جيت واثق للشاعر المتميزسلطان الركيبي
لإزالة كل الأعلانات،
سجل الآن في منتديات أنيدرا
الشاعر سلطان الركيبي
جيت واثق مابقى فـ الكون حسن الا خذيته
تاخذ الانظار تاج الحسن يتباهى عليك
جيت يزهاك الحلا مدري بطلاتك زهيته
مشرق ٍ لو بحلف الشمس قطعه من يديك
جيت شوف القلب يوم انك تمكنت وليته
كل خفقه بالمواجع فيه تندهلك تبيك
مرحبا والشعر يشكي بس لو انك قريته
مالحق نزف القلم شرهه ولا لوم ٍ يجيك
ومرحبا بنهيبك اغلا حلم عمر ٍبك بديته
وانهي فيك احلا قصيدي وارجع اقصد وابتديك
وان سما شعري على ذوقك عسى ليته وليته
وان قصر ذنبه عذر لاصار قافه مهتويك
ولعنبو شعر ٍ الى مني على حسنك نخيته
تقصر شبوره عن ادنى حسن بالاوصاف فيك
وانت ياللي كل نايف وصف عديت ورقيته
والله انك وان بعدت اقصى الحنايا محتويك
من سريت وكل جرح ٍ بالحشا دجت وسريته
يبتدي منك العذاب وينتهي دربه إليك
والله انك دين عمر ٍ وش عزاي ان ماقضيته
غير تكسير الامل في درب منهو يرتجيك
انت بس اللي من اوجاعي خذيت اللي بغيته
وانته اللي لايق ٍ شعري وتمجيدي عليك
الموضوع الأصلي :
جيت واثق للشاعر المتميزسلطان الركيبي || الكاتب :
smara2011 || المصدر :
منتديات أنيدرا