حاطن رجل على رجل و علامات الطفش و التسليك تملأ محياي
و أنا اتأمل هالشايب المتكي قدامي
وهو يحكي لي عن ايام شبابه و تسيف إنه مهجد عيال الحي
و أنشط واحد في زمانه
<< الكلام على ذمة الشايب
و أن اللي أشوفه الحين فيه ليس إلا كدمات الزمن و لعبه فيه
و لا إنه هو قبل ... << أكيد أيام الشباب و الهياط
... ما يركب البعير إلا يشيله على ظهره بالطريق كنوع من التدريب و إذا جاع نحره و أكله <<
<< أنا بحياتي ما شفت واحد مهايطي و تسذوب مثل هالشايب
ثمن أطلق ضحكاته الثقيله علي وهو يقول و أنتم صعاليك يالله تشيلون الصينيه <<
<< اضحكوا تكفون لا تكسرون بخاطره
و بدا يكمل تسذبه يقول ... طوط ... طوط << الكلام مشفر
<< لا تفهمون على كيفكم يا الزلايب
اقصد من سماجته لو احط كلامه فيذا كان يسفر مربوش موضوعي على حسابه للماصله
الوكاد إن الشايب ما درا إلا يوم ضحك ضحكه قويه و اغمى عليه
<< ترا النشاط لعب فيه الزمن
و مير أنا اقوم انفظ الغبار على قميصي و بغيت اتفل بوجهه بس قلت عيب استح على وجهك شايب مخرف وش تبي فيه
و اقوم اشيله و اجدعه قدام بيته و ارن الجرس و امشي
<< شفتم الأخلاق تسيف
و من هذا المنطلق << حلوه المنطلق صح
الطبخة : عقب سالفة الشايب قلت لا شعبنا نسبة الهياط عندهم زادت
عن حدها فقال لي عقلي الباطني ... << ابد ما يقصد ناصر و الاميره ذات الحواجب
... الحاصل : قال لي عقلي الباطني اكتب بالقهوه موضوع عن سالفة الهياط و افتح طاوله نقاش و لا تنسى تنتص بوسط الطاوله و البشت لزوم
يعني صدق عقلي الباطن سطل ولا يرجى منه خير بس المره ذي صدق و صادها
طبعاً لا يخفى عليكم إن منبع الهياط كله يتربع بهالنقطه : [ أنا أنشط واحد ولا أنا ولد نعمة
] << و إذا جا الصدق : ( فيس واحد رافع ثوبه و ماسك زبورياته و قامط يَ من الناس ولا الديانين )
طبعناً بحنكتي و دهائي و فطنتي و تواضيعي ... << الأخيره على جنب
... المهم اكتشفت إن شعبنا الهياط عندهم ينقسم و ينشق إلى قسمين
:
القسم الأول : هذا اللي ماهنا اقوى منه لدرجة إنه يتهاوش مع ذيابه و نمور و ينحرهم << حشى ماوكلي
هذا طال عمركم لا تقرب منه لأنها نهايتك ما دريت ؟
: ماهمه احد مستعد يطلع السكين بوجهك
<< وين حنى عايشين يَ خوي ترانا أمن و أمان توكل لا ابلغ عنك و اقرب سجيين يرمونك فيه
و على طاري هالنوعيه بقص عليكم قصه
: يقولكم يا طويلين العمر إن شاء الله
فيه
شاب مملوح ظريف مهايطي
يحس نفسه الأنشط و كل عمره هواش و كفخ و كفيخ و معروف عنه إنه ممنوع
الإقتراب لأنه بإختصار راع مشاكل و شر
المهم جاه خويه ذاك اليوم و نقز عنده و قال ترا فلان يسبك
و يقول إنك شايف نفسك على إيش
<< طبعاً ذاك المسكين ما زين شي و طلع اخر شي السالفه نميمه مع بهتان
راح خوينا و ربط الثوب حول الخصر و تلطم و مسك الشوزل << يَ عيني
و راح لمكان الهوشه اللي واعد ربعه هناك عشان يفزعون له عشان يجلد ذاك الورع و يعلمه ما يتعامل مع البزنس
و صارت هوشه كبيره و سكاكين و بواريد و طلع نار بلغ عليهم واحد بعد ما شاف الوضع ما ينسكت عنه و جو الشرطه و معطوهم مع شوشاتهم
و بالمحكمه طاحت السالفه على ظهر خوينا بعد ما طلع تحمس مع سالفه لا أصل لها من الصحه
الوكاد خوينا خاس بالسجن خمس سنوات للقضيه المذكوره و لسجله الأسود
بعد ما خاس بالسجن و طلعت ريحت الصنان عرف إن الله حق و تاب الله يتوب عليه
طيب و القسم الثاني : هذا المطنوخ ولد الوليد بن طلال
فلوسه تغطي عين الشمس
و إذا جت الصدق
الحساب بالبنك صفير كبر خشمه
و أنواع الديون فوق دميجته
بس الصدق فله هالنوعيه يدفعون ولا يشوفون و بالأخير يبتلشون و يخيسون بالسجون
<< وش رايكم لي مستقبل ولا منين تطلع مني ثلاث كلمات ورا بعض اخرها نفس الحرف
بروفايت لكل مهايطي
:
اترك عنك سالفة أنا النشيط أنا المهجد
و رح نِم بحضن أمك و توكل على ربك
و خل عنك إنك ما تخاف ولا يهمك أحد لا تسفط قدام بيتكم الدوريه
و يمعطونك مع شوشتك و يجدعونك بالسجن كم سنه لما تخيس و تطلع ريحك
و الأدهى من ذلك رساله لعزيزي المهايطي اللي يسوي نفسه ولد نعمة اركد و اقنع و انا اخوك
لا يجي يومك الأسود اللي يجي أبوك و يهفك كف و تتفل ضروسك بالزباله يا الزلابه
و يعلقك بالمروحه و ضرب بهالشماغ طخ و طيخ طخ و طيخ عاد لحنها على كيفك
و السبب : إنك عزيزي ولد النعمة ماحد ضيع مزانية بيتكم إلا أنت
يوم إنك تسرق بطاقة أبوك كل يوم و ترجعها تسوي نفسك ما زينت شي
الطبخه : عندي كلمتين بس ما يجتمعن
:
الأولى : وهو ودي أقول للمهايطين لو أنتم ما فيه ما كان في الدنيا أكشن و رعب
دوكم هالورده (
)
الثاني : تكفون يَ الربع أبيكم تنتفون هالمهايطين عشان يتوبون و يدرون إنهم جالسين على قلوبنا
<< خخخ صدقتون مادري كيف تجتمعن هالسطرين
و في الختام بصفة إن موضوعي طاولت نقاش لهالمشكله الإجتماعيه
لازم أختم بأسئله بس قبل وين المبخره نسيت اتبخر
أول ما جيت جلست و بديت اهذر من هالكلام كود ما إنغلق موضوعي من هالهذره
الوكاد :
هل تعتقدون إن مشكلة الهياط يمكن تختفي من مجتمعنا السعودي ؟
الشايب المخيس اللي فوق وش الحل لسماجته هو وقصصه
؟
و يله أبنسدح بالكنبه ذي اللي بالمجلس المبارك مليت من الكرسي و الصدز دايخ تناقشوا و قومون إذا وصلتم لحلول
رد: حاطن رجل على رجل و علامات الطفش و التسليك تملأ محياي
هع هع انا اول رد >>>>>>>>>> كف
ههههههههه الموضوع رائع
هل تعتقدون إن مشكلة الهياط يمكن تختفي من مجتمعنا السعودي ؟ لالالالا مستحيل
الشايب المخيس اللي فوق وش الحل لسماجته هو وقصصه ؟ ادع عليه يفقد الذاكرة
مشكووووووووووووووور اخوي على الموضوع الرائع
بانتظار جديدك دوما
التوقيع
الاختناق هو عندما تراودك الرغبه في البكاء ولا تبكي خوفا من ان ترى فتسأل ما الذي يبكيك فتصمت لانك لاتعلم سوى مجرد اختناق كل شيء ممل الاصوات الافلام التصفح حديث الاصدقاء الوجوه القراءه كل شيء كل شيء الا شي واحد ان تسمع باسم (نيوز )
حاطن رجل على رجل و علامات الطفش و التسليك تملأ محياي
هههههههههه الهياط نوع من التسليه هالايام هع
العرض العادي
