وايد مهم ها الموضوع الصراحة بالذات أني سفري قريب
إيهههههي بصيح والله خايفه لاني بسير أنا و أختي وبابا بس وأول سفرة لي بدون ماماT_T
خلوني أحط لكم بعض الاشياء المهمه فالسفر بالنسبة لي و منها أذكر عمري و أرتب جدولي
أول شيء الشنط^^
بما أنه سفرتي حبه مطوله (تقريباً من 15 يوم ل 25 يوم حسب ^^)
راح تكون لنا شنطتين
لبابا وحده و لي و لاختي وحده بس
كلهم كبار تقريباً و strong body with fixed shap^^ أحسهم و اايد أحسن و أرتب و أشيك فالمطار خخ
أنا من الناس ألي أبداً ما تحب الشنط الوايد أبداً<<منو راح يشيل
حتى لو بسنس أو فيرست كلاس لاتنسون الحركة فالدولة ألي رايحين لها و الجرجرة من فندق لفندق و راح تتعبون و ما راح ترتاحون فالسفرة ليش؟؟؟
أنا الصراحة ما أحب أقط أغراضي جيه فالشنطة و اتبهدل عقب و أدورهم و ما ألقاهم إلا يوم ارد البلاد<< ياما صارت فيه
فشوه أسوي ؟؟
أطلب من الدريول ايب أكياس شفافة من عند الدوبي ها الي يحطون فيها الثياب <<أحيد خالتي استخدمتهم يوم كانت ترتب زهبتها عسب تم ثيابها مرتبة و ريحة العطور و الدخون فيهم^^
أروح و أحط الثياب فيهم قطعتين أو ثلاث في كل واحد عدا الجنزات لانها تاخذ مساحة أكثر^^"
و أرتبهم فالشنطه
صح المساحة واايد بتقل بس بعد فيه طرق أحسن^^
وهيه الي إن شاء الله بتبعها السنة
الأكياس ألي تنسحب منها الهواء ألي فدايسو<<بعدني ما جربتهم بس اشتريهم و أحسهم مفيدات^^
و أكياس ثانية تشبه المقالم أو الفايلات تكون مصنوعة من بلاستيك أو نايلون <<تلقونهم في دايسو بعد
أخذ كبار و صغار
الكبار (حجم إي فور تقريباً) أستفيد منهم أني أستخدمهم أني أحط الثياب المستعملة فيهم بعد ما أضم الثياب عدل فيهم^^ عشان ما تخيس ريحة باقي الثياب<<إذا ما كنتي تقدرين تغسلينهم و انتي هناك^^
صغار (مثل المقالم) <تقدرون تستخدمون أكياس السندويشات من جلاد إذا ما قدرتوا تيبون ها النوع> و أحط فيهم الأشياء الضرورية مثل:
كيس أحط فيه: المعجون (صغير لمدة السفر بس^^)(لي و لاختي)+الفرشاة(لي و لاختي) +شامبو(لي دوف ^^و لاختي شامبو أميرات)(صغار^^) +خيط أسنان +صابون (صغير إما ديتول أو بيبي جونسون)+ زيت اللوز<<ما أعيش بدونهT_T+ مشط لي و لاختي+ شنطة المقارض هاي الصغيرة+مزيل العرق
<<الكيس الأول أحطه فالشنطة الي بشلها داخل الطياره لاصار و تأخرت شنطنا أو ضاعت لا سمح الله تكون أغراضنا ويانا<<أغراض الفندق ما أحبها و معجونهم ما يناسبني
كيس أحط فيه : عدة البنات و هيه ضرورية خخ<سوري > بس والله مصيبة إذا نسيتيهم والله اتورط شهري كان أو يومي لانه الكرتون يأخذ مساحة و أحط وياهم الملابس الداخية و ها الكيس أحطه بين الثياب للستر خخخو طبعاً لا تنسن قطعتين فشنطة اليد في حال يعني و في حال^^"
و كيس أحط فيه: أدويه(بندول فلو+ريونفيلد(للزكام)+مايجرين(للصداع النصفي)+فكس+بوفاس خخ+أدول حبوب الدوار+دواء الحساسية+دواء المغص+و دواء الاسهال)<<صيدلية يعني
لزق جروح من النوع الزين+مقياس حرارة
هذا بعد أحطه فالشنطة ألي بشلها فالطيارة
.........................بعدين بكمل وياكم إذا الله قدرني^^ بسير أصلي