من اللي اعرفه
san= تقال مثل سيد سيده بس مب شرط يكون الشخص كبير يعني ممكن ان يكون شخص ما تعرفينه في عمرج (هاي طبعا و انتوا كبار يعني مب يهال هههههه) فتنادينه بسان لأنه كون و تشان هذي للأشخاص المقربين منج اذا كانوا بنفس العمر
chan= عادة تستخدم للاشخاص اللي في نفس العمر بين بعضهم و مثل ما قلت المقربين بس و تشان معروفه انها للبنات لكن مرات الاولاد على ما اظن بينهم و بين بعضهم ينادونه فلان-تشان<< خوش اسم...و تشان اساسها انها للبنت الاصغر منج سناً يعني عادي تشوفين بنت صغيره مني و الطريق ما تعرفينها تنادينها بتشان
Kun= هذي مرات تنقال مع اسم البنت بس مادري متى بس الاغلبيه تنقال للولد الاصغر سنا بعد و اللي بنفس العمر المقريين
sama= مثل ما قالت اختي للتعظيم و التقدير مثال : اوكايكي ساما يقولونها عادة في مجالات الخدمه اوكايكي معناتها زبون مثلا لما تسمعون في دراما ان الجوال مغلق بتلقونها بالبدايه تقول اوكايكي ساما
ملاحظه: اليابانيين يعتبرونه قلة ذوق ان تنادين حد بدون هالاختصارات ورا الاسم حتى لو كان من المقربين بس ممكن في بعض الحالات اذا كان مقرب وايد مثل العيله ما يقولون هالاختصارات ما عدا الابناء لازم يقولونها لامهم و ابوهم (اوكا-سان و اتو-سان)
و ممكن الاصدقاء لو ما عندهم مانع ينادون بعض باساميهم بس
<< ههههه تذكرت شيجي يوم يعصب على تيغوشي عشان يناديه حاف بدون شي لوول
العرض العادي
