مرحباً وسهلاً .. وصباح الخير يا احلى صباح ...
اليوم، واخيراً، تم تنظيف الرسائل الخاصة من الرسائل القديمة اللي كانت مالية المكان ...
والمشكلة بهذا، اني لما ادخل، القى بوجهي 500 رسالة مع قرابة 30 تنبيه !!! مدري وين الله حاطنهم ...
لكن الحين، شوفوا الوضع !
والله راااااحة .. ومافيه احلى من كذا ...
حتى رسائل الزوار قمت دخلت عليها، ورديت على الناس اللي كتبوا لي وباركوا عشان رمضان ..
مبارك عليكم الشهر جميعاً ..
ايضاً، رتبت اليوم قسم المدونات ...
والله بصراحة، كل ما ادخل القسم، بخااطري اكتب شيء بمدونتي الشخصية، لكن، دايما اضيع واسال، باي صفحة مدونتتي راحت اصلاً !!!
شوفوا الدليل عسى يعجبكم:
دليل مدونات أعضاء أنيدرا المتميزين ..
تعرفون ..
توني الاحظ انه زر تويتر اختفى من المنتدى .. وين راح يا ترى ... !؟
شكله العصفور الازرق مات بسبب الحر .. يحليله ما تحمل الجو عندنا بالامارات ..
تحديث - الظاهر انه معلق عندي وما يشتغل ... بنشوفه
يالله، نشوفكم قريب على خير ... !