مواقف لاتنســـــــــــــى

[judeath]

هذا موقف ثاني اتمنى انه يعجبكم




طبعا كنا ندور عروس لخالي واهلي كانوا رايحين يشوفوا صديقة بنت خالتي


وعلى بالي كبيره وفاهمه هالشغلات وقلت يالله بروح معكم وليتني ما رحت


المهم اتكشخت على سينقت عشره ويالله رحنا للناس


دخلنا وسلمنا وجلسنا مع الناس المهم انا وبنت خالتي وصديقتها جلسنا مع بعض بكنبه بعيده شوي عن الكبار


طبعا من زين الحظ البنت جالسه على يميني وبنت خالتي على يساري يعني انا في الوسط


وبسم الله على ذكاائي رحت للناس وانا على لحم بطني ما اكلت شي


وكنت خايفه يطلع صوت بطني فكنت اسوي عملية الشهيق والزفير لعلى وعسى مايطلع صوت


المهم وحنا نسولف جت لحظة هدوووء وفجــــــأه صووت بطني يطلع زيييييييييييط هو طلع ويلا ما طلع انا زرقت خضرت مدري


عاد بنت خالتي تفكر الصوت من صديقتها ماتوقعته انه مني


الا ما اشوف الا البنت قامت وجابتلي صحن فطاير سمعت الصوت وراح تجيبلي شي يسد جوعي يلعن ام الفشيله


بنت خالتي تفشلت من فشيلتي


ومن الفشيله اكلتلي كم حبة فطااير يكفي البنت سمعت يعني مو ناقصيني الكبار يسمعون كمان


طبعا ماصدقت رجعت البيت ونفقع من الضحك انا وبنت خالتي على هالفشيله


هههههههههههههههههههههههههههههههه


ومن بعد هاليوم البنت حبتني ودايم تسال عني وعزمتني على زواجها


ولكن درس ماعاد اطلع من البيت الا وبالعه اي شي تعقدت حتى اهلي تعقدوا مني صاروا مايطلعون من البيت الا وهم ماكلين شي


والله هالموقف ما انسااااااااااااااه ابدا



يالله انتظر ردودكم