من فترة طويلة كل مادخل هالقسم ودي احط لي موضوع
بس اتكاسل .. اممـ حلو الإنسان يكون عنده صفحة يقول فيها
اللي بخاطره..عموما انا متعوده اكتب بمفكرة والاغلب
اكتب بنهاية كل سنة ..يعني مثلا نهاية 2009
كتبت فيها اغلب الاحداث اللي صارت بهذي السنه
وكيف كان اثرها علي.. وبما إننا دخلنا
بـ2010 كان ودي اكتب كلام كثير
بس بعضه تبخر مع تكاسلي بكتابة هالموضوع
- حاليا يمكن تكون هذي الصفحة مثل jweb لي
بس مو تحديث يومي لووول.. كل ماخطر ببالي اكتب شي
راح اكتب ^^
- اكيد راح اتحفظ ببعض خصوصياتي
- الاغلب اللي بكتبه بيكون شي اثر فيني بشكل كبير سواءا بالمنتدى او بحياتي
- لازم احيانا نشخبط شخبطات عشان لاتصير الصفحة رسمية خخـ
الملف الشخصي
الاسم : فطوم تشان
العمر : 22
تاريخ الميلاد :23-12-1987
أفضل ماكتب عن دراستي لأني لو فتحت هالسيرة مابخلص واحب اتحفظ فيها لنفسي
الهوايات : الترجمة ، و العزف على البيانو ، الرسم
مناظر تؤثر بي : السماء بأي وقت ، حضن الطفل لجدته
الرقم المفضل : 23
متعلقة بهذا الرقم من صغري ، احب اكتبه بكل مكان ولا اعرف السبب
قد يكون لأنه تاريخ ميلادي ، بس انجذب له حتى عندما يطبع بالملابس او الاحذية الرياضية
وطبعا اموت بشي اسمه كامي وكاتون فما له داعي استرسل بالكلام خخـ .
نهاية 2009 و البداية الجديدة لـ 2010
اخيرا انتهى عام 2009 ، لو وصفتها ستكون سنه ثقيلة علي من الكل النواحي
والحمدالله انها انتهت على خير اما 2010 من بدايتها والحمدالله
صارت اشياء كثيره اعتبرها مهمة بالنسبة لي
وغيرت كثير من مجريات حياتي ..
في البداية ابتعدت عن ناس لاني ارى ان هذا هو الأنسب لي
و حتى تبقى الذكريات اللي رسمتها عنهم جميلة اتخذت قرار الابتعاد
بالطبع سيكون الأمر صعبا ، لكن علي التأقلم على الوضع
و بنفس الوقت عادت علاقتي مع بعض الناس الذين اعرفهم
لم اتوقع ان يحدث هذا ، لكن قد تكون بادرة خير وخصوصا انها اكتشفت
بأنها مذنبه بحقي ..اممـ ربما ليست هي الوحيدة المذنبة بحقي بل اعترف انني
لم انصت إليها ، ولم اكن اعي بالذي تمر به من صعوبات ..
وحينما زارتني وعرفت ظروفها شعرت بأني المذنبة ايضا
اتمنى ان تحمل الأيام بالقادم اخبار جيدة عنها .
و منذ فترة وجيزة ايضاً التقيت بصديقتي المقربة في المدرسة
آه لم ارها من فترة طويلة واعزها كثيراً ، هذه السنة ستكون السنة العاشرة لصداقتنا
يالله كيف تمر السنين بهذه السرعة، وجلسنا نتكلم عن كل شئ
وكيف هذه الدنيا صعبه و تذكرنا ايام المدرسة والمقالب وغيرها
وتعرفت على فتاة حبوبة من المغرب و متزوجة وعندها طفل الله يحفظه لها
ماتوقعت اصلا انها متزوجة لأنه مايبين عليها ^^
و ظللنا نحن الثلاث ندردش حتى اننا لم نشعر بتأخر الوقت
كان يوم جميل و الجو هادئ وقتها ^^
أحيانا الواحد يحب يحتفظ او يتذكر لحظات بحياته لذا السبيل لاستعادة هذه الذكريات قد تكون بالتقاط الصور مع انه التصوير ليست من هواياتي لكن احب الاحتفاظ ببعض الذكريات بالصور هذه بعض الصور التقطها بالسنوات الاخيرة وكلها بالموبايل يعني الجودة مب لاهناك
[23-11-2008]
كان يوم روووووووووووووعة ، مناسبة هذا اليوم هو عيد ميلاد شخص أعزها من كل قلبي وهي Akame lover وتصادف بنفس اليوم عيد ميلاد صديقتي لينا ^^ لذا اجتمعنا شلة الـ f4 " بنوتة ساره لينا و أنا " واحتفلنا بهذه المناسبة ، وكل وحده أخذت حصتها من الكيكة واطرف موقف انه كلنا تضاربنا على نصيبنا من الكيكة اللي تبي راس جين واللي تبي راس كامي وقسمن اننا سفاحات محترفات اول شي ماكان هاين علينا نآكلهم بس وش نسوي ..الكيكة ماراح تظل للزينة طبعا و صار اللي صارر وتشرحوا اكامي خخخخخخخخخخخـ المجرمات كل وحده اكلت كيكتها الا أنا ظليت اناظر كامي اللي موجود بالصحن اللي بايدي واتخيل كيف ممكن اكله خخخخخخـ =>عاد لايشطح خيالكم لبعيد اقصد اكل الكيكة لوول مر الوقت وانا اكل اطراف الكيكة وماطاوعني قلبي المس أي جزء من وجه كامي وبالفعل كل وحده روحت بيتها و يت عندي بنوتة بتبات وبعدها خبيت الكيكة بالثلاجة واليوم الثاني نفس الشي ماكلت غير جزء بسيط من الاطراف المهم بنفس اليوم كان عندنا مشوار لبرى ورديت البيت وبعدها ادور على كيكتي على كامييي مالقاها بالثلاجة..نانندي وين راحت.....! ماخليت حد بالبيت اللي واستجوبته محد اعترف من اكل الكيكة المشكلة كنت بشك بأخلاق بنوتة بس هي حرام بريئة من التهمة لأنها طلعت وياي....ياترى من هو المجرم اللي اكل كامي مالي تهئ...! تخيلوا لحد الحين ماعرف الجواب...يمكن اطلب مساعدة كونان بالمستقبل خخـ
[06-01-2009]
في هذا اليوم وصلنا ديفيدي كوين اوف باريتس لكاتون ، اللي أهدته الغالية نوني لبنوتة وماصدقنا نشوفه ابداً ..كانت من أروع اللحظات اللي مرت علي اجتمعنا كلنا البنات وظلينا نطالعه واصواتنا كانت لاتعليق خخخـ
[07-01-2009]
بعده بيوم تقريبا ظلينا نصور الديفيدي ولسه مب مستوعبين اننا شفناه
[05-07-2009]
راح اعرفكم على اصغر فان بوي لكاتون وشريكي بالفصلة بالبيت وهو عبودي، عبودي بهذا الوقت كان عمره 3 سنوات واعترف اني عمة هيدوي لأنه يتابع كاتون من كان عمره سنة ويغني اغانيهم ، خصوصا" don't you ever stop حاولت اسمعه اغاني بارني والاطفال مافي فايدة يسكر الجهاز انزين نيوز عالاقل لأنه اغانيهم بريئة ماشي فايده يسكر الجهاز واهم شي لازم تعرفونه أنه اكبر فان بوي لأكامي حتى لما يشوف صور كاتون يتعرف على كامي وجين أول شي ويقلد حركات كوكي بالراب لووول امم هو متعلق فيني مب عشان كاتون بس يحب يلعب بغرفتي وذاك اليوم اختي الصغيره mena kon مسوية صور لكاتون ويامابي ودبل اس وهو قاعد يرتبهم خخخـ
شوفوا بس كيف الترتيب لوووول
قلتوا ماشاء الله لوول..ترا حرام بعده صغير اخاف تصكونه عين ويذبحني ابوه بعدها حلو صح ..طالع علي =>كف لازم اخربط شوي بشكله والبسه ملابس البنات خخخـ بس الحين كبر ويروح الروضة ومااخليه يشوف كاتون=>ونعم العمة بس
[11-11-2009]
الشاطر يعرف وش مكتوب ساره ربيعتي تعرف تكتب ياباني باحتراف وتفهم تقريبا وايد ولسه ماشاء الله عليها شاده حيلها بتعلم النيهونجووو لذا شخبطتلي شخابيط بايدي ..بس طبعا مكتوب جملة طويلة اللي يعرفها هو الشاطرخخـ .. ولا يغركم المناكير تراها الوان فولوماستر عادية بس كنت اقلد كامي لما يصبغ اضافره بعلم بريطانيا وسويت لريولي بعد خخخـ وتصادف بهذا اليوم اتخذت خطوة كبيره بدراستي غيرت كثير اشياء بس الحمدالله للأفضل
[06-12-2009]
هنا طلعنا انا و بنوتة واختها الكبيره للشاطئ، وهنا اقترحنا ندفن الشي اللي نحبه بالرمل، بنوتة السلس اللي يشبه مال كامي انا الشاني واختها الكبيره الكانادا دراي خخخخخخخـ بالاخير شلينا قشنا لأنه المكان اصلا اللي جلسنا فيه ممنوع الدخول بسبب للصيانه عاد قولولي كيف تجي صيانه بس على فكرة دخلوا من بعدنا عائلة خخخـ.. فتحنا المجال بعدها للناس تخالف ==>خالف تُعرف
أنقش اسمك ياحبيبي على شط البحر لازم وين ماروح احط علامة الجودة
[18-04-2010]
"دبل كليك على الصورة بالحجم الطبيعي" هذا اليوم طلعنا لكورنيش انا وصديقتي لين تشان وتكلمنا بأمور كثيرة وفضفضنا ، ومنظر السماء والبحر كان لايقاوم واحلى شي اننا تخيلنا لو طلعنا ديتو كل وحده مع اللي تحبه انا كامي وهي جين ......وشطح الخيال حبتين بعدين اخذنا قرار عادل اننا نحن كامي وجين خخخخخخخخخخـ وجلسنا نستهبل شوي لين ما اذن المغرب
التوقيع
تابعوا اخر تحديثاتنا لدراما القبلة اللعوب هنا في مدونتنا الخاصة بالترجمة ~> هنا
اويويو ... فطوم دس اليوم كان مممـــ حلو ومب حلوو.. الجو كان مخييييييييييييف ومغبر .. والسماء كانت صفرا سبحان الله...! البيت كله مريض ماعداي غريبه وانا اللي مناعتي ضعيفة من بينهم
شكله الدور ياييني لامحاله
قبل شوي كنت اكلم بنوتة ، هذا وانا متصله فيها من ساعة ونصف
==>سوالف حريم ماتخلص لوول البنت غارقة بتزهيبات العرس الله يعين بس وانا لحد الحين بعدني ماخترت شو البس،يصير خير وقتها باقي فوق شهر ونص
اليوم بالعصر كنت احس بضيق من شي صاير بالمنتدى فـ كتبت شبـه خاطره
عندما تدرك أن الناس الذين تعرفهم لا تعرفهم... و الصمت أصبح حاجز يعزلكم ألا تتألم....؟ عندما تبحث عن سبب يقربكم لتداوي بها لهيب جفاءكم هل من مجيب..؟ اتساءل .. إلى متى سيظل هذا الألم ؟
هذا اللي كان بخاطري وقتها .. مممـ حاليا اسمع أغنية smile لكاتون الأغنية أقل مايقال عنها رووعه ، كلما اسمعها احس بالاشتياق
يمكن الكلمات او اللحن بنفسه عطاني هذا الانطباع في اغاني نادرة من أول مانسمعها نحبها غير مقدمات مع أنه احيانا مانعرف معاني الكلمات اللي يرددونها عشان جذي ودي اتعلم ياباني ، و لحد الحين انتظر رد السفارة علي لأنهم واخيرا فتحوا باب التسجيل لتعلم اليايانية، عقبال ماتعلمها واروح اليابان بإذن الله لازم اروح الحين اكمل الترجمة اللي موقفاها من فترة خخخـ.. هالفترة صايرة كسلانه حييييييييييييل، ومرات ودي اوقف الترجمة نهائياُ بس ماقدر لأني اعشق هالشغله
واااااااااااااااااااااااااااااااه~ تاداايماااااااااااااااااااا~~ ==>تحصن كل زاوية بالمنتدى اول شي حابه اقول كلام من قلبي - شكرا لكل اللي قرأ مدونتي وقيمني ، ماتدرون وش كثر اثر كلامكم علي - وشكرا للي سئلوا عني ، انصدمت بـ 31 رسالة اللي وصلوني خلال فترة غيابي واسفة لو ماقدرت ارد على الجميع ، لكن والله خارج ارادتي - صارت اشياء كثيرة هالفترة ، سبحان الله يبقى الإنسان ضعيف امام قدرة الخالق - مشتاقة ~
صارت احداث كثيرة خلال هذي المدة القصيرة اللي غبت فيها عن المنتدى سواء بحياتي الشخصية وغيرها اول شي اصابة بنت خالتي بنت الريم وقفتلي قلبي هالدبه سبحان الله يبقى الانسان ضعيف امام قدرة الله ، وبدت حالة التوتر وماعرفت اسوي شي بس الحمدالله مر الحادث على خير وتوني راده من بيتهم خخخخخخخـ شبعت منها هالفترة لووول
هالفترة احس بالضياع ، ياليت الانسان يقدر يخلص اشياء كثيرة مره وحده مشكلتي اخطط لشي وماسويه الابآخر لحظة ، واضطر وقتها صاحية 24 ساعه >__< وهذي احد سلبياتي وهي التأجيل بشكل فظيع ، ياليت لو حد يعرف الحل لهذي المشكلة مايقصر بنصحي مممـ يمكن الشي الايجابي من التأجيل احيانا ، انه النتيجة تطلع ناجحة بشكل اكبر من الشغله اللي اسويها برواقة واللي تكون بوقتها المناسب وماخذه حقها وزيادة
قبل فترة ظليت اتناقش انا واخوي اللي اكبر عني بـ 4 سنوات باشياء كثيره ، امم احب اتكلم معاه لأنه هو اقربهم لي وكنا ونحن وصغار يسمونا توم جيري من كثر البلاوي اللي كنا نهببها الله يحفظهم الوالد والوالدة مادري كيف تحملونا خخخخخخخخـ المشكلة اني جيت بعد 3 اولاد وبعد عناء وانتظار خخخخخخخـ وكنت اول بنت لعائلتنا السعيدة خخخخخـ، واخوي محمد هو نفسه اللي اكبر عني يغار بشكل فظيع كوني اخذت الدلع والاهتمام منه ومن انا وصغيره ماسلمت من عمايله ..هالموقف مانساه من كثر ماامي كانت تحكي لي اياه في يوم امي حطتي بالفراش ، امم لو تعرفون الجلسات العربية وكيف تكون المخذات ثقيلة وايد ، حطتني وراحت المطبخ واخوي ماصدق يشوفني حره اصلا ، وقتها عمري ماتجاوز شهر قام اخذ المخذة ، ومو اي مخده ، مخذه وزنها 4 كيلو خخخخـ وحطها فوقي، امي وقتها حست شي مب طبيعي صاير قامت بسرعه طلعت من المطبخ الا وتشوفني وانا مدفونه تحت المخده خخخخخخخخـ، سحبت المخده الا تشوفني كتلة طماطة مختنقه الحمدالله لحقتي ولا كان وقتها رحت فيها وطبعا امي من النوع اللي ماتضرب ، فقامت تنتبه على اخوي والمشكلة لين ماكبرت شوي نقره من نقري .. و بكذب عليكم لو قلت لكم اني ماكنت سوسه خخخخخخخخخخخخـ ، لازم اخذ حقي وبزيادة طبعا بس عقلنا انا وياه تقريبا لما صار عمره 15 خخخخخخخـ ولحد الحين هو اقربهم لي ، و ياما نسولف على اشياء عبيطه خخخخخخخخخخـ يابطني بس لما يقوم يسولف لي عن مقالب الشغل او صياعة الاولاد و البنات =>كف
في مره سألته عن اكثر صديق مقرب له وكان جوابه ... استراتيجي وسألته سؤال كان ببالي - متى تتخلي عن الصديق بنظرك ؟ الجواب كان : لو كان انسان منافق او كاذب
وجلسنا نكمل سوالف لين ما تعبنا
توني البارحة راده من بيت بنوتة، جلست شوي مع عيال اخوها خخخخخخخخخخخـ السوالف وياهم تونس يعني انا خالتهم اذا ماخاب ظني =>كف اعذروني لأني صدق باكا في مساءل العمه والخاله ..الخ
اول شي حمودي عمره 6 سنوات ، وانا وياه سمن على عسل وغزل مايخلص خخخخخخخخخـ
بس فجأة اخوه فيصلووه يقلب ويغار منه ، فيصلوو عمره 3 سنوات ويجب السيارات ، البارحة قام يابلي خاتم وفجأة قرر يخطبني خخخخخخخخـ بس بعدين مارضى ، قال يبي يتزوجني عشان حمودي مايخطفني ..لوووول وقام لبسني الخاتم باليمين مباشرة=>ماعنده تفاهم زواج يعني زواج
خخخخخخخـ المشكلة قلت وين مهري، قال بيهديني سيارة ليكزس اخر موديل خخخخخخخخخخخـ
وش رايكم اقبل بحمودي الرومانسي ولا فيصلووه الدفش اللي يحب السيارات خخخخخخخـ؟ لا واحلى شي قاله فيصلوه " بتيب لج تيارة لكززززس " ويشفط ريقه وهو يقولها خخـ >> خخخخخخخخـ يقلب كل شي للتاء..كااككووي
اااااااااااااااه تعبت بروح اكمل لفة بنادي كاتون تخيلو من اي صفحة ماقريت..من صقحة 78 لين 146 ==>تهئ والحل!!
كان ودي احط صور الحصة اليابانية اللي حضرتها ، بس الصور الحين بتلفون ربيعتي تهئ..باجر بإذن الله
نسيت اقول شي ثاني
سوبر جونيوووووووووووووووور يهبلووووووووووووووووووووووووووووووووووووووووون انا ويني عنهم من زماااااااااااااااااااااااااااااااااااان يالهي فرقة رهييييييييييييييييييييييييييييييييييبة، حبيت عفويتهم ببرامجهم وه بس يدننون خصوصا هيتشول و لي توك و انيوك بس لو تييبون لي هيتشول بكون ممتنه =>
وآآآآآآآآآآآآآآآآآآآآآآآآآآه
مر وقت طويل جداً و ماكتبت شي
لدرجة اني نسيت الموضوع
كل عام و انتم بخير مقدمأ لحلول شهر رمضان الكريم
و السموحة عالقصور..مادري اذا بقدر ارجع للمنتدى مثل زمان
حاليا امر بظروف و الله اعلم باللي ياي ، ماعلي غير اتفاءل خير
والله يسهل علي وعلي جميع المسلمين ^_^
هالفترة اشوف دراما bad family
السبب الاولاني اللي رحت ادور على الدراما
هو هيتشول
الدب حبيته ببرنامج فول هاوس و حبيت شخصيته اكثر
لما عرفتها من برنامج
عموما نرجع للمسلسل
المسلسل اقل مايقال عنه انه روعه
عشت تجارب كثيرة وانا اشوفه
فجأة اضحك وبعدين اتضايق وترجع تتعقد الأمور
وفجأة تحقد على شخص وترجع تستغرب كبف حبيت الشخصيات اللي بالمسلسل
ماتوقعت ابدا تعجبني الشخصيات او تقبلها كلها
بشكل، المخرج خطير خلاني غصب احبهم كلهم
وحاليا وصلت لين الحلقة 13 باقي لي 3 حلقات واختمها ومن الحين
زعلانه ليش بتخلص بسرعه لوول
أكثر حلقة حبيتها هي 13 مع انه اغلب الحلقات قمة بالروعه
لكن هذي كانت غير
ليش انت كآواي
هذا الشخص اللي كان السبب عشان انزل الدراما
بس بالاخير حبيت كل الممثلين بالدراما وبالبداية كنت منقهرة انهم ماعطوا هيتشول دور كبير بالدراما
لانه يظهر بمقاطع صغيرة ، بس بالحلقة 13 اخيرا ارتحت وعرفت سر هروبه
وكنت متوقعه انه بيطلع ولد غني بس هارب من اهله لسبب
وانكشفت قصته كلها بهذي الحلقة وحبيت دوره بشكل
خصوصا انه كل الحلقة تقريبا تتكلم عنه
خخخـ بتنصدمون كم صورة التطقتها من الحلقة 13
تبون تنصدمون ولا..! 36 صورة واكثرها للآدمي المملوح هذا خخخخـ
ولا اتفلسف عليه بتويتر وكانه الحين بيفهمني خخخـ
اروح اكتب بجوجل واترجمه للكوري واراسله بتويتر على اساس ضاربه صداقة مع الأخ
مشكلة اللي يصدقون لووول
يلا ان شاء الله في امل يفهمني
مره سالته وش اكل ..مارد ..قلت له روح كل شسمها الأكلة الكورية المعروفة
اممـ....كمشي خخخـ
وبعدها قال أنا جوعآآآآن ...نيهاهاهاهاهاهاهااهاا كأنه كلامي وصل له لووول
قلت لكم مشكلة اللي يصدقون صح
وش رايكم احط باقي الصور من الحلقة الحين=>بتتصفق
كلولولولولولوولوولولولولولولولوش واخيرا العربجي تحرك خخخخخخخـ
والله منقهره منه مايعرف يعبر عن مشاعره
واخرتها لو تدرون سبب المشهد هذا بتضحكون..كاوووااي سووو~
يلا عاشو الاثنين وتزوجوا وخلفوا صبيان وبنات =>خربت عليكم
امزح اصلا لحد الحين ماخلصت الدراما ..في امل تشوفوها عشان تخربون علي لوول
يآربي هذا المشهد بس مادري ليش تجمعت دموعي
بس ابتسامت هيتشول المريحة ، ونظرة الرضا و الفخر من الجد ، مشهد مأثر بقوة
خخخ خلصت وتعبت لووول...كان ودي احط تعليقي عن فول هاوس ورييييييين
هالمسلسل الثاني ادمان شفته قبل BAD FAMILY بس ماكان عندي
وقت اكتب عنه اي شي
قريبا ان شاء الله ^_^~آجا آجا فايتنج
بروح احط مواضيع اعادة انتاج كود بلو و وون باوند لو الكونكشن ماستنذل وفصل خخـ
.gif){kind=icon}
My Life :|
اللي موجود بالصحن اللي بايدي
العرض العادي
