جانا الأسبوع القبل الماضي والماضي جو رهيييييييب ورائع... ومناظر طبيعية جميلة وخلابة...
يعني اللي ما انتهز الفرصة وطلع يتمشى مثل كبيرنا KAITO KED ما عنده سالفة ^^..
المهم... بعد موضع KAITO KED والصور الجميلة اللي فيه... قلت يا ولد أنت عندك صور مثل هالنوع... ليش ما تعرضها!؟
والله وهذا هي أمامكم...
بسم الله نفتتح بهالصورة:
هذي الصورة في بداية أحد الأيام الرائعة قبل ما أركب السيارة متوجه للعمل
وأنا في طريقي للدوام وقفت عند محطة واشتريت علب حليب بوني للدوام
وأنا طالع من البقالة شفت الشمس بتختفي قلت بلحق عليها ^^..
وأعتبرها من أفضل الصور في المجموعة
بعد ما وصلت أخوي الكلية لقطت هالصورة وأنا راجع << وأنا أسوق
الصورة هذي أخذتها وأنا في الطريق بعد...
منظر السحب وهي متجمعة حلو..
هذي نفس اللي قبلها لكن هنا الشمس انخشت ورا السحب << مستحية^^
أما هالصورة فـ أخذتها وأنا رايح الدوام << لا تكفى، جبت شي جديد الحين!!
عجبني فيها منظر طلة الشمس من ورا السحب وكنها توها قايمة من النوم...
عاد هذي لقطتها من مكتبي... يعني هالمنظر وراي... بس التفت وأشوفه << لحد يحسدني بس^^
تم التقاط المنظر هذا وأنا رايح المواقف بركب السيارة وراجع البيت^^
مدري وش أقول هنا غير أنه عجبني وصورته^^..
تشوفون هنا منظر السحب المتوازي أفقيا... وتحت فيه بوابة الخروج من الجامعة..
كنت توني بطلع^^..
لفت انتباهي منظر السحب هذي حاجة لكن مدري وش هي.. المهم لفتت انتباهي^^..
هذي نفس السحب اللي في الصورة اللي قبلها لكن من زاوية ثانية << شدعوة، مصور من المريخ
اللهم زد وبارك...اللهم زد وبارك...
قبل ما أوصل البيت... في أحد الشوارع كانت المياه بهذا الشكل من الكمية << شرايكم في الجملة^^
اللهم زد وبارك...
الصور السابقة كانت من التقاطي... والتالية ليست من التقاطي كما يعتقد البعض^^..
الحين بعرض لكم بعض الصور اللي وصلتني عبر البريد الإلكتروني
وأحداثها في طريق الخبر - الدمام السريع.. تفضلوها بـ ^^..
أنا قلت بـ بالنسبة لي.. لكن اللي بيعلق منكم بكيفه ^^...