا ... يوم حكيت عنها رحت تلعب عليها
آيا وعيونها مليانه دموع : معقوله كل هذا يا كيو ؟!
يونا : آيا حبيبتي ما عليك منه..
آيا من الصدمة راحت تركض بسرعة ويلحقونها يونا وراي ...
الطالبة اسومي تتقدم بكل ثقه للطالب كيو و تصفقه على وجهه وتروح ....
مورا بعتب : جايزلك هذا ؟؟
الطالب كيو بلا اهتمام : هه هههههههههه تعودت على هالحركة عادي دائما كذا يصيحون في النهاية ههههههه
واكيرا بكل قوته يعطيه كف مع وجهه : اسكت يا حقييييير ... امثالك ما يستحقون الحياة حتى ...
الطالب كيو لا زال يكابر: اول مره احد يدافع عن بنت بهذا الشكل ...
و يعطيهم ظهره بيمشي ..
اكيرا بهواش: لحظه انا ما بعد خلصت من كلامي ..
الطالب كيو يلتفت عليه : وصلني كل اللي تبي تقوله ... عرفت الحين اني ماشي في الطريق الخطأ ... يمكن لاني ماقد شفت احد يدافع عن وحده من قبل ... بس ماراح اتوقف ... لان هذي حريتي الخاصة ..
اكيرا بتهديد : اسمع ... انا اكره امثالك بشكل ما تتصوره ... وعلمن يوصلك ويتعداك اذا شفتك يوم لو بعد كم سنه مع وحده تلعب عليها ... فأعرف انك شفت الموت ...
ويمشي الطالب كيو ولا كأنه سمعه ....
أكيرا بتعصيبه : راح تشوف ..
ويلتفت عليه : اهتم للاشخاص اللي حولك ولا تتدخل في غيرك ..
صفرت الفسحه والكل راح لفصله..
فصل b2 ::
يونا : آيا ...
آيا : يونا اتركيني لحالي تكفين ...
راي تحط يدها على كتف يونا وتهز راسها بـمعنى ما فيه امل... طلعت يونا و راي وراحو لفصلهم.....وهم بالطريق
يونا : آيا صارت لها اشياء كثيره هالسنه وكلها ورا بعض ...
راي : ما بيدنا شيء نقدر نسويه عشانها ....
في فصل آيا..
يدخل اكيرا الفصل .. يروح لدرجه ويطلع منه كيس ثم يروح عند آيا
اكيرا يمسك يد آيا : يوه يدك دائما كذا بارده ؟؟
آيا ساكته ....
اكيرا : يدك تحتاج شيء يدفيها
ويعطيها الكيسه ...
ترفع آيا عيونها عليه : وش هذا ؟؟
اكيرا : هذا اللي تحتاجه يدينك ...
آيا تفتح الكيس وتشوف فيها قفازات وردية انيقة ...
آيا : ليش هذا ؟؟
اكيرا : هدية ...
آيا : ووش مناسبتها .. ؟؟
اكيرا : ولازم يكون للهدية مناسبة
آيا : هذا اللي اعرفه ..
اكيرا : طيب مناسبتها ... اممممممم تحميها من ايادي الشياطين
آيا بتعجب : ايادي الشياطين ؟؟؟
اكيرا: آآه خلاص عشان تدفي يدينك ...
آيا : والله كان قلت من زمان كذا بدال كلمة ايادي الشياطين ... شكرا اكيرا ..
ويدخل المعلم ويرجع آكيرا لمكانه ... يمر باقي اليوم .. يطلعون الطلاب لبيوتهم
آيا وهي تمشي في الطريق تلبس القفازات ..
آيا : واو دافيه مره عكس حقتي ...
في هذي الاثناء نزل المطر وبدأ بغزاره ...
آيا : يا الله ... ما معي مظله ..
وتروح توقف تحت مظلة المواقف ...
آيا : ياااه وش هذا البرد ومتى يوقف المطر ...
بعد ربع ساعة وقف المطر ورجعت آيا للبيت ما فيها حيل توقف من التعب ... تدخل على طول غرفتها تنسدح على السرير وتنااااااااااااااام ...
بعد ساعات..
الام : آياااااااااااااااا قومي يله ناوية تنومين كل اليوم .. خير بقي ساعتين وتغرب الشمس ... قومي لا تسهرين كل الليل
آيا : يماه تكفين خليني انوم
الام : وبعدين ليش نايمة بالجزمه وملابس المدرسة ..
آيا : يماااه تكفين خليني بأموت من التعب ...
الام : ليش بتموتين ؟؟
آيا : آآآآآآآه بعدين اقولك تكفين ابي انوم ...
الاب : يله الغدا برد ...
الام : سمعتي ابوك وش يقول يله انزلي كلي ....
آيا : طيب طيب اسبقيني ...
وتقوم آيا مغصوبة .... تحول وتاكل الغدا ... وتروح تحل دروسها ...
تطل مع الدّرَج : يماه تراني ما ابي اتعشى خلاص بنوم ....
الام : خير وش هالنوم ما يكفي نمتي كل اليوم ...
آيا : يمااه والله ما اقدر اشوف تصبحون على خير و تراني بكره ماني رايحه المدرسه ...
الام : خيييييييير ليش منتي رايحه ؟!
آيا : بكره اقولك السبب الحين ما اقدر مافيني حيل اتكلم ... تصبحون على خير ..
وتروح آيا تنوم ....
العرض العادي
