×{{ قـصـص Pi مـع حـريـمـه ~ شـلـة حـريـمــ Pi }} ×

[فتـــاة الهند]

رحنا عند سيمو وقعدنا نتناقش في الأمر

تومو : لو سمحتوا لاتتعبوا نفسكم أنا وفنو حناقش العلاقة دي لوحدنا

و خرج وقتها تومو وجلس في البلكونه لحالو وأنا رحت وراه وانا جالسة جنبوا عالأرض حط راسي على رجلوا

ولا كلمة بس أسمع صوت أنفاسو

أنا : حبيبي إيش حنسوي ؟؟

تومو : أنا نفسي أعرف يعني الأب يقدر يعطي الحب اللي يخليكي ماتقدري تعيشي بدونوا ؟؟

أنا : أكيد

تومو : أنا ماأعرف كبر مشاعرك لأهلك وعائلتك بس لازم أنا أسير جزء منك لازم .

أنا : طيب حبيبي أنا بكرة الصبح طيارتي

ماأسمع ولا همس حتى بس أشم ريحت عطر تومو >>>طبعا حاط عطر ( دايتي سينوريتا)

أنا : دايما أتعطر بدا العطر أنا مرة أحبوا

تومو : هذا آخر يوم أحطوا

وسكت .. وقت طويل

وشوية حسيت بدموع تومو على وجهي ووقتها أنا قعدت أبكي كمان وسار ماسك يدي ويبكي وماحسيت بنفسي
إلا وسيمو يصحيني

سيمو : فنو ياعسوله قومي وقومي روميو معاكي .

قمت لقيت راسي على رجل تومو زي مانحنا مره استغربت !!

سيمو : امس إنتي نمتي وكلنا شفنا مأساه من روميوا حقك إنتي على رجولوا وهوة يطل فوجهك ويبكي إلين قبل شوية نام .

ماقدرت أقوموا بس رحت أتوضيت وصليت وجيت أتأمل في وجهوا إلين سرت أبكي .

سيمو جا ومسك كتوفي و قلي : أتماسكي لاتبكي حرام عليكي يادوبك نام بس لازم تقومية عشان تودعوا بعض في المطار .

صحيتوا وسويت فطور لسيمو وتومو واشوية يدق الجرس جا ريو وجين وتاكي وتوما عشان يوصلونا المطار وإحنا نفطر كان تومو طول الوقت يطل فيه ..

بعدين جا جلس جنبي ومسك يدي وأنا ماسكة نفسي بس تلقائي بدأت الدموع تنزل وكل اللي في الطاولة يطل فينا وفعيونهم الحزن ..

وتومو سكر عيوونوا وحط راسوا على كتفي.

وأتجهزنا للمطار والكل بسيارة تاكي وانا وتومو كنا بسيارة ريو وجلسنا ورى وكنت أنا وتومو طول الوقت ساكتين بس عيوننا تتكلم في بس اللي مخوفني إنوا تومو من أول ماقام ماسمعت ولا كلمة منوا يعني ساكت ونظرة الحزن في وجهو حتى مابكي !!

وكل ماأسألوا عن حاجة يحوط يدوا على فمي ويسكتني ..

ولمن وصلنا المطار كانوا الصحافة والمعجبين لبي تارسين المطار وشافوا لنا الأمن طريق ماحد يشوفنا ودخلو تومو وأصحابوا معانا عالإنتظار ..

واحنا في الصالة الكل يتكلم إلا تومو أتخيلوا أنا رايحة بأعطي أوراقي والتذاكر لسيمو مسك يدي وماخلاني أروح مكان فجا تاكي وهوة حزين على حالنا وأخذ الأوراق مني وسار تومو حبيبي مغمض عيونوا حتى مايطل فيه أنا وقتها قلبي سار يعورني .

يتبع >>> البارت الأخييييييييييييييييييير

ووووووو

[sosi]

سلام كيفكم بنات ..اخيرا الاربعاء ..يعني سنتره محترمه ,بس اظن لين الساعه 8 لأن عندي مشوار ..
المهم بعلق على يونيجااااااي تؤم روحي , وبعدين اكمل قرايه قصه فنو واعلق ok

طب وش صار في ساني ونووس ؟؟؟؟


يووووووووه تصدقين مع العجله نسيناهم ..بس خلاص على ماظن ام بدر فديتها ..جابت لهم نهايه وقالت انهم كبروا واشتغلوا بشركه وساني تزوجت احد الموظفين ونووس تزوجت المدير حق الشركه ..ايش رايك بالنهايه حقتهم <<بعدناهم تماما عن بي بي

وين اهلكم عنكم ؟؟؟؟


خلاص كبرنا وشوله اهل ومدري ايه...
اقول خلونا بالواقع
عاد قولوا جازان مو هاواي
عمى ان شالله وشوله التحطيم بس ..يعني لو تقولين الطايف ابلعها ,لكن جيزان
هذه احلامكم بعد 9 سنوات تكونوا بالمطبخ ...
ههههههههههه ايه شنسوي احسن مكان للمهاوشه هو المطبخ <<يعني مو عشان نطبخ
والله رجال يامابي
ايه رجال ..لايكون الاخت مشككه برجولة زوجي

الله يهديك ليش استعجلتي >>> تقصد يوتو وسوسي


اجل متى اخلف ان شالله لاعجزت ..

ثلاث والله كثرتي ماراح احد يكرف الا انتي


أقولك بركه بس , بغت توهقني وتخليلي خمسه اولاد ..
وهذا باقي مامات >>>ابغى افتك منه
بسم الله على مشببي , فال الله ولا فالك
طيب الله يهدي بي ليش ماجاب خدامه مع مشبب ولا البخل ..؟؟
اقولك مو بخييييييييييييييل وشبك على الرجال وبعدين فيه خدامتين بعد مو وحده بس يجرون ورا العيال وينتبهون لهم

ااااااااااااااااف بسرعه مين الاولى ومين الثانيه
دام عيالكم بكبر بعض ..؟؟؟؟؟
ههههههههههههههه انا طبعا الاولى ..لأن في ذيك الليله بعد استعنا بصديق لحل الاشكال من يعني ينام عندها اول فطلبنا من ساني الحظور وجات مسكينه على وجه السرعه وكالعاده لعبت معنا قصة الخاتم وانا فزت ونام بيبي عندي اول

ههههههههههههههههههههههههههههههههههههه
ياقلبي يا يوتو والله انك على نياتك

ياسوسي حرام عليك تسوين كذا بيوتو ..... خليها من ورا ظهرها خخخخخخخخخخخخخخ
وانا عارفه ماتسوين كذا فيني
ياحبني فيكم

يووووووووووووووووني شكلك ناويه على موتك ..لازم يعني توهقيني مع ام بدر وتخربين الاجواء العائليه علينا
طبعا انا امزح معك ومستحيل انا ابيع او اخون من احبه <<اقصد ام بدر ويونجاي

سوسي تعرفيني ما افلح اتغزل باحد وهذا التشبيه الي طلع مع اني اكره ولد قرداحي
اعرف ان الغزل في جهه وانتي في جهه بس ولو مهما كان ماتشبهينه بولد القرداحي

المصيبه ان ام بدر تجيب حاجات ولا في البال
وهذا احلى مافيها ..فديت بدر وامه


خلص ردي عليكم >>> بعد ماسوت مشكله بتمشي

ماقصرتي منجد مطيريه بنمره واستماره بس بكسر راسك على المشكله الي سببتيها لي عشان مره ثانيه تبعدين عن الفتن
لي باااااااااااك للتعليق على قصه فنو

[فتـــاة الهند]

سوري أنا حأعقب في رد تاني لأنو الخط مو راضي يكبر هنااااااااااااا

[فتـــاة الهند]

الباااااااااااااارت الأخييييييييرررررررر الجزء الأول

باقي دقايق على طلوعنا للطيارة وكان حبيبي تومو واقف مسكر عيونوا له مدة كأنوا مافيلوا روح فحضنتوا وماقدرت أمسك نفسي سرت أبكي ..

بس الغريبة !! ولا كأني حاضنتوا !!

ولا حركة حتى !! مغمض عيونوا وكأنوا تعابير الحزن كلها أرتسمت على وجهوا وساكت وقتها !!

__أحاسيس تومو__ أنا مني قادر أتحرك وماأبغى أشوفها وهية منهارة لكن قلبي زي الجمر آآآآآآآآآآخ ليش أانا مني قادر أسوي حاجة لأحب إنسانة ليه في الوجود ماأبغى أشوفها تبكي ... حتى مني قادر أحرك يدي وأحتويها ليه !! ليش ؟؟ أخاف ماأتركها تروح ..

أنا خلاص أبغا أموت من كثر الألم والحزن إلين سمعت تنهدوا حطيت يدي على وجهووا

قلتلوا : آآآآآآسفه قوميني هونتوني قوميني ماقدرت أوفي بالوعد لكن حتكون الإنسان الوحيد اللي أحبوا .

وقتها فتح عيونوا طل فيه وحضني بدون روح .

وجا سيمو: وقلي هيا الطيارة

وطلعت الطيارة وأنا أطل فية لقيتوا زي ماهوة بس إاللي اتغير إنو رفع يدو ورفع أصباعوا الصغير وسوى حركة الوعد وابتسم ودموعوا بدأت تنزل




وأنا رفعت أصباعي وسويت نفس الحركة ... وقعدت أبكي يصوت عالي
وقال بصوت عالي : أنا على الوعد لآخر يوم في حياتي وما في ولا فتاه تقدر تآخذ مكانك أبدا دااااااااااااااااااااااااااااااايسكي داااااااااااااااااااااايسكي
فنو : دااااااااااايسكي

وقعدت أطل من الطيارة علية وهوة رافع يدو ويبكي وريو ماسكوا وكل اللي حولينوا من اصحابوا رافعين يدهم يودعونا إلين سرت أشوف مكان حبيبي سراب في سراب ..
إلين ماسرت أسمع شي الإ دقات قلبي الموحشة اللي من قوتها أحسها تبى تقتلني ووسار مكان حبيبي في عيني خالي إلا من دموع منهمرة ماتتوقف وهية الدلالة على وجودو لأني سرت ماأشوف تومو حبيبي وكل ماأفتكروا أحس بنفس الدموع الحارة تحرق وجهي الحزين المشتاق ..


يتبع >>> الجزء الثاني والأخير من البارت الأخييييييييييييييييييير

[فتـــاة الهند]

في الهند ومرررت الأيام ووالشهور وأنا وياه عايشييين بأجساد لكن بدون رواح وكنا يوميا نتكلم ..

وفي يوم جاني إيميل من تومو وقلي إنوا ألف شعر إسموا "ملحمة جينزا" وشكلها حتكون أغنيتوا الجديدة :

طبعا لو لاحضتوا الكلمات تكلم عن العطر والخاتم ..

وأنا مني عارفة إيش أرد عليه ورسلتلوا رسالتي وكانت وعد مني

والين دحين إحنا مبتعدين جسدين لكن قلوبنا واحدة وأرواحنا واحدة

لفته

ليس كل شخص يتنفس هو حقا يعيش ..
لأنه من الصعب أن ننسى دقاتَ قلوبٍ سكنت قلوبنا ..

وحتى إن كنا نعيش في عالم جميل ..
ومجتمع أجمل ..
فلا تزال قلوبنا غائبه منا في متاهات الوعد الأبدي و الحب الأسطوري ..
الذي يعيش في الأحشاء رغم الكل ..
ورغم التحديات ..
سيعيش الحب الحزين على أمل إيجاد الفرج ..
في يوم ما ..

وبهذا انتهت أسطورة الوعد نهاية حزينة مفرحة بعض الشيء لأن جميع لحظات الحب سعيدة إن كانت حزينة أو مفرحة ففي كلا الحالين يشتعل القلب حبا والعين شغفا وولها فتكون السعادة الوصف الأورع دائما لكلا هذه اللحظات ..

وإلين دحين قصة القلبين باقية ومحا تنتهي إلا بإنتهاء روحينا .

ولو يوم من الأيام سمعتوا إنوا تومو أسلم أعرفوا إنوا أتزوج هههههـ

النــــهــايــة

ملف الوورد القصة كاملة منسقة



http://www.gulfup.com/do.php?id=900387






فتاة الهند



كاتبة الخرافة الأسطورية هههـ اللي هية أنا ..



أقول لكل القراء الحلوين :



أولا بعض المواقف حصلت في الحقيقة ...



وسوري إني قصتي رومنسية بحته لأني ماأعرف أدخل الكوميديا في الحب لأن أشوفها تقلل من التأثير العاطفي للقراء ..



أنتظر أحلى ردودكم ياحلوين نيوزين أو غير نيوزين هههـ




المخلصة في زمن انعدم فيه الإخلاص
أحبكم